131
“Ukrayna teatr ictimaiyyəti Azərbaycan səhnəsinin görkəmli
ustası, SSRİ xalq artisti Ələsgər Ələkbərovun vəfatı münasibəti ilə
dərindən-dərinə kədərləndiyini bildirir”
Ujvi
Ukrayna Teatr Cəmiyyətinin sədri.
“Azərbaycan teatrının böyük artisti, ən nadir istedadlardan
biri olan Ələkbərovun vəfatı xəbəri məni sarsıtdı. Onun yaratdığı
obrazlar sovet teatr sənətində yaranan obrazlar silsiləsini zənginləş-
dirmişdir. Sevimli dostumuzun vaxtsız aramızdan getməsinə sizinlə
birlikdə dərindən kədərlənirəm. Ələkbərovun obrazı sənət dostları-
nın qəlbində həmişə yaşayacaqdır”.
M. David, Yerevan.
“Naxçıvan Vilayət partiya komitəsi, muxtar respublikanın Ali
Sovetinin Rəyasət Heyəti və Nazirlər Soveti SSRİ xalq artisti, gözəl
insan, Naxcıvan zəhmətkeşlərinin SSRİ Ali Sovetinə layiqli elçisi
Ələsgər Hacağa oğlu Ələkbərovun vaxtsız vəfatı münasibəti ilə
kədərləndiklərini bildirir və mərhumun ailəsinə dərin hüzünlə
başsağlığı verirlər”.
Naxçıvan Vilayət partiya komitəsi
Naxçıvan MSSR Ali sovetinin Rəyasət Heyəti
Naxçıvan MSSR Nazirlər Sovetı.
“Ermənistan teatr içtimaiyyəti sovet teatr sənətinin ən görkənli
ustalarından biri, SSRİ xalq artisti, SSRİ Ali Sovetinin deputatı,
Zaqafqaziya xalqlarının sevimlisi, dostu və yoldaşı Ələsgər Ələkbə-
rovun vəfatı xəbərini eşidib dərindən kədərlənmişdir. Əzizbəyov adı-
na teatrın kollektivinə və mərhumun ailəsinə başsağlığımızı veririk”.
Ermənistan Teatr Cəmiyyətinin Rəyasət Heyəti.
Xalq yazışısı S. Rəhimov “Sanki dağ uçdu...” adlı məqaləsində
(“Ədəbiyyat və İncəsənət” qəzeti, 02.02.1963) yazır ki; “... Amansız
ölüm səhnəmizin alovlu sənətkarı Ələsgərə sübh saat altıda, ala-
132
qaranlıqda hələ yuxuda ikən oğrunca əl qaldırmışdı. Ələsgər yerindən
harasan qalxmışdır. O, ölümü boğazlayıb öldürmək, yenə də həyata
qayıtmaq, özünün döyünən atəşli ürəyi ilə xalqına xidmət etmək
istəmişdir. Ancaq gec olmuşdur. Biz enli sinəli, sıx qara qaşlı, qara
bığlı, saçları indi-indi gümüşü rəng alan gözəl bir insanı artıq tabutda
görürük. O, bir sənətkar, mütəfəkkir kimi gözlərini yummuşdur.
Adama elə gəlir ki, aktyor yenə də Vaqif rolunda səhnəyə çıxmaq
üçün dərin yaradıcılıq axtarışlarına getmişdir...
Ələsgər səhnədə görünəndə elə bilirdin ki, səhnəyə bir əzəmət
gəlir. Sanki səhnə öz süni səhnəliyindən çıxır, həyat qədər doğru məna
alır. Ələsgər bir sənət fatehi kimi biz tamaşaçıların ürəyini fəth edirdi...
Azərbaycan səhnə sənətinin böyük cıdırından erkən gedən
Ələsgər heç də bir yolluq getmir. O, sənətin qadir qüdrətilə əbədi-
ləşıb qalacaqdır. Tamaşaçılar Ələsgəri qəribsədikcə onu daha artıq
sevəcəklər. Onun hifz edilib saxlanılan səsini efirdən eşidəcəklər,
onun necə qürurla addımladığını ekranlarda görəcəklər. Lakin yenə
də sən dərindən-dərinə təəssüf edirsən ki, Ələsgər Azərbaycan
sənətinin böyük cıdırında sanki bir dağ kimi uçdu, cismən çox tez
getdi. Dərindən-dərinə acıyıb təəssüf edirsən ki, onun qızğın, həra-
rətli nəfəsi daha öz tamaşaçılarını qızdıra bilməyəcəkdir...
