İmmiqrasiya haqqında
AZƏRBAYCAN RESPUBLİKASININ QANUNU
B i r i n c i f ə s i l
ÜMUMİ MÜDDƏALAR
M a d d ə 1 .
Qanunun məqsədi
Bu Qanun əcnəbilərin və ya vətəndaşlığı olmayan şəxslərin Azərbaycan Respublikasına
immiqrasiyasını və bununla bağlı münasibətləri tənzimləyir.
M a d d ə 2 .
İmmiqrasiya haqqında qanunvericilik
Azərbaycan Respublikasına immiqrasiya Azərbaycan Respublikası Konstitusiyası,
Azərbaycan Respublikasının tərəfdar çıxdığı beynəlxalq müqavilələri, bu Qanun və Azərbaycan
Respublikasının digər qanunvericilik aktları ilə tənzimlənir.
M a d d ə 3 .
Əsas anlayışlar
Bu Qanunda istifadə edilən anlayışlar aşağıdakı mənaları daşıyır:
immiqrasiya — bu Qanunla müəyyən edilmiş qaydada əcnəbilərin və ya vətəndaşlığı
olmayan şəxslərin Azərbaycan Respublikasına müvəqqəti və ya daimi yaşamağa gəlməsi;
i[1]
immiqrant — bu Qanunla müəyyən edilmiş qaydada Azərbaycan Respublikası ərazisində
daimi yaşamaq üçün icazə verilmiş əcnəbilər və ya vətəndaşlığı olmayan şəxslər;
ii[2]
immiqrasiya kvotası — bir il ərzində müvafiq ölkələrdən Azərbaycan Respublikasına
gəlmələrinə icazə verilən əcnəbilərin və ya vətəndaşlığı olmayan şəxslərin sayının son həddi.
iii[3]
İ k i n c i f ə s i l
İMMİQRASİYA HAQQINDA VƏSATƏTƏ BAXILMASI
M a d d ə 4 .
İmmiqrasiya haqqında vəsatət
Azı iki il Azərbaycan Respublikasında qanuni əsaslarla müvəqqəti yaşayan 18 yaşına çatmış
fəaliyyət qabiliyyəti olan əcnəbilər və vətəndaşlığı olmayan şəxslər Azərbaycan
Respublikasında daimi yaşamaq üçün (immiqrant statusu almaq üçün) müvafiq icra
hakimiyyəti orqanına vəsatət verə bilər.
iv[4]
Əcnəbilər və ya vətəndaşlığı olmayan şəxslər vəsatətlərində Azərbaycan Respublikasına
immiqrasiyasını əsaslandırmalıdırlar.
İmmiqrasiya haqqında vəsatətə notarial və ya ona bərabər tutulan qaydada təsdiq edilən
aşağıdakı sənədlər əlavə olunur:
1) doğum haqqında şəhadətnamə və ya ona bərabər tutulan başqa sənəd;
2) ailə tərkibi haqqında (ailə üzvlərinin adı, soyadı, təvəllüdü, məşğuliyyəti, yaşadığı və ya
olduğu yer göstərilməklə) arayış, nigah haqqında şəhadətnamənin surəti, əcnəbilər və ya
vətəndaşlığı olmayan şəxslərlə immiqrasiya edən 14 yaşından 18 yaşınadək olan uşaqların
immiqrasiyası haqqında yazılı razılığı;
3) immiqrant statusu almaq istəyən şəxslərin sağlamlığı haqqında arayış;
v[5]
4) Azərbaycan Respublikası vətəndaşı və ya Azərbaycan Respublikası ərazisində daimi
yaşayan şəxs ölkədə qaldıqları vaxtda təminatı öz üzərinə götürdüyü hallar istisna olmaqla,
əcnəbilərin və ya vətəndaşlığı olmayan şəxslərin və onlarla gələn ailə üzvlərinin minimal
tələbatını ödəyə bilən vəsaiti olması barədə sənəd;
5) əcnəbilərin vətəndaşlığını, vətəndaşlığı olmayan şəxslərin isə vətəndaşsızlığını təsdiq
edən sənəd;
6) əcnəbilərin və ya vətəndaşlığı olmayan şəxslərin peşə ixtisasını təsdiq edən sənədlər.
Azərbaycan Respublikasına immiqrasiya haqqında vəsatətin rədd edilməsi əsaslarının
mövcudluğunun müəyyən edilməsi üçün müvafiq icra hakimiyyəti orqanı tərəfindən əlavə
sənədlər tələb oluna bilər.
7) Azərbaycan Respublikasında müvəqqəti yaşamaq üçün icazə.
vi[6]
8) Azərbaycan Respublikasında müvəqqəti yaşamaq üçün icazə alınmasına əsas olmuş
halların aradan qalxmadığını sübut edən sənədlər.
vii[7]
9) dövlət rüsumunun ödənilməsi barədə qəbz.
viii[8]
M a d d ə 5 .
İmmiqrasiya haqqında vəsatətə baxılması
Müvafiq icra hakimiyyəti orqanı iki ay müddətində Azərbaycan Respublikasına
immiqrasiya haqqında vəsatətə baxır və qərar qəbul edir.
ix[9]
Azərbaycan Respublikasına immiqrasiya haqqında vəsatətə baxılması qaydalarını,
immiqrasiyanın növlərini və müddətlərini müvafiq icra hakimiyyəti orqanı müəyyən edir.
x[10]
M a d d ə 6 .
(Çıxarılıb)
xi[11]
M a d d ə 7 .
