İPƏK YOLU, No.2, 2017, səh.5-15
5
QEYRİ-NEFT BÜDCƏ KƏSIİRİNİN İDARƏ OLUNMASI
MƏSƏLƏLƏRİ
Ağanemət Ağayev
Azərbaycan Universiteti, Bakı, Azərbaycan
e-mail:
aganemat@gmail.com
Xülasə. Təbii resurs gəlirlərinin dayanıqlı idarəetmə sistemi və hər bir
iqtisadi sistemin başlıca tənzimləmə elementi kimi rasional fiskal siyasət bir
sıra ölkələdə makroqitisadi tarazlığın başlıca şərtləri sırasındadır. Məqalə
makroqitisadi sabitlik baxımından effektiv fiskal siyasət dizaynının müəyyən
olunması problemlərinə həsr olunmuşdur. Burada, qoyulan problemin idarə
olunması mexanizmləri təklif olunur.
Açar sözlər: büdcə kəsiri, dəyişməz real xərclər prinsipi, fiskal siyasət,
qeyri-neft sektoru.
MANAGEMENT OF NON-OIL BUDGET
DEFICIT
Aghanemat Aghayev
Azerbaijan University, Baku, Azerbaijan
Abstract. Sustainable developing management
system of natural resources and rational fiscal
policy as the main regulating element of any
economic system, has become an important
element of macroeconomic equilibrium. The
article is devoted to the problems of effective fiscal
policy from macroeconomic stability point of
view. It also proposed the mechanism for the
solution of the problem.
Keywords: budget deficit, permanent income
approach, fiscal policy, non-oil sector approach,
fiscal policy, non-oil sector.
УПРАВЛЕНИЯ НЕНЕФТЯНОГО
БЮДЖЕТНОГО ДЕФИЦИТА
Аганемат Агаев
Университет Азербайджан, Баку, Азербайджан
Резюме. Устойчиво развивающийся механизм
управления природных ресурсов и рациональ-
ная фискальная политика в качестве одного из
двигателей любой экономической системы
является важным элементом макроэкономичес-
кого равновесия в стране. Данная статья
посвящена проблемам эффективной финансо-
вой политики с точки зрения макроэкономичес-
кой стабильности. В работе предлагаются
механизмы решения данной проблемы.
Ключевые cлова: бюджетный дефицит, под-
ход постоянного дохода, фискальная политика,
ненефтяной сектор.
Neft-qaz sektorundan gələn gəlirlərin rasional prinsiplərlə istifadəsi və bunun nəticəsi
kimi qeyri-neft iqtisadiyyatının sürətli inkişafına nail olunmaqla bu sektorda vergi bazasının
artırılması dayanıqlı fiskal siyasət nöqteyi-nəzərindən Azərbaycanda resurs iqtisadiyyatının
başlıca problematikasıdır.
Ümumilikdə, ölkədə icmal büdcənin, o cümlədən dövlət büdcəsinin qeyri-neft kəsirinin
maliyyələşdirilməsi və son nəticədə bu istiqamətdə xroniki iqtisadi-maliyyə problemlərinin
aradan qaldırılması tədbirlərini iki qrupa bölmək olar: 1) iqtisadiyyatın institusional və
struktur islahatlarının düzgün, vaxtında və davamlı həlli; 2) fiskal sektorda zəriri islahatlar və
yeni konstruksiyanın tətbiqi məsələlərinin həlli.
İPƏK YOLU, No.2, 2017
Azərbaycan Universiteti
6
Bu məqalədə hər iki istiqamət üzrə qoyulan problematikanın qısa sinxron həlli
məsələlərinə toxunulur.
***
Ölkədə resurs gəlirlərdən səmərəli istifadə məsələsi daim aktual olmuş, bu xüsusda
müxtəlif səpkili strateji siyasət sənədləri təsbit olunmuşdur. Bunlarda biri kimi, Azərbaycan
Respublikası Prezidentinin fərmanı ilə “Neft və qaz gəlirlərinin idarə olunması üzrə
uzunmüddətli strategiya” təsdiq edilmişdir.