Qoy müqəddəs torpağımız, xalqımızın böyük oğullarının əbə-
di sükuta getdiyi xiyabanda ağuşuna aldığı doğma övladına-Ələs-
gərinə əbədiyyət laylası çalsın!..”
Xalq yazıçısı, akademik M. İbrahimov yazır ki; “... Ələsgər
səhnəmizdə istər müasir adamların, istər klassik əsərlərdəki keçmiş
insanların parlaq, canlı surətlərini yaratmışdır, çünki o sənətinin
vurğunu, pərəstişkarı idi. Onun yaratdığı surətlər heç bir zaman
bizim xatirimizdən silinməyəcək, Azərbaycan səhnəsinə gələn yeni
istedadlı yaradıcılar üçün əbədi nümunə olaraq qalacaqdır. Məgər
Vaqif həmişə nəzərimizdə Ələsgər kimi canlanmayacaq, Otello de-
dikdə Ələsgərin qartal gözlərinin işığını, böyük sənətkar ehtirasının
hərarətini duymayacağıq?!
Ələkbərovu tanıyanlar bilir ki, o, sənətini necə qızğın, necə bö-
yük bir ürəklə sevirdi. O, hər cəhətdən Hüseyn Ərəblinski, Cahangir
133
Zeynalov, Abbas Mirzə Şərifzadə kimi ölməz sənət ustalarımızın hə-
qiqi varisi idi...
... Ələsgərin ölümü teatrımız, bütün incəsənətimiz üçün böyük
itkidir. Lakin onu əbədi olaraq torpağa tapşırdığımız bu ağır günlər-
də biz məyusluğa, ümidsizliyə qapılmayıb sənətimizin bayrağını
uca tutmalıyıq. Azərbaycan səhnəsi bir azca soyumuş olsa, məncə,
Ələsgərin, Sidqi Ruhulla, Mərziyə xanım, Hidayətzadə bu soyuq-
luğu qəbirdə də hiss edib üşüyərlər. Qoy onlara məxsus yaratmaq
ehtirası, susmaz sənət eşqi Zərdüştün sönməz odu kimi bütün sənət
adamlarının sinəsində əbədi yansın və Azərbaycan ... teatrına yeni,
gözəl nailiyyətlər gətirsin!” (13).
Ələsgər Ələkbərovun vəfatı münasibəti ilə görkəmli Azərbay-
can şairləri S. Rüstəm və M. Araz “Günəş gözlü dostuma” və “İn-
san ürəyi” şerlərini yazdılar.
Azərbaycanın görkəmli aktyorları S. Hacıyeva, M. Mərdanov,
A. Gəraybəyli, F. Qədri, M. Sənani, H. Qurbanova, İ. Osmanlı,
H. Salayev, B. Əsgərov “Unudulmaz sənətkarımız” (“Ədəbiyyat və
incəsənət” qəzeti, 02.02.1963) adlı kiçik məqalədə böyük kədərlə
qeyd edirlər ki; “Amansız ölüm səni sıralarımızdan qopartdı. Lakin
sənin mehriban surətin heç bir zaman bizim ürəyimizdən silinmə-
yəcəkdir. Hər məşqdə, hər tamaşada biz səni xatırlayacaq, sənin
odlu-alovlu sənətkarlığından ilham alacağıq.
Sən, uzun illər boyu Azərbaycan səhnəsinin Abbas Mirzə Şə-
rifzadə, Ülvi Rəcəb, Mərziyə Davudova, Mirzağa Əliyev, Sidqi Ru-
hulla kimi şahinləriylə birlikdə qanadlandın, səhnəmizin göylərində
yeni-yeni üfiqlər açdın.
Səninlə birlikdə hər hansı bir tamaşada çıxış etmək bizim
üçün, xüsusən, teatrımızın gənc aktyor və aktrisaları üçün yaradıcı-
lıq imtahanı, yaradıcılıq sevinci idi.
Sən, səhnəyə hər girişinlə, söylədiyin hər monoloqla tamaşa
salonunda dərin əks-sədalar yaradırdın. Kral Lirin və Vaqifin, Mu-
rov və Gərşivəzin əzəmətli obrazlarını ürək sarsıntılarını mahir bir
ustad kimi sən yaratdın.
