2
Hər bir biznes ideyasının uğurla həyata
keçirilməsi və şirkətin gələcək inkişafı
üçün maliyyə vəsaitlərinə ehtiyac duyulur.
Bu vəsaitlər şirkətin əmək haqqı xərcləri,
cari əməliyyat xərcləri, avadanlıqların
alınması və digər administrativ xərclərin
ödənilməsi ilə yanaşı uzunmüddətli inkişafı
təmin edəcək yeni layihələrin maliyyələşdirilməsində
istifadə edilir. Şirkətin maliyyə vəziyyətinin təhlil
edilməsi, vəsaitlərinin istifadəsinin planlaşdırılması,
onların qısa və uzunmüddətli məqsədlər üçün
səmərəli bölgüsünün aparılması, əlverişli maliyyə
mənbələrinin müəyyən edilməsi və yeni vəsaitlərin
€
€
Cari maliyyə əməliyyatları necə
idarə olunmalıdır?
Uzunmüddətli investisiyalar hansı
mənbələrdən maliyyələşdirilməlidir?
1
2
cəlb edilməsi “korporativ maliyyə”nin əsasını təşkil edir.
Bir sahibkar kimi sizi korporativ maliyyə ilə bağlı
aşağıdakı 2 sual maraqlandırmalıdır:
Kapital sizə
niyə lazımdır?
2
3
Kapitalı haradan cəlb
etmək mümkündür?
SEÇİM
BANK?
QİYMƏTLİ
KAĞIZ?
Uzunmüddətli kapitalı cəlb
edərkən şirkətin cari vəziyyəti və
gələcək inkişaf strategiyasına ən
uyğun maliyyələşmə mənbəyi
seçilir. İnvestisiya layihələrinin
büdcəsi, risk faktorları, pul
vəsaitlərinin hərəkəti nəzərə
alınmalı və maliyyələşmə
mənbələri bu əsasda müəyyən
edilməlidir. Belə ki, müxtəlif
maliyyələşmə üsulları vəsaitin
geri ödənişi, girov, sığorta və s.
kimi şərtlərdən asılı olaraq fərqli
məsrəflər tələb edir.
Yetərli daxili maliyyə resurslarına malik olmayan bizneslərin
əksəriyyəti kapitalı ilkin olaraq bank kreditləri hesabına
formalaşdırmağa çalışır. Kreditin geri ödənilməsinin
təminatı kimi biznesin maliyyə vəziyyətinin cari və gələcək
perspektivi bank tərəfindən qiymətləndirilir. Adətən
banklar sizdən şirkətin inventarı, avadanlığı, bina və digər
aktivlərini və ya sizin şəxsi əmlakınızı girov qismində tələb
edirlər. Bank kreditləri əsasən 1 (bir) ildən 5 (beş) ilədək
müddətə verilir. Kreditin alınması zamanı xərclər kreditin
məbləğindən asılı olaraq illik faizdən, birdəfəlik komissiya
haqlarından, kreditin rəsmiləşdirilməsi, nağdlaşdırılması,
girovun qiymətləndirilməsi və onun sığortalanması kimi
xərclərdən ibarət olur. Bu xərclər adətən kreditin əsas
məbləği daxil olmaqla hər ay öncədən müəyyənləşdirilmiş
ödənişlər vasitəsilə geri qaytarılır. Bütün bu xərcləri nəzərə
alsaq, bank vasitəsilə maliyyələşmə əhəmiyyətli məsrəflər
tələb edir. Onu da qeyd etmək lazımdır ki, bir çox kiçik və orta
həcmli şirkətlər tələb olunan girovu təmin etməkdə çətinliklə
üzləşirlər.
Bank vasitəsi ilə
maliyyələşmə
4
Kapital bazarları vasitəsi
ilə maliyyələşmə
Səhmlər
Belə bir şəraitdə alternativ maliyyələşmə
mənbəyi kimi qiymətli kağızlar bazarından
istifadə edilə bilər. Maliyyələşmə üçün geniş
istifadə olunan qiymətli kağızlar səhmlər və
istiqrazlardır.
Səhmlər sizə sahib olduğunuz biznesin
risklərini
və
mənfəətini
investorlarla
qarşılıqlı bölüşməklə maliyyə vəsaitlərini
əlverişli şərtlərlə əldə etmək imkanı təqdim
edir. Biznes subyektləri yeni vəsaitləri cəlb
etmək məqsədi ilə buraxılmış səhmləri yeni
və ya mövcud investorlara sata bilər. Bu
zaman şirkət investora pulu geri ödəmək
məcburiyyətində olmur, əvəzində isə
investorlar şirkətin mənfəətinin müəyyən
hissəsini dividend şəklində əldə edir. Səhm
buraxılışı uzunmüddətli maliyyə vəsaiti
cəlb etmək addımı kimi qəbul edilir və
20 AZN
10
500.000
investorlarla yaradılan əməkdaşlıq
biznesin fəaliyyətdə olduğu müddət
ərzində davam edir.
Bu halda, səhmdarlar şirkətin gündəlik fəaliyyətində
birbaşa iştirak etmir və strateji qərarların
alınmasında səhmdarların ümumi yığıncağında
malik olduqları səhm payı müqabilində səsvermə
hüququndan istifadə edir. Bir qayda olaraq, yalnız
şirkətin səhmlərinin əhəmiyyətli qisminə malik
olan investorlar şirkətin qərarlarına təsir etmək
imkanlarına sahib olurlar.
İnvestorun və şirkətin tələblərinə uyğun olan müxtəlif
səhmlər mövcuddur. Adi səhmə malik olan investor
şirkətin mənfəətindən dividendlər alır və şirkətdəki
səhmlərinin nisbətinə müvafiq olaraq onun idarə
olunmasında səsvermə hüququna malik olur. Digər
səhm növü imtiyazlı səhmlər adlanır ki, bu səhmlər
səhmdara adi səhmlərdən daha öncə dividend almaq
hüququ versə də, sahibinə səsvermə hüququ vermir.
Bir səhm qrupuna daxil olan səhmlər səhmdara eyni
hüquqları verir və onlar bir qiymətdə ticarət olunur.
Səhmlərin qiyməti şirkətin ümumi dəyərinin onun
səhmlərinin sayına bölünməsi ilə əldə olunur. Məsələn,
əgər bir biznesin ümumi dəyəri 10 milyon manatdırsa
və onun 500 000 səhmi varsa, hər bir səhmin dəyəri
20 manatdır (10,000,000/500,000=20). Biznesin
ümumi dəyəri onun hal-hazırda olan xalis aktivlərinin
dəyəri və gələcəkdə əldə olunacaq mənfəətinin
proqnozlaşdırılması ilə müəyyən olunur. Bir çox
hallarda səhmlərin ilkin qiyməti şirkətin alıcısı olan iri
investorlar və şirkət tərəfindən birgə razılıq əsasında
formalaşır. Şirkətin dəyərinin hesablanması peşəkar
maliyyə vasitəçiləri tərəfindən aparılır.
əgər bir biznesin ümumi dəyəri
və onun
səhmi varsa, hər bir səhmin dəyəri
milyon
4
İstiqrazlar
İstiqrazlar sizə müəyyən edilmiş müddət və faiz dərəcəsi ilə maliyyə vəsaitlərinin əldə edilməsi və əsas məbləğin müddətin
sonunda, faizlərin isə yarımillik və ya illik ödənilməsi imkanı verir. İstiqrazlar sahiblərinə şirkətin idarə olunmasında heç bir iştirak
hüququ vermir. İstiqrazlar bir qayda olaraq bank kreditləri ilə müqayisədə daha uzun müddətli olur və bu müddət ərzində şirkət
(emitent) istiqraz sahiblərinə faiz ödənişlərini (kupon) müəyyən olunmuş tarixlərdə ödəyir. İstiqrazların alıcıları kimi müxtəlif
maliyyə institutları (banklar, sığorta şirkətləri və s.) və geniş ictimaiyyət çıxış edir.