Strategiyanın güclü tərəflərini aşağıdakı kimi ümumiləşdirmək olar:
-
Sənəddə dəyişməz real xərclər prinsipi əsasında neft gəlirləri ilə maliyyələşən xərclər
üçün illik limitın muəyyən edilməsi ümumi əsaslarla öz əksini tapmışdır. Bu, neft-qaz
gəlirlərinin gələcək nəsillər üçün qorunması baxımından əhəmiyyətlidir;
-
Gəlirlərin istifadəsi zamanı makroiqtisadi sabitliyin qorunması prioritetləşdirilir;
-
Sənəddə neft və qazın ixrac qiymətinin pessimist variantda proqnozlaşdırılması nəzərdə
tutulur ki, bu da büdcə gəlirlərinin konservativ qiymətləndirilməsinə imkan verir və
gəlirlərin dünya bazarının volatilliyinə həssaslığımı minimallaşdırır.
Aşağıdakı nüansları isə sözügedən strategiya sənədinin zəif tərfləri kimi qeyd etmək
olar:
-
sənəddə neft gəlirlərinin bütün mənbələri göstərilməyib. Nəticədə hər il Dovlət Neft
Şirkətinin iri həcmdə sərəncamda qalan mənfəəti nəzərə alınmır;
-
neft və qaz gəlirlərinin tukənməzliyi prinsipi (dəyisməz real xərclər) öz əksini tapsa da,
onun konkret hesablanması mexanizmi əks olunmayıb;
-
sənədin bəzi bölmələrində qeyri-müəyyən ifadələrdən istifadə edilir ki, bu da onun
praktiki əhəmiyyətini azaldır. Məsələn, “neft və qaz gəlirlərindən daxilolmaların zirvə
səviyyəsi” anlayışının aydın izahı verilməmiş və “gəlirlər zirvə səviyyəsinə çatdıqdan
sonra onların 25 faizindən az olmayan hissəsinin yıgıma yonəldilməsi” müddəasının
iqtisadi mahiyyəti yetərincə aydın izah olunmamışdır.
Qeyd olunduğu kimi, Azərbaycanda neft gəlirlərinin istifadəsi ilə bağlı “Neft və qaz
gəlirlərinin idarə olunması üzrə uzunmüddətli strategiya”nın qəbul edilməsinə baxmayaraq bu
strategiya çərçivəsində xərclənən neft gəlirlərinin illik istifadə limiti konkret müəyyən
olunmamışdır.
Beynəlxalq maliyyə institutlarının da Azərbaycan iqtisadiyyatının strateji inkişaf
məsələləri ilə bağlı tədqiqat materiallarında göstərilir ki, uzunmüddətli dövr üçün neft-qaz
gəlirlərindən istifadə norması daimi gəlir prinsipi əsasında müəyyən edilməlidir.
A. AĞAYEV: QEYRİ-NEFT BÜDCƏ KƏSİRİNİN İDARƏ OLUNMASI …
7
Neft gəlirlərindən optimal faydalanmaq, bu faktoru milli iqtisadiyyatın dayanıqlı
inkişafına və diversifikasiyasına transformasiya etmək hazırda Milli iqtisadiyyat perspektivi
üzrə Strateji Yol Xəritəsində müəyyən olunan prioritet vəzifələrdən biridir. Bu vəzifənin
makroiqtisadi sabitliyi pozmadan hansı zaman müddəti ərzində yerinə yetirilə bilməsi
ortamüddətli perspektivdə hər il istifadə oluna bilən neft gəlirlərinin ortamüddətli xərc
strategiyası çərçivəsində yuxarı həddinin müəyyənləşdirilməsini tələb edir.
Azərbaycanda neft-qaz gəlirlərinin müəyyən olunmuş rasional həddən çox istifadə
olunması:
-
uzunmüddətli fiskal dayanıqlığın itirilməsi;
-
yüksək inflyasiya və ya makroiqtisadi sabitliyin pozulması;
-
idxaldan yüksək asılılıq və ya cari hesabın kəsirinin dayanıqsız şəkildə böyüməsi
kimi risklər yaradır.