Azərbaycan Respublikasına immiqrasiya haqqında vəsatətin rədd
edilməsinin əsasları
Əcnəbilərin və ya vətəndaşlığı olmayan şəxslərin Azərbaycan Respublikasına immiqrasiya
haqqında vəsatəti aşağıdakı hallarda rədd edilə bilər:
1) onların immiqrasiyası Azərbaycan Respublikasının dövlət təhlükəsizliyinə və ya ictimai
asayişə zərər vura biləcəyi hallarda;
2) həmin şəxslər siyahısı müvafiq icra hakimiyyəti orqanı tərəfindən təsdiq edilən təhlükəli
yoluxucu xəstəlik virusu daşıyıcısı olduqda;
3) onların şəxsiyyətini təsdiq edən sənədləri olmadıqda;
4) həmin şəxslər Azərbaycan Respublikasına immiqrasiya üçün icazə almaq məqsədi ilə
saxta sənədlər və ya yalan məlumatlar təqdim etdikdə;
5) həmin şəxslər qəsdən ağır və ya xüsusilə ağır cinayət törətdiyinə görə məhkum
olunduqda, əgər məhkumluqları qanunla müəyyən edilmiş qaydada ödənilməmişdirsə və ya
götürülməmişdirsə;
xii[12]
6) həmin şəxslər əvvəllər Azərbaycan Respublikası hüdudlarından çıxarıldıqda;
7) Azərbaycan Respublikası vətəndaşı və ya Azərbaycan Respublikası ərazisində daimi
yaşayan şəxs təminatı öz üzərinə götürdüyü hallar istisna olmaqla, əcnəbilərin və ya
vətəndaşlığı olmayan şəxslərin və onlarla gələn ailə üzvlərinin minimal tələbatını ödəyə bilən
vəsaiti olmadıqda.
8) həmin şəxslər xarici dövlətdə daimi yaşamaq üçün Azərbaycan Respublikasının ərazisini
tərk etdikdə;
9) onların Azərbaycan Respublikasının ərazisində müvəqqəti yaşamağa icazə alması üçün
əsas olmuş Azərbaycan Respublikasının vətəndaşı ilə bağlanmış nikahı etibarsız hesab
edildikdə.
xiii[13]
M a d d ə 8 .
İmmiqrasiyaya icazə verilməməsi haqqında qərardan şikayət verilməsi
Azərbaycan Respublikasına immiqrasiyaya icazə verilməməsi haqqında qərardan
Azərbaycan Respublikasının qanunvericiliyinə müvafiq inzibati qaydada və (və ya) məhkəmə
qaydasında şikayət verilə bilər.
xiv[14]
M a d d ə 9 .
İmmiqrasiya haqqında vəsatətə təkrar baxılması
İmmiqrasiya haqqında vəsatət rədd edildikdə, təkrar vəsatətə bu Qanunun 7‐ci maddəsində
nəzərdə tutulmuş hallar aradan qalxdıqdan sonra baxıla bilər.
xv[15]
Ü ç ü n c ü f ə s i l
İMMİQRANTLARIN HÜQUQİ VƏZİYYƏTİ
M a d d ə 1 0 . İmmiqrant statusu
Azərbaycan
Respublikasında
immiqrant
statusu
Azərbaycan
Respublikasının
Konstitusiyası, Azərbaycan Respublikasının tərəfdar çıxdığı beynəlxalq müqavilələri,
“Əcnəbilərin və vətəndaşlığı olmayan şəxslərin hüquqi vəziyyəti haqqında” Azərbaycan
Respublikasının Qanunu, bu Qanun və digər qanunvericilik aktları ilə müəyyən olunur.
Azərbaycan Respublikasında qanuni əsaslarla müvəqqəti yaşayan əcnəbilərə və
vətəndaşlığı olmayan şəxslərə bu Qanunla müəyyən edilmiş qaydada Azərbaycan
Respublikasında daimi yaşamaq hüququ (immiqrant statusu) verilir.
İmmiqrant statusu beş il müddətinə verilir. Bu müddət bitdikdən sonra əcnəbinin və
vətəndaşlığı olmayan şəxsin müraciətinə əsasən daimi yaşamaq üçün verilmiş icazə beş il
müddətinə uzadıla bilər. Uzadılmaların sayı məhdudlaşdırılmır.
xvi[16]
İmmiqrantlar Azərbaycan Respublikasının qanunvericiliyi ilə əcnəbilər və vətəndaşlığı
olmayan şəxslər üçün müəyyən edilən hüquq və azadlıqlardan istifadə edirlər və müvafiq
vəzifələri yerinə yetirirlər.
Əcnəbilərə və ya vətəndaşlığı olmayan şəxslərə Azərbaycan Respublikasında daimi
yaşamaq hüququ (immiqrant statusu) verilməsi barədə qərar müvafiq icra hakimiyyəti orqanı
tərəfindən qəbul edilir. İmmiqrant statusu almış şəxslərə Azərbaycan Respublikasının
ərazisində daimi yaşamaq üçün icazə vəsiqəsi verilir. Vəsiqənin təsviri, spesifikasiyası və
nümunəsi müvafiq icra hakimiyyəti orqanı tərəfindən təsdiq edilir.
xvii[17]
M a d d ə 1 1 . İmmiqrasiyaya icazə alan əcnəbilərin və ya vətəndaşlığı olmayan
şəxslərin Azərbaycan Respublikasına gəlməsi
Azərbaycan Respublikasına immiqrasiyaya icazə alan əcnəbilər və ya vətəndaşlığı olmayan
şəxslər “Ölkədən getmək, ölkəyə gəlmək və pasportlar haqqında” Azərbaycan Respublikası
Qanunu maddələri ilə müəyyən edilmiş qaydada Azərbaycan Respublikası ərazisinə gələ bilər.
