Heccin vacib olmasi doc
Yüklə 377,46 Kb. Pdf görüntüsü
|
- Bu səhifədəki naviqasiya:
- Ikinci
|
3 ﻢﯿﺣﺮﻟا ﻦﻤﺣﺮﻟا ﷲا ﻢﺴﺑ Həccin vacib olması: Həcc İslamın beş əsasından biridir. Onun həddi-büluğa çatanlara vacib olmasını Quran, sünnə və müsəlman alimləri yekdilliklə təsdiq edirlər. Allah təalə buyurur: "Onun yoluna gücü çatan hər bir kəsin həccə gedib o evi ziyarət etməsi insanların Allah qarşısında borcudur. Kim bunu inkar edərsə. Əlbəttə, Allah aləmlərə möhtac deyildir". (3: 97)
Peyğəmbər (s.a.s) buyurub: "İslam beş əsas üzərində qurulub: ..." bunlardan biri də həcdir (Buxari və Müslim rəvayət etmişlər). Həmçinin başqa hədisdə Peyğəmbər (s.a.s) buyurur: "Ey insanlar Allah sizə həcc etməyi vacib etmişdir. Siz də həcc edin..." (Müslim rəvayət etmişdir). İslam ümməti imkanlı adama, ömüründə bir dəfə də olsa, həccin vacib olmasında ittifaq etmişdir. Həccin vacib olmasının şərtləri: 1. Müsəlman olmaq. (ət-Tövbə: 28). Çünki müşrik və kafirlərin həcci batil sayılır. 2. Ağıllı olmaq. Dəli insana ağlı başına gələnə qədər nəinki həcc, həmçinin digər ibadətlər də vacib deyil. Peyğəmbər (s.a.s) buyurub: "Üç adamın üzərindən (yəni, əməl dəftərindən – tər.) qələm qaldırılmışdır: dəli adam ağıllanana qədər, yatan oyanana qədər, uşaq həddi-büluğa (yetkinlik yaşına) çatana qədər" (Əbu Davud, Tirmizi, Nəsai və Ibn Macə rəvayət ediblər, Albani hədisin etibarlı olduğunu bildirib). 3. Həddi-büluğa çatmaq. Həcc, həddi-büluğa çatmayan uşağa vacib deyil. Həcc edən uşağın həcci doğru olsa da o, həddi- büluğa çatandan sonra İslamın əsaslarından olan həcci yerinə yetirməlidir. 4. Azad olmaq. Kölələrə həcc etmək vacib deyil. Onlar köləlik vaxtı etdikləri həcc doörudur. Lakin azadlığa çıxdıqdan sonra İslamın əsaslarından olan həcci etməlidir. 5. Imkanlı olmaq. Həcc imkanı olan adama vacibdir. Bu, Quranda açıq-aydın, sünnədə isə dəlillər ilə varid olmuşdur. Müsəlman
4 alimləri bu məsələdə yekdil fikir söyləmişlər. Imkanı olmayan adamın həcci doğru sayılır. Qadınlara məxsus əlavə bir şərt vardır ki, bu da onun yanında məhrəminin olmasıdır. Necə ki, Peyğəmbər (s.a.s) bir hədisdə buyurub: "Bir kişi ilə qadın məhrəm olmayan yerdə tənha qalmasın, bir qadın da məhrəmsiz səfərə çıxmasın" bir nəfər ayağa qalaraq: Ey Rəsuləllah! Mənim zövcəm həccə yola düşüb. Mən isə bəzi döyüşlərə yazılmışam. Peyğəmbər (s.a.s) buyurdu: "Get, zövcənlə həcc et!" (Buxari rəvayət edib).
