28
BELARUS RESPUBLİKASININ PREZİDENTİ
ALEKSANDR LUKAŞENKONUN
AZƏRBAYCANA RƏSMİ SƏFƏRİ
1 may 2007-ci il
Mayın 1-də Belarus Respublikasının Prezidenti Aleksandr
Lukaşenko Azərbaycana rəsmi səfərə gəlmişdir.
Azərbaycanın və Belarusun Dövlət bayraqları ilə bəzədilmiş
Heydər Əliyev adına Beynəlxalq Hava Limanında ali qonağın
şərəfinə Fəxri qarovul dəstəsi düzülmüşdü.
Belarus dövlətinin başçısını təyyarənin pilləkəni yanında
Azərbaycanın Baş naziri Artur Rasizadə, Xarici İşlər nazirinin
müavini Xələf Xələfov və digər rəsmi şəxslər qarşıladılar.
Milli geyimli uşaqlar Belarus prezidentinə gül dəstəsi təqdim
etdilər.
Azərbaycan və Belarusun dövlət başçılarının aparacaqları
danışıqlarda müxtəlif sahələrdə qarşılıqlı əlaqələrin genişlən-
dirilməsi məsələləri diqqət mərkəzində olacaqdır. Bakıda
keçiriləcək görüşlərdə Azərbaycan–Belarus ticarət-iqtisadi
əməkdaşlığının gücləndirilməsi və birgə layihələrin gerçəkləş-
dirilməsi istiqamətində konkret tədbirlər müəyyən ediləcəkdir.
Belarus nümayəndə heyətinə respublikanın aparıcı müəs-
sisələrinin, nazirlik və baş idarələrinin rəhbərləri daxildir. Da-
nışıqların yekunlarına əsasən bir sıra sazişlər imzalanacaqdır.
* * *
Mayın 2-də Prezident sarayında Belarus prezidenti Alek-
sandr Lukaşenkonun rəsmi qarşılanma mərasimi olmuşdur.
Sarayın qarşısındakı rəsmi qarşılanma mərasimlərinin
keçirildiyi və hər iki ölkənin Dövlət bayraqlarının dalğalandığı
meydanda ali qonağın şərəfinə Fəxri qarovul dəstəsi düzül-
müşdü.
30
BELARUS RESPUBLİKASININ PREZİDENTİ
ALEKSANDR LUKAŞENKO İLƏ
GÖRÜŞ
Prezident sarayı
2 may 2007-ci il
Mayın 2-də Prezident sarayında rəsmi qarşılanma məra-
simindən sonra Azərbaycan Respublikasının Prezidenti İlham Əli-
yevin və Belarus Respublikasının Prezidenti Aleksandr Luka-
şenkonun təkbətək görüşü oldu.
Görüşdə Azərbaycan–Belarus əlaqələrinin bütün sahələrdə –
siyasi, iqtisadi və mədəni sahələrdə uğurla inkişaf etdiyi vur-
ğulandı. Bildirildi ki, Belarus rəhbərinin ölkəmizə indiki səfəri
bu münasibətlərin daha da genişlənməsinə təkan verəcəkdir.
Dövlət başçıları Azərbaycan–Belarus əlaqələrinin bundan
sonra da inkişaf edəcəyinə əmin olduqlarını bildirdilər.
31
AZƏRBAYCAN VƏ BELARUS
PREZİDENTLƏRİNİN GENİŞ
TƏRKİBDƏ GÖRÜŞÜ
Prezident sarayı
2 may 2007-ci il
Mayın 2-də Prezident sarayında Azərbaycan prezidenti
İlham Əliyevin və Belarus prezidenti Aleksandr Lukaşenkonun
nümayəndə heyətlərinin iştirakı ilə geniş tərkibdə görüş ol-
muşdur.
İ l h a m Ə l i y e v: Hörmətli Aleksandr Qriqoryeviç!
Hörmətli qonaqlar!
Sizi Azərbaycanda ürəkdən salamlamaq istəyirəm. Ölkəmizə
xoş gəlmisiniz! Sizin səfərinizi səbirsizliklə gözləyirdik və bu
səfəri ikitərəfli dostluq münasibətlərimizin inkişafının çox
mühüm amili kimi qiymətləndiririk. Münasibətlərimiz xüsusən
son vaxtlar çox dinamik inkişaf edir. Biz çox qısa bir müddətdə
iqtisadi əməkdaşlığa, qarşılıqlı əlaqələrimizə dair mühüm
layihələri müəyyən edə və artıq həyata keçirə bilmişik və indi
sıx inteqrasiya yolu ilə inamla irəliləyirik.
Mən ölkənizə səfərimi və orada olduğum günləri böyük
səmimiyyətlə xatırlayıram. İmzalanmış sənədlər, aparılmış
danışıqlar münasibətlərimizə güclü təkan vermişdir. Ölkəmizə
bugünkü səfəriniz, eləcə də Sizin ölkənizə mənim səfərim
ikitərəfli münasibətlərimizin tarixində ilk səfərlərdir. Sevindirici
haldır ki, Siz Azərbaycana böyük nümayəndə heyəti ilə
gəlmisiniz. Nümayəndə heyətinizin üzvlərinin mövcud
məsələləri bizim nümayəndə heyətimizin üzvləri ilə öz
səviyyələrində müzakirə etmək, qarşılıqlı əlaqələrin gələcək
yollarını müəyyənləşdirmək imkanı olacaqdır.