17
İQTİSADİYYATIN VƏ İXRACIN
DİVERSİFİKASİYA
3.3. İqtisadiyyatın və ixracatın diversifikasiyası ilə əlaqədar rəsmi çıxışların xülasəsi
2003-2010-cu illərdə Azərbaycan Prezidenti İlham Əliyev rəsmi çıxışlarında dəfələrlə iqtisadi diversifikasiyanın
önəmi və qeyri-neft sektorunun inkişafı məsələlərinə toxunub. Prezidentin çıxışlarının təhlili göstərir ki,
burada iqtisadi diversifikasiya əsasən neft gəlirlərinin dövlət investisiya proqlamları vasitəsilə qeyri-neft
sektoruna yatırılması ilə əlaqələndirilir:
- Neft sənayesindən əldə edilən gəlirlərin ağılla və böyük səmərə ilə qeyri-neft sektoruna yatırılması nəticəsində
Azərbaycanda kənd təsərrüfatı, tikinti, emal sektoru sürətlə inkişaf edir. Bu gün biz artıq ərzaq təhlükəsizliyinin
böyük hissəsini həll etmişik
24
.
- Əgər biz vaxtilə regionların inkişafına böyük diqqət göstərməsəydik, çox güman ki, iqtisadiyyatımız bu gün birtərəfli
iqtisadiyyat kimi özünü göstərə bilərdi
25
.
O biri tərəfdən iqtisadiyyatın diversifikasiyasına nail olmaq üçün dövlət investisiya proqramları ilə yanaşı
özəl investisiyaların da artırılması mühüm hesab olunur və hökumətin özəl sektora kömək etməyə hazır
olduğu qeyd olunur:
- Biz bundan sonra da dövlət xətti ilə dövlət investisiya proqramlarını icra edəcəyik. Hər il dövlət büdcəsindən böyük
məbləğdə vəsait ayrılır. Amma mən çox istərdim ki, özəl sektor daha da böyük həcmdə investisiyalar qoysun
26
.
- Şəxsən mən hökumətin yeni sənaye sahələrinin yaradılmasına birbaşa müdaxiləsinin tərəfdarı deyiləm. Biz bu işlər
üçün özəl sektora kömək göstərməliyik. Əgər hökumətin üzərinə müəyyən maliyyə öhdəliyi götürməsinə ehtiyac
olacaqsa, bunu edəcəyik. Lakin ölkənin qeyri-neft sahələri özəl sektor tərəfindən inkişaf etdirilməlidir və biz buna nail
olmağa çalışırıq
27
.
Daha bir maraqlı məqam odur ki, iqtisadi diversifikasiyaya nail olmaq üçün Prezident geniş sənaye inkişafı
proqramının hazırlanmasının zəruri olduğunu qeyd edir:
- 2006-cı ildə geniş sənaye inkişafı proqramı hazırlanmalıdır. O da qeyri-neft sektorunun inkişafı çərçivəsində
olmalıdır. Biz indidən gələcək sənaye inkişafımızı müəyyən etməliyik: hansı sahələr inkişaf etməlidir, hansı sahələrə
biz xaricdən investorları cəlb etməliyik, hansı sahələri özümüz işlətməliyik, sərmayələri haraya qoymalıyıq
28
.
Prezident öz çıxışlarında həmçinin büdcə gəlirlərinin artımına qeyri-neft sektoru hesabına nail olunmasını
zəruri hesab edir və neft gəlirlərinin əsasən əmanət kimi saxlanılmasını vurğulayır:
- Artıq mən hökumət qarşısında, Maliyyə Nazirliyi qarşısında vəzifə qoymuşam ki, gələn ilin büdcəsinin əsas
parametrləri müəyyən edilsin. Gələn ilin büdcəsi də kəskin şəkildə artmalıdır. Buna imkan var və bu artım ilk növbədə
qeyri-neft sektorunun hesabına olmalıdır. Biz Neft Fondunda yığılan vəsaiti çox qənaətlə xərcləməliyik. Bunu xərcləmək
o qədər də çətin deyildir. Ancaq biz bunu bir əmanət kimi saxlamalıyıq. Ən önəmli, ən vacib məsələlərə yönəltməliyik
29
.