134
Ələsgər, yoldaşımız, dostumuz! Sənin sıralarımızda olmama-
ğını təsəvvür etmək çox çətin, cox ağır, çox kədrlidir. Sənə ən bö-
yük əklilimiz yaradacağımız yeni tamaşalar, ehtiraz dolu obrazlar
olacaqdır”.
Azərbaycan SSRİ Nazirlər Soveti SSRİ xalq artisti Ələsgər
Hacağa oğlu Ələkbərovun dəfnini təşkil etmək üçün aşağıdakı
tərkibdə komissiya ayırmışdır:
“Sovet İttifaqı xalq artisti, SSRİ Ali Soveti deputatı
Ə. H. Ələkbərovun dəfnini təşkil etmək üçün A. S. Bayramov (sədr),
S. R. Aslanov, Mehdi Hüseyn, M. F. Ziyadov, Ə. C. Ləmbəranski,
M. Mərdanov və Z. Z. Şükürovadan ibarət komissiya yaradılsın.
Ə. Ələkbərovun dəfni ilə əlaqədar olan xərclər dövlət hesa-
bına çəkilsin”.
SSRİ xalq artisti Ə. H. Ələkbərovun dəfnini təşkil edən ko-
missiya belə qərara gəldi ki; “Mərhum Ə. H. Ələkbərovun cənazəsi
M. Əzizbəyov adına Azərbaycan Dövlət Dram Teatrının binasında
qoyulacaqdır.
Mərhum ilə fevralın 2-də saat 11-dən–15-dək vidalaşmaq olar.
Cənazə saat 15-30 dəqiqədə qaldırılacaqdır”.
Azərbaycan səhnəsinin sözün həqiqi mənasında görkəmli
sənətkarı, SSRİ xalq artisti Ələsgər Ələkbərovun 53 yaşında qəflə-
tən vəfat etməsi xalqımızı kədərləndirmişdir. Ə. Ələkbərovun qüd-
rətli sənətinə böyük qiymət verən xalq onun vida gününə sel kimi
axıb gəlirdi. Dünyasını vaxtsız dəyişən, Azərbaycan xalqının dünya
şöhrətli aktyor oğlunu çiyinlərində son mənzilə yola saldılar. Böyük
Azərbaycan dramaturqu Cəfər Cabbarlı ilə böyük Azərbaycan Bəs-
təkarı Müslüm Maqomayevin məzarları yanında torpağa tapşırdılar.
Ələsgər Ələkbərov xalqına daim xidmət etmiş və xalq da onu
haqlı olaraq öz qəlbində yaşadır və yaşadacaqdır.
135
136
NƏTİCƏ
Ələsgər Ələkbərov realist və romantik
aktyorluq məktəbinin sənət nəhəngidir.
Fəlsəfə doktoru İmran Axundov
SSRİ xalq artisti Ələsgər Ələkbərov sözün tam mənasında
görkəmli sənətkar idi. Həvəskar aktyorluqdan qüdrətli sənətkar sə-
viyyəsinə yüksəlmiş Ə. Ələkbərov dramaturji material üzərində hə-
vəslə işləyərək, ona tapşırılan obrazı öz yaradıcılıq təxəyyülündən
keçirərək zənginləşdirmiş, teatr və kino tarixinə həkk etmişdir.
Onun istedadı çox qısa müddət ərzində parlamış, Azərbaycan incə-
sənətinin mənəvi xəzinəsinə çevrilmişdir.
Ə. Ələkbərov mədəniyyətimizin ən parlaq simalarından biridir.
Onun səhnədə və ekranda yaratdığı möhtəşəm obrazlar-Vaqif, Fər-
had, Nəbi, Aydın, Elxan, Fətəli xan, Otello, Cavanşir, Alxan, Sər-
darlı, Rüstəm kişi, Fərhad Kamalov əzəmətli, mənəviyyatlı insanlar-
dır. Aktyor bu qəhrəmanlar ilə tamaşaçılara çox güclü təsir göstərə
bilirdi.
“Ələkbərov yaradıcı bir sənətkar kimi püxtələşdikcə onun sə-
nətinin estetik prinsipləri formalaşmış, tamaşaçıların mənəvi təşək-
külündə və ictimai tərbiyəsində fəal iştirak etmişdir. Aktyor məhəb-
bətlə rəsm etdiyi obrazların qurub yaratmaq eşqi, həyat fəlsəfəsini
yüksək sənətkarlıqla canlandırır, tamaşaçıların qəlbinə təsir edirdi.
