IKKILAMCHI ISSIQLIKDAN FOYDALANISH.
REJA
1.Ikkilamchi issiqlikdan foydalanish.
2. Ikkilamchi issiqlikdan foydalanish jarayoni.
Metallurgik pechlarda
katta miqdordagi issiqlik, uning ishchi hajmidan
chiqayotgan gazlar, shlaklar va pechning turli qismlarini sovitish sistemalaridagi
suv bilan yo‘qoladi. Ushbu yo‘qolayotgan issiqlik pechlar ishida sarflanayotgan
umumiy issiqlikning katta qismini tashkil etib, u quyidagicha taqsimlanadi;
texnologik gazlar bilan 30–50%, shlaklar bilan 10-30% va sovitish sistemalarida
5–20%. Pechlar ishida yo‘qolayotgan issiqlikdan samarali foydalanish, korxonada
sezilarli darajada energiyaning tejalishini ta’minlaydi.
Xususan bu issiqlik
metallurgik korxona ishi uchun zarur bo‘lgan issiq suv va suv bug‘ini tayyorlashga
sarflanadigan yoqilg‘i hamda elektr energiyasini tejash imkonini beradi. Bu esa o‘z
navbvtida metallurgik zavodlarda ikkilamchi issiqlik resurslaridan unumli
foydalanish yo‘lida har qanday korxona oldidagi global texnikaviy va iqtisodiy
vazifalardan biri bo‘lib hisoblanadi.
Pechdan chiqayotgan gazlarning fizik-kimyoviy issiqligidan foydalanish katta
ahamiyatga ega. Ulardan foydalanishni quyidagi usullarda amalga oshirish
mumkin.
- Rekuperatorlarda va regeneratorlarda havo hamda gaz holi-dagi yoqilg‘ilarni
qizdirishda;
- Utilizator - qozonida issiq suv yoki suv bug‘ini olishda;
- Jarayonga berilayotgan shixtani isitishda.
Metallurgik pechdan olinayotgan (chiqayotgan) erigan shlak issiqligidan suvni
isitish uskunalarida samarali foydalaniladi. Pechning sovitish sistemasidagi
issiqlikdan esa issiq suv va suv bug‘i olishda foydalanish mumkin.
Gaz yoqilg‘ilarini (suyuq va gaz holidagi yoqilg‘ilar)
qizdirilgan holida
berilishi, pechning issiqlik ishiga ijobiy ta’sir ko‘rsatadi. Ya’ni pech ishchi
hajmidagi haroratning ko‘tarilishiga, yoqilg‘i sarfini kamayishiga va issiqlikdan
foydalanish koeffitsientining ortishiga olib keladi. Metallurgik pechlardan
ajralayotgan ikkilamchi issiqlikdan foydalanishda issiqlikka va agressiv gazlarga
kimyoviy chidamli qurilmalar hamda dastgohlar qo‘llaniladi. Ularga
rekuperatorlar, utilizator qozonlari misol bo‘ladi.
Rekuperator - bu, bir – birining orasiga joylashtirilgan ikkita alohida naydan
tashkil topgan bo‘lib, pechdan chiqayotgan gazlarni sovitishda qo‘llaniladi. Ularda
gaz va havoning harakatlanish tizimiga ko‘ra rekuperatorlar uch xil sxema asosida
ishlaydi, ya’ni to‘g‘ridan - to‘g‘ri, qarama - qarshi va
ayqash harakatlanish usul-
laridir.
Rekuperatorlar metalldan va keramikadan tayyorlangan bo‘la-di. Metalli
rekuperatorlar kichik xajmda bo‘lib, yuqori issiqlik koeffitsientiga ega qurish va
ekspluatatsiya qilishga kam sarf – harajat talab etadi. Metalli rekuperatorlarning
asosiy kamchiliklari, ularning agressiv (SO
2
, SO
3
, Cl, NO
3
, va hokazo) tezda
korroziya-ga uchrashi va havoni isitish haroratining cheklanganligi-dir. Jumladan
legirlangan po‘latdan tayyorlangan rekuperatorlarda havoni 300–350
0
C,
cho‘yandan tayyorlanganda esa 400-450
0
C va issiqqa chidamli po‘latdan
tayyorlangan rekuperatorlarda 600–800
0
C gacha isitish mumkin. O‘z navbatida
keramikalangan rekuperatorlarda havoni 900–1000
0
C ga qizdirish imkoni bo‘lib,
ular uzoq vaqt davomida ishlaydi. Chunki keramikali rekupe-ratorlarning devorlari
qalin bo‘lishi bilan birga ular agressiv gazlarga chidamlidir.