Bu real perspektiv təhdidlər tələb edir ki, uzunmüddətli perspektivdə bu vəsaitlərin
özünün gəlir gətirməsi imkanları nəzərə alınaraq elə bir dəyişməz illik xərc məbləği müəyyən
edilsin ki, bu vəsaitlərın baza hissəsi heç vaxt tükənməsin.
Ekonometrik qiymətləndirmələrə görə, Azərbaycanda dəyişməz (sabit) real xərc
məbləği neftin hazırkı ixrac qiymətindən (50 ABŞ dolları) asılı olaraq təqribən 3-3,5 mlrd.
ABŞ dolları təşkil edir.
Müəyyən olunmuş bu xərc məbləği neft sərvətlərinin daim istifadəsinə, digər sözlə,
onun təbii sərvətdən maliyyə sərvətinə çevrilməsinə imkan verən maksimal limitidir.
Dəyişməz real xərclər prinsipi üzrə il ərzində xərclənən neft gəlirlərinin limitini
aşağıdakı ardıcıllıqla hesablamaq mümkündür.
Cəmi neft sərvətindən yaranan maliyyə aktivləri aşağıdakı düsturla hesablanır:
MMA = NGQ + NGD
Burada, MMA – neft sərvətindən yaranması gözlənilən məcmu maliyyə aktivləri (cari
dəyərdə);
NGQ – cari ildə neft aktivlərinin qalığı;
NGD - gözlənilən neft-qaz gəlirlərinin məcmu xalis cari dəyəri.
Dəyişməz (sabit) real xərclər prinsipi üzrə gözlənilən neft-qaz gəlirlərinin məcmu
xalis cari dəyəri aşağıdakı kimi hesablanır:
NGD =
NG
t
/ (1+i)
t
Burada, NG – dövr ərzində hər il üçün qiymətləndirilən neft gəlirləri;
i – beynəlxalq maliyyə bazarlarında nominal faiz dərəcəsi;
n – illərin sayı.
İPƏK YOLU, No.2, 2017
Azərbaycan Universiteti
8
Dəyişməz real xərclər prinsipi üzrə bir il ərzində istifadə olunan neft gəlirlərinin limiti
isə aşağıdakı düsturla hesablanır:
NGL = r * MMA.
Burada, NGL – bir il ərzində xərclənən neft gəlirlərinin limiti;
r – neft aktivlərinin idarə olunmasından illik real gəlirlik (r = i - p, p – dünya üzrə orta
inflyasiya səviyyəsi);
MMA – neft sərvətindən yaranması gözlənilən məcmu maliyyə aktivləri (cari
dəyərdə).
Göründüyü kimi, problemə konseptual və rasional yanaşma xərclərin həcminin qeyri-
neft kəsiri əsasında müəyyən edilməsini tələb edir. Neft gəlirlərinin illik əsasda yüksək
məbləğdə istifadəsi makro-iqtisadi sabitliyə müəyyən təhlükələr yaradır. Buna yol verməmək
üçün dəyişməz real xərclər üzrə hesablanmış neft gəlirlərinin illik maksimal limitinin
müəyyən edilərək orta müddət üçün qanunverici qaydada təsbit olunması, qeyri-neft kəsirinin
bu müddət ərzində kəskin dəyişməsinin qarşısını alacaq. Bu isə nəticə etibarilə bum
dövrlərində iqtisadiyyatın hərarətlənməsini, böhran dövrlərində isə əksinə, makro-fiskal
valyuta kəsrinin yaranmasını, nəticə etibarilə isə real məzənnənin tarazlı səviyyədən
uzaqlaşmasını nəzarət altına almağa imkan verəcək ən effektiv mexanizmdir.
