29
MURTUZ MURADOV
Murtuz Məşəditağı oğlu Muradov 1909-
cu ildə Ermənistanda anadan olub. 9-cu sinifi
bitirdikdən sonra Moskvada jurnalistika
kursunda təhsil alıb və sonra Tifl sə gəlib.
İlk əmək fəaliyyətinə “Sovet Gürcüstanı”
qəzetində mətbəə işçisi kimi başlayıb. Sonralar
qəzetin məsul katibi işləyərkən qısa hekayələr,
felyetonlar, oçerklər yazıb və rus ədəbiyyatından
tərcümələr edib. O, qəzet bağlanana qədər bu
vəzifədə əsl jurnalist kimi özünü göstərə bilib. Sonra o, “Zarya Vostoka”
qəzetinin tərcüməsi olan “Şərqin Şəfəqi” qəzetində çalışıb.
1960-cı il avqust ayından yenidən nəşrə başlayan “Sovet Gürcüstanı”
qəzetinin redaktoru vəzifəsinə təyin olunub. M. Muradov yorulmaq
bilmədən məqalələri dönə-dönə oxuyur, bəzi məsələlərdə qəzet
əməkdaşları və digər yoldaşlarla məsləhətləşərdi. O, bilmədiyini
soruşan və qayğıkeş insan olub. Onun xasiyyətində yumorla danışmaq
da vardı. Hərdənbir baməzəlik edib redaksiya işçilərini güldürmək kimi
xasiyyəti də olub. O, çoxlu qaravəlli və lətifələr danışmağı bacarırdı. Kin
saxlamaq onun xasiyyətinə yad olan xüsusiyyət idi. Redaksiya işçilərini
danlayandan sonra gülməli bir lətifə danışıb hamının könlünü alardı,
heç kim ondan narazı qalmazdı. Sadə, mehriban və gülərüz bir insan idi.
Murtuz Muradov anadan elə əsl redaktor kimi doğulmuşdu.
30
DÜNYAMALI KƏRƏM
Dünyamalı Kərəm oğlu Əliyev 1920-ci il aprelin
28-də Borçalının Qoçulu kəndində anadan olub. O,
ilk təhsilini doğma kəndində, orta təhsilini isə qonşu
kənd orta məktəbində alıb.
1937-1940-cı illərdə Tifl isdəki Pedaqoji
Məktəbdə təhsil alıb və bu maarif ocağını
bitirdikdən sonra təyinatla İmirhəsən və Qoçulu
kənd məktəblərində direktor vəzifəsində çalışıb.
D. Kərəm 1949-cu ildə Azərbaycan Dövlət
Universitetinin jurnalistika fakültəsinə daxil olub və 1954-cü ildə
universiteti bitirdikdən sonra bir müddət “Kommunist” qəzetində
müxtəlif vəzifələrdə çalışıb, sonra isə doğma vətəni Borçalıya qayıdıb.
Gürcüstana qayıtdıqdan sonra Dünyamalı Kərəm 1961-ci ildən yenidən
fəaliyyətə başlayan və müxtəlif fasilələrlə nəşr edilən “Sovet Gürcüstanı”
qəzetində jurnalistlik fəaliyyətini davam etdirib. Dünyamalı Kərəm bu
qəzetdə ən çox və eyni vəzifədə (məsul katib) çalışan bir jurnalist olub.
Gürcüstanda Azərbaycan dilində nəşr olunan mətbuat orqanlarının
inkişafında və gənc jurnalistlərin yetişməsində Dünyamalı Kərəmin
böyük rolu olub.
Dünyamalı Kərəm tanınmılş bir publisist kimi Borçalıda həyatın
bütün sahələrini işıqlandıran məqalələr qələmə alıb və eyni zamanda
tərcüməçiliklə də məşğul olub. O, qəzetdə müntəzəm olaraq şeirlərini
çap etdirib, şair kimi oxucuların sevimlisinə çevrilib. 1994-cü ildə onun
“Borçalım mənim” adlı şeirlər kitabı nəşr olunub, sonralar “ Mən atamın
oğluyam” və s. kitabları Tifl is və Bakı şəhərlərində çap olunub.
Dünyamalı Kərəm 1994-cü ildən Gürcüstanın Əməkdar Jurnalisti
fəxri adına layiq görülüb. 2003-cü ildə Gürcüstan dövlət prezidentinin
sərəncamı ilə qocaman jurnalist “Şərəf” ordeni ilə təltif olunub.
Hal-hazırda 95 yaşı tamam olan qocaman jurnalist yenə qələmini
əlindən qoymur, istər Gürcüstanda nəşr olunan Azərbaycandilli mətbuat
səhifələrində, istərsə də Azərbaycanda çıxan qəzetlərdə, internet saytlarda
maraqlı və tarixi özündə əks etdirən məqalələr çap etdirir, imzası görünür
imazalar içində. Bu il qocaman jurnalistin 95 illik yubileyi onun anadan
olduğu Qoçulu kəndində təntənəli şəkildə qeyd olunub, yubilyara müxtəlif
fəxri fərmanar verilib.