Ələkbərov obrazlarında aydın surətdə hiss olunurdu ki, o öz xalqı-
nın qədim mədəniyyətini, tarixini, mənəvi aləmini, milli xarakterini
məharətlə duymuş və mənimsəmişdir. O, səhnədə böyük ideyalarla
yaşayan, tamaşaçıları da bu ideyalarla yaşatmağı bacaran və dərin
məna ifadə edən alovlu bir səhnə ustası idi...
137
Öz-özünə nəzarət hissi Əkbərovda çox güclü idi. O, obrazın
varlığını ifadə edən ştrixlər axtarır, onun ilk tamaşalardakı təravətli
və dinamik təbiətini yaşatmağa çalışırdı...” (2).
Ələsgər Ələkbərovda duymaq, düşünmək, öz fikrini tamaşaçı-
ya çatdırmaq, ifa etdiyi obrazın daxilinə düzgün nüfuz etmək çox
qüvvətli idi. O, obraz ilə öz arasındakı əlaqəni görürdü və çalışırdı
ki, yaratdığı qəhrənman ilə arasında olan məsafəni dəf etsin. Bunun
nəticəsində aktyorun ifa etdiyi zəngin obrazlar son dərəcə təbii,
mənalı və düşündürücü idi.
Ə. Ələkbərov əldə etdiyi yüksək nailiyyətlər ilə kifayətlən-
məyib, daim yaradıcılıq axtarışları apararaq yaratdığı səhnə və ek-
ran obrazlarını bitkin formada tamaşaçılara göstərirdi.
Ə. Ələkbərovun yaratdığı möhtəşəm obrazlar müxtəlif zaman-
larda yaşamalarına baxmayaraq böyük həyat yolu keçmiş insan-
lardır. Aktyor bu obrazların hər birinə öz nəfəsini, ürəyini qoymuş
və hər zaman tamaşaçıları düşündürmüşdür.
“Aktyorun canlı və təbii oyununa tamaşaçılar inanır, onun
təsiri ilə həqiqəti yalandan seçirdilər. Ələkbərov yaratdığı obrazlar
vasitəsilə tamaşaçılarla dil tapır, danışır, dərdləşir və onları düşün-
dürən suallara cavab verirdi. Ə. Ələkbərov həmişə yaratdığı obraz-
ların bəşəri keyfiyyətlərinə xüsusi fikir verirdi... Tamaşada ona eh-
tirazsız, maraqsız baxmaq mümkün deyildi. Ona görə ki, onun
yaradıcılıq məqsədi, idealı aydın və konkret idi.
Tamaşaçı Ələkbərovun canlı, təsirli, obrazlarına baxdıqca,
onunla birlikdə düşünür, bütün həyatını təsəvvüründə canlandıraraq
özünü dərk edir, mənən zənginləşir, eybəcər və gözəllikləri müqa-
yisə edib obrazın fəaliyyəti ilə yaşayır, dünyagörüşü və həyat təcrü-
bəsi genişlənir. Ələkbərovun yaratdığı xarakterlər bədii ləyaqəti və
qüvvətli məntiqi ilə tamaşaçıları sevindirir, kədərləndirir və onların
varlığına estetik münasibətlərini konkretləşdirirdi”(2).
Son dərəcə təbii və orijinal sənətkar olan Ələsgər Ələkbərov
ifa etdiyi obraza çevrilirdi. O, obrazın daxilini düzgün dərk edərək,
tamaşaçılara düzgün çatdırmağı bacarırdı.
138
A. İsgəndərov yazır ki; “Səmimilik, sadəlik və cazibədarlıq
Ələkbərovun yaradıcılıq üslubunun xarakterik xüsusiyyətlərini təş-
kil edir” (2).
Onun yaratdığı Elxan, Vaqif, Göydəmir, Nəbi, Fərhad, Aydın,
Kral Lir, Fətəli xan, Alxan, Otello, Proxor, Süleyman, Ferrero, Ca-
vanşir, Rüstəm kişi kimi müxtəlif xarakterli obrazlar həyati boya-
larla zənginləşmişdir. Onun ifasında sünilikdən əsər-əlamət yox idi.