İstiqraz ödənişləri şirkətin gəlir səviyyəsindən asılı olmur və şirkətin öz mənfəətini uzunmüddətli perspektivdə investorlarla bölüşmək zərurəti yaratmır. Bununla yanaşı, uğurlu
istiqraz buraxılışı tarixçəsinə malik şirkət gələcəkdə daha aşağı faiz dərəcələri ilə daha uzun müddətli vəsaitlər əldə edə bilər. Qeyd etmək lazımdır ki, istiqraz buraxılışı zamanı bank
kreditlərindən fərqli olaraq hər hansı girov tələb olunmur.
SƏHM
İSTIQRAZ
BANK KREDITI
Maliyyələşmə
xərcləri
Anderraytinq, listinq və məsləhət
xidmətləri üzrə komissiyalar
Anderraytinq, listinq və məsləhət
xidmətləri üzrə komissiyalar
Rəsmiləşdirmə, nağdlaşdırma, girovun
qiymətləndirilməsi və sığortalanması və
s. komissiyaları
Faiz ödənişləri
Mənfəət əldə olunduğu zaman dividend
şəklində ödənilir
İstiqraz sahiblərinə mənfəət /zərərdən
asılı olmayaraq illik və ya yarımillik
əsasda faiz ödənişləri edilir
Mənfəət /zərərdən asılı olmayaraq
adətən aylıq əsasda faiz ödənişləri edilir
Əsas məbləğin ödənməsi
Şirkət səhm satışından əldə etdiyi
vəsaiti geri ödəmir
Müddətin sonunda tam şəkildə ödənilir
Adətən aylıq əsasda ödənilir
Müddəti
Şirkət fəaliyyətdə olduğu müddətdə
Adətən 1 ildən 10 ilə qədər müddətə
olur
Adətən 1 ildən 5 ilə qədər müddətə olur
Girov
Yoxdur
Tələb edilmir
Tələb edilir
Şirkətin idarə olunmasına təsir imkanı
Səhmdarlar ümumi yığıncaqda
səsvermə hüququna malik olurlar
İstiqrazı alan investorlar idarəetməyə
təsir edə bilmir
Bir çox hallarda banklar tərəfindən
şirkətə ciddi şərtlər qoyula bilər
5
6
Listinq Nədir?
Qiymətli kağızlar vasitəsilə maliyyə vəsaitlərinin cəlb edilməsi fond
birjalarında təşkil edilir. Fond birjalarının dövlət tərəfindən tənzimlənməsi
birjada ticarət olunan kağızların daha yüksək nüfuza malik olması ilə
nəticələnir. Bu da investorların həmin kağızlara marağının artmasına
və şirkətlərin daha aşağı xərclərlə vəsait cəlb etməsinə şərait yaradır.
Şirkətin qiymətli kağızlarının (səhm və istiqraz) fond birjalarında satışa
çıxarılması və ticarətinin təşkili listinq adlanır.
Bakı Fond Birjasında səhmlərini listinq etmək üçün şirkət Açıq Səhmdar
Cəmiyyəti (ASC) olmalıdır. İstiqrazların listinqi üçün şirkət Qapalı Səhmdar
Cəmiyyət (QSC) və Məhdud Məsuliyyətli Cəmiyyət (MMC) ola bilər.
Bakı Fond Birjasında 1-ci (Premium) və 2-ci (Standart) səviyyəli listinq
kateqoriyaları mövcuddur və şirkətlər bu kateqoriyaların birində listinq
olunmaq üçün müvafiq listinq tələblərinə cavab verməlidir.
?
Azərbaycanda qiymətli kağızlarla ticarətin yeganə təşkilatçısı qismində Bakı Fond Birjası çıxış edir.
Bakı Fond Birjası 2000-ci ildə təsis edilmişdir və onun yerli banklar, brokerlər və İstanbul Fond
Birjası da daxil olmaqla 20 səhmdarı mövcuddur. Birjanın fəaliyyəti Azərbaycan Respublikasının
Qiymətli Kağızlar üzrə Dövlət Komitəsi tərəfindən tənzimlənir. Birjada səhm və istiqraz kimi
korporativ qiymətli kağızların, Maliyyə Nazirliyinin istiqrazları, Mərkəzi Bankın notları kimi dövlətin
borc kağızlarının ticarəti və REPO əməliyyatları həyata keçirilir.
6
Baki Fond Birjasında listinqin üstünlükləri
Səhmlərinin
Bakı Fond
Birjasında
listinqə daxil
edilməsi
şirkət üçün
əlavə fayda
və yeni
imkanlar
yaradır.
Uzunmüddətli kapital cəlb edilməsi – listinq biznesin genişləndirilməsi məqsədilə yeni investisiyaların
maliyyələşdirilməsi üçün tələb olunan uzunmüddətli kapitalın cəlb edilməsinə imkan verir.
Yeni investorlara çıxış – Şirkətin qiymətli kağızlarının listinq olunması bu qiymətli kağızların bank, sığorta
şirkətləri, beynəlxalq investorlar və geniş ictimaiyyət kimi yeni investorlar tərəfindən alınmasına şərait yaradır.
Müsbət imicin formalaşması – Listinqdə olan şirkət haqqında məlumatlar geniş ictimaiyyət tərəfindən
maraqla qarşılandığına görə mütəmadi olaraq mediada şirkət haqqında mühüm xəbərlər və elanlar
işıqlandırılır. Bu səbəbdən belə şirkətlər digərləri ilə müqayisədə daha yüksək imicə malik olur. Şirkət haqqında
məlumatların ictimaiyyət tərəfindən asanlıqla əldə olunması və izlənilməsi ona qarşı müştərilər, investorlar
və təchizatçılar tərəfindən olan etibarın artması ilə nəticələnir.
Likvidlik və təkrar bazar – Listinq olunan şirkətin səhmləri təkrar bazarda ilkin səhmdarlar tərəfindən
digər investorlara satıla bilər. Təkrar bazarın mövcudluğu qiymətli kağızlar üçün asan ticarət imkanı-likvidlik
yaratmış olur. Belə bir imkanın olması şirkətin kağızlarını investorlar üçün daha da cəlbedici edir.
İşçilərin motivasiyası – Listinq şirkətin səhmlərinin işçilərə mükafat kimi verilməsinə imkan yaradacaqdır.
Şirkətin səhminə sahib olan işçi dividend ödənişlərindən və səhmlərin qiymət artımından əlavə gəlir əldə
etmiş olur. Bununla da, o şirkətin inkişafında daha çox maraqlı olur.
Şirkətin bazar dəyərinin müəyyən olunması – Listinq olunan şirkət haqqında məlumatların geniş
ictimaiyyətə açıq olması qiymətli kağızlar bazarının peşəkar iştirakçıları tərəfindən mütəmadi olaraq
dəyərləndirilir. Səhmlərin davamlı olaraq qiymətləndirilməsi şirkətin bazar dəyərini müəyyən etməyə imkan
yaradır.
Təsisçilərin çıxış imkanı – Listinq şirkətin ilkin səhmdarlarına öz paylarını digər investorlara sataraq
qoyulan sərmayələrini geri götürmək və şirkətdən ayrılmaq imkanı verir.
7
8
Bank krediti və istiqraz vasitəsilə cəlb edilmiş
vəsaitlərin xərclərinin müqayisəsi
Bank krediti vasitəsi ilə maliyyələşmə ilə istiqrazın
listinqə çıxarılmasının məsrəflərinin müqayisəsi
üçün aşağıdakı hesablamalara diqqət yetirin.
