İNKİŞaf – MƏQSƏDİMİZDİr otuz iKİNCİ Kİtab
Yüklə 1,85 Mb. Pdf görüntüsü
|
- Bu səhifədəki naviqasiya:
- İ l h a m Ə l i y e v
29 məsələlərin düzgün həll olunmasının və «dondurulmuş» münaqişələrdən irəli gələn təhlükənin aradan qaldırılmasının yeganə yolu həmin dövlətlərin tam mənada ərazi bütövlüyünə riayət edilməsi, buna hörmətlə yanaşılmasıdır. Rumıniya azlıqların kollektiv hüquqlarını tanıyır. Hesab edirik ki, ölkələrin suverenliyi və ərazi bütövlüyü pozulma- malıdır. Bu baxımdan Dağlıq Qarabağdakı vəziyyətə gəldikdə, Rumıniya hesab edir ki, düzgün həll yolu Azərbaycanın ərazi bütövlüyünün təmin edilməsi, ona hörmətlə yanaşılmasıdır. Ərazi bütövlüyü tam təmin olunmalıdır və Azərbaycanın hakimiyyət orqanları ölkənin bütün ərazilərinə nəzarət etməlidir. Kosovo məsələsinə gəldikdə, demək istəyirəm ki, Rumıniya Kosovonun müstəqilliyini heç vaxt tanımamışdır. Biz eyni sözləri Dnestryanı bölgə barədə də deyə bilərik. Moldova tərəfi bundan xəbərdardır. Gürcüstana gəldikdə isə biz hesab edirik ki, mərkəzi hakimiyyət orqanları bütün Abxaziyada, eyni zamanda, Cənubi Osetiyada öz nəzarətini tam təmin etmək hüququna malikdir. Dediyim bütün sözlər bizim nəzərdən keçirdiyimiz əsas meyarlardır və biz bunu açıqlaya bilərik. Çox sağ olun! 30 BAKI–QUBA–RUSİYA DÖVLƏT SƏRHƏDİ AVTOMOBİL YOLUNUN YENİDƏNQURMA İŞLƏRİNDƏN SONRA AÇILIŞI 22 avqust 2008-ci il Azərbaycan prezidenti İlham Əliyev Bakı–Quba–Rusiya dövlət sərhədi avtomobil yolunun 16–134-cü kilometrinin yenidənqurmadan sonra açılışında iştirak etmişdir. Bakı–Quba–Rusiya dövlət sərhədi avtomobil yolunun yeni- dən qurulmasına bu ilin mayında başlanılmışdır. «Azəryolser- vis» Açıq Səhmdar Cəmiyyətinin sifarişi ilə görülən inşaat işlərini «Akkord» şirkətlər qrupu həyata keçirir. Avropa Yenidənqurma və İnkişaf Bankının maliyyə dəstəyi ilə real- laşan bu layihə çərçivəsində yolun 16–134-cü kilometrinə beton örtük döşənmişdir. Bu işlərə 7 min işçi qüvvəsi və 3 mi- nə yaxın texnika cəlb olunmuşdur. İşlərin sürətlə aparılması üçün yol hissələrə (16–44-cü, 45–89-cu və 90–134-cü kil- ometrlər) bölünmüşdür. Prezident İlham Əliyevə məlumat verildi ki, beynəlxalq əhəmiyyətli bu yolda yük maşınlarının hərəkətinin intensivliyi nəzərə alınmaqla, qalın beton örtüyün döşənməsi yolun davamlılığını artırır. Beton örtüyün qalınlığı 28 santimetrdir. Magistral boyu 21 körpü və yolötürücüsü, 10 qovşaq, 15 mal- qara keçidi, 112 boru keçidi, 5 xidmət məntəqəsi olacaqdır. Yenidənqurma işləri üç növbədə gedir. Dövlətimizin başçısı Bakı–Quba–Rusiya dövlət sərhədi avtomobil yolunun 16–134-cü kilometrinin açılışını bildirən qırmızı lenti kəsdi. İ l h a m Ə l i y e v: Bu gözəl yolun açılışı münasibətilə sizin hamınızı təbrik edirəm! Yaxşı işləmisiniz, çox böyük işlər görmüsünüz. Heç vaxt Bakı–Sumqayıt yolu bu qədər 31 rahat, gözəl olmamışdır. Həm yol genişləndirilib, həm də ki, müasir dünya səviyyəsində tikilibdir. Beton yollar indi Avro- panın ancaq ən inkişaf etmiş şəhərlərində tikilir. Amma biz nəinki aeroportdan şəhərə gələn yolu beton örtüyü ilə tikmişik. Bakı–Sumqayıt və Bakı–Rusiya sərhədinə qədər yolu da belə tikirik. Bu, insanlara rahatlıq verəcək, bu yolun əsas məqsədi də odur. Bu, təzə yol deyil, Azərbaycanı Rusiya ilə birləşdirən yol həmişə olmuşdur. «Akkord» şirkəti artıq bu işlərdə çox böyük təcrübə toplayıb, çox böyük işlər görür. Azərbaycanda bu sahədə aparıcı şirkətə çevrilmişdir və bildiyimə görə, başqa ölkələrdə də iş görür. Bizim Azərbaycan şirkətləri gərək möh- kəmlənsin, güclənsin. Əvvəllər, xüsusilə böyük miqyaslı işləri ancaq xarici şirkətlər görürdü. Bizim imkanlarımız yox idi. Ancaq indi bu imkanlar var. İmkanların səbəbi, ilk növbədə, Azərbaycanda gözəl biznes şəraitinin yaradılmasıdır, digər tərəfdən, dövlət tərəfindən icra edilən layihələrin olmasıdır. Çünki bütün bu layihələr dövlət tərəfindən maliyyələşdirilir və dövlət də maraqlıdır ki, bu vəsait yerli şirkətlərə getsin, Azərbaycan vətəndaşları bundan faydalansın. Azərbaycan şirkətləri bundan həm təcrübə toplasınlar, həm də ki, öz maddi imkanlarını genişləndirsinlər. Əgər dövlət investisiya proq- ramları olmasaydı, bu yolların heç biri tikilməz və bizim şirkətlər də bu işlərdə iştirak etməzdi. Əvvəllər xaricdən alınan müəyyən miqdarda kreditlərin hesabına icra edilən layihələrlə bağlı işləri daha çox xarici şirkətlər görürdü. Çünki kredit verən xarici tərəf maraqlıdır ki, işləri onun öz şirkətləri görsün. İş görülürdü, amma pullar xaricə gedirdi. İndi isə həm iş görülür, həm də pul Azərbaycanda qalır. Həm Azərbaycan vətəndaşları işlə təmin olunur, yüksək maaş alırlar, həm də ki, keyfiyyət yüksəlir. Azərbaycanın müasir reallıqları bunlardır və bütün istiqamətlərdə bu işlər görülür. Bakını təkcə Rusiya ilə yox, Gürcüstanla, İranla birləşdirən yollar, şəhərlərarası yollar tikilir. Şamaxı yolu tikilir, ondan sonra Qəbələ–Şəki– Balakən yolu tikiləcək. İndi dünyanın ən məşhur, inkişaf etmiş ölkələrində də şəhərlərarası yollar işıqlandırılmır. Elədir? Yüklə 1,85 Mb. Dostları ilə paylaş:
|