Şəkil 1. Azərbaycanda neft gəlirlərinin uzunmüddətli rasional istifadə ssenarisi
(məbləğ: mln. ABŞ dolları ilə)
Nəticə etibarilə, neft gəlirlərindən istifadə olunacaq illik məbləğin yuxarıdakı iki
prinsip üzrə müəyyən olunmuş limit ilə məhdudlaşdırılması iqtisadi dayanıqlıq şərtlərinə tam
0
5000
10000
15000
20000
25000
2007 2009 2011 2013 2015 2017 2019 2021 2023 2025
Neft gəlirləri
Dəyişməz xərc
A. AĞAYEV: QEYRİ-NEFT BÜDCƏ KƏSİRİNİN İDARƏ OLUNMASI …
9
cavab verir. Bu limit büdcənin orta müddətli xərclər strategiyası çərçivəsində hesablanaraq
qanunverici qaydada təsbit olunmalı olsa da, hər il ölkədə və dünyada baş verən qəfil iqtisadi
proseslərin (neftin qiymətinin kəskin dəyişməsi, forsmajor fiskal xərclər və s.) təsiri altında
müəyyən korreksiyalara məruz qala bilər.
Hesablamalar göstərir ki, fiskal davamlılığı təmin etmək məqsədilə neft gəlirlərinin
“dəyişməz real xərclər” prinsipi çərçivəsində xərclənməsi və ortamüddətli dövrdə qeyri-neft
kəsirinin uzunmüddətli dayanıqlı səviyyəsinə çatdırılması üçün dövlət büdcəsi xərclərinin
illik artımı orta hesabla 5%-i ötməməlidir.
Əksər resurs ölkələri, o cümlədən Azərbaycan iqtisadiyyatı üçün xarakterik olan
makroiqtisadi dayanıqlıq problemini əks etdirən əhəmiyyətli göstəricilərdən biri də “əkiz
kəsirlər”dir. Son illərdə orta shesabla ölkədə qeyri-neft icmal büdcə kəsirinin qeyri-neft
ÜDM-ə nisbəti 45-55%, qeyri-neft CƏB-in kəsirinin qeyri-neft ÜDM-ə nisbəti isə 20-22%
arasında dəyişir. Qeyri-neft sektorunun yüksək “əkiz kəsirlər”i əsasən resurs gəlirləri ilə
maliyyələşdiyindən uzunmüddətli perspektivdə dayanıqlı deyildir.
Dünya təcrübəsi göstərir ki, təbii ehtiyatlarla zəngin ölkələr strateji iqtisadi siyasət
baxımından iki fundamental seçim qarşısında qalırlar: təbii resurslardan əldə olunan iri həcmli
gəlirləri mövcud nəsillər üçün xərcləmək, yaxud onları gələcək nəsillər üçün yığım şəklində
saxlamaq.
Təbii sərvətlərin istismarından əldə olunan gəlirlərin istifadəsinin konseptual
alqoritmini qurmaqla bu seçimi daha uğurlu etmək üçün mümkün variantları müəyyən etmək
olar. Bu baxımdan neft gəlirlərinin istifadəsi ilə bağlı iqtisadi, sosial və fiskal məqsədlər ön
plana çəkilir. İqtisadi məqsədlər iqtisadi diversifikasiya və inkişafın stimullaşdırılması, fiziki
infrastruktura investisiya qoyuluşunu, sosial məqsədlər neft gəlirlərinin yenidən bölgüsü və
müxtəlif sosial və ictimai xidmətlər ilə bağlı ehtiyacların ödənilməsini, yığım məqsədləri isə
neft gəlirlərindən ya yığım fondunun formalaşması üçün, ya da dövlət borcunun qaytarılması
üçün istifadə olunmasını nəzərdə tutur.
İqtisadi və sosial məqsədlər istehlak və investisiyaların stimullaşdırılmasını nəzərdə
tutduğu halda, yığım məqsədi fiskal dayanıqlıq və fondun maliyyə sərvətinin tükənməməsi
kimi hədəflərə fokuslanır ki, bunlar da bir-bir ilə qarşılıqlı ziddiyyət təşkil edir. Yığım
məqsədinin arxalandığı məntiq ondan ibarətdir ki, neft gəlirləri bərpa olunmayan mənbəyə
əsaslandığı üçün bu gəlirlərin digər fiskal gəlirlər kimi cari dövrdə, xüsusilə də cari istehlak
xərclərinə sərf olunarsa, təbii ehtiyatlar tükəndiyi zaman bu xərclərin həmin səviyyəsinin
saxlanılması üçün alternativ gəlir bazasını təmin etmək mümkün olmayacaq və ya çox çətin
və uzunmüddətli olacaq.