Azərbaycan Respublikasına daxil olduqda immiqrasiya edən əcnəbi və ya vətəndaşlığı
olmayan şəxs (onunla gələn ailə üzvləri) mütləq tibbi müayinədən keçməlidirlər.
Bu Qanunun 7‐ci maddəsində göstərilən hallar müəyyən olunduqda əcnəbinin və ya
vətəndaşlığı olmayan şəxsin Azərbaycan Respublikası ərazisinə buraxılmalarından imtina
olunur.
xviii[18]
Maddə 12. İmmiqrant statusu almış şəxslərin yaşayış yeri üzrə qeydiyyatı
xix[19]
İmmiqrant statusu almış əcnəbilər və ya vətəndaşlığı olmayan şəxslər Azərbaycan
Respublikasının qanunvericiliyi ilə müəyyən edilmiş qaydada müvafiq icra hakimiyyəti orqanı
tərəfindən yaşayış yeri üzrə qeydiyyata alınırlar.
İmmiqrant statusu almış şəxs yaşayış yerini dəyişdikdə 10 gündən gec olmayaraq yeni
yaşayış yeri üzrə qeydiyyata alınması üçün müvafiq icra hakimiyyəti orqanına müraciət
etməlidir.
M a d d ə 1 3 . İmmiqrant statusunun ləğv edilməsi
[20]
xx
İmmiqrant statusu aşağıdakı hallarda ləğv edilir:
xxi[21]
1) saxta sənədlər və yalan məlumat əsasında Azərbaycan Respublikası ərazisində
yaşamağa icazə aldıqda;
2) Azərbaycan Respublikasının dövlət təhlükəsizliyi və ya ictimai asayiş üçün təhlükə
törətdikdə;
xxii[22]
3) Azərbaycan Respublikasının İnzibati Xətalar Məcəlləsində nəzərdə tutulmuş hallarda
əcnəbilər və vətəndaşlığı olmayan şəxslər barəsində Azərbaycan Respublikasının
hüdudlarından kənara inzibati qaydada çıxartma tətbiq edildikdə.
xxiii[23]
4) daimi yaşamaq üçün xarici dövlətə getdikdə;
5) il ərzində altı aydan çox Azərbaycan Respublikasının ərazisindən kənarda olduqda.
xxiv[24]
Əcnəbi və ya vətəndaşlığı olmayan şəxslərin immiqrant statusundan məhrum edilməsi və
Azərbaycan Respublikası ərazisindən çıxarılması haqqında qərarı məhkəmə (hakim) qəbul
edir.
xxv[25]
İmmiqrantların Azərbaycan Respublikası ərazisindən çıxarılması müvafiq qanunvericiliyə
uyğun olaraq həyata keçirilir.
xxvi[26]
İmmiqrantın Azərbaycan Respublikası ərazisindən çıxarılması haqqında qərar onun ailə
üzvlərinə şamil edilmir.
xxvii[27]
İmmiqrant məhkəmənin qərarı qanuni qüvvəyə mindikdən sonra 7 gün ərzində Azərbaycan
Respublikası ərazisini tərk etmədikdə məcburi qaydada Azərbaycan Respublikası ərazisindən
çıxarılır. İmmiqrantın Azərbaycan Respublikası ərazisindən məcburi çıxarılması qaydaları
müvafiq icra hakimiyyəti orqanı tərəfindən müəyyən olunur.
xxviii[28]
İmmiqrant ağır və xüsusilə ağır cinayət törətdikdə Azərbaycan Respublikasının Cinayət
Məcəlləsinin 52‐ci maddəsi ilə müəyyən edilmiş qaydada Azərbaycan Respublikasının
hüdudlarından kənara məcburi çıxarıla bilər.
xxix[29]
Bu maddənin birinci hissəsinin 3‐cü bəndində nəzərdə tutulmuş immiqrantın Azərbaycan
Respublikasının ərazisindən çıxarılması Azərbaycan Respublikasının İnzibati Xətalar
Məcəlləsinə uyğun olaraq həyata keçirilir.
xxx[30]
D ö r d ü n c ü f ə s i l
AZƏRBAYCAN RESPUBLİKASINDA İMMİQRASİYANIN DÖVLƏT TƏNZİMİ
M a d d ə 1 4 . Azərbaycan Respublikasında immiqrasiyanın idarə edilməsi
Azərbaycan Respublikasında immiqrasiya müvafiq icra hakimiyyəti orqanı tərəfindən idarə
olunur.
M a d d ə 1 5 . İmmiqrasiya kvotası
Azərbaycan Respublikasına immiqrasiya sahəsində dövlət tənzimini həyata keçirmək
məqsədi ilə müvafiq icra hakimiyyəti orqanı tərəfindən immiqrasiya kvotaları müəyyən edilir.
Hər yeni ilin başlanmasına üç ay qalmış müvafiq icra hakimiyyəti orqanı tərəfindən
immiqrasiya kvotası müəyyən olunur.
Zəruri hallarda immiqrasiya kvotaları müvafiq icra hakimiyyəti orqanı tərəfindən
məhdudlaşdırıla bilər.
xxxi[31]
M a d d ə 1 6 . İmmiqrantın yerli şəraitə uyğunlaşması
İmmiqranta öz arzusu ilə Azərbaycan dilinin, Azərbaycan Konstitusiyası və qanunlarının
öyrənilməsi üçün imkan yaradılır.
Azərbaycan Respublikasında immiqrantların yerli şəraitə uyğunlaşdırılması qaydaları
müvafiq icra hakimiyyəti orqanı tərəfindən müəyyən edilir.
