Həyat dərslərİ
Yüklə 222,17 Kb. Pdf görüntüsü
|
- Bu səhifədəki naviqasiya:
- HƏYAT DƏRSLƏRİ Tahir Qəffarlı
HƏYAT DƏRSLƏRİ Tahir Qəffarlı
19 XV DƏRS
Mərifət, Allahı tanımaqdır! (Nəfsə xoş görünən "əxlaqi" görüntülər deyil!) Lakin Allahı zahirən (nəfsinə uyğun- laşdıraraq) və daxilən – qəlbən tanımaq kimi fərqli cəhətlər var. Zahirən (nəfslərinə görə) tanıyanların bəsirətləri bağlı olduğundan, sadəcə olaraq "fanatik" olurlar. (İlahi məntiqdən kənar olan insanlar, şeytani təfəkkürə malik olurlar. Fanatik insanin düşüncəsi başqalarının fikirləri ilə idarə olunur. Fanatikdən soruşanda ki, "məhz niyə sən dediyin kimi olmalıdır". O isə nalayiq söz və hərəkət ilə cavab verir... Allaha qəlbən – ruhən bağlı olan bəsirət sahibləri, ən ali eşq ilə Allahı sevirlər, utandıqlarına (daimə qüsürlu nəfsani istəklərinə) görə isə Allahdan qorxurlar. Bu adi dünyəvi qorxu deyil, qəlbin məsumluğudur. Məsumluq, utanmaq deməkdir. Utanmaq isə pis olan şeylərdən qorxmaq deməkdir!... İndi utanan bəniz – sifət görmək müşkül məsələdir. Üz- lərdə, gözlərdə (çoxluq təşkil edir) nur əvəzinə əcaib görüntülər var. İndi, gənclərin çoxunun bəyənmədiyi baba-nənələrimizin üzlərində olan nur, onların İNSANLIQ diplomları idi... Təəsüflər olsun ki, indiki gənc nəsillə bəsirətli insanlar arasında dərin uçurum var. Həqiqəti eşidən qulaqlar kar olub... İbrət olmayan yerdə, qeyrət olmaz!...
Tahir Qəffarlı HƏYAT DƏRSLƏRİ
20 XVI DƏRS
Yunan filosofu Sokrat demişdir: "Danış, sənin kim olduğunu deyim"! Hər bir insan, öz dilinin altında gizlənib. Sözü ucuz olanın özü ucuz olar. Sözü düz olanın özü düz olar. Söz var ömrü uzadar, söz var ömrü gödəldər. Söz, məsuliyyət deməkdir. Götürə biləcəyin qədər yük götür!... "Yalançı ümiddənsə acı həqiqət yaxşıdır". Söz, o vaxt əmələ – işə çevrilir ki, (hələ əməl – iş şəklində baş verməmiş) sən sözlə məsuliyyəti öz üzərinə götürürsən. Kiməsə verdiyin söz (filan işi edəcəm, filan işdə sənə kömək edəcəm) artıq məsuliyyətdir. Artıq yük götürmək, kiməsə, nəyə görəsə də söz ver- məkdir. Ailədə, iki dost, iki rəfiqə arasında olan münasibətləri korlamaq (pozmaq), sözünə məsul (cavabdeh) olmamaqdır. İndi, hal-hazırda insanlar arasında münasibətlər ona görə saxtalaşır ki, insan dediyi sözə görə məsuliyyət daşımır. Yəni vicdanlar pas atır, qəlblər qaralır. Sözə münasibət düzgün qurulmadığına görə ("elə-belə sözdü də, deyirəm" deyənlərin sayı çoxalır) qarşılıqlı inam (istər ailə daxili, istər ətrafdakılarla) pozulub. Söz ananın dilində "layla"dır (Təəsüflər olsun ki, indi "layla" deyən analar barmaq sayı qədərdir). Ana-ata məhəb- bətinin etirafıdır, oğlan-qız arasında ülfətdir, bağdır və s. Sözə xor baxılır. Belə halla, dünyamız da pisə doğru dəyişdi. Hər şeyin dadı qaçdı. İnamsızlaşan insanlarda biga- nəlik, qabalıq, zalımlığa meyillilik çoxaldı. Bütün bəlaların kökündə sözə olan pis – yaman münasibət durur. Gəlin, diqqətli olaq! Sözlə oynamayaq! Axı, o, Allahın əmanətidir!...
HƏYAT DƏRSLƏRİ Tahir Qəffarlı
21 XVII DƏRS
İnsan, şübhəsiz ölümə məruz qaldığını bilərək, özündən (yəni, öz həyatından) sonra əbədi iz qoymağa çalışıb. Neçə- neçə gözəl, nəhəng abidələr, rəsm – heykəltaraşlıq nümunələri, bədii ədəbiyyat və musiqi əsərləri, daha nələr, daha nələr, əbədiyyətə, ölməzliyə qovuşmaq üçün olan istəkdir. "Ölüm" fikri, insanın yaşamaq ehtirasını daha da gücləndirir. Lakin dərk etmə reallığı daha güclüdür. "Ölümün" bir keçid (körpü) olduğunu dərk edən insan "əbədiyyəti, ölümsüzlüyü" başqa cür dərk etməyə başlayır. Bəli, ruh ölümsüzdür və onun sınanması üçün (bu dünya yaradılıb) insana bədən verilib. İnsan, ruhunun ağlı ilə (nəfsani ağlı ilə yox) əbədidir, ölməzdir. Əməl dəftərimizdə yazılanlar əsasdır. Əgər nəfsimiz ruhumuzu özümə tabe edibsə, onda, günahlar ruhumuzun üstünə yazılacaq. Hər birimiz ağır məsuliyyətin altındayıq. Bu məsuliyyət bəndəlik haqqıdır. Bir insanın digər insana münasibəti, o insanın Allaha olan münasibəti əsasında olur. Yəni, sən Allaha hansı müna- sibəti bəsləyirsənsə, bunun əsasında başqa insanlarla münasibət quracaqsan !
Tahir Qəffarlı HƏYAT DƏRSLƏRİ
22 XVIII DƏRS Ağıl və qəlb...
Beyin, bir ev kimidir. Ora nə yığılarsa, o da sənin olar. Topladığın bilik, məlumat sənin "kimliyini" müəyyənləşdirir. Düzdür, qəlbin "kimliyi" ağılda toplanan biliklərdən fərqlidir. Duymaq başqadır, bilmək başqa. Lakin cəmiyyətdə, insanlar arasında sənin "kimliyin" ağzından çıxan sözə görədir. Dar düşüncəli insan, hətta gözəl qəlbə malik olsa da, çətin vəziyyətlərdə düzgün söz tapıb, danışa bilmir. Əksinə, xətalı sözlər işlədərək günah edir. Deməli, qəlbin saf olması ilə bərabər, həm də düzgün düşüncəli ağıl da lazımdır. Düzgün düşüncəli ağlı isə elmlənməklə, elm qazanmaqla əldə etmək olar. İnşəAllah!
Yüklə 222,17 Kb. Dostları ilə paylaş:
|