“Ə. Ələkbərovun yaratdığı bir sıra klassik və müasir obrazlar
bədii keyfiyyəti, dərin mənası və bütöv xarakteri ilə düqqəti cəlb
edirdi. Coşqunluq, ağıl və təmkin, hərarət, emosiya və cazibə onun
səhnə qəhrəmanları üçün xarakterik idi. Tamaşaçı Ə. Ələkbərovun
tələffüz etdiyi hər kəlməsini izləyirdi. Ona görə ki, o, hər sözə,
cümləyə xüsusi diqqət yetirib, onun məna çalarlarını dərinləşdirirdi.
Ə. Ələkbərov Otellonun, Cavanşirin, Vaqifin bütün məziyyət-
lərini obrazlı, təsirli şəkildə canlandırır, tamaşaçıları vəcdə gətirirdi.
Onun yaratdığı obrazlar füsunkar idi. O, səhnədə bütün varlığı, hissi,
düşüncəsi, həvəsi və ilhamı ilə obrazı duyur, onun həyat idealını və
ritmini emosinoallıqla təcəssüm etdirirdi... Ə. Ələkbərov xarakteri
kəşf edir, ona həyat gətirirdi. Bu isə aktyorun navatorluğuna dəlalət
edən gözəl bir keyfiyyətdir” (3).
Geniş yaradıcılıq diapazonuna malik olan Ələsgər Ələkbərov
üçün janr sərhəddi yox idi. O, daban-dabana zidd olan müxtəlif
səhnə və ekran qəhrəmanlarını son dərəcə təbii və cazibədar ifa
edirdi. O, yaratdığı obrazları fitri istedadının və zəhmətinin hesa-
bına canlandıraraq, yüksək səviyyədə tamaşaçılara təqdim edirdi.
“Ələkbərov orijinal təbiətli bir sənətkar idi. O öz sələflərinin
mütərəqqi cəhətlərindən, yaşamağa qadir olan gözəl ənənələrindən
qidalanmış, müstəqil bir sənətkar kimi püxtələşmişdi. Onun fərdi
aktyorluq hünəri yaratdığı obazlarda özünü göstərirdi. Ələkbərovun
yaradıcılıq üslubu milli teatr mədəniyyətimizi zənginləşdirmişdir.
Ələkbərov novator bir sənətkar idi. O, ifa etdiyi obrazları mə-
nalı boyalar və detallarla cilalandırır, onların lazımı şəkildə açılma-
mış tərəflərini məharətlə canlandırır və tamaşaçıların qəlbinə od
salırdı... Onun yaratdığı Vaqif, Makduf, Salamov, Otello, Alxan,
139
Yusif, Xanlar, Fərhad Kamalov və b. obrazları sadə məntiqlı və
məzmunlu olmaqla bərabər, həm də romantik vüsətli, coşqun ehti-
raslı insanlardır” (2).
Müxtəlif xarakterlər yaratmaq, yaratdığı obrazların keşmə-
keşli həyatını böyük sənətkarlıqla ifa etmək onun ali məqsədi idi.
SSRİ xalq artisti, görkəmli sənətkar Ələsgər Ələkbərov aktyor
sənətinin əzəmətini, müqəddəsliyini uca tutan, onu daim tamaşaçıya
sevdirən sözün həqiqi mənasında böyük aktyor, böyük insan və
böyük şəxsiyyət idi. Onun adı bütün zamanlarda teatr və kino
tarixində ən əlçatmaz yerlərdən birini tutub və tutacaqdır!
Bakı
05. 11. 05 - 04. 09. 10.
140
İSTİFADƏ OLUNMUŞ ƏDƏBİYYAT
1. Allahverdiyev M. Ələsgər Ələkbərov. Bakı, Azərnəşr, 1968.
2. Allahverdiyev M. Ələsgər Ələkbərovun həyat və yaradıcılı-
ğı. Bakı, Elm, 1972.
3. Allahverdiyev M. Müasir teatrda ənənə və novatorluq mə-
sələləri. Bakı, Azərnəşr, 1974.
4. Arif M. Səməd Vurğunun dramaturgiyası. Bakı, Az.EA.
1964, s 76-77.
5. Bədirbəyli L. Ömrümün nağılları. Bakı, Gənclik, 1998, s.
25-29.
6. Cəfərov C. Əzizbəyov adına Azərbaycan Dram Teatrının
75 illiyi. Bakı, Azərnəşr, 1949.
7. Cəfərov C. Azərbaycan Dram Teatrı. Bakı, Azərnəşr, 1951.
8. Cəfərov C. Azərbaycan Dram Teatrı. Bakı, Azərnəşr, 1959.
9. Cəfərov C. H. Azərbaycan Teatrı. Bakı, Azərnəşr.1974.
10.Əlioğlu M. Tənqidçinin düşüncələri. Bakı, Azərnəşr, 1968,
s. 139-162.