B e ş i n c i f ə s i l
YEKUN MÜDDƏALARI
M a d d ə 1 7 . İmmiqrantların məsuliyyəti
Azərbaycan Respublikası qanunvericiliyini pozan immiqrant hüquqi məsuliyyətə cəlb
olunur.
Azərbaycan Respublikasının hüdudlarından kənarda törədilən cinayət əməlinə görə
Azərbaycan Respublikasının qanunvericiliyi və tərəfdar çıxdığı beynəlxalq müqavilələri ilə
müəyyən edilən geri verilmədən imtina halları istisna olmaqla immiqrant cinayət məsuliyyətinə
cəlb edilməsi və ya qanuni qüvvəyə minmiş məhkəmə hökmü ilə təyin olunan cəzanın icrası
üçün başqa dövlətə geri verilə bilər.
M a d d ə 1 8 . Qanunun qüvvəyə minməsi
Bu Qanun dərc olunduğu gündən qüvvəyə minir.
Azərbaycan Respublikasının Prezidenti HEYDƏR ƏLİYEV
Bakı şəhəri, 22 dekabr 1998‐ci il
№ 592‐IQ
İSTİFADƏ OLUNMUŞ MƏNBƏ SƏNƏDLƏRİNİN SİYAHISI
1.
5 oktyabr 2001‐ci il tarixli 183‐IIQD nömrəli Azərbaycan Respublikasının Qanunu (Azərbaycan
Respublikasının Qanunvericilik Toplusu, 1999‐cu il, № 3, maddə 156)
2.
12 oktyabr 2001‐ci il tarixli 203‐IIQD nömrəli Azərbaycan Respublikasının Qanunu (Azərbaycan
Respublikasının Qanunvericilik Toplusu, 2001‐ci il, № 11, maddə 695)
3.
30 dekabr 2003‐cü il tarixli 568‐IIQD nömrəli Azərbaycan Respublikasının Qanunu (Azərbaycan
Respublikasının Qanunvericilik Toplusu, 2004‐cü il, № 2, maddə 57)
4.
30 aprel 2004‐cü il tarixli 643‐IIQD nömrəli Azərbaycan Respublikasının Qanunu (Azərbaycan
Respublikasının Qanunvericilik Toplusu, 2004‐cü il, № 7, maddə 505)
5.
9 oktyabr 2007‐ci il tarixli 430‐IIIQD nömrəli Azərbaycan Respublikasının Qanunu (Azərbaycan
Respublikasının Qanunvericilik Toplusu, 2007‐ci il, № 11, maddə 1053)
6.
24 iyun 2008‐ci il tarixli 658‐IIIQD
nömrəli Azərbaycan Respublikasının Qanunu (“Azərbaycan”
qəzeti 7 avqust 2008‐ci il, № 173, Azərbaycan Respublikasının Qanunvericilik Toplusu, 2008‐ci il,
№ 8, maddə 701)
7.
2 fevral 2009‐cu il tarixli 764‐IIIQD nömrəli
Azərbaycan Respublikasının Qanunu (“Azərbaycan”
qəzeti 6 mart 2009‐cu il, № 52, Azərbaycan Respublikasının Qanunvericilik Toplusu, 2009‐cu il,
№ 3, maddə 160)
8.
30 iyun 2009‐cu il tarixli 858‐IIIQD
nömrəli Azərbaycan Respublikasının Qanunu (“Azərbaycan”
qəzeti 28 iyul 2009‐cu il, № 163)
QANUNA EDİLMİŞ DƏYİŞİKLİK VƏ ƏLAVƏLƏRİN SİYAHISI
i[1]
24 iyun 2008‐ci il tarixli 658‐IIIQD
nömrəli Azərbaycan Respublikasının Qanunu (“Azərbaycan”
qəzeti 7 avqust 2008‐ci il, № 173, Azərbaycan Respublikasının Qanunvericilik Toplusu, 2008‐ci il, № 8,
maddə 701) ilə 3‐cü maddənin ikinci abzasdan “ müvəqqəti və ya” sözləri çıxarılmışdır.
ii[2]
24 iyun 2008‐ci il tarixli 658‐IIIQD
nömrəli Azərbaycan Respublikasının Qanunu (“Azərbaycan”
qəzeti 7 avqust 2008‐ci il, № 173, Azərbaycan Respublikasının Qanunvericilik Toplusu, 2008‐ci il, № 8,
maddə 701) ilə 3‐cü maddənin üçüncü abzasda “ yaşamaq hüququ alaraq Azərbaycan Respublikasına
gələn” sözləri “ daimi yaşamaq üçün icazə verilmiş” sözləri ilə əvəz edilmişdir.
iii[3]
24 iyun 2008‐ci il tarixli 658‐IIIQD
nömrəli Azərbaycan Respublikasının Qanunu (“Azərbaycan”
qəzeti 7 avqust 2008‐ci il, № 173, Azərbaycan Respublikasının Qanunvericilik Toplusu, 2008‐ci il, № 8,
maddə 701) ilə 3‐cü maddənin dördüncü abzas çıxarılmışdır.
iv[4]
24 iyun 2008‐ci il tarixli 658‐IIIQD
nömrəli Azərbaycan Respublikasının Qanunu (“Azərbaycan”
qəzeti 7 avqust 2008‐ci il, № 173, Azərbaycan Respublikasının Qanunvericilik Toplusu, 2008‐ci il, № 8,
maddə 701) ilə 4‐cü maddənin birinci hissə yeni redaksiyada verilmişdir.