31
RİZVAN ƏLİYEV
Rizvan Musa oğlu Əliyev 1922-ci il fevralın
1-də Tifl is şəhərində ruhani ailəsində anadan
olub. Tifl isdəki Azərbaycan orta məktəbini əla
qiymətlərlə başa vurduqdan sonra, çox gənc
yaşlarında onu Bolnisinin kəndlərindən birinə
ibtidai sinif müəllimi göndərirlər.
R. Əliyev 1940-cı ildə Tifl is Pedaqoji
İnstitutunun riyaziyyat fakültəsinə daxil olub.
Böyük Vətən Müharibəsi başlayanda isə
ordu sıralarına çağırılıb. Onu Azərbaycan, gürcü və rus dillərini yaxşı
bildiyi üçün hərbi komissarlıqdan birbaşa təlimatçılar hazırlayan kursa
göndəriblər.
R. Əliyev ordudan qayıtdıqdan sonra yarımçıq qalan təhsilini davam
etdirib. O, 1948-ci ildə Marneuli Pedaqoji Texnikumda dərs hissə müdiri
işləyib, eyni zamanda parallel olaraq daha bir humanitar ali məktəbi də
bitirib.
R. Əliyev 1955-ci ildən Gürcüstan Radiosunun Azərbaycan dilində
verilişlər redaksiyasında, sonra “Şərqin şəfəqi” (“Zarya Vostoka”), daha
sonra “Sovet Gürcüstanı” qəzetində ədəbi işçi və ən yüksək vəzifələrdə
çalışıb.
O, 1963-1964-cü illərdə Sov. İKP. MK-nın Zaqafqaziya bürosunda
işləyib və yenidən mətbuat sıralarına qayıdıb.
Həmin illər Rizvan Əliyev eyni zamanda tərcüməçi kimi də fəaliyyət
göstərib və Gürcüstan tarixi və coğrafi yasına dair Azərbaycan dilində
olan orta məktəb dərsliklərinin hazırlanmasında yaxından iştirak edib.
R. Əliyev 1967-ci ildə Bakı şəhərinə köçüb və müxtəlif məsul
vəzfələrdə şalışıb. O, təqaüdə çıxdıqdan sonra Azərbaycan radiosunun
gürcü dilində verilişlər redaksiyasında redaktor vəzifəsində çalışıb.
Rizvan Musa oğlu Əliyev 2001-ci il sentyabrın 1-də Bakı şəhərində
vəfat edib və bu şəhərdə də dəfn olunub.
32
TEYMURAZ CƏFƏRLİ
Teymuraz Məmməd oğlu Cəfərli 1922-ci
ildə Tifl is şəhərində ziyalı ailəsində anadan
olub. Atası Məmməd kişi əslən Borçalının
Sarvan kəndindən idi. Məmməd Cəfərli ünlü
Borçalı ziyalılarından olub və bir çox rəhbər
vəzifələrdə-əvvəlcə qəza, sonra rayon partiya
komitəsinin birinci katibi vəzifəsində işləyib.
Teymurazın valideynləri 1937-ci ildə repressiya
qurbanı olub. O, Tifl isdəki qohumlarının himayəsi
altında böyüyüb və orta məktəbi Tifl isdə bitirib. T. Cəfərli Tifl is Dövlət
Universitetinin fi lologiya fakültəsinə daxil olaraq, 1945-ci ildə bu ali
məktəbi başa vurduqdan sonra müxtəlif mətbuat orqanlarında çalışıb.
1952-ci ildə Tifl is Şəhər Sovetinə təlimatçı vəzifəsinə qəbul olunub.
Həmin vaxtdan etibarən paralel olaraq pedaqoji sahədə də çalışmağa
başlayıb. A.S. Puşkin adına TDPU-də (indiki İlya Universiteti) estetika
və etika kafedrasının müdiri seçilib.
1972-ci ildə “Etik kateqoriyaları, tarixi və ümumi məsələləri”
mövzusunda doktorluq dissertasiyası müdafi ə edərək fəlsəfə elmləri
doktoru elmi dərəcəsini alıb.
T, Cəfərli 1974-1981-ci illərdə Gürcüstan KP MK-nın
təbliğat-təşviqat şöbəsinin müdir müavini vəzifəsində işləyib.
Professor T. Cəfərli sonrakı həyatını yenidən mətbuata bağlayıb və o,
1984-cü ildən başlayaraq ömrünün sonuna kimi “Sovet Gürcüstanı”
(“Gürcüstan”) qəzetinin redaktoru olub.
Professor T. Cəfərliinin nüfuzlu mətbuat orqanlarında yüzlərlə elmi,
elmi-kütləvi məqalələri və 25-ə qədər sanballı və məzmunlu kitabları çap
olunub. İstedadlı alim 60-dan artıq beynəlxalq konfransda dəyərli elmi
çıxış edib.
Teymuraz Məmməd oğlu Cəfərli 1988-ci ildə “Sovet Gürcüstanı”
qəzetində çalışarkən vəfat edib və Tifl isdəki tanınmış şəxsiyyətlərin
qəbiristanlığında dəfn edilib.
Dostları ilə paylaş: |