20
mətdə nəqliyyatın maneəsiz hərəkətini təmin edəcəkdir. Həm-
çinin körpüdən Asif Məhərrəmov küçəsinə köməkçi yollar
ayrılır. Bu da hərəkətin intensiv olduğu üçüncü mikrorayon dai-
rəsində tıxacların qarşısını alacaqdır. Demək olar ki, hərəkətin
təhlükəsizliyi üçün hər cür şərait yaradılmışdır. Sağ və sol
yollar tamamilə genişləndirilmiş, hərəkətin bütün istiqamətində
yaşıllıqlar salınmışdır. Tikintidə milli memarlıq ele-
mentlərindən və müasir texnologiyadan istifadə olunmuşdur.
Körpünün inşasında yerli, habelə Rusiya və İtaliya istehsalı
olan material və avadanlıqdan istifadə edilmişdir.
İ l h a m Ə l i y e v: Sizi təbrik edirəm. Nə qədər yaxşı iş
görmüsünüz. Bakının nəqliyyat sisteminin yaxşılaşması üçün
çox böyük işlər görülür. Körpülər, yol qovşaqları, tunellər tiki-
lir, şəhər gözəlləşir. Körpülər həm də memarlıq abidələridir,
şəhərimizə əlavə gözəllik verir. Həm də insanların rahatlığı
üçün yaxşı şərait yaradılır. Körpü elə bir qurğudur ki, buraya
qoyulan vəsait geri qayıtmır. Zavod, fabrik deyil ki, oradan gəlir
gəlsin. Sadəcə olaraq, dövlət bu vəsaiti qoyur ki, insanların
rahatlığı təmin olunsun, vaxtlarını tıxaclarda keçirməsinlər,
rahat hərəkət etsinlər. İnsanların yaşayış səviyyəsi yaxşılaşır,
imkanları artır, hamı maşın almaq istəyir. Maşınların çoxalması
da istər-istəməz nəqliyyat problemlərinin yaranmasına gətirib
çıxarır. Ona görə biz bəri başdan bütün tədbirləri gördük.
Nəqliyyat Nazirliyinə bütün göstərişlər verilmişdir. Bu işlər
böyük plan çərçivəsində görülür. Artıq yeddinci körpü istismara
verilibdir. Bir neçə yerdə tikintilər davam edir. Nəqliyyat
Nazirliyinə göstəriş verilibdir, onlar növbəti proqram
hazırlayırlar. Yəqin ki, yaxın zamanlarda Bakıda yeni
körpülərin, yol ötürücülərinin, qovşaqların tikintisi üçün lazımi
tədbirlər görüləcəkdir. Beləliklə, Bakıda tıxac problemi aradan
qalxmalıdır.
Bununla yanaşı, başqa tədbirlər də görülür. Bakıda nəq-
liyyatın hərəkətinin idarə edilməsinin xüsusi intellektual sistemi
yaradılacaq, yol hərəkəti kompyuter vasitəsilə tənzimlənəcəkdir.
21
Beləliklə, bütün şəhərimiz üçün, şəhərin infrastrukturu üçün lazım
olan tədbirlər görüləcəkdir.
Çox şadam ki, bu tikintidə yerli şirkətlər işləyir. Əvvəlki
illərdə daha çox xaricdən dəvət edirdik. İndi də dəvət edirik,
amma az. O vaxt bizim təcrübəmiz yox idi, imkanımız yox idi,
texnikamız yox idi. Amma indi hər şey var və pul Azər-
baycanda qalır. Bu pulu Azərbaycan vətəndaşları qazanırlar.
Azərbaycan şirkətləri güclənir və böyük şirkətlərə çevrilir.
Gələcəkdə onlar həm Azərbaycanda, həm də başqa ölkələrdə
işləyəcəklər. Yəqin ki, burada işləyənlərin maaşı da yaxşıdır.
800, 1000, 1500 manat alanlar var. Çox gözəl.
Onu da demək istəyirəm ki, bu körpülər çox yüksək keyfiy-
yətlə, böyük təminatla tikilir. Xarici görünüşü mütləq gözəl
olmalıdır. Çünki bu həm də şəhərin gözəlliyidir. Maşınların
hərəkəti üçün körpü tikmək olar. Amma biz gözəl körpülər
tikirik. Baxanda adamın ürəyi sevinir.
Buradakı təhlükəsizlik sədləri də indi Azərbaycanda istehsal
olunur, xaricdən gəlmir. Biz bir müddət bundan əvvəl
təhlükəsizlik sədləri və qalvanizasiya zavodunun açılışında
iştirak etdik. Bütün lazımi materiallar Azərbaycanda istehsal
olunmalıdır və ölkə iqtisadiyyatı belə inkişaf edəcəkdir. Əgər
Azərbaycanda son illər ərzində yol tikintisinə, körpülərin
tikintisinə bu qədər böyük vəsait qoyulmasaydı, onda bu
zavodun tikintisinə də ehtiyac olmazdı. Bu zavod tikilib və
fəaliyyət göstərəcək, ustalar işləyəcəklər.
Z i y a M ə m m ə d o v: Cənab Prezident, bu təhlükəsizlik
sədlərinin elastikliyi var, avtomobil dəyəndə onu geri atır. Yəni
avtomobil digər istiqamətə aşmır. Doğrudur, təhlükəsizlik
səddini zədələyib sıradan çıxarır, amma xəsarət olmur.
İ l h a m Ə l i y e v: Bəli, bunu əyir, amma sonra bunu bər-
pa etmək olur.
Z i y a M ə m m ə d o v: Cənab Prezident, Sizin tapşırı-
ğınızla biz təkcə Bakıda yox, respublikanın müxtəlif bölgələ-
rində buna bənzər körpülər inşa edirik. Oğuzda, Qəbələdə,
Qazaxda təqribən 4 körpü istismara verilməyə hazırdır.
22
İ l h a m Ə l i y e v: Bəli, gedin açılışlarını edin. Körpülər
hər yerdə tikilir və hər yerdə də tikilməlidir.
Sizi qarşıdan gələn bayramlar münasibətilə bir daha təbrik
edirəm. Sağ olun.
* * *
Sonra prezident İlham Əliyev rəmzi açılışı bildirən lenti kəsdi.
Lövhədə «Yolötürücü Azərbaycan Respublikasının Prezidenti
cənab İlham Əliyevin sərəncamı əsasında 2006–2007-ci illərdə
inşa edilmişdir» sözləri yazılmışdır.
Dövlətimizin başçısına xatirə hədiyyəsi təqdim olundu.
Prezident İlham Əliyev körpünün üzərindən yardımçı yolları
və ətraf ərazini seyr etdi, körpünün alt hissəsində müxtəlif
istiqamətlərə çəkilmiş yollara, Salamzadə küçəsindəki körpüdə
aparılan əsaslı yenidənqurma işlərinə baxdı.
Dövlətimizin başçısı körpünün müasir, möhkəm olması,
küçələrin, yardımçı yolların genişləndirilməsi və ətraf ərazidə
abadlıq işlərinin aparılması barədə müvafiq tövsiyə və tap-
şırıqlarını verdi.