6
iqtisadi sahədə çox böyük nailiyyətlər əldə edilməsinə imkan
veribdir.
2005-ci ildə Azərbaycanın iqtisadiyyatı 26 faiz artmışdır.
Yəni ümumi daxili məhsulun artımı 26 faiz təşkil etmişdir. Bu,
dünyada analoqu olmayan bir göstəricidir və Azərbaycan bu
göstəriciyə görə dünyada birinci ölkədir. Müqayisə üçün deyə
bilərəm ki, inkişaf etmiş ölkələrdə ümumi daxili məhsul
təxminən 2–3 faiz artır, MDB ölkələrində bu, orta hesabla 7
faiz, Azərbaycanda isə 26 faizdir. Sənaye istehsalı 33 faiz
artıbdır. Əhalinin pul gəlirləri təxminən 30 faiz artıbdır.
Azərbaycanda orta aylıq əməkhaqqı artıq 140 dollara gəlib
çatıbdır. Son iki il ərzində Azərbaycanda 340 min yeni iş yeri
açılmışdır ki, bu da bir daha onu göstərir ki, bizim bütün
planlarımız, bəyan etdiyimiz proqramlar reallığa söykənir və
uğurla icra edilir.
Azərbaycanda bizi narahat edən problemlərdən biri də
yoxsulluqdur. Əgər 2004-cü ilin əvvəlində yoxsulluq şəraitin-
də yaşayanların sayı 49 faiz idisə, 2005-ci ilin əvvəlində bu,
40 faizə düşmüşdür və 2006-cı ilin əvvəlində 29 faiz təşkil
edəcəkdir. Əlbəttə, 29 faiz də çoxdur. Mən istəyirəm ki, Azər-
baycanda yoxsulluq şəraitində yaşayan bir nəfər də olmasın.
Amma bu gözəl dinamika onu göstərir ki, biz düz yoldayıq.
Azərbaycanın iqtisadiyyatı inkişaf edir, möhkəmlənir və
gələcəkdə daha da böyük sürətlə inkişaf edəcəkdir.
Xalqımızın ümummilli lideri Heydər Əliyevin adını daşıyan
və onun təşəbbüsü ilə inşa edilən Bakı–Tbilisi–Ceyhan neft
kəməri 2006-cı ildə işə düşəcəkdir. Bakı–Tbilisi–Ərzurum qaz
kəməri işə düşəcəkdir. Bu, ölkəmizə böyük miqdarda əlavə
maddi vəsaitin daxil olmasına gətirib çıxaracaqdır. Belə olan
halda, Azərbaycanda bütün sosial məsələlər daha da sürətlə öz
həllini tapacaqdır.
Bilirsiniz ki, sosial problemlərin həlli bizim üçün başlıca
vəzifədir və büdcəmiz də sosialyönümlüdür. Onu da qeyd
etməliyəm ki, 2006-cı ildə büdcə xərcləri 2005-ci ilə nisbətən
70 faiz artacaqdır və bütövlükdə, büdcəmiz 4 milyard dollar
7
təşkil edəcəkdir. Ona görə sosial məsələlərə ayrılan xərclər təbii
ki, artmalıdır. 2005-ci ildə Azərbaycanda 130 ümumtəhsil
məktəbi tikilmişdir. Bu da keçmişdə heç vaxt görünməmiş bir
göstəricidir. İndi bölgələrdə və Bakıda yeni məktəblər tikilir,
yeni müalicə-diaqnostika mərkəzləri tikilir, yeni yollar salınır,
elektrik stansiyaları tikilir, su kəmərləri, qaz xətləri çəkilir.
Bütün bunlar inkişafın əlamətidir, inkişafın təzahürüdür. Bütün
bunların nəticəsində, görülən işlərin nəticəsində Azərbaycan
xalqı yaxşı yaşayacaq, Azərbaycan daha da möhkəmlənəcək və
Azərbaycanın hər bir vətəndaşı müsbət dəyişiklikləri öz
gündəlik həyatında görməlidir və görəcəkdir. Bizim əsas
məqsədimiz bundan ibarətdir. Mənim göstərdiyim rəqəmlər,
makroiqtisadi vəziyyəti əks etdirən rəqəmlər, əlbəttə, hər bir
vətəndaşın həyatında öz əksini tapmalıdır, hər bir vətəndaş bunu
hiss etməlidir. Mənim məqsədim bundan ibarətdir.
