184
şusu lazımdır. Müəyyən olunmuşdur ki, bütün növ süd turşusu
bakteriyalarının çoxalması üçün qlütamin turşusu lazımdır. Valın
eyni zamanda α-aminyağ turşusu bakteriyaları tərəfindən sintez
oluna bildiyindən onların mühitdə mövcudluğu mütləq deyildir.
Şərabda aminturşuların miqdarı hətta onu sintez edə bilməyən
süd turşusu bakteriyalarının ştamları üçün belə kifayət qədərdir.
Müxtəlif vitaminlər də süd turşusu bakteriyaları üçün inkişaf
faktorudur. Süd turşusu bakteriyalarının bütün ştamlarının panto-
ten və nikotin turşularına ehtiyacı vardır. Ayrı-ayrı ştamlar məsə-
lən, Lactobacillus Casei üçün riboflavin və fol turşuları lazımdır.
Fol turşusu həmçinin Lenconostoc oenos növünün inkişafı üçün
vacibdir. Lenconostoc ailəsi bakteriyalarının tiaminə ehtiyacı
vardır. Müxtəlif ailələrə aid olan bəzi ştamların inkişafına piridok-
sin və biotin tələb olunur. Şərab və üzüm şirəsində yüksək
miqdarda B qrup vitaminlər olur. Bu miqdar hətta onlarda inkişaf
edən süd turşusu bakteriyalarının tələbatından daha artıqdır.
Mineral birləşmələr süd turşusu bakteriyaları tərəfindən az
miqdarda mənimsənilir. Məlum olmuşdur ki, mühitdən kationlar
tam kənar edildikdə süd turşusu bakteriyalarının çoxalma fəallığı
aşağı düşür. Əgər mühitə K
+
, Na
+
və Mg
+
yxud Mn
+2
ionları əlavə
olunarsa həmin xüsusiyyət yenidən bərpa olunur. Süd turşusu
bakteriyalarının inkişafına kalium daha müsbət təsir göstərir.
Kaliumla zəngin olan şirədə turşuluq azaldılma prosesi daha tez
baş verir.
Bəzi ştamlar üçün turşuluğun aşağı salınması üçün 30 mq/dm
3
kalium kifayət etdiyi halda faktiki şirə və şərabda onun miqdarı
0,1-dən 1,8 q/dm
3
arasında dəyişir.
Bir çox hallarda süd turşusu bakteriyalarının inkişafını karbon
qazı stimulə edir. Süd turşusu bakteriyalarını fakultativ
anaeroblara aid etmək olar ki, onlar da oksigensiz şəraitdə də
inkişaf etmək xüsusiyyətlidir. Mühitdə CO
2
tam olmadıqda süd
turşusu bakteriyalarının inkişafı tormozlanır.
185
5.1.4.6. Mayaların süd turşusu bakteriyalarının inkişafına
təsiri
Şərabda süd turşusu bakteriyalarının inkişafı spirt qıcqırmasını
təmin edən maya ştamlarının təbiətindən asılıdır. Müxtəlif maya
ştamları bakteriyaların inkişafını ləngidə bilər yaxud ona stimulə-
edici təsir göstərə bilər.
Mayaların populyasiyası yaxud süd turşusu bakteriyalarının
mühitdə birgə halında üstün inkişafı mühitin fəal turşuluğundan
asılıdır. pH-ın 3,6-dan yuxarı qiymətində bakteriyaların inkişafı
müşahidə olunur.
Maya və bakteriya florasının qarşılıqlı əlaqəsinə temperatur da
təsir göstərir. Belə ki, aşağı temperaturda (10-15
0
C) bakteriyaların
məhvi güclənir.
Birgə kulturlarda bakteriyaların morfoloji səciyyəsi dəyişir.
S.cerevisiae maya hüceyrələrinin mövcudluğunda laktobasillər
qeyri cinsli olur, uzanmış formaları meydana çıxır.
