İNKİŞaf – MƏQSƏDİMİZDİR İYİRMİ DÖRDÜNCÜ Kİtab
Yüklə 2,69 Mb. Pdf görüntüsü
|
- Bu səhifədəki naviqasiya:
- Azərbaycan Respublikasının Prezidenti İlham Əliyevin bəyanatı
35
metrologiya, uyğunluğun qiymətləndirilməsi və akkreditasiya sahəsində Əməkdaşlıq haqqında sazişi Azərbaycan tərəfdən Standartlaşdırma, Metrologiya və Patent üzrə Dövlət Agent- liyinin Baş direktoru Ramiz Həsənov, Belarus tərəfdən Xarici İşlər naziri Sergey Martınov imzaladılar. Azərbaycan Respublikası Hökuməti və Belarus Respublikası Hökuməti arasında baytarlıq sahəsində Əməkdaşlıq haqqında sazişi Azərbaycan tərəfdən Kənd Təsərrüfatı naziri İsmət Abasov, Belarus tərəfdən Kənd Təsərrüfatı və Ərzaq naziri Leonid Rusak imzaladılar. Azərbaycan Respublikası Hökuməti və Belarus Respublikası Hökuməti arasında bitki karantini mühafizəsi sahəsində Əməkdaşlıq haqqında sazişi Azərbaycan tərəfdən Kənd Təsərrüfatı naziri İsmət Abasov, Belarus tərəfdən Kənd Təsər- rüfatı və Ərzaq naziri Leonid Rusak imzaladılar. Azərbaycan Respublikası Hökuməti və Belarus Respublikası Hökuməti arasında Məxfi məlumatların qarşılıqlı qorunması haqqında sazişi Azərbaycan tərəfdən Milli Təhlükəsizlik naziri Eldar Mahmudov, Belarus tərəfdən Dövlət Təhlükəsizlik Komitəsi sədrinin müavini Nikolay Svorob imzaladılar. Azərbaycan Respublikası Hökuməti və Belarus Respublikası Hökuməti arasında Azərbaycan Respublikasının ərazisində müvəqqəti işləyən Belarus Respublikası vətəndaşlarının və Belarus Respublikasının ərazisində müvəqqəti işləyən Azərbaycan Respublikası vətəndaşlarının Əmək fəaliyyəti və sosial müdafiəsi haqqında sazişi Azərbaycan tərəfdən Daxili İşlər naziri Ramil Usubov, Belarus tərəfdən Daxili İşlər naziri Vladimir Naumov imzaladılar. 36
AZƏRBAYCAN VƏ BELARUS PREZİDENTLƏRİNİN BİRGƏ MƏTBUAT KONFRANSINDA BƏYANATLA ÇIXIŞLARI
2 may 2007-ci il Azərbaycan Respublikasının Prezidenti İlham Əliyevin bəyanatı
Hörmətli Aleksandr Qriqoryeviç! Hörmətli qonaqlar! Xanımlar və cənablar! Prezident başda olmaqla, Azərbaycana rəsmi səfər edən Belarus Respublikasının nümayəndə heyətini bir daha ürəkdən salamlamaq istəyirəm. Bu gün biz bir çox sənədlər imzaladıq. Onlar əməkdaşlığımızın inkişafı üçün yaxşı əsasdır. Əminəm ki, bu sənədlərdə nəzərdə tutulanların praktik həyatda yerinə yetirilməsi ölkələrimiz arasında çox fəal, qarşılıqlı surətdə faydalı əməkdaşlığa gətirib çıxaracaqdır. Bu gün biz keçən ilin payızında mənim Belarusa rəsmi səfərim zamanı prezidentlər səviyyəsində nəzərdə tutduğumuz real, praktik işlərin ilk konturlarını görürük. O vaxt biz əməkdaşlığın əsas istiqamətlərini müəyyən etdik və fərəhli haldır ki, qısa müddətdə, yarım ildən bir qədər çox vaxt keçəndən sonra biz artıq əldə edilmiş razılaşmaların konkret nəticələrini görürük. Artıq bu gün Azərbaycanda Belarus müəssisələrinin məhsulu istehsal olunur. Energetika, neft-qaz əməliyyatları, maşınqa- yırma, müdafiə sənayesi sahəsində fəal əməkdaşlığın konturları müəyyən edilir. Humanitar sahədə, hərbi-texniki sahədə əməkdaşlıq fəal gedir. Yəni, prezidentlərin müəyyən 37
etdikləri çox qısa müddətdə yerinə yetirilir və bu, ölkələrimizin ikitərəfli əlaqələrə olduqca ciddi yanaşdığına sübutdur. Biz bu əlaqələri tərəfdaşlığımız üçün çox mühüm hesab edirik. Belarus prezidentinin və belə geniş tərkibli nümayəndə heyətinin Azərbaycana səfəri bu məsələlərə ölkələrimizin və rəhbərliyin necə əhəmiyyət verdiyini göstərir. Bu gün biz ikitərəfli əməkdaşlıqla, siyasi qarşılıqlı mü- nasibətlərlə, regional əməkdaşlıqla, iqtisadi əlaqələrlə bağlı məsələlərin çox geniş dairəsini müzakirə etdik. Əminik ki, müəyyən edəcəyimiz və nəzərdə tutacağımız məsələlərin hamısı yerinə yetiriləcəkdir. Qısa bir
müddətdə Belarusun Azərbaycanda, Azərbaycanın Belarusda səfirlikləri fəaliyyətə başlamışdır. Biz Minsk ilə Bakı arasında aviareyslər açılması haqqında razılığa gəldik və bu reyslər artıq həyata keçirilir. Az vaxtda Gəncə şəhərində traktorların və yük avtomobillərinin istehsalı təşkil edilmişdir. Bütün bunlar göstərir ki, götürdüyümüz sürət, həqiqətən tarixi sürətdir. Heç bir ölkə ilə bizim qəbul etdiyimiz qərarların belə tez yerinə yetirilməsi müşahidə olunmayıbdır. Yenə də demək istəyirəm ki, bu, bir tərəfdən, qəbul olunmuş qərarlara ciddi yanaşdığımızı, digər tərəfdən, qarşılıqlı surətdə faydalı əməkdaşlığa böyük maraq göstərildiyini sübut edir. Əminəm ki, bu səfər və imzalanmış sazişlərdə nəzərdə tutulanların yerinə yetirilməsi nəticəsində ölkələrimizin qarşılıqlı əlaqələri daha sıx olacaqdır. İqtisadiyyatlarımız bir-birini tamamlayır. Biz ciddi tərəfdaşlıq səviyyəsinə çıxırıq və buna çox şadıq. Bir daha bütün nümayəndə heyətini salamlamaq, dəvətimi qəbul edib Azərbaycana gəldiyinə görə Belarus prezidenti Aleksandr Qriqoryeviç Lukaşenkoya təşəkkür etmək istərdim. Gələcəkdə də fəal əməkdaşlığa ümid bəsləyirəm. Diqqətinizə görə təşəkkür edirəm.
Yüklə 2,69 Mb. Dostları ilə paylaş:
|