29
misindəki şərabdan içən fransızlar həmin şərabı ürəkdən tərifləyir
və məşhur burqund şərabına bənzədirlər. Bu görüş 1856-cı ilə
təsadüf edirdi. Bundan bir neçə il sonra dərziliyi buraxan Forer
özünü tamamilə üzümçülük və şərabçılığa həsr etdi. İşə onun dörd
oğlu – Fridrix, Qotlob, Xristofer və Henrix də qoşuldu.
1847-ci ildə bir desyatin üzümlüyü olan forerlərin 1897-ci ildə
artıq 740 desyatin üzümlüyü var idi.
Forerlər ailəsinin əldə etdikləri torpaqlar əvvəllər becərilmə-
miş və zəhərli ilanların məskən saldığı yerlər idi. Odur ki, bu
torpaqların istifadəsi çox təhlükəli idi. Lakin forerlərin istedadı
burada da özünü göstərdi. Belə ki, onlar həmin sahəyə zəhərli
ilanların sancmasından qorxmayan və ilanlara qənim kəsilən
donuzları qovur və onların ardınca torpaqda plantaj şumu qal-
dırırlar. Azərbaycan əkinçilərinin «kəhriz»lə suvarma təcrübə-
sindən istifadə edən forerlər yeraltı kanallar (kəhrizlər) çəkərək
bütün üzümlüklərin suvarmaq imkanı əldə edirlər.
Şuşa yaxınlığında dağlıq «Daşaltı» malikanəsində də
üzümlüklər salınır.
Kartalin və Kaxetdən fəhlələr dəvət edən Forer qardaşları
Yelenendorf və Qarayeridə (indiki Samux rayonu) şərab hazır-
layan və saxlayan zirzəmilər tikirlər. Yelenendorf zirzəmilərində
100 min vedrə, Qarayeridə 34 min vedrə şərab saxlanırdı. Hazır
şərablar Rusiyanın Sankt-Peterburq, Moskva, Tomsk, Odessa,
Vladivostok şəhərlərində, həmçinin Almaniya, Hollandiya,
İngiltərə, İsveçrə, İsveç və s. ölkələrdə satılırdı.
Əmtəəlik nişanı olan «Forer qardaşları», «Hummel qardaşları»
və digər şərab istehsalçıları müxtəlif bölgələrdə öz ticarət evləri ilə
müvəffəqiyyətlə təmsil olunurdular. Forer qardaşlarının rəmzi
«şərab çəlləyi üzərində qartal», hummellərinki «üzüm bitkisi
üzərində bal arısı» idi.
Forer qardaşları ilə yanaşı, Azərbaycanda üzümçülük və
şərabçılığın inkişafına Hummel qardaşlarının (Yakob, Albert,
Georq və Qotlob) da böyük təsiri olmuşdur. Onlar Gəncədə gözəl
avadanlıqlara və tərtibata malik 1 saylı Gəncə şərab zavodunu
tikmişlər.
30
Tarixi mənbələrdən məlumdur ki, 1892-ci ildə Yelenendorfda
Forer qardaşları tərəfindən ilk konyak zavodu işə salınmışdır.
Alınan konyak spirtini zirzəmilərdə yerləşdirilmiş palıd çəllək-
lərdə yetişdirirdilər. XIX əsrin sonu, XX əsrin astanasında istehsal
olunan Azərbaycan konyakları dünya şöhrəti qazandı. Fransada
(Puatye, Paris, Lion) keçirilən dünyanın nüfuzlu baxışlarında
aparılan dequstasiya zamanı Azərbaycan konyakları üç il dalbadal
qızıl medallara və qran-priyə layiq görüldü.
Mixail Ballas 1897-ci ildə nəşr etdirdiyi “Rusiyada şərabçılıq”
III hissə - Zaqafqaziya kitabında 1895-ci ildə Şamaxı qəzasının 55
kəndində 6529 ha və Göyçay qəzasının 150 kəndində 8291 ha
üzümlüklər olduğunu göstərirdi. Həmin il üzümlüklər üçün
məhsuldar olmasa da Şamaxı qəzasında (317372 pud) 5 min tona
yaxın, Göyçay qəzasında (635330 pud) 10 min tona yaxın üzüm
istehsal edilmişdi. Təkcə Qazax ətrafındakı 600 desyatın üzümlük-
dən orta hesabla 130000 vedrə şərab istehsal edilirdi.
1895-ci ildə Azərbaycanda 44756 desyatın (1 desyatin=1,09
ha) üzümlükdən 65000 ton üzüm yığılmışdır.