Bununla belə, Prezidentin çıxışlarında iqtisadi diversifikasiya bəzi hallarda məqsəd, bəzi hallarda isə artıq
nail olunmuş bir məsələ kimi vurğulanır. Həmçinin öz çıxışlarında Prezident özəl sektor tərəfindən daha
da böyük həcmdə investisiyalar qoyuluşuna şərait yaradılmasını vurğulasa da, 2006-cı ildən başlayaraq
24
Əfsanəvi Neft Daşlarının 60 illik yubileyinə həsr olunmuş təntənəli mərasim, 5 noyabr 2009-cu il
25
“Azərbaycan Respublikası regionlarının 2009-2013-cü illərdə sosial-iqtisadi inkişafı Dövlət Proqramı”nın icrasının ikinci ilinin
yekunlarına həsr olunmuş konfrans
26
“Azərbaycan Respublikası regionlarının 2009-2013-cü illərdə sosial-iqtisadi inkişafı Dövlət Proqramı”nın icrasının ikinci ilinin
yekunlarına həsr olunmuş konfrans
27
Prezident İlham Əliyevin ABŞ-ın “New York Times”, “Los Angeles Times” qəzetlərinin, “Bloomberg” İnformasiya
Agentliyinin və “Dow Jones/CNBC” telekanalının müxbirlərinə müsahibəsi, 2005-ci il
28
Prezidentin Nazirlər Kabinetinin 2005-ci ilin sosial-iqtisadi yekunlarına həsr olunmuş iclasında çıxışı, 31 yanvar 2006-cı il
29
Prezidentin “Regionların sosial-iqtisadi inkişafı Dövlət Proqramı”nın 2-ci ilinə həsr olunmuş konfransda çıxışı, 17
fevral 2006-cı il
18
İQTİSADİYYATIN VƏ İXRACIN
DİVERSİFİKASİYA
hökumət əsas diqqətini neft gəlirlərinin dövlət investisiya proqramları vasitəsilə infrastruktur layihələrinə
və tikinti-təmir işlərinə yatırmağa yönəldib. O biri tərəfdən, Prezident İ.Əliyev 2005-ci ildə sənaye inkişafı
proqramının hazırlanmasının zəruri olduğunu bildirmişdir. Lakin buna baxmayaraq, həmin proqram hələ
ki qəbul edilməyib. Bundan başqa, Prezident öz çıxışlarında vurğulayıb ki, büdcə gəlirlərinin artımı qeyri-
neft sektorunun hesabına olmalıdır, ARDNF-də yığılan vəsait çox qənaətlə xərclənməlidir və əmanət kimi
saxlamalıyıq. Bununla belə, hər il ARDNF-dən dövlət büdcəsinə transferlərin həcmi artırılır və 2011-ci ildə
büdcə gəlirlərinin 75%-i neft sektoru hesabına formalaşıb.
3.4. İqtisadi diversifikasiyaya məsul institutlar
Nazirlər Kabineti Azərbaycan Konstitusiyasının 119-cu maddəsinə əsasən dövlət iqtisadi proqramlarının
həyata keçirilməsinə və iqtisadi sahədə fəaliyyət göstərən ali icra hakimiyyəti orqanlarının fəaliyyətinə
rəhbərliyin həyata keçirilməsinə bilavasitə məsul qurumdur. Həmçinin ölkədə iqtisadi diversifikasiyaya
məsul qurumları 2 qrupa ayırmaq olar: a) İqtisadi siyasət alətləri (investisiya, kredit, vergi və s.) vasitəsilə iqtisadi
diversifikasiya siyasətini və stimullaşdırılmasını həyata keçirən orqanlar. Bura İqtisadi İnkişaf Nazirliyi, Milli Bank,
Vergilər Nazirliyi və Dövlət Gömrük Komitəsi kimi qurumlar daxildir; b) İqtisadiyyatın qeyri-neft sektorunun
inkişafına məsul olan sahə nazirlikləri. Bu qrupa isə Sənaye və Energetika, Kənd Təsərrüfatı, Rabitə və İnformasiya
Texnologiyaları, Mədəniyyət və Turizm nazirlikləri daxildir.