Yuxarıda sadalanan şərtlərə cavab verən adama həmin vaxtdan həcc etmək vacib olur. Bu halda onu təxirə salmaq olmaz. Ibn Abbas t hədisdə deyir ki, Peyğəmbər (s.a.s) buyurub: "Həccə tələsin, çünki sizlərdən heç kəs başına gələcəkləri bilmir" (Əhməd, Əbu Davud, İbn Macə və s. rəvayət ediblər. Albani hədisin etibarlı olduğunu bildirib). Peyğəmbərin (s.a.s) bu cür əmr etməsi həccin vacibliyinə sübutdur. Demək həccin şərtlərinə cavab verən adama həcc etmək vacibdir. Əgər həcc etməyə qadirdirsə bunu özü icra etməli, yox əgər qadir deyilsə, onda aşağıdakı iki haldan birini etməlidir:
həcci gecikdirə bilər. Əgər həmin müddətdə vəfat edərsə, bunu onun əvəzinə varisləri yerinə yetirməlidirlər.
həcc etdirməlidir. Başqasının əvəzinə həcc etmək! Üzərində həcc şərtləri tamamlanan, lakin həcc etməyə qüvvəsi olmayan adam, öz əvəzinə başqasına həcc etdirməlidir. Bu, hədislərdə varid olmuşdur. Həmçinin başqasının əvəzinə həcc edən adam əvvəlcədən öz həccini yerinə yetirmiş olmalıdır. Necə ki, Peyğəmbər (s.a.s) bir nəfərin: "Ləbbeykə an Şubrumə" - dediyini eşidərək buyurur: "Şubrumə kimdir?" Həmin şəxs: "qardaşım və ya qohumumdur" - deyə cavab verir. Peyğəmbər (s.a.s) buyurur: "sən öz yerinə həcc etmisənmi?" O dedi: xeyr. Peyğəmbər (s.a.s) buyurur: "Əvvəlcə öz yerinə, sonra isə
5 Şubrumənin əvəzinə həcc et!" (Əbu Davud, Ibn Macə, Əhməd rəvayət edib. Albani hədisin etibarlı olduğunu bildirib).
1. Peyğəmbər (s.a.s) buyurub: "Kim bu evi (Kəbəni) heç bir günah etmədən həcc edərsə anadan doğulduğu kimi olar" (Buxari və Müslim). Başqa bir rəvayətdə isə buyurulur: "Kim bu evi (Kəbəni) heç bir günah etmədən ziyarət edərsə anadan doğulduğu kimi olar" (Müslim). 2. "Ümrədən ümrəyə günahlar bağışlanır, günah işləmədən yerinə yetirilən həccin isə cənnətdən başqa savabı yoxdur!" (Buxari). Günah işləmədən yerinə yetirilən həcc: riyakarlıq etmədən, heç kəsə əziyyət vermədən, şan-şöhrət xatirinə olmayan, bütün əhkamları layiqincə icra edilən bir həcdir. Həccin qəbul olmasının əlamətlərindən biri də, insanın həcdən öncə etdiyi günahlara qayıtmaması və daha əməlisaleh olmasıdır. 3. Peyğəmbər (s.a.s) Amr İbn əl-Asa buyurub: "Məgər İslamın özündən öncə olanları, hicrətin özündən öncə olanları, eləcə də həccin
özündən öncə olanları silməsini bilmirsənmi?" (Müslim). 4. Peyğəmbərdən (s.a.s): Hansı əməl daha əfzəldir? – deyə soruşulduqda o, buyurdu: "Allaha və Rəsuluna olan iman". Əshabələr dedilər: sonra hansı? Peyğəmbər (s.a.s) buyurdu: "Allah yolunda cihad". Onlar soruşdular: sonra hansı? O, buyurdu: "Günah işləmədən yerinə yetirilən həcc". (Buxari). 5. Peyğəmbər (s.a.s) buyurub: "Həcc və ümrəni davamlı edin! Çünki onlar kasıblığı və günahları, od dəmirin, qızılın və gümüşün pasını apardığı kimi aparırlar. Günah işləmədən yerinə yetirilən həccin cənnətdən başqa savabı yoxdur" (Nəsai, Tirmizi, İbn Macə və Əhməd rəvayət ediblər. Albani hədisin etibarlı olduğunu bildirib). 6. Aişə t Peyğəmbərdən (s.a.s) soruşdu: Ya Rəsuləllah! Qadınlar üçün cihad varmı? Peyğəmbər r buyurdu: "Bəli, onlar üçün döyüşsüz cihad: Həcc və Ümrə - vardır" (Əhməd və İbn Macə rəvayət ediblər. Albani hədisin etibarlı olduğunu bildirib).
Yüklə 377,46 Kb. Dostları ilə paylaş:
|