Cədvəllərdə müxtəlif müddətlər üçün 10 milyon
AZN məbləğində bank kreditinin alınmasının
və istiqrazın Bakı Fond Birjasının Premium və
Standart bazarlarına çıxarılmasının xərcləri
müqayisə edilir. Hesablamalar müxtəlif bank faizi
və komissiyaları, Bakı Fond Birjası, Milli Depozit
Mərkəzinin komissiyaları və dövlət rüsumları
nəzərə alınaraq aparılmışdır. Qeyd etmək lazımdır
ki, hazırda ölkənin maliyyə bazarında ortalama
biznes kreditinin illik faiz dərəcəsi 16 %, istiqrazın
illik faiz dərəcəsi isə 12 % dir.
£
€
€
8
Hesablamalar göstərir ki, istiqraz buraxılmasına görə ödəniləcək komissiyalar 166 - 195 min AZN arasında dəyişdiyi halda, bu
məbləğ bank krediti üçün 210 - 300 min AZN təşkil edir. Bank kreditinin şirkət üçün illik xərci 18.3% - 22.0% arasında dəyişdiyi
halda, bu xərc istiqraz buraxılışı zamanı 12.9% - 14.3% arasında dəyişir. Beləliklə, istiqraz buraxılışı yolu ilə vəsait cəlb edən
şirkət illik əsasda 5.4% - 7.7% faizlik qənaət edə bilər. Qeyd etmək lazımdır ki, hətta kredit və istiqrazın faiz dərəcələri müvafiq
olaraq 16% və 12% yox, hər ikisi 16% olduğu halda belə şirkət komissiya ödənişlərində təxminən 1% qənaət etmiş olur.
Bank Kreditinin Xərci
Annunitet
Kredit xətti
Kredit
müddəti
Komissiyalar
Faiz
ödənişləri
Kapital
xərci
Komissiyalar
Faiz
ödənişləri
Kapital
xərci
12 ay
210 000
887 703
22.0 %
210 000 1 600 000 19.9 %
36 ay
260 000
2 656 532 19.4 %
260 000 4 800 000 18.5 %
60 ay
300 000
4 590 834 18.9 %
300 000 8 000 000 18.3 %
İstiqrazın Xərci
Listinq Premium Bazar
Listinq Standart Bazar
Kredit
müddəti
Komissiyalar
Kupon
ödənişləri
Kapital
xərci
Komissiyalar
Kupon
ödənişləri
Kapital
xərci
12 ay
167 480
1 200 000 14.3%
166 180 1 200 000 14.3%
36 ay
181 480
3 600 000 13.1%
178 180 3 600 000 13.1%
60 ay
195 480 6 000 000 12.9%
190 180 6 000 000 12.9%
Cəlb ediləcək kapitalın məbləği
10,000,000
Kreditin Faiz Dərəcəsi
16 %
İstiqrazın Faiz Dərəcəsi
12 %
Bank Krediti
Kreditin Rəsmiləşdirilməsi
1 %
Nağdlaşdırma komissiyası
0.5 %
Girovun Sığorta haqqı
12 ay
0.4 %
36 ay
0.9 %
60 ay
1.3 %
Girovun qiymətləndirilmə haqqı
0.2 %
Cəmi birdəfəlik xərclər
12 ay
2.1 %
36 ay
2.6 %
60 ay
3.0 %
Bakı Fond Birjası İstiqrazı
Listinq kateqoriyası
Premium
Standart
BFB Listinq birdəfəlik rüsum
600
300
BFB Listinq illik rüsum
0.02 %
0.01 %
Minimum
600
300
Maksimum
4000
2000
BFB yerləşdirmə xərci
0.04 %
0.04 %
MDM birdəfəlik saxlama xərci
0.025 %
0.025 %
MDM illik saxlama xərci
0.025 %
0.025 %
MDM birdəfəlik reyester xərci
0.025 %
0.025 %
MDM illik reyester xərci
0.025 %
0.025 %
QKDK-nin emissiya prospektinin qeydiyyatı
880
880
Broker komissiyası
1.5 %
1.5 %
Kapitalın dəyərinin hesablanması
9
10
Listinq olunmaq şirkətin ge-
niş ictimaiyyətə açıq olması
və qiymətli kağızlarının geniş
kütlə tərəfindən alınıb satıl-
masıdır. Şirkət listinq olun-
duğu zaman listinq tələblə-
rini yerinə yetirməsi ilə bağlı
öhdəlik götürür. Hər bir fond
birjasının fərdi listinq qay-
daları olmasına baxmaya-
raq beynəlxalq təcrübədə bu
tələblər oxşarlıq təşkil edir.
Bakı Fond Birjasının Listinq
Qaydalarına müvafiq olaraq
şirkət mütəmadi şəkildə ma-
liyyə hesabatlarını və şirkət-
də baş verən digər mühüm
dəyişikliklər haqqında mə-
lumatları vaxtında ictimaiy-
yətə açıqlamalıdır.
Tələblər arasına maliyyə he-
sabatlarının illik auditi, inves-
torlarla əlaqələrin müvafiq
çərçivədə qurulması, şirkətin
inkişafı ilə bağlı mütəmadi
olaraq məlumatların ictima-
iyyətə açıqlanması, daima
yenilənən veb-səhifə və s.
daxildir.
Listinqin doğru seçim olması
peşəkar mütəxəssislər tərə-
findən qiymətləndirilməlidir.
Bakı Fond Birjasında lis-
tinqdən keçmək arzusunda
olan şirkət bir çox məqam-
ları nəzərə almalıdır. Bunlara
daxildir:
Bu suallara cavab şirkətinizin listinqə çıxarılmaq
üçün nə dərəcədə hazır olmasının göstəricisidir.
Siz listinq üçün hazırsınız?
Şirkətinizin uzun
müddətli hədəfləri
və strategiyaları
hansılardır?
Sizin şirkətdə listinq
standartlarına cavab
verən əməliyyat,
maliyyə və informasiya
idarəetmə sistemləri
mövcuddurmu?
Şirkətin listinqə
çıxarılması üçün doğru
zamandırmı?
Sizin şirkətdə həll
olunması zəruri olan
hüquqi, maliyyə və
ya vergi problemləri
mövcuddurmu?
Listinqə daxil olmazdan
əvvəl hər hansı bir
şirkətin və ya layihənin
alınması ilə bağlı
natamam təşəbbüslər
mövcuddurmu?
Listinqə daxil
olmaq bu hədəf və
strategiyalarınıza
uyğundurmu?
İnvestorların və
ümumi olaraq bazarın
gözləntiləri barədə
məlumatlısınızmı?
Sizin şirkət listinqdən
sonrakı mərhələdə
şəffaflıq və hesabatlılıq
kimi listinqin tələblərinə
hazırdırmı?
Şirkətinizdə
korporativ idarəetmə
standardlarını tətbiq
edilirmi?
Listinq Məsləhət Proqramı
Yuxarıda qeyd olunmuş suallara cavab tapmaqda Bakı Fond Birjası
tərəfindən təqdim olunan Listinq Məsləhət Proqramı sizə yardımçı
olacaq. Proqram çərçivəsində kapital bazarından maliyyələşmək
niyyətində olan şirkətlərə bu sahədə Bakı Fond Birjasının, habelə
digər peşəkarların – auditorların, broker şirkətlərinin, hüquq,
ictimaiyyətlə əlaqələr üzrə ixtisaslaşmış şirkətlərin peşəkar və
tam ÖDƏNİŞSİZ əsaslarla dəstəyi nəzərdə tutulub. Proqram
kapital bazarlarından maliyyələşmə imkanlarının təşviqi,
potensial şirkətlərin və emitentlərin müəyyən olunması, onlara
əlverişli şərtlərlə uzunmüddətli və ucuz maliyyə resurslarına çıxış
istiqamətində kömək göstərilməsi tədbirlərini əhatə edir.