İPƏK YOLU, No.2, 2017
Azərbaycan Universiteti
10
Şəkil 2. Neft gəlirlərindən müxtəlif istifadə ssenariləri
İstehlak xərcləri qısamüddətli perspektivdə tələb ilə təklif arasındakı makroiqtisadi
tarazlığın pozulması təhdidlərini yaradır. Öz növbəsində, dövlət investisiya layihələrinin
seçilməsi, dəyərləndirilməsi, prioritetləşdirilməsi və həyata keçirilməsi üzrə texniki
Sabitlik və inkişaf prinsipləri əsasında neft-
qaz gəlirlərindən istifadə
İqtisadi:
- iqtisadi inkişaf
- iqtisadi diversifikasiya
- iqtisadi infrastruktur
Sosial:
- gəlirlərin bölgüsü
- sosial xidmətlərin
təkmilləşdirilməsi
- sosial infrastruktur
Yığım:
- gəlirlərin gələcək nəsillər
üçün saxlanması
- dövlət borcunun
ödənilməsi
Xərc
ssenarisi
Yığım
ssenarisi
İNVESTİSİYA
XƏRCLƏRİ:
Musbət cəhət:
- İqtisadi inkişaf və
diversifikasiya
Mənfi cəhətlər:
- Texniki potensialın zəif
olması
- Səmərəsiz layihələr
- İnflyasiya
İSTEHLAK XƏRCLƏRİ:
Musbət cəhət:
- Qısa müddətdə
yoxsulluğun aradan
qaldırılması
Mənfi cəhətlər:
- İdxaldan asılılıq
- İnflyasiya
- Rəqabət qabiliyyətinin
itirilməsi
- Holland sindromu
DƏYİŞMƏZ REAL XƏRCLƏR
PRİNSİPİ:
Müsbət cəhət:
-Tükənən neft sərvətlərinin
tükənməyən maliyə sərvətinə
çevrilməsi
Mənfi cəhət:
-Təxirəsalınmaz investisiya
ehtiyaclarının hamısının deyil,
prioritetlik əsasda hissələrlə
ödənilməsi
A. AĞAYEV: QEYRİ-NEFT BÜDCƏ KƏSİRİNİN İDARƏ OLUNMASI …
11
potensialın beynəlxalq standartlar səviyyəsində olmaması, bu xərclərin səmərəsinin aşağı
olması ilə nəticələnir.
Hazırkı şəraitdə milli iqtisadi inkişaf və sabitlik hədəflərinə nail olmaq üçün hökumət
və dövlət institutları tərəfindən həyata keçirilən iqtisadi siyasət elementlərinin koordinasiyası
nəticə etibarilə həlledicidir. Bunun üçün sistemli və səmərəli koordinasiyanın institusional və
əməliyyat çərçivələrinin formalaşdırılmasına və inkişaf etdirilməsinə ehtiyac vardır.
Qeyd etdiyimiz kimi, Azərbaycan şəraitində fiskal dayanıqlıq əsasən büdcənin neftdən
asılılığının azaldılması və neft gəlirlərinin istifadəsinin məhdudlaşdırılması ilə bağlıdır.
Dünya təcrübəsinə nəzər yetirsək, neft istehsal edən ölkələrdən Norveçdə buna bənzər limit
mexanizmi tətbiq edilir və bu limit ölkənin Neft Fondunun aktivlərinin idarə edilməsindən
əldə edilən gəlirlə məhdudlaşır. “Daim gəlir” prinsipi hökumətin gələcək 25 ildə əldə edəcəyi
neft gəlirlərinin stokunun saxlanması və yalnız faiz gəlirlərinin xərclənməsini nəzərdə tutur.