Müəyyən olunmuşdur ki, süd turşusu bakteriyaları spirt qıcqır-
ması başa çatdıqdan sonra fəal çoxala bilir. Spirt qıcqırmasının
əvvəlində maya populyasiyasının fəal çoxalması, süd turşusu
bakteriyalarının həyat fəaliyyəti üçün lazımdır. Məlum olmuşdur
ki, spirt qıcqırması başa çatdıqdan sonra mayalar dərhal kənar
olunarsa süd turşusu bakteriyalarının çoxalması kəskin ləngiyir və
yalnız mühitə lazım olan qida maddələri verildikdən sonra onların
inkişafı bərpa olunur.
Bioloji fəal maddələrlə zəngin olan maya çöküntüsündə süd
turşusu bakteriyalarının fəallığı artır. Belə hesab edirlər ki, maya
çöküntüsünün mövcudluğu alma-süd turşusu qıcqırmasını stimulə
edən ən vacib şərtlərdəndir. Mühitə maya avtolizatı əlavə
olunduqda da analoji səmərə müşahidə edilir.
5.1.4.7. Süd turşusu bakteriyaları tərəfindən şərabın
tərkibinin dəyişməsi
Həm süd turşusu bakteriyaları, həm də mayalar yalnız şərabın
186
bulanıqlığını deyil, eyni zamanda xəstəliyini törədir, onun mövcud
orqanoleptik və fiziki-kimyəvi göstəricilərini pisləşdirir və onu
tam istifadəyə yararsız vəziyyətə salır.
Şərabın yağımsovlaşması. Yağımsovlaşmaya (seliklənmə)
əsasən aşağı turşuluqlu və aşı maddələrinin miqdarı yüksək olma-
yan ağ şərablar yoluxur. Şərab özülü olur, yağlı maye kimi səssiz
axır. Əgər xəstəliyə qarşı ölçü götürülməzsə özülülüyün yüksəl-
məsi uçucu turşuların miqdarının artması ilə müşaiət olunur.
Yüksək miqdarda aşı maddələrinə malik olmasına baxmayaraq bu
xəstəlik qırmızı şərabları da yoluxdurur.
L.Paster şərabın yağımsovlaşmasının bakteriyalı təbiətini
müəyyən etmişdir. Keçən əsrin sonunda onun törədiciləri –
Pediococcus və Lenconostoc müəyyən edilmişdir.
Şərabın özlülüyünün ölçülməsinin nəticələri göstərmişdir ki,
turşuluğun bioloji aşağı salınması və seliklənmə eyni vaxtda
başlana bilər, bəzən isə eyni vaxtda başa çata bilər. Şərabda olan
bakteriyaların təsiri altında şəkərlər polişəkərlərə çevrilir.
Polişəkərlərin bakterial sintezi geniş yayılmış hadisədir. Bu
bakteriyalar polişəkərləri qlükoza, fruktoza, saxaroza və malto-
zadan əmələ gətirirlər. Selikləri tədqiq edən D.Ovelen və
Q.Feraxter müəyyən etmişlər ki, seliklənmə məhsulları özünü
qlükoza, maltoza və zülalın kompleks birləşmələri kimi göstərir.
Şərabda çox rast gəlinən Leuconostoc mesenteroides və
L.dextranicum, həmçinin Lactobacillus da yüksək miqdarda
polişəkərlər sintez edə bilir.
Yağımsovlaşmanın kənar edilməsi mümkündür. Qıcqırma
başa çatdıqdan sonra şərab materiallarının çoxunda mövcud olan
yüksək özlülük yapışqanlanmada itir. Bəzən yüksək özlülüyü
kənar etmək üçün əlavə dozada kükürdləmə aparılması kifayət
edir.
Şərabın acılaşması. Qeliserinin parçalanması nəticəsində tö-
rəndiyini hələ vaxtilə L.Paster göstərmişdir. Süd turşusu bakteri-
yalarında qliserin qıcqırtma xüsusiyyəti tez-tez rast gəlinmir.
Lactobasillus və Pediococcus – un 42 ştammından yalnız üçündə
xeyli miqdarda qliserini parçalamaq xüsusiyyəti aşkar edilmişdir.
Dostları ilə paylaş: |