Ii asosiy qism

Oqqarag‘ay (Abies) turkumi. Bu turkumning vakillari doim yashil katta daraxtlar bo‘lib, shox-shabbasi doira shaklida joylashgan bo‘lib, konussimon shakl hosil qiladi. Oqqarag‘ay bir uyli, ayrim jinsli daraxt. Oqqarag‘aylar asosan urug‘idan ko‘payadi. U parxish, payvand yo‘li bilan ham ko‘payishi mumkin. Oqqarag‘ay qoraqarag‘ayga nisbatan soyasevardir. Oqqarag‘ay turkumida 52 ga yaqin tur bo‘lib, ulardan 9 tasi MDH dendroflorasida uchraydi. Ulardan eng ko‘p tarqalganlari sibir, evropa, kavkaz, oq po‘stli va balzamli oqqarag‘aylardir.