234
Hazırda biz məktəb tikintisinə çox böyük diqqət yetiririk.
Son üç ildə təxminən 800 yeni məktəb tikilmişdir, o cümlədən
də İvanovkada məktəbin inşası başa çatmaqdadır. Bütün dövlət
universitetlərində rus dilində bölmələr var.
Ermənistanla münaqişə həll edilmədiyinə və davam etdiyinə
görə – münaqişənin aradan qaldırılması ilə məşğul olanların,
yəni prezidentlərin, Xarici İşlər nazirlərinin əlaqələrindən başqa
– əlbəttə, bizim əlaqələrimiz məhdudlaşmışdır. Bu da təbiidir.
Lakin bu, belə bir konfransın keçirilməsinə maneə olmadı.
Bizim üçün konfransın keçirilməsi faktının özü vacibdir. O
haqlı olaraq Bakıda keçirilir, çünki Cənubi Qafqazda ən böyük
rus icması bizim ölkəmizdədir.
* * *
Görüşdən sonra qonaqlar Azərbaycan prezidenti ilə xatirə
şəkli çəkdirdilər.
235
ƏLCƏZAİR XALQ DEMOKRATİK
RESPUBLİKASININ PREZİDENTİ
ZATİ-ALİLƏRİ
CƏNAB ƏBDÜLƏZİZ BUTEFLİKAYA
Hörmətli cənab Prezident!
Ölkənizin paytaxtında çoxsaylı insan təl
ə
fatına səbəb
olmuş partlayışlar törədilməsi xəbərini dərin kədər və hiddət
hissi ilə qarşıladıq.
Biz terrorizmin bütün təzahürlərini qətiyyətlə pisləyir, belə
dəhşətli cinayət əməllərinə qarşı mübarizədə birgə səylər
göstərilməsini zəruri hesab edirik.
Baş vermiş faciə ilə əlaqədar dərdinizə şərik çıxır, Sizə,
həlak olanların ailələrinə və yaxın adamlarına dərin hüznlə
başsağlığı verir, yaralananlara və xəsarət alanlara şəfa dilə-
yirəm.
Allah rəhmət eləsin!
İLHAM ƏLİYEV
Azərbaycan Respublikasının Prezidenti
Bakı, 12 aprel 2007-ci il
236
ROMA PAPASI XVI BENEDİKT HƏZRƏTLƏRİNƏ
Zati-müqəddəsləri!
Tacqoyma gününüzün ildönümü münasibətilə Sizə öz
adımdan və Azərbaycan xalqı adından ən səmimi təbriklərimizi
yetirirəm.
Əmin olduğumu bildirirəm ki, Azərbaycan–Vatikan müna-
sibətləri, dostluq və əməkdaşlıq əlaqələrimiz xalqlarımızın
qarşılıqlı iradəsinə və məramına uyğun olaraq daim inkişaf
edəcək və genişlənəcəkdir.
Bu əlamətdar gündə Sizə ən xoş arzularımı yetirir, bütün
həmməzhəblərinizə sülh və rifah diləyirəm.
Hörmətlə,
İLHAM ƏLİYEV
Azərbaycan Respublikasının Prezidenti
Bakı, 13 aprel 2007-ci il
237
NİDERLAND KRALİÇASI
ÜLYAHƏZRƏT II BEATRİKSƏ
Ülyahəzrət!
Niderland Krallığının milli bayramı – Kraliça günü mü-
nasibətilə Sizi və bütün xalqınızı səmimi-qəlbdən təbrik edirəm.
Biz Azərbaycan–Niderland münasibətlərinə böyük əhə-
miyyət veririk. Əminəm ki, ikitərəfli əlaqələrimizin, dostluq və
əməkdaşlığımızın hərtərəfli inkişafı üçün qarşılıqlı səylərimizi
bundan sonra da ardıcıl şəkildə davam etdirəcəyik.
Belə bir əlamətdar gündə Sizə ən xoş arzularımı yetir-
məkdən məmnunluq duyur, möhkəm cansağlığı, işlərinizdə
uğurlar, dost xalqınıza sülh və firavanlıq diləyirəm.
Hörmətlə,
İLHAM ƏLİYEV
Azərbaycan Respublikasının Prezidenti
Bakı, 13 aprel 2007-ci il
238
AZƏRBAYCAN RESPUBLİKASININ PREZİDENTİ
İLHAM ƏLİYEVİN
SƏDRLİYİ İLƏ NAZİRLƏR
KABİNETİNİN 2007-ci İLİN BİRİNCİ
RÜBÜNÜN YEKUNLARINA HƏSR
OLUNMUŞ İCLASINDA NİTQ
Prezident sarayı
13 aprel 2007-ci il
Nazirlər Kabinetinin bugünkü iclası ilin birinci rübünün
yekunlarına həsr olunur. Son illər ərzində Azərbaycan iqti-
sadiyyatında müşahidə olunan müsbət meyillər 2007-ci ilin
birinci rübündə də davam edir. İqtisadiyyatımız çox yüksək
sürətlə artır. Son üç ildə Azərbaycan iqtisadiyyatı dünyada analoqu
olmayan sürətlə artmışdır – 2005-ci ildə 26 faiz, 2006-cı ildə 35
faiz. 2007-ci ilin birinci rübündə isə Azərbaycanda ümumi daxili
məhsul istehsalı təxminən 40 faiz artmışdır. Bu onu göstərir ki,
Azərbaycanda aparılan iqtisadi islahatlar öz səmərəsini verir və
bizim müəyyən etdiyimiz bütün proqramlar vaxtlı-vaxtında icra
olunur. Bir daha demək istəyirəm ki, bu yüksək göstəricilər heç bir
başqa ölkədə müşahidə edilmir. İnkişaf etmiş ölkələrdə ümumi
daxili məhsul, adətən, 3-4 faiz artır, keçmiş Sovet İttifaqının
respublikalarında, yəni postsovet məkanında isə orta hesabla
təxminən 7-8 faiz artım var. Azərbaycanda isə artım çox
böyükdür və bu bizə imkan verir ki, öz iqtisadi potensialımızı
daha da möhkəmləndirək.
---------------------------------
İclasda Maliyyə naziri Samir Şərifov, İqtisadi İnkişaf naziri Heydər
Babayev, Vergilər naziri Fazil Məmmədov, Cənclər və İdman naziri Azad
Rəhimov, Milli Bankın İdarə Heyətinin sədri Elman Rüstəmov və Dövlət
Neft Şirkətinin prezidenti Rövnəq Abdullayev çıxış etmişlər.
Dostları ilə paylaş: |