110
təbii sərvətlər o zaman insanlara xidmət edir ki, onlar işlənilir,
onlardan istifadə olunur, neft hasil edilir, neft kəmərləri tikilir,
stansiyalar, qaz kəmərləri tikilir. Şübhəsiz ki, bizim enerji
təhlükəsizliyimiz çox yüksək səviyyədə təmin olunacaq və
Azərbaycan gələcək illərdə bölgə üçün, region üçün, Avropa
istehlakçıları üçün çox önəmli enerji mənbəyi olan ölkəyə
çevriləcəkdir. Biz bundan məharətlə istifadə etməliyik.
Azərbaycanın coğrafi vəziyyəti, onun regiondakı artan nüfuzu,
rolu, habelə təbii sərvətlərimiz bizə çox gözəl imkanlar yaradır.
Bu imkanlar Azərbaycan xalqının rifah halının yaxşılaşmasına
xidmət edəcək, eyni zamanda, Azərbaycanın bölgədəki və
dünyadakı mövqelərini möhkəmləndirəcəkdir.
Mən bu gün çox xoşbəxtəm, çox şadam. Bilirsiniz, bu
stansiyanın 4-5 ay ərzində tikilməsi çox böyük nailiyyətdir. Bu
gün mən xarici mütəxəssislərlə, bu stansiyanın tikintisində
iştirak etmiş mütəxəssislərlə söhbət əsnasında eşitdim ki,
onların təcrübəsində də bu rekorddur. Bu stansiyanın
tikintisində iştirak edən şirkətlər müxtəlif yerlərdə də belə
stansiyalar tikiblər. Amma heç bir yerdə belə qısa müddət
ərzində buna nail ola bilməmişdilər. Azərbaycanda isə qısa
müddət ərzində stansiya tikildi. Bu nəyi göstərir? Onu göstərir
ki, Azərbaycanda işlər düzgün qurulur. Onu göstərir ki, burada
məqsəd qoyulursa, mütləq nail olunmalıdır. Bu onu göstərir ki,
bizim sözümüzlə əməlimiz arasında heç bir ziddiyyət yoxdur.
Əgər demişiksə, yerinə yetirməliyik. Yadımdadır, mən
sentyabrda vəzifə qoydum ki, qış aylarında stansiya istismara
verilməlidir. Çünki bizə işıq qış aylarında daha çox lazımdır.
Biz buna nail olduq. Şübhə etmirəm ki, bütün sahələrdə, bütün
təşəbbüslərdə biz həmişə istədiyimizə nail olacaq, Azərbaycanı
daha da möhkəmləndirəcək, Azərbaycan xalqının rifah halının
yaxşılaşmasına çox ləyaqətlə xidmət edəcəyik.
Əziz dostlar, bir daha mən sizin hamınızı bu stansiyanın
açılışı münasibətilə ürəkdən təbrik edirəm. Əminəm ki, bundan
sonra bizim işığımız həmişə yanacaq, müəssisələrimiz işləyəcək
və insanlar daha da yaxşı, rahat yaşayacaqlar.
111
Sağ olun.
* * *
Prezident İlham Əliyev açılış mərasimindən sonra Astara
elektrik stansiyasının inzibati binası ilə və burada yaradılmış
Heydər Əliyev muzeyi ilə tanış oldu.
Muzeydə xalqımızın ümummilli lideri Heydər Əliyevin ölkəmizə
rəhbərliyi dövründə tikilmiş elektrik stansiyalarının açılış
mərasimlərində iştirakını, energetiklərlə görüşlərini əks etdirən
fotoşəkillər toplanmışdır. Burada prezident İlham Əliyevin iştirakı ilə
ötən il Astarada istifadəyə verilmiş qaz-kompressor stansiyasının
açılışına dair fotoşəkillər də nümayiş etdirilir. Bütün bunlar ulu
öndərin və dövlətimizin başçısının bu sahəyə göstərdiyi böyük diqqət
və qayğı barədə dolğun təsəvvür yaradır.
Azərbaycan prezidenti İlham Əliyevin muzeyin fəxri
qonaqlar kitabına yazdığı ürək sözləri:
«Azərbaycanın enerji potensialının möhkəmlənməsində ulu
öndər Heydər Əliyevin müstəsna xidmətləri olmuşdur.
Bu gün bu işlər davam edir. Astara elektrik stansiyasının
istismara verilməsi bunun bariz nümunəsidir.
Ölkəmizin enerji təhlükəsizliyinin təmin olunmasında Astara
elektrik stansiyası öz rolunu oynayacaqdır və cənub bölgəsini
keyfiyyətli enerji ilə təmin edəcəkdir.
Astaralılara yeni uğurlar və xoşbəxtlik arzulayıram.
İLHAM ƏLİYEV
Azərbaycan Respublikasının Prezidenti
03.02.2006»
Sonra prezident İlham Əliyev stansiyanın qarşısına toplaşan
sakinlərlə görüşüb səmimi söhbət etdi, qayğı və problemləri,
yaşayış şəraiti ilə maraqlandı.
112
Sakinlər Astaraya göstərdiyi böyük diqqətə görə ulu öndər
Heydər Əliyevə Allahdan rəhmət diləyərək, onun tarixi xid-
mətlərini xatırladılar və xalqımızın ümummilli liderinin siyasətini
uğurla davam etdirən, insanların daim qayğısına qalan döv-
lətimizin başçısına dərin minnətdarlıqlarını bildirdilər. Onlar
regionların sosial-iqtisadi inkişaf proqramı çərçivəsində Astarada
görülən işləri yüksək qiymətləndirdilər, şəxsi qayğıları və prob-
lemləri barədə də söhbət açdılar.
Azərbaycan prezidenti xoş sözlərə görə sakinlərə təşəkkürünü
bildirdi, onların problemlərinin aradan qaldırılması üçün lazımi
tədbirlər görüləcəyini vurğuladı.
113
LƏNKƏRAN MÜALİCƏ-DİAQNOSTİKA
MƏRKƏZİNİN TİKİNTİSİ İLƏ TANIŞLIQ
3 fevral 2006-cı il
Azərbaycan prezidenti İlham Əliyev müalicə-diaqnostika
mərkəzinin tikintisi ilə tanış olmaq üçün fevralın 3-də Lənkəran
şəhərinə gəldi. Burada çalışan inşaatçılar prezident İlham
Əliyevi və onun xanımını hörmət və ehtiramla qarşıladılar, gül
dəstəsi təqdim etdilər.
Ötən ilin sentyabrında prezidentin xeyir-duası ilə təməli
qoyulan mərkəzin tikintisində son tamamlama işləri görülür.
Smeta dəyəri 32 milyard manat olan yeni səhiyyə ocağının
tikintisində «Embavood» MMC-nin inşaatçıları ilə yanaşı, 170
nəfər yerli sakin də çalışır. Mərkəzi Almaniyanın «Siemens»
şirkətinin istehsalı olan 2,7 milyon dollarlıq tibb avadanlığı ilə
təchiz ediləcəkdir.
Prezidentə məlumat verildi ki, əsasən böyrək xəstəliklərinin
diaqnostikası və müalicəsi üçün lazım olan avadanlıq dünyanın
ən tanınmış və nüfuzlu şirkətləri tərəfindən quraşdırılacaqdır.
Burada həmçinin oftalmologiya, kompüter tomoqrafiyası və
kardiologiya kabinetləri də fəaliyyət göstərəcəkdir. Mərkəzin bu
ilin birinci yarısında istifadəyə verilməsi nəzərdə tutulmuşdur.
Dostları ilə paylaş: |