Əvvəlki redaksiyada deyilirdi:
18 yaşına çatmış fəaliyyət qabiliyyəti olan əcnəbilər və ya vətəndaşlığı olmayan şəxslər Azərbaycan
Respublikasına immiqrasiya üçün müvafiq icra hakimiyyəti orqanına bilavasitə və ya Azərbaycan
Respublikasının diplomatik nümayəndəliyi, yaxud konsul idarələrinin vasitəsilə vəsatət verə bilər.
v[5]
24 iyun 2008‐ci il tarixli 658‐IIIQD
nömrəli Azərbaycan Respublikasının Qanunu (“Azərbaycan”
qəzeti 7 avqust 2008‐ci il, № 173, Azərbaycan Respublikasının Qanunvericilik Toplusu, 2008‐ci il, № 8,
maddə 701) ilə 4‐cü maddənin üçüncü hissənin 3‐cü bəndində “ immiqrasiya edən” sözləri “ immiqrant
statusu almaq istəyən” sözləri ilə əvəz edilmişdir.
vi[6]
24 iyun 2008‐ci il tarixli 658‐IIIQD
nömrəli Azərbaycan Respublikasının Qanunu (“Azərbaycan”
qəzeti 7 avqust 2008‐ci il, № 173, Azərbaycan Respublikasının Qanunvericilik Toplusu, 2008‐ci il, № 8,
maddə 701) ilə 4‐cü maddənin üçüncü hissəyə 7‐ci bənd əlavə edilmişdir.
vii[7]
2 fevral 2009‐cu il tarixli 764‐IIIQD nömrəli Azərbaycan Respublikasının Qanunu
(“Azərbaycan” qəzeti 6 mart 2009‐cu il, № 52, Azərbaycan Respublikasının Qanunvericilik Toplusu,
2009‐cu il, № 3, maddə 160) ilə 4‐cü maddəsinin üçüncü hissəsinə yeni məzmunda 8‐ci bənd əlavə
edilmişdir.
viii[8]
30 iyun 2009‐cu il tarixli 858‐IIIQD
nömrəli Azərbaycan Respublikasının Qanunu (“Azərbaycan”
qəzeti 28 iyul 2009‐cu il, № 163) ilə 4‐cü maddənin üçüncü hissəsinə 9‐cu bənd əlavə edilmişdir.
ix[9]
30 iyun 2009‐cu il tarixli 858‐IIIQD
nömrəli Azərbaycan Respublikasının Qanunu (“Azərbaycan”
qəzeti 28 iyul 2009‐cu il, № 163) ilə 5‐ci maddənin birinci hissəsində “ altı” sözü “ iki” sözü ilə əvəz
edilmişdir.
x[10]
24 iyun 2008‐ci il tarixli 658‐IIIQD
nömrəli Azərbaycan Respublikasının Qanunu (“Azərbaycan”
qəzeti 7 avqust 2008‐ci il, № 173, Azərbaycan Respublikasının Qanunvericilik Toplusu, 2008‐ci il, № 8,
maddə 701) ilə 5‐ci maddənin ikinci hissəsindən “ , immiqrasiyanın növlərini və müddətlərini” sözləri
çıxarılmışdır.
xi[11]
30 aprel 2004‐cü il tarixli 643‐IIQD nömrəli Azərbaycan Respublikasının Qanunu (Azərbaycan
Respublikasının Qanunvericilik Toplusu, 2004‐cü il, № 7, maddə 505) ilə 6‐cı maddə çıxarılmışdır.
M a d d ə 6 . İmmiqrasiya haqqında vəsatətlə bağlı rüsum
İmmiqrasiya haqqında vəsatət verildikdə qanunvericiliklə müəyyən olunmuş qaydada dövlət
rüsumu ödənilir.
xii[12]
5 oktyabr 2001‐ci il tarixli 183‐IIQD nömrəli Azərbaycan Respublikasının Qanunu (Azərbaycan
Respublikasının Qanunvericilik Toplusu, 1999‐cu il, № 3, maddə 156) ilə 7‐ci maddənin 5‐ci bəndinə
ʺağırʺ sözündən sonra ʺ və ya xüsusilə ağırʺ sözləri əlavə edilmişdir.
24 iyun 2008‐ci il tarixli 658‐IIIQD
nömrəli Azərbaycan Respublikasının Qanunu (“Azərbaycan” qəzeti 7
avqust 2008‐ci il, № 173, Azərbaycan Respublikasının Qanunvericilik Toplusu, 2008‐ci il, № 8, maddə
701) ilə 7‐ci maddənin 5‐ci bənd yeni redaksiyada verilmişdir.
Əvvəlki redaksiyada deyilirdi:
5) həmin şəxslər son beş il ərzində qəsdən ağır və ya xüsusilə ağır cinayət etdiyinə görə məhkum
olunduqda;
xiii[13]
24 iyun 2008‐ci il tarixli 658‐IIIQD
nömrəli Azərbaycan Respublikasının Qanunu (“Azərbaycan”
qəzeti 7 avqust 2008‐ci il, № 173, Azərbaycan Respublikasının Qanunvericilik Toplusu, 2008‐ci il, № 8,
maddə 701) ilə 7‐ci maddəyə 8‐ci və 9‐cu bəndlər əlavə edilmişdir.
xiv[14]
9 oktyabr 2007‐ci il tarixli 430‐IIIQD nömrəli Azərbaycan Respublikasının Qanunu ( Azərbaycan
Respublikasının Qanunvericilik Toplusu, 2007‐ci il, № 11, maddə 1053) ilə 8‐ci maddəsində “ müvafiq”
sözündən sonra “inzibati qaydada və (və ya)” sözləri əlavə edilmişdir.
xv[15]
24 iyun 2008‐ci il tarixli 658‐IIIQD
nömrəli Azərbaycan Respublikasının Qanunu (“Azərbaycan”
qəzeti 7 avqust 2008‐ci il, № 173, Azərbaycan Respublikasının Qanunvericilik Toplusu, 2008‐ci il, № 8,
maddə 701) ilə 9‐cu maddənin mətni yeni redaksiyada verilmişdir.
