19
Bakı əhalisinin təxminən 40 faizi fasilələrlə su alır. Digər
tərəfdən, bu kəmərin tikintisi bir daha onu göstərir ki, müstəqil
Azərbaycan dövləti hər şeyə qadirdir. Burada deyildi və mən də
qeyd etdim ki, bu layihə uzun illər idi ki, müzakirə olunurdu.
Hələ Sovet İttifaqı dövründə burada böyük su mənbələrinin
olması aşkar edilmişdi. Sadəcə, lazım olan tədqiqat-kəşfiyyat
işləri aparılmamışdır. Çünki o vaxt buna vəsait tapa bilmirdilər.
Əlbəttə ki, bu, Azərbaycanın müstəqilliyinin ilk illərində də
müzakirə olunurdu. Ancaq o vaxt bizim imkanımız yox idi və
bu sahəyə beynəlxalq maliyyə qurumlarından kredit almaq çox
çətin məsələ idi. Çünki adətən, krediti o sahəyə verirlər ki,
oradan qazanc götürsünlər. Biz isə bilirik ki, bu kəmərdən heç
vaxt heç bir qazanc götürülə bilməz. Çünki biz buraya qoyulan
yüz milyon dollarla ölçülən vəsaiti heç vaxt suyun pulundan
qaytara bilməyəcəyik. Yəni bu, sırf sosial xarakter daşıyan
məsələdir. Ona görə xarici banklarla da danışıqlar heç bir nəticə
verməmişdi və biz gözləyirdik. Nəinki gözləyirdik, işləyirdik,
çalışırdıq ki, güc toplayaq, maddi imkanları yaradaq və öz
pulumuzla bunu edək. İndi bu kəmər Dövlət Neft Fondunun
hesabına tikilir. Neftdən əldə olunan gəlirlər Neft fondunda
cəmləşir və ondan sonra, bax, bu cür məsələlərə yönəldilir. Biz
bunu ilk növbədə maaşlara, pensiyalara, qaçqın-köçkünlərin
sosial vəziyyətinin yaxşılaşdırılmasına və ölkəmiz üçün ən
önəmli məsələlərə yönəldirik. Yəni bu bir daha onu göstərir ki,
Azərbaycanın milli sərvəti olan neft, qaz Azərbaycanın
hərtərəfli inkişafına xidmət edir. Biz bunu gündəlik həyatda
görürük və bundan sonra da görəcəyik. Çünki bundan sonra
Azərbaycan yalnız və yalnız irəliyə gedəcək və sürətlə inkişaf
edəcəkdir.
Mən çox istəyirəm ki, Azərbaycanın hər bir rayonu inkişaf
etsin, o cümlədən Oğuz rayonu. Mən il yarım bundan əvvəl
Oğuza ilk dəfə gəlmişdim, vəziyyətlə tanış olmuş, öz
göstərişlərimi vermişdim. Bu gün çox şadam ki, artıq burada
böyük tikinti işləri gedir. Burada icra hakimiyyətinin başçısı
qeyd etdi, turizm infrastrukturu yaradılır, yeni müəssisələr,
20
xəstəxana, məktəblər, digər obyektlər tikilir. Mən istəyirəm ki,
daha da çox işlər görülsün. Buranın çox gözəl təbiəti var, turizm
üçün çox gözəl yerlər var. Biz elə etməliyik ki, Oğuz
Azərbaycanın ən qabaqcıl rayonuna çevrilsin. Bunun üçün biz
gərək birgə işləyək. Siz burada, biz də Bakıda. Mən əminəm ki,
nəzərdə tutulmuş bütün məsələləri birlikdə həll edəcəyik.
Əziz bacılar və qardaşlar, mən bir daha sizə öz hörmət və
məhəbbətimi ifadə edirəm, sizə cansağlığı, uğurlar arzulayıram.
Sağ olun.
* * *
Sonra prezident İlham Əliyev rayon sakinləri ilə səmi-
miyyətlə görüşüb hal-əhval tutdu, qayğıları ilə maraqlandı.
Oğuzlular belə mühüm layihənin həyata keçirilməsinə, əhalinin
sosial rifahının yaxşılaşdırılması, bölgələrin inkişafı sahəsində
gördüyü tədbirlərə görə dövlətimizin başçısına təşəkkürlərini
bildirdilər.
21
PREZİDENT İLHAM ƏLİYEV
OĞUZ RAYONUNDA
1 mart 2007-ci il
Ulu öndərin abidəsini ziyarət
Azərbaycan prezidenti İlham Əliyev martın 1-də Oğuz
şəhərinin mərkəzində yerləşən istirahət parkına gəldi.
Dövlətimizin başçısı xalqımızın ümummilli lideri Heydər
Əliyevin burada ucaldılmış abidəsini ziyarət edərək gül dəstəsi
qoydu.
Heydər Əliyev muzeyinin açılışı
Həmin gün Oğuz şəhərində ulu öndərin adını daşıyan
muzeyin açılış mərasimi oldu.
Azərbaycan prezidenti İlham Əliyev rəmzi açılışı bildirən
lenti kəsdi.
Dövlətimizin başçısına məlumat verildi ki, muzey görkəmli
dövlət xadimi və siyasi xadim, dahi şəxsiyyət Heydər Əliyevin
irsinin təbliği, gənc nəslin bu irsdən yararlanması məqsədi ilə
yaradılmışdır. Burada ulu öndərin uşaqlıq və gənclik illərini,
ailə həyatını, Azərbaycana rəhbərliyinin hər iki dövrünü, kənd
təsərrüfatının, sənayenin inkişafına, ordu quruculuğuna, mədə-
niyyətə və idmana qayğısını, «Əsrin müqaviləsi»nin imzalan-
masını, Bakı–Tbilisi–Ceyhan layihəsinin həyata keçirilməsini
əks etdirən 240-a yaxın şəkil və eksponat, habelə ulu öndərin
həyat və fəaliyyətinin müxtəlif dövrlərindən bəhs edən kitablar
toplanmışdır. Dörd bölmədən ibarət olan muzeydə prezident
İlham Əliyevin 2005-ci ildə Oğuz rayonuna səfəri və burada
keçirdiyi görüşlərə dair fotoşəkillər toplanmışdır.
Dövlətimizin başçısı muzeyin ayrı-ayrı guşələri ilə tanış
oldu, muzeyin Xatirə kitabına ürək sözlərini yazdı.