Ijtimoiy- gumanitar fanlar kafedrasi

Biznes yuritishda beminnat yordamchi.

Bugun juda koʻp savdo, ishlab chiqarish va xizmat koʻrsatish bilan shugʻullanuvchi tadbirkorlar ijtimoiy tarmoqlardan samarali foydalanyapti. Elektron tijorat rivojlangan dunyoda keng tarqalgan. Bugun birgina telegram orqali ishbilarmonlik faoliyatini misli koʻrilmagan darajada yuksaltirib yuborayotganlar talaygina. Baʼzi ijtimoiy tarmoqlarda esa reklamani tanlangan yoki kerakli auditoriyaga yetkazish imkoni bor. Buni foydalanuvchining qiziqishlarini hisobga olib tarmoqning oʻzi algoritmlar asosida bajarishi mumkin.

5. 
   Turli ijtimoiy aksiyalar va yordamlar
   

Ijtimoiy tarmoqlarda ogʻir hayotiy vaziyatga tushib qolganlar, yetim-yesirlar, nogironlar, bir soʻz bilan aytganda moddiy-maʼnaviy himoyaga muhtoj qatlamga yordamlar uyushtirish mumkin. Bu ayniqsa soʻnggi yillarda tobora keng quloch yoyyapti. Mana shunday koʻmaklar koʻplab kishilarning dardiga malham boʻlayotgani haqida ommaviy axborot vositalari tez-tez xabar berib turibdi. Yordam aksiyalaridan muhtojlarning oʻzigina foyda topmaydi. Balki xayr-ehson qilgan, birovga yordam qoʻlini choʻzgan kishi ham maʼnaviy-ruhiy poklanadi, hayotga muhabbati, gʻayrat-shijoati ortadi.

6. 
   Ijodkorlar va boshqa soha vakillari uchun keng maydon. Qalam ahlini ijodi tanitadi. Baʼzida boshlovchilar, hatto tajribali jurnalistlar uchun ham bosma yoki elektron nashrlardan “joy tegmay qolishi” mumkin. Chunki har bir nashr oʻz talabiga, qiziqishiga ega. Ijtimoiy tarmoqlardagi kanallar esa jurnalist va blogerlar uchun katta maydon ochib beradi. Har kim oʻz imkoni va iqtidoriga, harakati va hafsalasiga qarab obunachi yigʻishi mumkin. Bundan tashqari, ijtimoiy tarmoqlar tezkorligi bilan ham ustun. Ayni damdagi voqea-hodisa haqida oʻsha zahoti yoki toʻgʻridan-toʻgʻri xabar berish mumkin. Ularni yuritish uchun juda katta texnik malaka ham talab etilmaydi. Bu imkoniyat nafaqat ijodkorlar, balki boshqa soha vakillari uchun ham. Hozir ijtimoiy tarmoqlarda bir necha oʻn minglab obunachilariga ega huquqshunoslar, shifokorlar, ilm ahli, oshpazlar va boshqalarning kanallari faoliyat yuritadi. Bu oʻz-oʻzini namoyon etish, tanilish va muvaffaqiyat qozonish uchun qulay yoʻldir.
   

Bundan tashqari, fikrlarini yozma ifoda etib borish kishining aqliy salohiyati oʻsishiga ham turtki beradi.
FORUM Bugungi kunda internet jamiyat ijtimoiy, siyosiy va madaniy hayotining juda muhim va ajralmas bo`lagiga aylanib bormoqda. Veb texnologiyalar prezident saylovlariga o`z ta'sirini o`tkazmoqda, hukumatlarning va siyosiy shaxslarning iste'foga chiqishiga olib kelmoqda, xalqaro va ichki siyosat yo`nalishlarini belgilab bermoqda. Jamiyatning madaniy hayotida keskin o`zgarishlarga olib kelmoqda, bu sohada yangi shaxslarni va yo`nalishlarni kashf etmoqda. Bularning barchasiga sabab internetdagi forumlarning ommaviylashib ketishidir.