Əvvəlki redaksiyada deyilirdi:
İmmiqrasiya haqqında vəsatətə təkrar olaraq ilkin qərar qəbul edildikdən bir il sonra yenidən baxıla
bilər.
xvi[16]
24 iyun 2008‐ci il tarixli 658‐IIIQD
nömrəli Azərbaycan Respublikasının Qanunu (“Azərbaycan”
qəzeti 7 avqust 2008‐ci il, № 173, Azərbaycan Respublikasının Qanunvericilik Toplusu, 2008‐ci il, № 8,
maddə 701) ilə 10‐cu maddənin ikinci və üçüncü hissələr yeni redaksiyada verilmişdir.
Əvvəlki redaksiyada deyilirdi:
Əcnəbilər və ya vətəndaşlığı olmayan şəxslər immiqrasiya kvotalarına riayət olunmaqla bu Qanunla
müəyyən edilmiş qaydada immiqrasiyaya icazə aldıqda Azərbaycan Respublikasına daimi və ya
müvəqqəti yaşamağa gələ bilərlər və bu halda immiqrant statusu alırlar.
Kvotadan kənar immiqrant statusu aşağıdakı şəxslərə verilə bilər:
1) Azərbaycan Respublikasının vətəndaşı ilə yaxın qohumluğu olan və ondan Azərbaycan
Respublikasına daimi yaşamağa gəlməyə dəvət alan əcnəbilərə və ya vətəndaşlığı olmayan şəxslərə;
2) Azərbaycan Respublikasında daimi yaşayan şəxslə nikah bağlayan əcnəbilər və ya vətəndaşlığı
olmayan şəxslərə;
3) Azərbaycan Respublikası vətəndaşının himayəsində və ya qəyyumluğunda olan əcnəbilərə və ya
vətəndaşlığı olmayan şəxslərə;
4) Azərbaycan Respublikasının vətəndaşına himayəçilik və ya qəyyumluq edən əcnəbilərə və ya
vətəndaşlığı olmayan şəxslərə;
5) elm, texnika və digər sahələrdə yüksək ixtisaslı mütəxəssislərə, incəsənət xadimlərinə və
idmançılara.
xvii[17]
24 iyun 2008‐ci il tarixli 658‐IIIQD
nömrəli Azərbaycan Respublikasının Qanunu (“Azərbaycan”
qəzeti 7 avqust 2008‐ci il, № 173, Azərbaycan Respublikasının Qanunvericilik Toplusu, 2008‐ci il, № 8,
maddə 701) ilə 10‐cu maddənin beşinci hissə aşağıdakı redaksiyada verilmişdir.
Əvvəlki redaksiyada deyilirdi:
İmmiqranta müvafiq icra hakimiyyəti orqanı tərəfindən onun statusunu təsdiq edən sənəd verilir.
İmmiqrant statusunu təsdiq edən sənədin forması Azərbaycan Respublikası Milli Məclisi tərəfindən
təsdiq edilir.
30 iyun 2009‐cu il tarixli 858‐IIIQD
nömrəli Azərbaycan Respublikasının Qanunu (“Azərbaycan” qəzeti
28 iyul 2009‐cu il, № 163) ilə 10‐cu maddənin beşinci hissəsi yeni redaksiyada verilmişdir.
Əvvəlki redaksiyada deyilirdi:
Müvafiq icra hakimiyyəti orqanı tərəfindən əcnəbilərə və vətəndaşlığı olmayan şəxslərə immiqrant
statusu verilməsi barədə qərar qəbul edilir. Qərarın təsviri, spesifikasiyası və nümunəsi, habelə qərar
blanklarının ciddi hesabat sənədi kimi uçotu qaydaları müvafiq icra hakimiyyəti orqanı tərəfindən təsdiq
edilir.
xviii[18]
24 iyun 2008‐ci il tarixli 658‐IIIQD
nömrəli Azərbaycan Respublikasının Qanunu (“Azərbaycan”
qəzeti 7 avqust 2008‐ci il, № 173, Azərbaycan Respublikasının Qanunvericilik Toplusu, 2008‐ci il, № 8,
maddə 701) ilə 11‐ci maddə çıxarılmışdır.
xix[19]
24 iyun 2008‐ci il tarixli 658‐IIIQD
nömrəli Azərbaycan Respublikasının Qanunu (“Azərbaycan”
qəzeti 7 avqust 2008‐ci il, № 173, Azərbaycan Respublikasının Qanunvericilik Toplusu, 2008‐ci il, № 8,
maddə 701) ilə 12‐ci maddənin adında “ İmmiqrantların” sözündən sonra “ yaşayış yeri üzrə” sözləri
əlavə edilmişdir.
24 iyun 2008‐ci il tarixli 658‐IIIQD
nömrəli Azərbaycan Respublikasının Qanunu (“Azərbaycan” qəzeti 7
avqust 2008‐ci il, № 173, Azərbaycan Respublikasının Qanunvericilik Toplusu, 2008‐ci il, № 8, maddə
701) ilə 12‐ci maddənin birinci hissə yeni redaksiyada verilmişdir.
Əvvəlki redaksiyada deyilirdi:
Azərbaycan Respublikasına yaşamağa gələn immiqrant (onun ailə üzvləri) Azərbaycan Respublikası
qanunvericiliyi ilə müəyyən olunmuş qaydada qeydiyyata alınır.