Azərbaycan iqtisadiyyatında bu cür limitin tətbiq edilməsi Neft Fondunda akkumulyasiya
olunmuş vəsaitlərin daha etibarlı qorunmasına şərait yarada bilər. Bu isə orta və uzunmüddətli
dövrdə fiskal dayanıqlığa nail olmağa imkan verəcəkdir.
Ölkədə fiskal siyasətin kontrtsiklik makroiqtisadi stabilizasiya rolunun artırılması büdcə
xərclərini iqtisadi tsikllərə görə korrektə edən qaydaların və büdcə xərclərinin
kompozisiyasının iqtisadi tsikllərə təsirini artıracaq avtomatik stabilizatorların tətbiqini
özündə ehtiva edir. Büdcə xərclərini iqtisadi tsikllərə görə korrektə edən qaydalar əsasən
tsiklik təmizlənmiş büdcə balansının hədəflənməsi, büdcə kəsirinin səviyyəsini birbaşa
iqtisadi artım tempi ilə əlaqələndirən qaydaların tətbiqini nəzərdə tutur.
Məlum olduğu kimi, fiskal siyasətin implementasiyasındakı laqlar və onun siyasi iqtisad
məhdudiyyətləri çərçivəsində həyata keçirilməsi ressesiyalar dövründə onun effektivliyini bir
qədər azaldır. Azərbaycan iqtisadiiyatı baxımından bu problemi aradan qaldırmaq üçün büdcə
gəlir və xərcləri çərçivəsində avtomatik stabilizatorlar olmalıdır.
Büdcə gəlirlərinin tsikllərə avtomatik reaksiyasının gücləndirilməsi:
-
proqressiv vergi sisteminin olmasını;
-
əhalinin aşağı gəlir qruplarına ödənilmiş vergilərin bir hissəsinin geriyə
qaytarılmasını;
-
tsikllərdən asılı olaraq investisiyaya yönəldilmiş vəsaitlərin vergidən azad edilməsini
tələb edir.
Büdcə xərclərində avtomatik stabilizatorlar kimi gəlir səviyyəsinin müəyyən həddən
aşağı olan əhali üçün trasnfertlər, işsizlik müavinəti sistemi və s. əhatə edən sosial sığorta
proqramlarının realizasiyası ilə bağlıdır.
İPƏK YOLU, No.2, 2017
Azərbaycan Universiteti
12
Azərbaycanda fiskal siyasətin həyata keçirilməsində müxtəlif qaydaların tətbiq edilməsi
onun diskretlyini əhəmiyyətli dərəcədə məhdudlaşdırmaq potensialına malikdir. Bu isə kəskin
ressesiyalar halında fiskal qaydaların imkan verdiyi həddən daha çox fiskal stimul
proqramları həyata keçirməyi əngəlləyə bilər. Bu baxımdan istənilən fiskal qayda ressesiyalar
üçün istisnaları özündə əhatə etməlidir. Lakin, ölkə iqtisadiyyatı üzrə mövcud olan bu
istisnalar detallı şəkildə izah olunmalı və onun siyasi məqsədlər üçün istifadəsinə imkan
verilməməlidir.
Təhlillər göstərir ki, bütün bunlarla yanaşı büdcə xərclərinin ölkənin strateji məqsədləri
ilə uzlaşması və büdcə xərcləmələrində səmərəliliyin təmin edilməsinə diqqət artırılmalıdır.
Bunu təmin etmək məqsədilə isə orta müddətli xərclər strategiyasının tətbiqi zəruridir. Bu
strategiya hökumətin orta müddətli dövrdə siyasətini strateji məqsədlərlə əlaqələndirməklə
resursların daha effektiv istifadəsinə nail olmağa xidmət edir. Bu, büdcə xərclərinin
planlaşdırılmasının “yuxarıdan-aşağıya” prinsipinə əsaslanmasını nəzərdə tutur.
