İddia ərizəsinin nümunəsi



Yüklə 10,43 Kb.
tarix16.11.2018
ölçüsü10,43 Kb.

İddia ərizəsinin nümunəsi

Şəki İnzibati-İqtisadi Məhkəməsinə

İddiaçı: Xəlilova Günay Tofiq qızı Ünvan: Yevlax şəhəri,

Q. Xəlilov küçəsi 12, mənzil 4

Tel:___

Cavabdeh: Yevlax Rayon Polis İdarəsi

Ünvan: Yevlax şəhəri...

İddia ərizəsi

Mən, Xəlilova Günay Tofiq qızı 2 aprel 2011-ci il tarixdə Xəlilov Elman Abbas oğlu ilə ailə qurmuşam və həmin tarixdən etibarən Xəlilov Elman Abbas oğlu ilə birgə Yevlax şəhəri, Q. Xəlilov küçəsi 12, mənzil 4 ünvanında yaşamağa başlamışam. 8 aprel 2011-ci il tarixdə Yevlax Rayon Polis İdarəsinə, halhazırda yaşadığım Yevlax şəhəri, Q. Xəlilov küçəsi 12, mənzil 4 ünvanında qeydiyyata alınmağım barədə ərizə ilə müraciət etmişəm. Yevlax Rayon Polis İdarəsi10 may 2011-ci il tarixli məktubla mənim həmin mənzilə qeydiyyata almaqdan imtina etdiyini bildirmişdir. Məktubun surətini poçt vasitəsilə 13 may 2011-ci il tarixdə əldə etmişəm. Hesab edirəm ki, Yevlax Rayon Polis İdarəsinin bu hərəkəti qanunsuzdur. İlk növbədə bildirim ki, 12 may 2011-ci il tarixli məktubda mənim hansı əsaslarla qeydiyyata alınmaqdan imtina edilməsi barədə heç bir qeyd yoxdur. Məktubda yalnız qeydiyyatdan imtina ilə bağlı məlumat verilmişdir. Digər tərəfdən mənim rayon polis idarəsinə təqdim etdiyim sənədlər qanunvericiliyin tələblərinə uyğun olmuşdur. Belə ki, mən Yevlax Rayon Polis İdarəsinə“Yaşayış yeri və olduğu yer üzrə qeydiyyat haqqında” Azərbaycan Respublikasının Qanununun 5-ci maddəsinə əsasən, öz şəxsiyyət vəsiqəmi və evin mülkiyyətçisi olan Xəlilova Şəfiqə Arzuman qızının mənə yaşayış sahəsi verilməsi barədə ərizəni təqdim etmişəm.

Azərbaycan Respublikası İnzibati Prosessual Məcəlləsinin 33.1-ci maddəsinə əsasən, məcburetmə haqqında iddia vasitəsi ilə iddiaçı onun arzuladığı inzibati aktı q əbul etmək vəzifəsini cavabdehin üzərinə qoymağı məhkəmədən tələb edə bilər. Azərbaycan Respublikası İnzibati Prosessual Məcəlləsinin 8.1.4-cü maddəsinə əsasən, digər hallarda iddialara cavabdehin yerləşdiyi yerin, yaşayış yerinin, yaşayış yerinin olmadığı hallarda olduğu yerin və ya axırıncı yaşayış yaxud olduğu yerin məhkəməsi tərəfindən baxılır. Yuxarıda qeyd olunanları əsas tutaraq

Xahiş edirəm:

Yevlax Rayon Polis Şöbəsinin üzərinə mənim Yevlax şəhəri,Q. Xəlilov küçəsi 12, mən 4 ünvanına qeydiyyata alınmağım barədə qərar qəbul edilməsi vəzifəsinin qoyulması barədə qərar qəbul edəsiniz.

Qoşma.


1. İddia Ərizəsi: 2 nüsxə.

2. Yevlax Rayon Polis İdarəsinin 10 may 2011-ci il tarixli məktubunun surəti.

3. Yevlax Rayon Polis İdarəsinin təqdim etdiyim sənədlərin surətləri

İmza: Xəlilova Günay Tofiq qızı



18 iyun 2016-ci il


Dostları ilə paylaş:


Verilənlər bazası müəlliflik hüququ ilə müdafiə olunur ©genderi.org 2017
rəhbərliyinə müraciət

    Ana səhifə