İNKİŞaf – MƏQSƏDİMİZDİR İYİRMİ DÖRDÜNCÜ Kİtab
Yüklə 2,69 Mb. Pdf görüntüsü
|
50 əməkdaşlıq etməyə hazırıq, gəlib bütün sərvətlərimizdən beynəlxalq ticarət və beynəlxalq əməkdaşlıq prinsipləri əsasında istifadə edə bilərsiniz. Biz bunu xatırlayırıq və uzun müddət unutmayacağıq. Hələ heç bir dövlət digər dövlətlərin mənafelərinə toxunan həssas məsələlərə belə açıq-aydın cavab verməmişdir. Beş il ərzində ölkələrimiz arasında əmtəə dövriyyəsi təxminən 5 dəfə artmışdır. Lakin 40 milyon dollar səviyyəsində əmtəə dövriyyəsi bizi təmin edə bilməz. Düşünürəm ki, biz əməkdaşlıq edərək, iqtisadiyyatımızın yüksəlişini nəzərə alaraq, 2-3 il ərzində əmtəə dövriyyəsini yarım milyard dollar səviyyəsinə qaldıra bilərik. Biz bu gün bir-birimizə daha yaxın olduq. Rusiya Federasiyası ilə aramızda baş verən ixtilaf bizi Azərbaycana məhsul göndərilməsi və Azərbaycandan məhsul alınması marşrutlarınadək əməkdaşlıq istiqamətinin konkret yollarını işləyib hazırlamağa məcbur etdi. Bu çox qiymətlidir və Azərbaycan mütəxəssislərinə minnət- darıq ki, İlham Heydər oğlu, Sizin göstərişinizlə onlar xahişimizə cavab verdilər, bizi hər vasitə ilə dəstəklədilər və kömək etdilər. Çox şadam ki, bu gün biz təkcə dövlətlərimizin deyil, bütün idarələrimizin də münasibətlərini normativ hüquqi baza üzərinə keçirməyə müvəffəq olduq. Bu çox qiymətlidir. Burada olan iri təşkilat və idarə rəhbərlərinin hamısı Azərbaycanın oxşar qurumları ilə müqavilə və sazişlər imzalamışlar. Bu çox yaxşıdır. Deyim ki, mən biləni, bizdə 13 ildə belə hal olmayıbdır. Çox yaxşı haldır ki, elmi müəssisələrdən tutmuş məhsul istehsal edən şirkətlərədək bila- vasitə rəhbərlər birbaşa müqavilə və sazişlər imzalayırlar. Deməli, razılaşdırdığımız nə varsa, hamısı həyata keçirilə- cəkdir. Müdrik bir Azərbaycan atalar sözündə deyildiyi kimi, «yol addım-addım qət edilər, dama-dama göl olar». İlham Heydər oğlu, mən qəti əminəm ki, damla-damla doldurmaq əzmində olduğumuz həmin göl xalqlarımız ara- sındakı qarşılıqlı münasibətlər və dostluq kimi saf və şəffaf olacaqdır. Hörmətli dostlar! 51
Siz indicə öz prezidentinizin dili ilə dediniz ki, ölkəmizdə baş verən hadisələrə sevinir və həyəcan keçirirsiniz. Bu, Belarus xalqının ruhuna uyğundur. Burada biz vaxtilə qardaş olan respublikanın, indi isə müstəqil, perspektivli, güclü dövlətin simasında özümüzə yeni, mehriban, sınaqdan çıxmış dost tapdıq.
Cənab Prezident, Sizi əmin etmək istəyirəm ki, vaxtilə Belarusun etdiyi kimi, Siz də öz seçiminizə heyfsilənməyə- cəksiniz. Biz həmişə Sizin etibarlı dostlarınız olacağıq. Bu gün mən, təbii ki, Sizin sağlığınıza badə qaldırıram – hərçənd, çox cavan adamın sağlamlığından danışmaq yaxşı düşmür – bu badəni sizin xalqınızın şərəfinə, Belarus və Azər- baycan xalqları arasında dostluğun şərəfinə, uşaqlarınızın şərəfinə qaldırmaq istəyirəm, qoy gözəl uşaqlarınız Sizi həmişə sevindirsinlər, ailənizə nəinki qüssə-kədər, hətta pis ovqat da gətirməsinlər. Sizin şərəfinizə, ailənizin şərəfinə, xalqınızın şərəfinə, döv- lətinizin şərəfinə. Artıq biz də Azərbaycanı müşahidə edəcək və onun bütün sahələrdə uğurlarına sevinəcəyik.
52 BELARUS RESPUBLİKASININ PREZİDENTİ ALEKSANDR LUKAŞENKO HEYDƏR ƏLİYEV FONDUNDA
3 may 2007-ci il
mayın 3-də Heydər Əliyev Fondunda olmuşdur. Azərbaycan prezidenti İlham Əliyev və xanımı, fondun prezi- denti Mehriban Əliyeva ali qonağı səmimiyyətlə salamlayaraq, onu müstəqil Azərbaycan dövlətinin qurucusu və memarı, ümummilli lider Heydər Əliyevin adını daşıyan fondda görməkdən məmnun qaldıqlarını bildirdilər. Dövlət başçıları və Mehriban xanım Əliyeva əvvəlcə Heydər Əliyev Fondunun yaranması, məqsədi, fəaliyyəti, həyata keçirdiyi layihələr, beynəlxalq əlaqələri barədə sənədli filmə baxdılar. Prezident Aleksandr Lukaşenko fondun genişmiqyaslı fəaliyyətini yüksək qiymətləndirdi. Sonra dövlətimizin başçısı ali qonağı fondun ekspozisiyası ilə tanış etdi. Ulu öndərin uşaqlıq, təhsil illərinə aid fotoşəkillər, sənədlər, vaxtilə çəkdiyi rəsmlər, xüsusi xidmət orqanlarında çalışdığı dövrü, respublikaya rəhbərliyinin hər iki mərhələsindəki, habelə Moskvadakı fəaliyyətini əks etdirən eksponatlar Aleksandr Lukaşenkoda xüsusi maraq oyatdı. O, keçmiş SSRİ-nin rəhbərlərindən biri kimi yüksək nüfuz qazanmış görkəmli şəxsiyyətin Azərbaycanın dövlət müstəqilliyinin qorunub saxlanmasında və bunun təməli olan iqtisadi islahatların həyata keçirilməsində həlledici rolunu yüksək dəyərləndirdi. 53
Prezident İlham Əliyev həmkarını ulu öndərin neft stra- tegiyasının zirvəsi olan və indi onun adını daşıyan Bakı–Tbi- lisi–Ceyhan əsas neft ixrac boru kəmərinin maketi ilə də tanış etdi, bu layihənin nəinki regionda, həm də bütün dünyada geosiyasi vəziyyətə böyük təsir göstərdiyini vurğuladı. Aleksandr Lukaşenko ümummilli lider Heydər Əliyevin dünyanın nüfuzlu siyasi xadimləri, dövlət və hökumət rəhbərləri ilə görüşlərini, dünyanın müxtəlif ölkələrində onun xatirəsinə ucaldılan abidələri əks etdirən fotoşəkillərə maraqla baxdı. Belarus prezidenti Xatirə kitabına ürək sözlərini yazdı, görkəmli siyasi xadim Heydər Əliyevin xatirəsinə öz dərin ehtiramını bildirdi və fondla tanışlıqdan zəngin təəssürat aldığını vurğuladı. Fondun prezidenti Mehriban Əliyeva ali qonağa xatirə hədiyyəsi təqdim etdi.
Yüklə 2,69 Mb. Dostları ilə paylaş:
|