Mən hesab edirəm ki, 2006-cı ildə biz bu siyasəti davam et-
dirməliyik. Azərbaycanda bu siyasətə alternativ siyasət yoxdur
və şübhə etmirəm ki, qısa müddət ərzində Azərbaycan zəngin
dövlətə çevriləcəkdir.
2005-ci ildə Azərbaycanda ictimai-siyasi sahədə də müsbət
meyllər daha da güclənmişdir. Azərbaycanda sabitlik qorunub
saxlanılmışdır, ictimai-siyasi asayiş qorunub saxlanılmışdır.
2005-ci ildə Azərbaycanın gələcəyi üçün mühüm rol oynayan
parlament seçkiləri keçirilmişdir. Parlament seçkiləri bir daha
göstərdi ki, Azərbaycan xalqı öz seçiminə sadiqdir. Müxtəlif
qüvvələr, müxtəlif dairələr bu seçkilərdən, bu hadisədən istifadə
edib öz məqsədlərini təmin etmək üçün səylər göstərmişlər.
Ancaq Azərbaycan iqtidarı xalqın dəstəyinə arxalanaraq,
Azərbaycanın milli maraqlarını maksimum dərəcədə qorudu və
möhkəmləndirdi. Parlament seçkilərinin nəticələri tam şəkildə
Azərbaycan xalqının iradəsini əks etdirir və bir daha bizim
siyasətimizə nə qədər böyük dəstək verilməsindən xəbər verir.
Mən ümid edirəm ki, Azərbaycanda 2006-cı ildə və ondan
sonrakı illərdə də ictimai-siyasi vəziyyət müsbət olacaqdır,
xalqla iqtidar arasında olan birlik, vəhdət daha da möhkəm-
8
lənəcəkdir. Hər bir ölkənin inkişafı üçün bu çox mühüm bir
məsələdir. Harada iqtidarla xalq arasında birlik, vəhdət var, o
ölkələrdə inkişaf da var. Harada ki, bu yoxdur, o ölkələr çətin
vəziyyətə düşürlər. Bölgədə yerləşən ölkələrin yaxın tarixi onu
göstərir ki, harada uçurum var, orada inkişafdan söhbət gedə
bilməz, sabitlikdən söhbət gedə bilməz. Azərbaycanda xalqla
iqtidar arasında inam var, məhəbbət var, birlik var, vəhdət var.
Mən 2003-cü ildə xalqın dəstəyi ilə prezident vəzifəsinə se-
çilmişəm. O vaxt bəyan etmişdim ki, mən öz həyatımı doğma
xalqıma həsr edəcəyəm. O vaxtdan bu günə qədər öz əməyimlə,
öz işimlə çalışmışam və çalışacağam ki, doğma xalqıma
ləyaqətlə xidmət edim, Azərbaycanı möhkəmləndirək,
Azərbaycanı gücləndirək, Azərbaycanın dövlət müstəqilliyini
əbədi, dönməz edək. Azərbaycanın milli maraqlarını daha da
möhkəmləndirək. Bütün bu istiqamətlərdə uğurlar var.
Mən qürur hissi ilə deyə bilərəm ki, bu gün Azərbaycan
sözün əsl mənasında müstəqil siyasət aparır. Bu siyasət Azər-
baycan xalqının milli maraqlarına cavab verir. Bu siyasət
Azərbaycanı regionda lider dövlətə çevirir. Bu siyasət gənc,
müstəqil ölkə kimi, Azərbaycanı dünyada tanıdır. Ümid edirəm
ki, görülən bütün işlər və görüləcək işlər bizim gücümüzü daha
da artıracaqdır. Azərbaycan öz dövlət müstəqilliyini möh-
kəmləndirəcək, Azərbaycan regionda daha da möhkəm yerini
tutacaq və Azərbaycan xalqı, Azərbaycan vətəndaşları daha da
yaxşı, rahat yaşayacaqlar, sülh, əmin-amanlıq, firavanlıq
şəraitində yaşayacaqlar. Mənim məqsədim budur. Mənim başqa
amalım yoxdur. Mən xalq üçün işləyirəm, xalq üçün çalışıram,
xalqa xidmət edirəm. Dəfələrlə demişəm ki, prezident başda
olmaqla, bütün məmurlar xalqın xidmətçiləridir. Bizim
vəzifəmiz ondan ibarətdir ki, xalqa xidmət edək, xalqla birlikdə
olaq, xalqın qayğıları ilə yaşayaq. Mən buna çalışmışam,
bundan sonra da çalışacağam, heç kim və heç nə məni bu
yoldan döndərə bilməz.
Əziz dostlar!
Dostları ilə paylaş: |