Proqramın əsas məqsədi ölkə iqtisadiyyatının müxtəlif sektorlarında
uğurla fəaliyyət göstərən və öz seqmentlərinin liderləri olan
şirkətləri korporativ idarəetmə təcrübəsinin təkmilləşdirilməsi,
maliyyə şəffaflığının təmin edilməsi, hesabatlılığın təşviqi, kapital
bazarının üstünlükləri və buradan vəsait cəlb etməyin yolları
barədə məlumatlandırmaqdan və bununla da həmin şirkətlərin
kapital bazarlarından əlverişli şərtlərlə maliyyə vəsaitləri cəlb
etməsinə dəstək olmaqdan ibarətdir. əgər siz də kapital bazarı
vasitəsilə maliyyə vəsaitləri cəlb etmək istəyirsinizsə Bakı Fond
Birjasının Listinq Məsləhət Proqramına müraciət edin.
BFB
Şirkət
auditor
hüquq şirkəti
PR və investorlarla
əlaqələr üzrə şirkət
anderrayter
broker
11
12
Listinqin mərhələləri
Bakı Fond Birjasında iki listinq kateqoriyası mövcuddur: Premium və Standart
Listinq. Premium listinqin tələbləri əsasən böyük yerli və xarici şirkətlər, Standart
listinq isə böyüməkdə olan kiçik və orta şirkətlər üçün daha uyğundur. Səhmlərini listinq
etmək üçün şirkət Açıq Səhmdar Cəmiyyəti olmalıdır. İstiqrazların listinqi üçün şirkət
Qapalı Səhmdar Cəmiyyəti və ya Məhdud Məsuliyyətli Cəmiyyət də ola bilər. Məhdud
Məsuliyyətli Cəmiyyətlər yalnız Standart Listinq kateqoriyasında öz istiqrazlarını listinq
edə bilər. Şirkətlər əsasən 3 (üç) məqsədlə qiymətli kağızlarını listinqə çıxarır: səhmlərin
İlkin Kütləvi Təklif (kapital artımı) yolu ilə satışı, yeni istiqrazların emissiyası və kapital
artırmadan şirkətin mövcud səhmlərinin bazar qiymətində ticarətinin həyata keçirilməsi.
Şirkət İlkin Kütləvi Təklif zamanı səhmlərinin bir hissəsini satışa çıxardaraq əlavə kapital
cəlb edir. Bununla yanaşı, Bakı Fond Birjasında qiymətli kağızların listinqə çıxarılması
üçün kütləvi təklif olunması və ya kapital artırılması mütləq deyil. Listinq şirkətə və
onun mövcud səhmdarlarına şirkətin müsbət imicinin formalaşması, səhmlərin bazar
qiymətinin müəyyən olunması və mövcud səhmdarlar üçün paylarının digər investorlara
asanlıqla satılması kimi üstünlüklər təqdim edir. Bunları nəzərə alaraq, bir çox hallarda
şirkətin mövcud səhmdarları İlkin Kütləvi Təklif olmadan da şirkətin kağızlarının listinqdən
keçməsini tələb edirlər.
12
10 ADDIMDA LİSTINQ
1.
Şirkətin Listinqə
uyğunluğunun
ilkin
qiymətləndirilməsi
7.
Emissiya
prospektinin
açıqlanması və
marketinq
kampaniyası
8.
Yerləşdirmənin
həyata
keçirilməsi və
yekun nəticələrin
qeydiyyatı
9.
Məlumatın
ictimaiyyətə
açıqlanması
10.
Qiymətli
kağızların
ticarətinə
başlanması
2.
Listinq qərarının
alınması və
peşəkarların
seçilməsi
3.
Şirkətin listinqə
hazırlanması
4.
Emissiya
prospektainin
hazırlanması və
təsdiqi
5.
Emissiya
hesabının
açılması
6.
Bakı Fond
Birjasına listinq
üçün müraciət
edilməsi
Qeyd: Kapital artırmadan mövcud səhmlərini listinqə çıxaran şirkətlər
yalnız 1-ci, 2-ci, 3-cü və 6 –cı mərhələləri nəzərə almalıdırlar.
13
14
ADDIM 1:
ADDIM 2:
Şirkətin Listinqə uyğunluğunun ilkin qiymətləndirilməsi
Şirkət Listinq ilə bağlı qərar qəbul etmədən əvvəl bir sıra strateji məsələləri qiymətləndirməlidir. Buraya şirkətin inkişaf strategiyası, cəlb ediləcək vəsaitlərin istifadəsi, şirkətin gəlir və
xərclərinin proqnozlaşdırılması, listinq tələblərinə uyğunluğu təmin edəcək təşkilati, hüquqi və texniki infrastruktur kimi məsələlər daxildir. Adətən ilkin qiymətləndirmə şirkətin icraedici
orqanı tərəfindən və ya bu sahədə ixtisaslaşmış peşəkarlar tərəfindən aparılır.
Bu sahədə zəruri resurslara malik olmayan şirkətlər Bakı Fond Birjasının Listinq Məsləhət Proqramından faydalana bilər. Bu zaman Listinq Məsləhət Proqramı çərçivəsində fəaliyyət
göstərən Listinq İşçi qrupu sizə lazımi strateji, hüquqi və təşkilati dəstəyi göstərəcəkdir. Listinq İşçi qrupuna ölkənin bu sahədə ixtisaslaşmış broker, anderrayter, audit, hüquq və
ictimaiyyətlə əlaqələr üzrə qabaqcıl şirkətlərin nümayəndələri daxildir. Listinq İşçi qrupu hər bir şirkətə fərdi yanaşma tətbiq edəcək və xüsusi görüşlər keçirərək listinq prosesi ilə
bağlı bütün məsələlərə dair sizə tam ödənişsiz əsaslarla zəruri məsləhət xidmətlərini göstərəcəkdir. Şirkətin ehtiyaclarından asılı olaraq İşçi qrupu sizə listinq qayda və prosedurları,
tələblər, ticarət qaydaları, potensial investorlar və bütövlükdə bazar haqqında ətraflı məlumat və gərəkli məsləhətlər verəcəkdir. Bu xidmətdən faydalanmaq üçün Bakı Fond Birjasına
(email:listing@bse.az və 012 4989820)
müraciət etməniz kifayətdir.
Qiymətli kağızların listinqi ilə bağlı qərarlar adətən şirkətin səhmdarları və ya Müşahidə Şurası tərəfindən verilir. Qərar verildikdən sonra şirkət listinq prosesinə hazırlıq məqsədilə
bu sahədə ixtisaslaşmış şirkətlərlə müqavilə imzalayır və listinq prosesinə hazırlığı başlayır. Listinq prosesi ilə əlaqədar zəruri peşəkar dəstəyə broker, anderrayter, audit, hüquq və
investorlarla əlaqələr üzrə xidmətlər göstərən şirkətlər daxildir.
Listinq qərarının alınması və peşəkarların seçilməsi
14
15
ADDIM 3:
ADDIM 4:
ADDIM 5:
ADDIM 6:
Şirkətin listinqə hazırlanması
Emissiya prospektinin hazırlanması və təsdiqi
Emissiya hesabının açılması
Bakı Fond Birjasına listinq üçün müraciət edilməsi
Bu mərhələdə şirkət seçilmiş peşəkarlarla listinq hazırlığına başlayır. Şirkətin təşkilati-hüquqi forması qiymətləndirilir, ona zəruri dəyişikliklər edilir, İdarə Heyətinin və Müşahidə
Şurasının strukturu listinq tələblərinə uyğun formalaşdırılır. Bu sahədə əsasən hüquq şirkətlərinin xidmətlərindən istifadə olunur.