Orta müddətli xərclər strategiyası büdcə prosesinin yalnız bir il üçün deyil, hökumətin
orta müddətli iqtisadi prioritetlərini özündə əks etdirməyə imkan verən bir neçə ilə
fokuslaşmasını tələb edir. Strategiya uzunmüddətli dövr üçün ölkənin prioritetlərini əks
etdirən vahid sənədə əsaslanır. Burada uzunmüddətli dövrdə ölkənin nail olmaq istədiyi əsas
məqsədlər bu məqsədlərə çatmaq üçün müvafiq strategiyalar öz əksini tapır. Bu cür
sənədlərdə ölkənin uzunmüddətli dövrdə iqtisadi inkişafı, əhalinin sosial şəraitin
yaxşılaşdırılması və digər məsələlər üzrə konkret məqsədlər müəyyən edilir və bu məqsədlərə
nail olmaq üçün tədbirlər proqramı irəli sürülür.
Təhlillərin nəticələrinə görə, ölkədə dövlət büdcəsi gəlirlərinin artırılmasına neft
gəlirlərinin təsiri və bu prosesin idarə olunması, büdcə potensialının müəyyən edilməsi üçün
büdcə gəlirlərinin planlaşdırılması, proqnozlaşdırılması və onun optimallaşdırılması üsulları,
qloballaşma şəraitində büdcə-vergi siyasətinin səmərəliliyinin yüksəldilməsi və onun
təkmilləşdirilməsi istiqamətləri tədqiq olunmaqdadır. Neft sektorunun əhəmiyyətli rolu özünü
dövlət büdcəsinin formalaşmasında da büruzə verir.
Hazırda dövlət xərcləri büdcə çərçivəsində həyata keçirilir və bütün neft və qeyri-neft
daxilolmaları büdcə prosesi vasitəsilə reallaşdırılır. Ümumilikdə isə dövlət büdcəsi əsasən üç
başlıca siyasət sənədi olan neft gəlirlərinin istifadəsi üzrə uzunmüddətli strategiya,
yoxsulluğun azaldılması və regionların sosial-iqtisadi inkişafı üzrə proqramları əsasında
formalaşır.
A. AĞAYEV: QEYRİ-NEFT BÜDCƏ KƏSİRİNİN İDARƏ OLUNMASI …
13
Dövrün iqtisadi çağırışlarına əsaslanaraq ölkədə büdcə-vergi siyasəti ilə bərabər, neft
gəlirlərinin istifadəsi siyasəti də getdikcə yüksək əhəmiyyət kəsb etməkdədir. Orta müddətli
dövrdə fiskal siyasətinin makroiqtisadi sabitliyə nə dərəcədə imkan verə bilməsi kimi mühüm
suallar fiskal arsenalı getdikcə daha çox düşündürür.
Şəkil 3. Fiskal siyasətin konstruksiyası
Tədqiqatlar göstərir ki, ölkənin makroiqtisadi perspektivlərini təhlil etməyin daxili
qiymətlərlə yanaşı digər göstəriciləri məhsul buraxılışı, məşğulluq səviyyəsi, qeyri-neft ixracı
və qeyri-neft idxalının artım templəri kimi real sektorun siqnal indikatorlarıdır. Bu baxımdan
qeyri-neft sektorunun müfəssəl inkişaf strategiyasının işlənib hazırlanması və həyata
keçirilməsinə xüsusi diqqət yetirilir. Ölkədə qeyri-neft sektorunun inkişafı üzrə strategiya
Ortamüddətli strateji
iqtisadi siyasət
konsepsiyası
İnflyasiya
tənzimlənməsi
Müfəssəl makroiqtisadi
proqnozlaşdırma sistemi
Büdcə gəlirləri
Büdcə xərcləri
Büdcə kəsiri
Ortamüddətli
fiskal siyasət
Sektoral yuxarı
hədd yanaşması
Alt-sektoral
səviyyədə
yuxarı hədd
yanaşması
İPƏK YOLU, No.2, 2017
Azərbaycan Universiteti
14
sənədləri bu sektorda struktur islahatlarının aparılması ilə onun inkişafının dəstəklənməsinin
və neft gəlirlərinin düzgün idarə olunması vasitəsilə makroiqtisadi sabitliyin qorunub
saxlanılmasını ehtiva edir.