11. Hüseyn M. Ədəbiyyat və sənət məsələləri. Bakı, Azərnəşr,
1958.
12. Hüseynov R. Cəfər Cabbarlının tarixi dramlarının səhnə
təcəssümü. Bakı, Maarif, 1971.
13. İbrahimov M. Ədəbi qeydlər. Bakı, Azərnəşr, 1970, s.
260-261.
14. İbrahimov M. Əsərləri, X cild, Bakı, Yazıçı, 1983, s. 343-
345.
15. Kazımov T. Kazım Ziya. Bakı, Azərnəşr, 1968. s. 86.
16. Kərimov İ. Abdulla Şaiq və teatr. Bakı, Az. TC, 1961. s.
36.
17. Kərimov İ. Azərbaycan-Türkiyə teatr əlaqələri. Bakı, 2000.
18. Kərimov İ. Azərbaycan peşəkar teatrının tarixi və inkişaf
mərhələləri. Bakı, Maarif, 2002.
141
19. Qədri F. Həyatımdan səhifələr. “Sənətdən keçən yollar”
kitabında: Bakı, Yazıçı, 1983, s. 37-172.
20. Qulubəyov Ə. Sovet Azərbaycanının kinosu. Bakı,
Azərbaycan Dövlət nəşriyyatı, 1958, s. 33.
21. Məmmədov C. Ələsgər Ələkbərov. Bakı, Az. TC, 1960.
22. Məmmədov M. Teatrlar. Aktyorlar. Tamaşalar. Bakı,
Azərnəşr, 1966.
23. Mərdanov M. Əlli il Azərbaycan səhnəsində. Bakı,
Uşaqgəncnəşr, 1959.
24. Mərdanov M. Xatirələrim. Bakı, Azərnəşr, 1964.
25. Mərdanov M., Sadıxov N. Azərbaycan teatr aktyorları
kinoda. Bakı, Az. TC, 1966.
26. Rəhimli İ. Akademik Milli Dram Teatrı. Birinci kitab,
Bakı, Qann-Poliqraf, 2002.
27. Rəhimli İ. Akademik Milli Dram Teatrı. İkinci kitab, Bakı,
Qann-Poliqqaf, 2002
28. Rəhimli İ. Bakı Türk İşçi Teatrı. Bakı, Elm, 2004.
29. Rza R. Mənim fikrimcə... Bakı, Azərnəşr, 1967, s. 170-
171.
30. Səfərov C., Babayev A. Şərəfli yol. Bakı, Azərnəşr, 1974.
31. Şəkinskaya B. Xatirələrim. Bakı, İşıq, 1986.
142
BAŞLIQLAR
GİRİŞ ...................................................................................................... 5
I FƏSİL
Həyatı və gənclik illəri (1910-1940)....................................................... 7
II FƏSİL
Sənətin əlçatmaz zirvəsi (1941-1963) .................................................... 56
III FƏSİL
Kino fəaliyyəti (1927-1963) ................................................................... 113
NƏTİCƏ ................................................................................................. 136
İSTİFADƏ OLUNMUŞ ƏDƏBİYYAT................................................. 140
143
Имран Адиль оглы Ахундов
«Алескер Алекперов»
монография
(на азербайджанском языке)
Баку – Мутарджим – 2014
144
Kitab “Mütərcim” Nəşriyyat-Poliqrafiya Mərkəzində
səhifələnmiş və çap edilmişdir.
Няшриййат редактору – Ялиш АЬАМИРЗЯЙЕВ
Kompyuter tərtibatı – Gövhər ALLAZOVA
Üz qabığının dizaynı – Cavid KİŞİYEV
Чапа имзаланыб: 14.03.2014.
Формат: 60х84 1/16. Гарнитур: Тимес.
Щяъми: 9 ч.в. Тираж: 200. Сифариш № 49.
Гиймяти мцгавиля иля.
ТЯРЪЦМЯ
ВЯ НЯШРИЙЙАТ-ПОЛИГ РАФИЙА
МЯРК ЯЗИ
Аз 1014, Бак ы
, Рясул Рза к цч., 125
596 21 44; 497 06 25; (055) 715 63 99
e-mail: mutarjim@mail.ru
www.mutercim.az
Dostları ilə paylaş: |