Maliyyə hesabatları qiymətləndirilir, gəlir və xərclər proqnozlaşdırılır, aktivlər qiymətləndirilir, biznes riskləri müəyyən edilir və zəruri hallarda şirkətin vergi öhdəlikləri dəqiqləşdirilir. Bu
xidmətlər əsasən broker, anderrayter və audit şirkətləri tərəfindən göstərilir.
Şirkətin listinq və investisiya tarixçəsi hazırlanır, ictimaiyyətə açıqlanacaq məlumatlar, onların forması və listinq üzrə marketinq strategiyası müəyyən olunur. Listinqə çıxan şirkət
dəqiq marketinq strategiyasına malik olmalıdır. Bu sahədə əsasən investor və ictimaiyyətlə əlaqələr və anderrayter şirkətlərinin xidmətlərindən faydalanılır. Qeyd etmək lazımdır
ki, bütün proses ərzində Bakı Fond Birjası təqdim etdiyi Listinq Məsləhət Proqramı vasitəsilə sizə dəstək olacaqdır. Bu zaman siz Listinq İşçi qrupuna daxil olan peşəkar broker,
anderrayter, audit, hüquq və investorlarla əlaqələr şirkətlərinin xidmətlərindən daha əlverişli şərtlərlə faydalana biləcəksiniz.
Şirkətin listinqə hazırlanması ilə paralel olaraq onun emissiya prospekti də tərtib edilir. Emissiya prospektində investorların daha məlumatlı şəkildə qərar qəbul etmələri üçün
buraxılışın şərtləri, şirkətin maliyyə və idarəetmə vəziyyəti haqda məlumatlar əhatə olunur. Prospektdə olan məlumatların yoxlanılması və təsdiq edilməsi üçün müvafiq sənədlər
Qiymətli Kağızlar üzrə Dövlət Komitəsinə təqdim edilir. Komitə tərəfindən müraciətə 15 (on beş) iş günü ərzində baxılır.
Şirkət tərəfindən buraxılan qiymətli kağızların qeydiyyat və uçotunun aparılması məqsədilə Milli Depozit Mərkəzində müvafiq emissiya hesabının açılması tələb olunur. Şirkət
(Emitent) hesabın açılması üçün nizamnamə və şirkətin hüquqi şəxs kimi dövlət qeydiyyatından keçməsini təsdiqləyən sənədləri, təsdiq olunmuş emissiya prospekti və qiymətli
kağızların reyestrindən Çıxarışı Milli Depozit Mərkəzinə təqdim etməlidir.
Emissiya prospekti və digər sənədlər təsdiq edildikdən və müvafiq emissiya hesabı açıldıqdan sonra şirkət Listinq üçün Bakı Fond Birjasına müraciət edir. Müraciət və emissiya
prospektinin Listinq Qaydalarına uyğunluğu Listinq Komissiyası tərəfindən yoxlanılır. Müraciət 10 (on) gün ərzində baxılır və qərar verilir.
16
Qiymətli kağızların ticarətinin başlanması
ADDIM 7:
ADDIM 8:
ADDIM 9:
ADDIM 10:
Emissiya prospektinin açıqlanması və marketinq kampaniyası
Yerləşdirmənin həyata keçirilməsi və yekun nəticələrin qeydiyyatı
Məlumatın ictimaiyyətə açıqlanması
Səhmlərin yerləşdirilməsindən ən azı 15 (on beş) gün, istiqrazların yerləşdirilməsindən isə ən azı 5 (beş) gün öncə emissiya prospekti geniş kütləyə açıqlanmalıdır. Lakin təklifin
mediada yetərli qədər işıqlandırılması, şirkətin müsbət imicinin formalaşdırılması və investorlarda təklifə marağın oyadılması məqsədi ilə kompleks marketinq kampaniyasının
aparılması əhəmiyyətli hesab edilir. Şirkət və onun peşəkar tərəfdaşları potensial investorlarla görüşlər keçirir, onların bütün zəruri sualları cavablandırılır. Bu zaman şirkət maksimal
sayda investorlara məlumatı çatdırmaq və onları qiymətli kağızların alınmasına təşviq etmək məqsədi güdür. Daha sonra investorlara qiymətli kağızların alınmasında iştirak üçün
müəyyən edilmiş son tarix bildirilir.
Müəyyən edilmiş son tarixdə qiymətli kağızın təklifi tamamlanır və kağızlara maraq göstərmiş investorlar tərəfindən sifarişlər verilir. Qiymətli kağızlar üçün müraciətlərin sayı çox
olduğu təqdirdə, onlar investorlar arasında əvvəlcədən müəyyən olunmuş şərtlərə müvafiq olaraq bölüşdürülür.
Yerləşdirmə başa çatdıqdan sonra emitent 30 (otuz) gündən gec olmayaraq Qiymətli Kağızlar üzrə Dövlət Komitəsinə qiymətli kağızların emissiyasının yekunları barədə hesabat
təqdim edir. Hesabat təqdim olunandan sonra 15 (on beş) iş günü müddətində qeydiyyata alınır. Komitə tərəfindən qiymətli kağızların təklifi və yerləşdirilmənin emissiya prospektində
qeyd olunmuş şərtlərə cavab verməsi yoxlanılır.
Yerləşdirmənin qeydiyyata alındığı tarixdən etibarən 7 (yeddi) gündən gec olmamaq şərti ilə emitent tərəfindən yerləşdirmənin yekunları barədə ictimaiyyətə kütkəvi informasiya
vasitələri ilə açıqlayır.
Listinq olunan qiymətli kağızların ticarətinin 1-ci açılış sessiyası çox böyük maraqla qarşılanır. Belə ki, bəzi birjalarda bu hadisə ticarətin başlanılmasını bildirən simvolik zəngin
çalınması ilə müşahidə olunur. Ticarətin ilk günü adətən yerləşdirmə zamanı yetərli sayda qiymətli kağız ala bilməyən investorlar tərəfindən tələb yaradılır ki, bu da öz növbəsində
qiymətlərin artımına səbəb olur. Ticarətin ilk günü müşahidə olunan qiymət artımı adətən həmin buraxılışın investorlar tərəfindən uğurlu hesab edilməsinə, şirkətin gələcək inkişafı və
mənfəəti ilə əlaqədar yüksək gözləntilərin olmasına və şirkətin növbəti qiymətli kağız buraxılışlarının daha aşağı xərclərlə həyata keçiriləcəyinə işarə edir.
16
Listinqdən sonrakı mərhələ
Şirkət listinq vərəqəsində olduğu müddət ərzində listinq qaydalarına
riayət etməlidir. Listinq qaydalarının əsas məqsədi investorların
marağının qorunmasını təmin etməkdir. Belə ki, qaydalar birjada
qiymətli kağızların ticarət əməliyyatlarının müntəzəmliyinin,
şəffaflığının təmin olunması, emitent və onun birjada listinqdən
keçmiş qiymətli kağızları haqqında geniş məlumatın ictimaiyyətə
və investorlara vaxtında və dəqiq açıqlanmasını nəzərdə tutur.
Bu qaydalara müvafiq olaraq listinq olunmuş şirkət mütəmadi
olaraq maliyyə hesabatlarını, illik hesabatlarını, şirkətin fəaliyyətinə
mühüm təsir göstərən hər hansı bir hadisə, qərar və ya dəyişikliklər
haqda məlumatı, səhmdarlarının ümumi yığıncağının çağrılmasının
və iclasın yekunları barədə protokolu və digər “qiymətə təsir göstərə
bilən” məlumatları geniş ictimaiyyətə açıqlamalıdır.