30 iyun 2009‐cu il tarixli 858‐IIIQD
nömrəli Azərbaycan Respublikasının Qanunu (“Azərbaycan” qəzeti
28 iyul 2009‐cu il, № 163) ilə
12‐ci maddə aşağıdakı redaksiyada verilmişdir.
Əvvəlki redaksiyada deyilirdi:
M a d d ə 1 2 . İmmiqrantların yaşayış yeri üzrə qeydiyyatı
İmmiqrant statusu almış əcnəbilər və ya vətəndaşlığı olmayan şəxslər Azərbaycan Respublikasının
qanunvericiliyi ilə müəyyən edilmiş qaydada yaşayış yeri üzrə qeydiyyata alınırlar. Onlara müvafiq icra
hakimiyyəti orqanı tərəfindən Azərbaycan Respublikasında daimi yaşayan əcnəbinin və ya vətəndaşlığı
olmayan şəxsin qeydiyyat vəsiqəsi verilir. Azərbaycan Respublikasında daimi yaşayan əcnəbinin və ya
vətəndaşlığı olmayan şəxsin qeydiyyat vəsiqəsinin təsviri, spesifikasiyası və nümunəsi Azərbaycan
Respublikasının qanunu ilə müəyyən edilir.
İmmiqrant yaşayış yerinin dəyişməsi haqqında üç gün ərzində müvafiq icra hakimiyyəti orqanına
məlumat verməlidir.
xx[20]
24 iyun 2008‐ci il tarixli 658‐IIIQD
nömrəli Azərbaycan Respublikasının Qanunu (“Azərbaycan”
qəzeti 7 avqust 2008‐ci il, № 173, Azərbaycan Respublikasının Qanunvericilik Toplusu, 2008‐ci il, № 8,
maddə 701) ilə
13‐cü maddənin adı yeni redaksiyada verilmişdir.
Əvvəlki redaksiyada deyilirdi:
İmmiqrantın Azərbaycan Respublikası ərazisindən çıxarılması
xxi[21]
24 iyun 2008‐ci il tarixli 658‐IIIQD
nömrəli Azərbaycan Respublikasının Qanunu (“Azərbaycan”
qəzeti 7 avqust 2008‐ci il, № 173, Azərbaycan Respublikasının Qanunvericilik Toplusu, 2008‐ci il, № 8,
maddə 701) ilə 13‐cü maddənin birinci hissəsinin birinci abzas aşağıdakı redaksiyada verilmişdir.
Əvvəlki redaksiyada deyilirdi:
İmmiqrant aşağıda göstərilən hallarda immiqrasiyaya icazə ləğv olunmaqla Azərbaycan Respublikası
ərazisindən çıxarılır:
xxii[22]
5 oktyabr 2001‐ci il tarixli 183‐IIQD nömrəli Azərbaycan Respublikasının Qanunu (Azərbaycan
Respublikasının Qanunvericilik Toplusu, 1999‐cu il, № 3, maddə 156) ilə 13‐cü maddədə birinci
hissənin 2‐ci bəndi çıxarılmış və 3‐cü bənd 2‐ci bənd hesab edilmişdir. Əvvəlki redaksiyada deyilirdi:
2) cinayət qanunvericiliyi ilə nəzərdə tutulmuş ağır cinayət əməli törətdikdə və həmin əmələ
görə haqqında qanuni qüvvəyə minmiş məhkəmə hökmü çıxarıldıqda;
24 iyun 2008‐ci il tarixli 658‐IIIQD
nömrəli Azərbaycan Respublikasının Qanunu (“Azərbaycan” qəzeti 7
avqust 2008‐ci il, № 173, Azərbaycan Respublikasının Qanunvericilik Toplusu, 2008‐ci il, № 8, maddə
701) ilə 13‐cü maddənin birinci hissəsinin 2‐ci bənd aşağıdakı redaksiyada verilmişdir.
Əvvəlki redaksiyada deyilirdi:
2) Azərbaycan Respublikasının dövlət təhlükəsizliyinin və ya ictimai asayişin təmin edilməsi məqsədi ilə.
xxiii[23]
30 dekabr 2003‐cü il tarixli 568‐IIQD nömrəli Azərbaycan Respublikasının Qanunu (Azərbaycan
Respublikasının Qanunvericilik Toplusu, 2004‐cü il, № 2, maddə 57) ilə 13‐cü maddənin birinci
hissəsinə 3‐cü bənd əlavə edilmişdir.
xxiv[24]
24 iyun 2008‐ci il tarixli 658‐IIIQD
nömrəli Azərbaycan Respublikasının Qanunu (“Azərbaycan”
qəzeti 7 avqust 2008‐ci il, № 173, Azərbaycan Respublikasının Qanunvericilik Toplusu, 2008‐ci il, № 8,
maddə 701) ilə 13‐cü maddənin birinci hissəsinə 4‐cü və 5‐ci bəndlər əlavə edilmişdir.
xxv[25]
12 oktyabr 2001‐ci il tarixli 203‐IIQD nömrəli Azərbaycan Respublikasının Qanunu (Azərbaycan
Respublikasının Qanunvericilik Toplusu, 2001‐ci il, № 11, maddə 695) ilə 13‐cü maddənin ikinci
hissəsində ʺmüvafiq icra hakimiyyəti orqanıʺ sözləri ʺməhkəmə (hakim)ʺ sözləri ilə əvəz edilmişdir.
