Heccin vacib olmasi doc
Yüklə 377,46 Kb. Pdf görüntüsü
|
- Bu səhifədəki naviqasiya:
- Həcc və ya ümrə edənin miqatda yerinə yetirəcək əməlləri!
- Təməttu həcci.
- "Ləbbeykə Allahummə Ləbbeyk, Ləbbeykə lə şərikə ləkə ləbbeyk. Innəl həmdə vən-nimətə ləkə vəl-mulk. Lə şərikə lək."
- 2. Qiran həcci.
12 yaxınlaşdıqda isə ehram paltarını geyinməli və niyyətlərini deməlidirlər. Onu təyyarəyə minmədən öncə də geyinmək olar. Lakin niyyət miqata çatanda və ya yaxınlaşanda deyilməlidir. Çünki Peyğəmbər (s.a.s) yalnız miqatdan keçərkən niyyət edib. Yaşayış yerləri bu miqatlardan sonra olanlar evlərindən niyyət edirlər. Məkkə əhli isə evlərindən ümrəyə deyil, yalnız həccə niyyət edirlər. Miqatı ehrama girmədən keçənlər ya yenidən miqata qayıdıb ehrama girməli yaxud da qoyun kəsməlidirlər. Bu miqatlardan həcc və ümrə niyyəti ilə keçməyənlərə ehram vacib deyil.
Ümrə və ya həcc edən miqata yetişdikdə aşağıdakılara riayət etməlidir: 1. Dırnaqları tutmaq, bığları qısaltmaq, qoltuqaltı və övrət yerlərini qırxmaq müstəhəbdir. 2. Bütün paltarları çıxartmalı və yalnız bundan sonra ehram paltarını geyinməlidir. Həmçinin qüsl alması bəyənilir. 3. Başına və ya saqqalına ətir sürtə bilər.
Ehrama girdikdən sonra qalan ətir iyinin heç
bir zərəri
yoxdur. Lakin geyindiyi ehram paltarına isə ətir sürtməsin. 4. Kişilər iki hissədən ibarət xüsusi paltar
"Ehram paltarı" geyinməlidirlər. Paltarın ağ olması
bəyənilir. Həmçinin ayaqqabı da geyinilə bilər (bax! şəkil: 2). Qadınlar isə kişilərə oxşamamaq şərti ilə istədikləri paltarı geyinə bilərlər. 5. Fərz namazından sonra ehrama
girmək daha
13 yaxşıdır. Lakin başqa vaxtlarda ehrama girərsə onda iki rükət dəstəmaz namazı niyyəti ilə namaz qılsın. Bunu etmək müstəhəbdir. 6. Bunlardan sonra icra etmək istədiyi ibadətə niyyət edir. Əgər ümrə etmək istəyirsə, deyir: "Ləbbeykə umratən" və ya "Allahummə ləbbeykə umratən", əgər ifrad (İfrad, Qiran və Təməttu - həccin növləridir. Onlar haqda irəlidə ətraflı məlumat veriləcək.) həcci etmək istəyirsə onda "Ləbbeykə həccən" yaxud "Allahummə ləbbeykə həccən" deyir. Əgər qiran həcci etmək istəyirsə niyyəti belə deyir: "Ləbbeykə umrətən və həccən" yaxud "Allahummə ləbbeykə umrətən və həccən". Əgər başqasının yerinə həcc və ya ümrə edirsə onda onun adından niyyət edib belə desin: "Ləbbeykə an ... (adını çəkir)". Yaxşı olar ki, niyyət miniyin üzərində olarkən deyilsin. Çünki Peyğəmbər (s.a.s) belə edərdi. Həmçinin niyyətdən sonra təlbiyə duasını yəni, "Ləbbeykə Allahummə Ləbbeyk, Ləbbeykə lə şərikə ləkə ləbbeyk. Innəl həmdə vən nimətə ləkə vəl mulk. Lə şərikə lək." (Buxari və Müslim) demək lazımdır. Həcc və ya ümrə edən yolda qalacağından qorxarsa bu duanı edə bilər. "Fə in həbəsəni habisun fəməhilli heysu həbəstəni" (Buxari və Müslim). Üşaqlarla həcc və ya ümrə etmək istəyənlər aşağıdakıları yerinə yetirməlidirlər: Ağlı kəsən uşaqlar ehram niyyətini valideyinlərinin icazəsi ilə etməlidirlər. Ehrama girdikdə onların görəcəkləri işlər böyüklərin əməllərinə uyğun olmalıdır. Əgər uşaqlar ağlıkəsən deyillərsə onda ata-anaları onların əvəzinə niyyət edirlər. Böyüklərə qadağan edilən əməllər onlara da aiddir. Təvaf etdikdə uşağın bədəni və paltarları təmiz olmalıdır. Ağlıkəsən uşaqlar isə təvaf zamanı təharətli olmalıdırlar.
Bildiyimiz kimi həccin üç növü var. 1. Təməttu həcci. 2. Qiran həcci. 3. Ifrad həcci.
14 Həcc aylarında yəni, Şəvval, Zil-qədə və Zil-hiccənin ilk on günündə, miqata həmin ildə həcc etmək niyyəti ilə gələn adam bu üç növdən birini seçə bilər. 1. Təməttu həcci. Bu həcci etmək istəyən adam, miqatda niyyət edərkən yalnız ümrəyə niyyət etməlidir. Niyyəti belə deyir: "Ləbbeykə umrətən". Sonra Məkkəyə çatana qədər təlbiyəni
edərək Səfa və Mərva arasında səy edir. Bundan sonra saçını qısalda və ya qırxa bilər. Yalnız belə etdikdə ehramda ona qadağan olanların icrasına icazə verilir. Zilhiccə ayının səkkizində (yəni, tərviyə günü – tər.) olduğu yerdən yeni ehrama girir. Bu dəfə isə həccə niyyət edərək onun icrasına başlayır. Təməttu həcci, özü ilə qurban aparmayanlar üçün ən yaxşı həcdir. 2. Qiran həcci. Bu həcci etmək istəyən adam həcc aylarında həcc və ümrəyə birlikdə niyyət edərək deyir: "Ləbbeykə umratən və həccən". Yaxud da miqatda olarkən ümrəyə niyyətlənərək yolda həcci də niyyətinə daxil edir. Bunu təvafa başlamadan öncə mütləq etməlidir. Məkkəyə çatanda Təvaful-qudum yəni, ilk təvafı yerinə yetirir. Bundan sonra həcc səyini (Səfa və Mərva arasında) edir. Həcc səyini Ifada təvafından sonra da icra etmək olar. Qiran həccini edən saçını qısaltmır və ehramını əynindən çıxartmır. Bayram günü təhəlluldan (İzahı irəlidə veriləcək.) sonra ehramı çıxardır. 3. Ifrad həcci. Bu həcci etmək istəyən adam miqatda yalnız həccə niyyət edir və deyir: "Ləbbeykə həccən". Ifrad həccinin əməlləri ilə Qarin həccinin əməlləri eynidir. Fərq yalnız qarin həcci edənin qurban kəsməsindədir. Ifrad həcci edən isə qurban kəsmir. Qiran və ya İfrad həcci edən adam yaxşı olar ki, təvafı və səyi edəndən sonra saçını kəsərək yaxud qırxaraq ehramdan çıxsın. Bu zaman etdiyi təvaf və səy onun üçün ümrə sayılacaq. Sonra səkkizinci gün yenidən həccə niyyət edir və beləliklə həccini Ifrad və ya Qirandan Təməttuya çevirmiş olur.
Yüklə 377,46 Kb. Dostları ilə paylaş:
|