17
18
Qiymətli kağızların emissiyası və listinqi ilə bağlı qanunvericilik
Bakı Fond Birjası və Listinq qaydaları daxil olmaqla kapital
bazarındakı bütün əməliyyatlar aşağıdakı hüquqi baza əsasında
tənzimlənir:
Listinq tələbləri
Azərbaycan Respublikasının Mülki Məcəlləsi
Qiymətli kağızlar bazarında investorların
hüquqlarının müdafiəsi haqqında Azərbaycan
Respublikasının Qanunu
Azərbaycan Respublikası Prezidentinin Fərman və
Sərancamları
Azərbaycan Respublikasının Nazirlər Kabinetinin
qərarları
Qiymətli Kağızlar üzrə Dövlət Komitəsinin normativ
aktları
Bakı Fond Birjasında qiymətli kağızların listinqi,
delistinqi və ticarətə buraxılması qaydaları və digər
əlaqəli daxili korporativ aktlar
18
19
Bakı Fond Birjasında iki növ listinq kateqoriyası mövcuddur: Premium və Standart listinq. Premium listinq əsasən iri yerli və xarici şirkətlər üçün, Standart listinq isə böyüməkdə olan
kiçik və orta sahibkarlıq subyektləri üçün nəzərdə tutulmuşdur. Birjada qiymətli kağızların listinqi və delistinqi ilə bağlı qərarların verilməsi və bu qaydaların tətbiqinə nəzarət Listinq
Komissiyası tərəfindən aparılır. Bu Qaydaların tələbləri pozulduğu halda emitentə qarşı cərimələr və digər məsuliyyət tədbirləri tətbiq edilir. Bakı Fond Birjasında qiymətli kağızların
listinqi, delistinqi və ticarətə buraxılması qaydalarını birjanın internet səhifəsindən əldə edə bilərsiniz. Aşağıda qaydalarla bağlı əsas müddəalar təqdim edilir:
Bakı Fond Birjası
•
Emitent müvafiq ölkənin qanunvericiliyinə uyğun olaraq qeydiyyatdan keçməlidir
•
Emitent listinqlə bağlı birjaya müraciətindən əvvəlki 3 (üç) il ərzində fəaliyyət
göstərməlidir
•
Emitent son 3 (üç) maliyyə ilinin hər birinin nəticələri üzrə illik xalis mənfəətə
malik olmalıdır
•
Emitent açıq səhmdar cəmiyyəti formasında (adlı səhmlər və adlı istiqrazlar
üçün) və ya qapalı səhmdar cəmiyyət formasında (adlı istiqrazlar üçün) təşkil
olunmalıdır
•
Barəsində listinq ərizəsi təqdim edilmiş Emitentlə bağlı bu ərizənin təqdim
edildiyi vaxtdan əvvəlki 3 il ərzində iflas proseduru başlanmamalı və ya o, qeyd
olunan dövr ərzində vaxtaşırı müflisləşmə problemləri ilə qarşılaşmamalıdır
•
Emitentin idarəetmə orqanlarında listinq üçün ərizəni təqdim etdiyi tarixdən əv-
vəlki 6 (altı) ay ərzində mühüm dəyişikliklər olmamalıdır. Emitentin idarəetmə
orqanlarında dəyişikliklər o zaman mühüm sayılır ki, onun Müşahidə Şurasının
və ya İdarə Heyətinin üzvlərindən ən azı yarısı dəyişdirilmişdir
•
Səhmlərin və istiqrazların sahiblərinin reyestri qiymətli kağızlar bazarının
peşəkar iştirakçısı olan reyestrsaxlayıcısı tərəfindən aparılmalıdır
•
Emitentin ümumi kapitalı 5.000.000 manatdan az olmamalıdır
•
Emitent maliyyə hesabatlarını Maliyyə Hesabatlarının Beynəlxalq
Standartlarına (MHBS) uyğun hazırlamalıdır; listinqdən keçmək üçün
müraciət etmiş emitent ana şirkətdirsə, o Maliyyə Hesabatlarının Beynəlxalq
Standartlarına uyğun hazırlanmış konsolidə olunmuş illik hesabat hazırlamalıdır
•
Emitent Müstəqil Auditor tərəfindən Beynəlxalq Audit Standartlarının (BAS)
tələblərinə uyğun auditdən keçməlidir (audit rəyləri şərtsiz müsbət olmalıdır;
yalnız bir il üzrə audit rəyinin şərti-müsbət olmasına yol verilə bilər)
•
Emitent nizamnaməsini özünün baş ofisində və/və ya internet saytında
açıqlamalıdır;
•
Emitentin müşahidə şurasında ən azı 3 (üç) üzv olmalı və onlardan ən azı üçdə
biri Müstəqil Direktor olmalıdır
•
Emitent daxili audit komitəsinə malik olmalıdır
•
Aidiyyatı şəxslə əqdlər mövcud qanunvericiliyə uyğun olaraq həyata
keçirilməlidir
•
Emitent səhmdarların sahib olduqları səhmlərin sayına mütənasib olaraq
əlavə emissiya olunmuş səhmləri əldə etmək üzrə üstünlük hüquqları nəzərdə
tutmalıdır
•
Emitent üzərində nəzarətin bir və ya bir neçə ardıcıl əməliyyatın keçirilməsi
yolu ilə ötürülməsi halında, səhmlərin özgəninkiləşdirilməsi zamanı yeni
səhmlərə sahib olan şəxs digər səhmdarlara müqavilədə göstərilən qiymətdən
az olmamaq şərtilə açıq təklif irəli sürməlidir
•
Emitent üzərində nəzarət ötürüldükdə yeni səhmlərin sahibi olan şəxs tərəfindən
yuxarıda göstərilən əqdin baş tutduğu tarixdən növbəti 3 (üç) iş günü ərzində
əqd barədə birjaya yazılı surətdə məlumat verilməlidir
•
Emitent mütəmadi olaraq yenilənən və onun fəaliyyətinin mühüm istiqa-
mətlərini işıqlandıran veb səhifəyə malik olmalıdır
Qiymətli kağızların Premium listinqə çıxarılması üçün tələblər
20
•
Emitentin hüquqi şəxslərin dövlət qeydiyyatı haqqında
şəhadətnaməsinin və notarial qaydada təsdiq olunmuş
nizamnaməsinin surəti
•
Emitentin fəaliyyət göstərdiyi son 3 (üç) il ərzində keçirilmiş
Səhmdarların Ümumi Yığıncaqlarının protokollarının surətləri
•
Emitent lisenziya tələb edən fəaliyyət növü ilə məşğuldursa,
həmin lisenziyaların notarial təsdiq olunmuş surətləri
•
Emitentin qiymətli kağızlarının buraxılışının dövlət qey-
diyyatı haqqında şəhadətnamələrinin surəti
•
Birja üzvü ilə Emitent arasında qiymətli kağızların
yerləşdirilməsi və ya dövriyyəsi haqqında hər hansı bir
müqavilə olduqda, bu müqavilənin surəti
•
Emissiya Prospekti
•
Emitentin fəaliyyət göstərdiyi son 3 (üç) ilin nəticələri
üzrə Maliyyə Hesabatlarının Beynəlxalq Standartlarına
uyğun hazırlanmış maliyyə hesabatları və həmin dövr üzrə
Beynəlxalq Audit Standartlarına uyğun hazırlanmış audit
rəylərinin surətləri
•
İnvestisiya Memorandumu (Emitent İnvestisiya Memoran-
dumu üzrə nəzərdə tutulmuş bütün məlumatı Emissiya
Prospektinə daxil edərsə, ayrıca İnvestisiya Memorandumun
hazırlanması tələb olunmur)
•
