15
RUSİYA FEDERASİYASI DAĞISTAN
RESPUBLİKASININ PREZİDENTİ
MUXU ƏLİYEVİN AZƏRBAYCANA SƏFƏRİ
30 aprel 2007-ci il
Aprelin 30-da Rusiya Federasiyası Dağıstan Respubli-
kasının Prezidenti Muxu Əliyev Azərbaycana birgünlük səfərə
gəlmişdir.
Heydər Əliyev adına Beynəlxalq Hava Limanında hörmətli
qonağı Azərbaycan Baş nazirinin birinci müavini Yaqub
Eyyubov, Dağıstanın ölkəmizdəki daimi nümayəndəliyinin rəh-
bəri Məhəmməd Qurbanov və digər rəsmi şəxslər qarşıladılar.
Ümummilli lider Heydər Əliyevin məzarını və
Şəhidlər xiyabanını ziyarət
Dağıstan Respublikasının Prezidenti Muxu Əliyev və onun
rəhbərlik etdiyi nümayəndə heyətinin üzvləri aprelin 30-da
Fəxri xiyabana gələrək ümummilli lider Heydər Əliyevin
xatirəsini ehtiramla andılar və məzarı önünə əklil qoydular.
Qonaqlar 1942–48-ci illərdə Dağıstan Vilayət Partiya
Komitəsinin birinci katibi işləmiş görkəmli dövlət xadimi Əziz
Əliyevin və oftalmoloq alim, akademik Zərifə xanım Əliyevanın
da xatirəsini yad etdilər və məzarları önünə əklillər, tər gül
dəstələri düzdülər.
* * *
Sonra Şəhidlər xiyabanına gələn dağıstanlı qonaqlar Azər-
baycanın müstəqilliyi və ərazi bütövlüyü uğrunda mübarizədə
həlak olmuş Vətən övladlarının xatirəsini andılar, «Əbədi
məşəl» abidəsi önünə əklil qoydular.
16
Heydər Əliyev Fondu ilə tanışlıq
Dağıstan Respublikasının Prezidenti Muxu Əliyev aprelin
30-da Heydər Əliyev Fondunda olmuşdur.
Fondun icraçı direktoru Anar Ələkbərov hörmətli qonağa
ümummilli lider Heydər Əliyevin xatirəsinə ehtiram əlaməti
olaraq yaradılmış fondun məqsədləri barədə məlumat verdi.
Fenomen şəxsiyyət Heydər Əliyevin həyatının ən müxtəlif
məqamlarını əks etdirən ulu öndərin şəxsi arxivindən götü-
rülmüş və onun fəaliyyətinin ayrı-ayrı dövrlərini əhatə edən
eksponatlarla, Moskvada keçmiş SSRİ-nin rəhbərlərindən biri
olarkən genişmiqyaslı fəaliyyətini əks etdirən fotosənədlərlə
tanış olan Muxu Əliyev ümummilli liderin ailə albomundan
götürülmüş şəkillərə, ötən əsrin nəhəng tikintilərindən olan
Baykal–Amur dəmir yolu magistralının (BAM) çəkilişinə uğurla
rəhbərlik etdiyinə görə ona verilmiş xatirə medalına, BAM-ın 1
nömrəli sərnişini vəsiqəsinə, ulu öndərin layiq görüldüyü
yüksək orden və mükafatlara, Bakı–Tbilisi–Ceyhan əsas ixrac
boru kəmərinin keçdiyi ərazilərin maketinə xüsusi maraq
göstərdi.
Dağıstanlı qonaq görkəmli dövlət xadimi Heydər Əliyevin
xatirəsinin bütün keçmiş İttifaq məkanında, xüsusilə qonşu
Dağıstanda həmişə hörmətlə anıldığını, onun bütün Qafqazın
müdrik ağsaqqalı kimi tanındığını bildirdi.
Muxu Əliyevə məlumat verildi ki, fondun əsas məqsədləri
görkəmli siyasi xadim Heydər Əliyevin zəngin irsini öyrənmək
və təbliğ etməkdən, Azərbaycanın sosial-iqtisadi, mədəni tərəq-
qisinə yönəlmiş genişmiqyaslı fəaliyyəti barədə gələcək
nəsillərdə, xarici qonaqlarda əyani təsəvvür yaratmaqdan,
Azərbaycan mədəniyyəti və tarixinin geniş təbliği ilə əlaqədar
aparılan işlərə kömək göstərməkdən ibarətdir. Fond həm də
genişmiqyaslı layihələr həyata keçirir, görkəmli siyasi xadimin
arzularının reallaşmasına öz töhfəsini verir.