Qafqaz statistika idarəsinin məlumat məcmuəsinin III cildinin
275-ci səfifəsində qeyd olunurdu ki, “yerli camaatın əlində olan
bağların ən yaxşısı Jelizavetpol şəhərindədir”. İ.L.Serebryakov
1861-ci ildə şəhərin 1774 desyatın torpağının yarısından çoxunun
üzümlüklər altında olduğunu qeyd edirdi.
1850-1874-cü illərin Qafqazla bağlı statistik məlumatlarına
görə Jelizavetpol şəhərində 1000 desyatın üzümlüyün hər
desyatinindən 360 pud üzüm alınmaqla, orada 315000 vedrə şərab
istehsal edilmişdi.
1913-cü ildə Azərbaycanda üzümlüklərin sahəsi təqribən 25
min ha, üzüm istehsalı 105 min ton, şərab materialı istehsalı 4 mln
dala yaxın, konyak 0,2 min dal olmuşdur. 1867-1908-ci illərdə
Azərbaycan şərabları dünya sərgilərində 13 qızıl medal almışdı.
Bütün bu işlərdə Forer qardaşlarının misilsiz xidmətləri xüsusi
qeyd olunmalıdır. İnqilaba qədər kampaniyanın başçısı Xristofer
Forer dəfələrlə fəxri mükafatlara – böyük qızıl medala, Stanislav
lentində gümüş medala və s. layiq görülmüşdür.
31
Azərbaycan Demokratik Respublikasının yaradıcıları tərəfin-
dən Alman koloniyalarının xidmətləri yüksək . Belə ki, 1918-ci
ilin dekabrında Yelenendorf koloniyasının başçısı Lorens
Yakvleviç Kun-şuls Azərbaycan parlamentinin üzvü seçilmişdi.
1941-ci ildə Stalinin ədalətsiz əmri ilə Azərbaycan sakinləri
olan almanlar Qazaxıstanın soyuq və ac düzlərinə sürgün olundu-
lar. Lakin onların qurub-yaratdıqları zavodlar, zirzəmilər və yaşa-
yış binaları hələ də yaşamaqda öz memarlığı baxımından diqqəti
cəlb etməkdədir. Təəssüflə qeyd etmək lazımdır ki, 70 il Sovet
hakimiyyəti dövründə Azərbaycanda Forer və Hummel qardaşla-
rının tikib qoyduğu zavodlara oxşar bir zavod belə tikilməmişdir.
1920-ci ildə sabiq Gəncə mahalının mülkədar malikanələri
əsasında ilk səkkiz üzümçülük - şərabçılıq sovxozları yaradıldı.
Bunlar «Privokzal», «Sadıllı», «Xaraba yeri», «Şamxor», «Qara
yeri», «Qara Çanax», «Qara Arx» və «Alabaşlı» sovxozları idi.
1922-ci ildə Azərbaycan üzümçülük-şərabçılıq tresti «Azşə-
rab», Qarabağda «Qarşərab», Naxçıvanda «Naxşərab» yaradıldı.
1925-ci ildə «Azşərab» idarəsi Azərbaycan Dövlət Şərab-spirt
trestinə çevrildi. Azərbaycanın rayonlarında üzümçülük və şərab-
çılıqla məşğul olan sovxozlar və kolxozlar yaradıldı.
1935-ci ildə Xanlar (indi Göygöl) rayonunda Bayanşirə üzüm
sortundan eksperimental qaydada butulka üsulu ilə şampan alındı.
1937-ci ildə isə respublikamızda ilk dəfə Xanlar rayonunda
şampan şərablarının sənaye istehsalına başlandı.
1931-ci ildə Kirovabad (indiki Gəncə şəhəri) şəhərində Üzüm-
çülük, şərabçılıq təcrübə stansiyası 1957-ci ildə Naxçıvan, 1958-ci
ildə isə Xankəndi kompleks zona təcrübə stansiyaları yaradıldı. Bu
stansiyalar üzümçülük və şərabçılığın inkişafında müəyyən rola
malikdirlər. 1950-ci ildə Azərbaycanda şərab istehsalı 1,9 mln
dala çatdı.
İkinci dünya müharibəsinin başlanması kənd təsərrüfatının
başqa sahələrində olduğu kimi, üzümçülük və şərabçılığa da
böyük zərbə vurdu. Min hektarlarla üzümlüklər, minlərlə şərab
zavodu yerlə-yeksan oldu. Təkcə bir faktı qeyd etmək yerinə düşər
ki, 1947-ci ildə respublikamızda üzümlüklərin ümumi sahəsi
Dostları ilə paylaş: |