Emitentin hüquqi şəxslərin dövlət qeydiyyatı haqqında şəhadətnaməsinin və notarial qaydada təsdiq
olunmuş nizamnaməsinin surəti
•
Emitent birjaya listinqə daxil edilməsi üçün ərizəni təqdim etdiyi müddətdən əvvəki 2 (iki) il ərzində
keçirilmiş səhmdarların Ümumi Yığıncaqlarının protokollarının surətləri
•
Emitent lisenziya tələb edən fəaliyyət növü ilə məşğuldursa həmin lisenziyaların notarius tərəfind-
ən təsdiq olunmuş surətləri
•
Emitentin qanunvericiliyə uyğun hazırlanmış maliyyə hesabatlarının və audit rəylərinin surətləri
•
Qiymətli kağızların dövlət qeydiyyatı haqqında şəhadətnamənin surəti
•
Kotirovka vərəqəsinə daxil edilməli olan qiymətli kağızların Emissiya Prospekti
•
İnvestisiya Memorandumu (Emitent İnvestisiya Memorandumu üzrə nəzərdə tutulmuş bütün
məlumatı Emissiya Prospektinə daxil edərsə, ayrıca İnvestisiya Memorandumun hazırlanması tələb
olunmur)
•
Emitent Azərbaycan Respublikasının ərazisində qeydiyyatdan keçməli və fəaliyyət göstərməlidir
•
Emitent ən azı listinqlə bağlı birjaya müraciətindən əvvəlki 1 (bir) il ərzində fəaliyyət göstərməlidir
•
Emitent maliyyə hesabatlarını qanunvericiliyin tələblərinə uyğun hazırlamalıdır
•
Emitent Müstəqil Auditor tərəfindən aparılan auditdən keçməlidir
Qiymətli kağızların Premium listinqə çıxarılması
üçün birjaya təqdim olunmalı sənədlər
Qiymətli kağızların Standart listinqə çıxarılması
üçün birjaya təqdim olunmalı sənədlər
Listinq Komissiyası qiymətli kağızların listinqə daxil edilməsi barədə qərar qəbul etdikdən sonra 5 (beş) iş günü ərzində müvafiq məlumatı (Emissiya Prospektini və/və ya İnvestisi-
ya Memorandumunu, Emitentin maliyyə hesabatlarını və s.) birjanın internet saytı vasitəsilə açıqlamalıdır.
Qiymətli kağızların Standart listinqə çıxarılması üçün tələblər
20
Premium listinqə çıxarılmış qiymətli kağızların emitentləri səhmdarların Ümumi Yığıncağı
tərəfindən təsdiq edilmiş auditdən keçmiş maliyyə hesabatları və illik hesabatlarını
növbəti ilin may ayının 31-dən gec olmayaraq birjaya təqdim etməli və açıqlamalıdır. İllik
hesabatlar Bakı Fond Birjasının standartlarına uyğun hazırlanmalıdır. Emitentlər maliyyə
ilinin hər rübü üzrə maliyyə hesabatlarını müvafiq rüb bitdikdən sonra 20 (iyirmi) iş günü
ərzində birjaya təqdim etməli və açıqlamalıdırlar.
Standart listinqə çıxarılmış qiymətli kağızların emitentləri səhmdarların Ümumi Yığıncağı
tərəfindən təsdiq edilmiş auditdən keçmiş maliyyə hesabatlarını və illik hesabatlarını
növbəti ilin iyun ayının 30-dək birjaya təqdim etməli və açıqlamalıdırlar.
Emitent səhmdarların növbəti (45 gün qalmış) və növbədənkənar (30 gün qalmış) ümumi
yığıncaqlarının çağırılması barədə bildirişi, eyni zamanda yığıncaq keçiriləndən sonra 3
(üç) iş günü ərzində protokolunun surətini birjaya təqdim etməlidir.
Hər iki listinq kateqoriyasına daxil edilmiş Emitent aşağıdakı məlumatları (qanunvericiliyə
zidd olmadığı hallarda) 3 (üç) iş günü ərzində birjaya təqdim etməlidir:
•
Fəaliyyətin növünün dəyişilməsi və ya fəaliyyətin dayandırılması, əsas
fəaliyyət növünün həyata keçirilməsi ilə bağlı meydana çıxan mühüm
dəyişikliklər;
•
Emitentin mühasibat uçotu siyasətində nəzərdə tutulmuş mühüm dəyişikliklər;
•
İcra orqanında və ya müşahidə şurasında edilən mühüm dəyişikliklər;
•
Kommersiya fəaliyyətinə və maliyyə nəticələrinə təsir göstərən yeni
məhsulların və xidmətlərin təklif edilməsi;
•
Emitent tərəfindən digər şirkətin nəzarət payının alınıb-satılması;
•
Emitentin xalis aktivlərinin 25 (iyirmi beş) faizindən artıq olan məbləğdə
bağlanılan müqavilə və ya emitentin fəaliyyətinə təsir göstərə biləcək hər
hansı müqavilələr;
•
Dövlət orqanları, məhkəmələr tərəfindən emitentlə bağlı onun kapitalının
10 % və daha artıq hissəsini əhatə edən işlərin baxılması (başlanması, müxtəlif
instansiyalarda baxılması və ya hər-hansı qərar qəbul edilməsi) faktları;
•
Mövcud iş yerlərinin 15 faizindən çoxunu əhatə edən iş yerlərinin ixtisar
edilməsi planları və s.
Listinqə müraciət emitent tərəfindən təqdim edilmiş ərizənin və qaydalarla müəyyən
edilmiş müvafiq sənədlərin qəbul edilməsi ilə başlayır. Listinq üçün ərizə birjanın idarə
heyətinin təsdiq etdiyi formaya uyğun olaraq hazırlanmalıdır. Listinq Komissiyası ərizəni
və müvafiq sənədləri qəbul etdikdən sonrakı 10 (on) iş günü ərzində qiymətli kağızların
listinqə daxil edilməsi barədə qərar qəbul etməlidir. Listinq Komissiyası tərəfindən hər
hansı əlavə məlumat və sənədlər tələb etdikdə, qərarın qəbul edilməsi müddəti əlavə
10 (on) iş günü müddətinə artırıla bilər. Qiymətli kağızların listinqə alınmasına dair
qərar qəbul edildiyi halda, emitentə bu haqda məlumat verilir və 2 (iki) iş günü ərzində
emitentlə birja arasında Listinq Müqaviləsi bağlanılır. Bundan sonra listinq tamamlanmış
hesab edilir. Listinq Komissiyası listinq üçün ərizəni rədd etdikdə və ya 10 (on) iş günü
ərzində qərar qəbul etmədikdə emitent, qərar qəbul edildikdən və ya onun qəbul edilməsi
üçün müəyyən edilmiş 10 (on) iş günü bitdikdən sonra 20 (iyirmi) iş günü ərzində
mübahisənin həlli üçün birjanın Mübahisələrin həll edilməsi üzrə Komissiyasına müraciət
etmək hüququna malikdir.
Məlumatların mütəmadi olaraq açıqlanması
İYUN
30
MAY
31
P R E M İ U M
S TA N D A R T
21
22
Qiymətli Kağızlar üzrə Dövlət Komitəsi kapital bazarlarında dövlət tənzimlənməsini
həyata keçirən və bazar iştirakçılarının maraqlarının qorunmasına xidmət edən
dövlət qurumudur. Bazar iştirakçılarının fəaliyyətinin tənzimlənməsi və onların
lisenziyalaşdırılması bu qurum tərəfindən həyata keçirilir.