Keramikadan tayyorlangan rekuperator
bir qator kamchiliklarga ega, bular
issiqlik almashinishi koeffitsientining kichikligi, mo‘rtligi, nihoyatda hajmdorligi
va konstruksiyasining murakkabligidir.
Konstruktiv tuzilishiga ko‘ra metalldan tayyorlangan rekupe-ratorlar
quyidagicha bo‘ladi: ignasimon, termoblokli, nayli,
plastinali, radiatsion va
kombinatsiyalashgan metallurgiyada asosan quvurli va radiatsion rekuperatorlar
qo‘llaniladi.
50-rasm. Rekuperatorlarda issiqgaz va havoning harakatlanish sxemasi:
a –to‘g‘ridan - to‘g‘ri harakat; b – qarama - qarshi harakat; d– ayqash harakat:
1–pechdan chiqayotgan issiq gazning harakat yo‘nalishi; 2–isitilayotgan havoning
harakat yo‘nalishi.
Nayli rekuperatorlar silliq po‘lat quvurlardan yasalgan turli konstruksiyada
bo‘lib quvurlar diametri 15–100 mm gacha va ular devorlari qalinligi 2 – 5 mm
gacha bo‘ladi. Yirik diametrli reku-peratorlarning quvurlari vertikal holda
joylashgan bo‘lib, ikki – uch qismdan (sektsiyadan) tashkil topadi. Bunday
rekuperator-larda havo tashqi quvurdan, qizigan gaz
esa ichki quvurdan harakat-
lanadi.
Radiatsion rekuperatorlar - 1100–1600
0
C haroratli chiqayotgan gazlar bilan
ishlashda qo‘llaniladi. Bunda issiqlik uzatilishi nurlanish orqali sodir bo‘ladi. Bu
jarayonda nurlanish gaz qatlami-ga bog‘liq bo‘lib, uning harakatlanish tezligiga
bog‘liq bo‘lmaydi. Radiatsion rekuperator devorlari qizigan havo ta’sirida 100-
130
0
C gacha qizishi kuzatiladi.
Bu holat boshqa rekuperatorlarga nisbatan uzinig afzalligini ko‘rsatadi. Shuni
ta’kidlash kerakki, radiatsion rekuperator devori issiqqa chidamli po‘latdan
tayyorlanadi, buning natijasida 1600
0
C haroratli pechdan chiqayotgan gazlarni
rekuperator bo‘ylab o‘t-kazish imkoni tug‘iladi.
Radiatsion rekuperatorlar gazlarning harakatlanishiga deyarli qarshilik
qilmaydi, chunki uning gidravlik qarshiligi 5–7 mm.suv.ust dan oshmaydi, bu esa
tutun tortish qurilmasiga ehtiyoj qoldirmaydi. Radiatsion rekuperatorlarning
konstruktiv tuzilishiga qarab 3 turga bo‘linadi. Bular:
silindrik, savatsimon, va
spiralli ko‘rinishlardir. Bular orasida eng keng tarqalgani silindrik rekuperator
hisoblanadi. Shu turga mansub rekuperator 51 - rasmda ko‘rsatilgan.
51 – rasmda ko‘rsatilganidek, rekuperator 4–6 mm bo‘lgan is-siqqa chidamli
po‘latdan yasalgan 2 ta konsentrik silindrdan iborat. Ichki silindrda pechdan
chiqayotgan gaz o‘tsa silindrlar orasidan esa qizigan havo harakatlanadi. Ichki
silindr diametri 0,6–1,6 m ni tashkil qilsa, ikki silindr orasi esa 10–70
mm dan
iborat bo‘ladi.
Radiatsion rekuperatorlar shartlangan, ya’ni chiquvchi gazlar 1 m/s, havoning
tezligi 20–50 m/s bo‘lgan sharoitda ishlaydi bunaqangi sharoitda gazlardan havoga
issiqlik uzatilish koeffitsienti 20–25 kkal/(m
2
/s) bo‘lishini ta’minlaydi. Radiatsion
rekupe-ratorlarning birdan bir kamchiligi; harorati 700–800
0
C bo‘lgan pechdan
chiqayotgan gazlardan foydalanish imkonining yo‘qligidir.