Qeyri-neft sektorunun stimullaşdırılması strategiyası bir çox kompleks tədbirlərin
həyata keiçrilməsini tələb edir. Ümumilikdə isə, qeyri-neft sektorunda biznesin daha da
həvəsləndirilməsi, onun kreditləşdirilməsi mexanizmlərinin yaradılması və bu istiqamətdə
neft gəlirlərindən fəal istifadə mühüm şərtlər sırasındadır.
Qeyri-neft iqtisadiyyatında neft sektoruna nisbətən vergi dərəcələrinin azaldılması,
investisiya layihələrinin stimullaşdırılması, xüsusilə də kövrək sektorların xarici iqtisadi
müdaxilədən qorunması, özəlləşdirilən müəssisələrdə texnoloji yeniliklərin tətbiqi və bununla
bağlı layihələrin kreditləşdirilməsi siyasət sənədlərində və icra mexanizmlərində diqqət
mərkəzində tutulmalıdır.
Ölkədə qeyri-neft sektorunun inkişafı ilə bağlı ikinci strateji istiqamət isə neft amili
nəticəsində makroiqtisadi sabitlik üçün yarana biləcək təhlükələrin aradan qaldırılmasıdır. Bu
istiqamətdə başlıca hədəf milli valyutanın yüksək volatilliyinin qarşısının alınması və istehlak
qiymətlərinin normal səviyyədə saxlanılması üçün məqsədyönlü dövlət siyasətinin həyata
keçirilməsindən ibarətdir.
İqtisadiyyatın uzunmüddətli perspektivdə neftdən asılılığı iqtisadi artım sürətinin aşağı
düşməsinə gətirib çıxara bilər. Təbii resurslar ilk əvvəl artım sürətini yüksəltsə də bunun
qısamüddətli effekt olması diqqətdən yayılmamalıdır. Şübhəsiz ki, sonrakı sonrakı illərdə
artım sürəti tədricən azalır.
Doğrudur, hazırda resurs gəlirləri bir sıra bazis makroiqtisadi problemlərin həllinə
imkan verir, lakin bu tendensiya əsaslı islahatların realizasiyasının, habelə, rasional iqtisadi
modellərin araşdırılmasının qarşısını almamalıdır. Göründüyü kimi, resurs bumu effekti
zəiflədikdən sonra ölkə iqtisadiyyatı güclü təzyiq altına düşdü. Bunun baş verməməsi üçün isə
resurs iqtisadiyyatda böyük rol oynadığı tsikldə dayanıqlı sahələrin sürətli inkişafını təmin
etmək vəzifələri aktual olmalı idi.
Nəticə.
Aparılan təhlilləri nəticə etibarilə belə ümumiləşdirə bilərik ki, resurs gəlirləri
bir sıra bazis makroiqtisadi problemlərin həllinə imkan verir. Lakin, bu tendensiya əsaslı
islahatların realizasiyasının, rasional iqtisadi modellərin araşdırılmasının, habelə bu
platformada yeni idarəetmə metodlarının tətbiqinin qarşısını almamalıdır. Təcrübədə dəfələrlə
sübut olunduğu kimi, resurs bumu effekti zəiflədikdən sonra ölkə iqtisadiyyatı güclü təzyiq
A. AĞAYEV: QEYRİ-NEFT BÜDCƏ KƏSİRİNİN İDARƏ OLUNMASI …
15
altına düşür. Bunun baş verməməsi üçün isə resurs iqtisadiyyatda böyük rol oynadığı tsikldə
dayanıqlı sahələrin sürətli inkişafını təmin etmək vəzifələri daim aktual olmalıdır.
Ədəbiyyat
1.
http://www.imf.org/external/publications/index.htm International Monetary Fund,
Working papers and research materials.
2.
http://www.cbar.az/pages/publications-researches, Azərbaycan Respublikası Mərkəzi
Bankının tədqiqat materialları.
3.
http://www.oilfund.az/index.php?page=hesabat-arxivi&hl=az_AZ, Azərbaycan Dövlət
Neft Fondunun materialları.
Dostları ilə paylaş: |