xxvi[26]
12 oktyabr 2001‐ci il tarixli 203‐IIQD nömrəli Azərbaycan Respublikasının Qanunu (Azərbaycan
Respublikasının Qanunvericilik Toplusu, 2001‐ci il, № 11, maddə 695) ilə 13‐cü maddənin üçüncü
hissəsi yeni redaksiyada verilmişdir. Əvvəlki redaksiyada deyilirdi:
Bu maddənin birinci hissəsinin 1‐ci və 3‐cü bəndlərində nəzərdə tutulmuş hallarda immiqrant
Azərbaycan Respublikası ərazisindən çıxarılması haqqında qərar qəbul olunan vaxtından on gün
müddətində rəsmi qaydada məlumatlandırılmalıdır. İmmiqrant qərarı aldıqdan sonra 30 gün
müddətində Azərbaycan Respublikası ərazisini tərk etməlidir. İmmiqrant 10 gün ərzində bu
qərardan məhkəmə qaydasında şikayət verə bilər. Bu halda Azərbaycan Respublikası ərazisini tərk
etmə müddətləri məhkəmə qərarı qüvvəyə minən gündən hesablanır.
xxvii[27]
5 oktyabr 2001‐ci il tarixli 183‐IIQD nömrəli Azərbaycan Respublikasının Qanunu ( Azərbaycan
Respublikasının Qanunvericilik Toplusu, 1999‐cu il, № 3, maddə 156) ilə 13‐cü maddədə dördüncü
hissə çıxarılmış və beşinci və altıncı hissələr müvafiq olaraq dördüncü və beşinci hissələr hesab
edilmişdir. Əvvəlki redaksiyada deyilirdi:
Bu maddənin birinci hissəsinin 2‐ci bəndində nəzərdə tutulan immiqrantlar etmiş olduqları
cinayətə görə təyin olunmuş cəzanı çəkdikdən sonra 30 gün müddətində Azərbaycan Respublikası
ərazisini tərk etməlidir.
xxviii[28]
24 iyun 2008‐ci il tarixli 658‐IIIQD
nömrəli Azərbaycan Respublikasının Qanunu
( “Azərbaycan” qəzeti 7 avqust 2008‐ci il, № 173, Azərbaycan Respublikasının Qanunvericilik
Toplusu, 2008‐ci il, № 8, maddə 701) ilə dördüncü hissədə “bu maddədə göstərilən müddətlər” sözləri
“məhkəmənin qərarı qanuni qüvvəyə mindikdən sonra 7 gün” sözləri ilə əvəz edilmişdir.
xxix[29]
5 oktyabr 2001‐ci il tarixli 183‐IIQD nömrəli Azərbaycan Respublikasının Qanunu (Azərbaycan
Respublikasının Qanunvericilik Toplusu, 1999‐cu il, № 3, maddə 156) 13‐cü maddəyə altıncı hissə
əlavə edilmişdir.
12 oktyabr 2001‐ci il tarixli 203‐IIQD nömrəli Azərbaycan Respublikasının Qanunu (Azərbaycan
Respublikasının Qanunvericilik Toplusu, 2001‐ci il, № 11, maddə 695) ilə beşinci hissə çıxarılmış,
altıncı hissə beşinci hissə hesab edilmişdir. Əvvəlki redaksiyada deyilirdi:
İmmiqrant bu maddədə göstərilən müddətlər ərzində Azərbaycan Respublikası ərazisini tərk
etmədikdə məcburi qaydada Azərbaycan Respublikası ərazisindən çıxarılır. İmmiqrantın
Azərbaycan Respublikası ərazisindən məcburi çıxarılması qaydaları müvafiq icra hakimiyyəti
orqanı tərəfindən müəyyən olunur.
xxx[30]
30 dekabr 2003‐cü il tarixli 568‐IIQD nömrəli Azərbaycan Respublikasının Qanunu (Azərbaycan
Respublikasının Qanunvericilik Toplusu, 2004‐cü il, № 2, maddə 57) ilə 13‐cü maddəyə yeddinci hissə
əlavə edilmişdir.
xxxi[31]
24 iyun 2008‐ci il tarixli 658‐IIIQD
nömrəli Azərbaycan Respublikasının Qanunu (“Azərbaycan”
qəzeti 7 avqust 2008‐ci il, № 173, Azərbaycan Respublikasının Qanunvericilik Toplusu, 2008‐ci il, № 8,
maddə 701) ilə 11‐ci maddə çıxarılmışdır.
Document Outline - Maddə 1. Qanunun məqsədi
- Maddə 2. İmmiqrasiya haqqında qanunvericilik
- Maddə 3. Əsas anlayışlar
- Maddə 4. İmmiqrasiya haqqında vəsatət
- Maddə 5. İmmiqrasiya haqqında vəsatətə baxılması
- Maddə 7. Azərbaycan Respublikasına immiqrasiya haqqında vəsatətin rədd edilməsinin əsasları
- Maddə 8. İmmiqrasiyaya icazə verilməməsi haqqında qərardan şikayət verilməsi
- Maddə 9. İmmiqrasiya haqqında vəsatətə təkrar baxılması
- Maddə 10. İmmiqrant statusu
- Maddə 11. İmmiqrasiyaya icazə alan əcnəbilərin və ya vətəndaşlığı olmayan şəxslərin Azərbaycan Respublikasına gəlməsi
- Maddə 13. İmmiqrant statusunun ləğv edilməsi [20]
- Maddə 14. Azərbaycan Respublikasında immiqrasiyanın idarə edilməsi
- Maddə 15. İmmiqrasiya kvotası
- Maddə 16. İmmiqrantın yerli şəraitə uyğunlaşması
- Maddə 17. İmmiqrantların məsuliyyəti
- Maddə 18. Qanunun qüvvəyə minməsi
Dostları ilə paylaş: |