Hüquqi normativ baza ilə qurumun internet səhifəsində tanış ola bilərsiniz. Aşağıda
qiymətli kağızların emissiyası ilə bağlı Qiymətli Kağızlar üzrə Dövlət Komitəsinin
müvafiq qayda və prosedurları sadalanmışdır:
•
Səhm və istiqrazların kütləvi emissiyası üçün emissiya prospektinin
qeydiyyatının aparılması;
•
Müvafiq sənədlərin təqdim edilməsindən sonra növbəti
15 (on beş) iş günü ərzində prospektin qeydiyyatı haqqında qərar verilməsi;
•
Qiymətli kağızların dövlət qeydiyyatı üzrə Çıxarışın şirkətə təqdim edilməsi;
•
Təklifin müddəti bitdikdə və yerləşdirmə yekunlaşdıqdan sonra şirkət 30
gün ərzində yerləşdirmənin yekunlarına dair hesabatın təqdim edilməsi;
•
Hesabatın 15 (on beş) iş günü ərzində qeydiyyata alınması;
•
Emissiyasının yekunları haqqında hesabatda olan məlumatlar həmin
hesabat qeydiyyata alındığı tarixdən etibarən 7 (yeddi) gündən gec
olmayaraq emitent tərəfindən kütləvi informasiya vasitələrinə açıqlanması.
Qiymətli Kağızlar üzrə
Dövlət Komitəsi
56879789 87985 23
777889631898748
1235789996321178
4456 8983 322210
7898456321 321321
3214567899999872
565 87 9898911110
23
Səhm, istiqraz və digər qiymətli kağızların saxlanılması və reyestrinin aparılması,
birja əqdləri üzrə klirinq və hesablaşmalar Milli Depozit Mərkəzi (MDM) tərəfindən
aparılır. əlavə olaraq, qiymətli kağızlar barədə əqdlərin qeydiyyatı və onların
sahiblərinin uçotunun aparılmasını,qiymətli kağızların konsolidasiya, konvertasiya
və xırdalanması, eləcə də digər qlobal əməliyyatların aparılması kimi xidmətlər bu
qurum tərəfindən həyata keçirilir. Mərkəz həmçinin qiymətli kağıza sahibliklə əlaqədar
informasiyanın emitentdən (reyestr saxlayandan) deponentlərə (müştərilərə) və
deponentlərdən qiymətli kağızların emitentinə (reyestr saxlayana) verilməsini təmin
edir. Eyni zamanda səhmdarların yığıncaqları, dividendlərin verilməsi və emitentin
digər kooperativ fəaliyyəti barədə qiymətli kağız sahibinin və ya onun səlahiyyətli
nümayəndələrinin məlumatlandırılması kimi xidmətlər göstərilir.
Qaydalar ilə bağlı daha geniş məlumat qurumun internet səhifəsindən əldə oluna
bilər. Aşağıda bəzi əsas mərhələlər təqdim olunmuşdur:
•
Emitentin qiymətli kağızlarının saxlanılması üçün depo hesabının açılması ilə
bağlı Mərkəz ilə müqavilə bağlayır;
•
Şirkətin Nizamnaməsinin nüsxəsini, emissiya prospektini və Qiymətli Kağızlar
üzrə Dövlət Komitəsi tərəfindən verilmiş qiymətli kağızların dövlət reyestrindən
çıxarışı Milli Depozit Mərkəzinə təqdim edir.
Milli Depozit Mərkəzi
MDM
MDM
24
Terminlər lügəti
Anderraytinq
Emitentin adından çıxış edərək investorların cəlb edilməsi və
emitentin buraxdığı qiymətli kağızların bazarda yerləşdirilməsi
öhdəliyinin götürülməsi
Broker
Qiymətli kağızlar bazarinda alıcı və satıcı arasında vasitəçilik
funksiyasını həyata keçirən peşəkar maliyyə şirkəti. Broker
həmçinin investorlara və emitentlərə maliyyə məsləhəti
xidmətlərini də göstərir.
Dividend
Səhmdarlarına şirkətin mənfəətindən ödənilən məbləğ
Delistinq
Qiymətli kağızların listinqdən xaric edilməsi
Emissiya
prospekti
Şirkət və buraxılan qiymətli kağız haqqında məlumatların əks
olunduğu sənəd
Emissiya
Yeni qiymətli kağızların bazara buraxılması
Emitent
Kapital cəlb etmək məqsədi ilə səhm və borc qiymətli kağızlarını
investorlara satan hüquqi şəxs
İstiqraz
Müəyyən edilmiş müddət və faiz dərəcəsi ilə maliyyə vəsaitlərinin
əldə edilməsinə və əsas məbləğin müddətin sonunda, faizlərin
isə rüblük, yarımillik və ya illik ödənilməsinə imkan verən qiymətli
kağızdır
İlkin kütləvi
təklif
Şirkət tərəfindən səhmlərinin ilk dəfə olaraq geniş ictimaiyyətə
təklif olunması və ya ilkin bazarda açıq satışa buraxılması
İlkin bazar
Yeni buraxılmış qiymətli kağızların emitent tərəfindən ilk dəfə
satışa çıxarılması
İnvestisiya
Memorandumu
Marketinq sənədi kimi investorlara təqdim etmək üçün
hazırlanmış sənəddir. İnvestisiya Memorandumu rəhbərliyin
mükafatlandırılması, əməliyyatlar və maliyyə vəziyyəti, gəlirlərin
istifadəsi və Emitentin dividend siyasəti və kapitallaşması
haqqında və digər məlumatları əhatə edir.
Kapital bazarı
İstiqraz və səhmlər də daxil olmaqla, qiymətli kağızların ticarət
olunduğu bazardır.
Klirinq və
hesablaşma
Qiymətli kağızlarla əqdlər üzrə qarşılıqlı öhdəliklərin müəyyən
edilməsi (məlumatların toplanması, yoxlanması, üzləşdirilməsi,
mühasibat sənədlərinin hazırlanması), hesablaşmaların
aparılması və öhdəliklərin qarşılıqlı icrasının təmin edilməsidir
Kupon
İstiqrazın nominal dəyərindən ödənilən faiz məbləği. Kuponlar
adətən rüblük, yarımillik və illik olur. İstiqrazların nominalının faizi
formasında ifadə olunur. Məsələn, nominal dəyəri 1000 manat,
illik kupon faizi 9% və ildə iki dəfə ödəyən istiqrazın sahibi hər altı
aydan bir 45 manat məbləğində pul alacaqdır
Likvidlik
Bazarın, ticarətin yüksək fəallığı, müxtəlif maliyyə alətlərinin alıcı
və satıcıların çoxluğu ilə xarakterizə olunan vəziyyəti
Listinq
Fond birjasının şərtlərinə və tələblərinə uyğun gələn qiymətli
kağızların tənzimlənən bazarda satışa çıxarılması
Reyestr
Qiymətli kağızların dövlət reyestri Qiymətli Kağızlar üzrə Dövlət
Komitəsi tərəfindən, qiymətli kağız sahiblərinin reyestri isə Milli
Depozit Mərkəzi tərəfindən aparılır
Səhm
Sahibinə hər hansı bir müəssisənin aktivlərində müəyyən bir paya
sahiblik və payına uyğun olaraq müəssisənin gəlirinin bir hissəsini
dividend şəklində əldə etmək hüququ verən qiymətli kağız
Təkrar bazar
Qiymətli kağızların yerləşdirilməsindən sonra onların bazar
iştirakçıları tərəfindən ticarət olunduğu bazar
Yerləşdirmə
Qiymətli kağızların ilk sahibləri tərəfindən alınması
Dostları ilə paylaş: |