İİN ölkədə iqtisadi siyasətin hazırlanmasına və həyata keçirilməsinə məsul olan başlıca ali icra hakimiyyəti
qurumudur. Nazirliyin əsasnaməsinə görə, bu qurumun başlıca funksiyalarına aşağıdakılar daxildir:
· ölkə iqtisadiyyatında struktur və innovasiya siyasətinin işləynib hazırlanması;
· sahibkarlığın inkişafı və sahibkarlığa kömək sahəsində dövlət siyasətinin işlənib hazırlanması və həyata
keçirilməsi;
· ölkədə rəqabətin inkişafı və təşviqi sahəsində dövlət siyasətinin işlənib hazırlanması və reallaşdırılması;
Azərbaycanda qeyri-neft sektorunun inkişafı sahəsində fəaliyyət göstərən başqa institutlar isə bunlardır:
1) SKMF hələ 1992-ci ildə ölkədə kiçik və orta sahibkarlığın inkişafını dəstəkləmək və onlara
uzunmüddətli güzəştli kredit resursları təqdim məqsədilə yaradılmışdı. Lakin fond maliyyə çatışmazlığı
səbəbindən normal fəaliyyət göstərə bilmirdi. 2002-ci ildə fondun fəaliyyəti yenidən canlandırıldı və 27
avqust 2002-ci il tarixli Prezident fərmanı ilə fondun yeni əsasnaməsi təsdiq edilib.
Əsasnaməyə görə, fondun başlıca məqsədi sahibkarlığın, xüsusilə kiçik və orta sahibkarlığın inkişafına və
əhalinin işgüzarlıq fəaliyyətinin artırılmasına kömək göstərməkdən, onlara maliyyə dəstəyi verməkdən
ibarətdir. Fondun əsas funksiyalarına hökumətin sosial-iqtisadi inkişafının prioritetlərinə uyğun
sahibkarlıq subyektlərinin investisiya layihələrini maliyyələşdirmək, sahibkarlıq subyektlərinin xarici
iqtisadi fəaliyyətinin genişləndirilməsinə yardım etmək və ölkədə sahibkarlığın bazar infrastrukturlarının
formalaşmasına və inkişafına kömək göstərmək kimi məsələlər daxildir. Hazırda SKMF-nin prioritet
maliyyələşmə istiqamətləri kimi aşağıdakı sahələr çıxış edir:
- kənd təsərrüfatı məhsullarının intensiv istehsalı (xüsusilə də ətlik və südlük istiqamətli müasir cins iribuynuzlu
heyvandarlıq komplekslərinin, damazlıq təsərrüfatlarının yaradılması, ətlik və damazlıq istiqamətli müasir quşçuluq
təsərrüfatlarının yaradılması və ya yeni texnologiyaların tətbiqi ilə yenidən qurulması, intensiv bağçılıq, tingçilik,
tərəvəzçilik və toxumçuluq təsərrüfatlarının inkişaf etdirilməsi).
- müasir texnologiyaların tətbiqi ilə meyvə-tərəvəz məhsullarının saxlanılması üçün soyuducu anbar komplekslərinin
yaradılması;
- rəqabətqabiliyyətli və ixracyönümlü yeyinti sənayesi məhsullarının istehsalı (xüsusilə də müasir meyvə və tərəvəz
məhsullarının emalı müəssisələrinin yaradılması və ya yeni texnologiyaların tətbiqi ilə yenidən qurulması,