24
Mingəçevir ətrafında aparılan arxeoloji qazıntılar burada III-V
əsrlərdə üzümlüklər, meyvə bağları və bostanların geniş yer
tutduğunu göstərmiş oldu. Qazıntılar zamanı bir neçə sortda üzüm
toxumları, zoğal, ərik, şaftalı, nar, qarpız, qabaq tumları tapıl-
mışdır. Alovlu təpədə bağçılıqda işlədilən alət (quru zoğları
kəsmək üçün oraqaoxşar alət) tapılmışdır.
Tarixi qaynaqlarda II-III əsrlərdə Mil düzündə də tənəklərin
bol məhsul verməsi haqqında məlumatlar vardır.
Bizim eradan əvvəl üzüm bitkisinin becərilməsi və ondan
məhsullar hazırlanmasına dair də yazılı məlumatlar verilmişdir.
Antik dövr (b.e.ə. I-V əsrləri əhatə edən dövr roma quldarlıq
icması dövrü) qədim Yunan və Roma şərabçılığı fərqliliyi ilə
heyrət doğurur.
Qədim Yunan şairi Gesiod (b.e.ə. VIII-VII əsrlər) üzüm yığıl-
dıqdan sonra onu 10 gün günəş altında və 5 gün kölgədə qurut-
mağı təklif edirdi. Bu yolla alınan şirə 40-50% şəkərliyə malik
olur. Onun qıcqırması zamanı 15-16% spirt alındıqda qıcqırma
dayanır. Çünki mayaların fəaliyyəti inaktivasiya olunur.
Azərbaycanda da çox qədimdən turşaşirin
adlanan içki istehsal
olunurdu. Onu hazırlamaq üçün üzüm yaxşı yetişkənlikdə yığılır.
Əzilərək darağı ayrılırdı. Əzinti sıxılaraq alınan şirə açıq qazan-
larda zəif od üzərində bir qədər şirə qatılaşanadək saxlanırdı. Şirə
soyuduqdan sonra qıcqırdılmaq üçün küplərə doldurulurdu. Belə
şirənin şəkərliyi təqribən 35-50 faiz arasında tərəddüd edir.
Yüksək şəkərlik şirənin tədricən qıcqırmasına və müəyyən vaxt-
dan sonra qıcqırmanın öz-özünə dayanmasına zəmin yaradır.
Alınan şərabda spirtlik və şəkərlik harmoniya təşkil etməklə, şərab
xoşagələn turşaşirin dadı ilə seçilir. Şərabın adlanması da məhz
onun bu xüsusiyyətindən irəli gəlirdi.
Bəzən üzümdə yüksək şəkərlik təmin etmək üçün tənək
üzərində yetişmiş üzüm salxımının saplaqdan burulması aparılırdı.
Nəticədə salxımla ana bitki arasında əlaqə kəsilir və glədə şəkərin
nisbi miqdarı artırdı. Tarixən xiyabanda becərilən belə üzümün
şəkərliyi 50%-ə qədər ola bilirdi. Ondan hazırlanan turşaşirin
yüksək orqanoleptik göstəriciləri ilə seçilirdi.
25
Yunan şərabları haqqında ətraflı məlumata Homerin “İlliada”
və “Odisey” əsərlərində (b.e.ə. XII-VII əsrlər) rast gəlinir. Burada
köpüklü şərablar, həmçinin çoxillik, yəni on bir il saxlanan
şərablara dair məlumatlar verilir.
Şərabların xarab olmasının qarşısını almaq, müalicəvi əhəmiy-
yətini yaxşılaşdırmaq və dadını dəyişmək üçün ona bitki və
mineral mənşəli maddələr vurulurdu. Bu maddələrdən xörək duzu-
nu, dəniz suyunu, gipsi, üzüm yarpaqlarından alınan külü, ağ gili,
şirin və acı badamı, kişmişi, şüyüd toxumlarını,
südü və digərlərini
göstərmək olar. Qeyd olunan inqredientlərin bəziləri indi də
istifadə olunmaqdadır.
Yüksək şəkərliyə malik üzümdən, arı balı və ya üzüm şirəsi -
əlavə eduilməklə hazırlanan şərab yüksək tündlüyə və şəkərliyə
malik olurdu. Məhz yunanların şərabı su ilə duruldub içmələrinin
əsasında bu amilin durması ehtimal olunandır.Yunan və romalilar
şərab qabi kimi saxsi qabin əhəmiyyətini dərk edərək onun
hazırlanmasına xüsusi diqqət yetirirdilər.
Alban tarixçisi Movses Kalankatlı (VII əsr) Azərbaycanda
çoxlu üzüm yetişdirildiyini göstərmişdir.
Onun sözlərinə görə kənddə insanlar 3 qrupa bölünürdü:
“imkanı olanlar”, “kasıbçılıq çəkənlər” həmçinin zəmisi və üzüm-
lüyü olmayan kəndlilər.
Imkanı olanlar kilsəyə 4 ölçüdə buğda, 6 ölçüdə arpa (ərəb-
lərdə ölçü təqribən 3/4 m
2
idi) və 6 cam üzüm şirəsi verməli idi.
Imkansızlardan onun yarısını alırdılar.
Mahmud İsmayılovun 1993-cü ildə buraxılan «Azərbaycan
tarixi» kitabının 122-ci səhifəsində oxuyuruq: «IX-X əsrlərdə
Azərbaycanda üzümçülük bağçılığın mühüm sahəsini təşkil edirdi.
Burada müxtəlif üzüm sortları yetişdirilirdi». Həmin kitabın 126-
cı səhifəsində isə belə göstərilir: «XII yüzillikdə Azərbaycan,
xüsusən Bərdə, Şamaxı, Gəncə, Şəkidə də baramaçılıq, bağçılıq,
üzümçülük inkişaf etmişdi».
Ərəb coğrafiyaçısı Əl – Muqqədəsi X əsrdə Azərbaycanda
böyük sahələrdə meyvə və üzüm becərildiyini yazırdı.
XII əsrdə Suriyadan olan Mixail adlı salnaməçi Azərbaycanın