Irsiy kasalliklar



Yüklə 23,02 Kb.
tarix31.01.2023
ölçüsü23,02 Kb.
#99839
Irsiy kasallikla2


Irsiy kasalliklar
Irsiy kasalliklar – genetik informatsiya (irsiy axborotning buzilishi natijasida kelib chiqadigan kasalliklar; asosan, xromosomalar yoki genlardagi mutatsiyalar tufayli paydo boʼlib, nasldan-naslga oʼtadi. Mutatsiyalar tashqi muhit omillari (ionlashtiruvchi nurlar, ayrim biologik faol kimyoviy birikmalar) hamda organizm va hujayralardagi salbiy taʼsirlar oqibatida roʼy berishi mumkin.
Irsiy kasalliklar asosan, klinik-genealogik usul bilan oʼrganiladi, bunda avlodlar shajarasi tuziladi. Bu usul yordamida irsiy kasalliklar (autosom-dominant, autosom-retsessiv va jins bilan bogʼlik kasalliklarning turli yoʼllar bilan nasldan-naslga oʼtishi aniqlanadi. Аutosom-dominant kasalliklarda, kasallik autosomada joylashgan dominant genlar orqali nazorat qilinadi. Bunda kasallik har avlodda 50 % dan ortiq hollarda uchraydi. Braxidaktiliya, araxnodaktiliya, rtinoblastoma, psoriazning maʼlum bir turlari va boshqa(lar) shu yoʼl bilan nasldan-naslga oʼtadi.
Аutosom-retsessiv irsiy kasalliklarda patologik retsessiv genlar ota-onada boʼlsa, kasal bola tugʼilish ehtimoli bor, shuning uchun bu kasalliklar har avlodda uchramaydi. Lekin, bu ehtimollik oʼzgargan gen tutuvchi yaqin qarindoshlar oʼrtasida oila kurilganda oshadi. Bularga fenilketonuriya, miokloniya, epilepsiya, oligofreniyaning maʼlum bir turlari va boshqa(lar) misol boʼla oladi.
Maʼlum bir autosom-dominant va autosom-retsessiv irsiy kasalliklar (masalan, daltonizmning maʼlum bir turi, gemofiliya А, sideroaxrstik anemiya va boshqa(lar)) jins bilan bogʼlik holda nasldan-naslga oʼtadi.
Irsiy belgilarning ayrim xususiyatlarini oʼrganishda egizaklar usulidan ham foydalaniladi. Maʼlumki, egizaklar bir tuxumli yoki ikki tuxumli boʼladi. Bir tuxumli egizaklar genotip va tashqi koʼrinishlarining bir xilligi (fenotip) hamda bir jinsga mansubligi bilan tavsiflanadi. Ikki tuxumli egizaklar genotipi har xil va bir-biridan tashqi koʼrinishi, jinsi bilan farq qiladi. Egizaklar usuli ayrim kasalliklarning nasldan-naslga oʼtish qonuniyatlarini oʼrganib kelmay, organizmning ayrim irsiy kasalliklarga moyilligini ham aniqlash imkonini beradi.
Xromosoma va gen irsiy kasalliklari farqlanadi. Xromosoma kasalliklari, asosan, xromosoma tuzilishi va sonining oʼzgarishi tufayli kelib chiqadi, bu yangi tugʼilgan bolalarda 1 % ni tashkil etadi. Xromosomadagi jiddiy oʼzgarishlar, koʼpincha, organizmning hayot faolligini cheklab, rivojlanayotgan homilaning nobud boʼlishiga olib keladi. Bu kasalliklar autosomalar va jinsiy xromosomalarda roʼy bergan oʼzgarishlar oqibatida kelib chiqadi. Bularga Shereshevskiy-Terner (kariotipi – XO), Klaynfelter (XXY), Patau (13 trismiya), Daun, «mushuk chinkirigʼi» kabi sindrom va kasalliklar kiradi.
Umuman, koʼpgina xromosoma kasalliklarida odam skeleti tuzilishi va nerv tizimi oʼzgaradi, tashqi va ichki aʼzolarning tugʼma nuqsonlari, oʼsishdan orqada qolish, nerv, endokrin va boshqa(lar) tizimlarning buzilishi kuzatiladi, bemorlarning generativ faolligi pasayadi.
Gen kasalliklari nuqtali mutatsiyalar natijasida yuzaga keladigan moddalar almashinuviga aloqador. Hozir ularning 30 dan ortiq xili aniqlangan. Masalan, yogʼ almashinuvining buzilishi markaziy nerv tizimi faoliyatining oʼzgarishi bilan kechadi. Bulardan eng ogʼiri Tez-Saks nevrotik idiotiyasidir, bunda koʼrish qobiliyatining susayishi, esi pastlik va boshqa(lar) nevrologik simptomlar kuzatiladi.
Karbonsuv almashinuvining oʼzgarishiga aloqador irsiy kasalliklardan galaktozemiya uchraydi. Bunda galaktozani glyukozaga aylantiruvchi fermentativ jarayon oʼzgaradi, galaktoza va uning mahsulotlari hujayralarda toʼplanib, markaziy nerv tizimi va aʼzolar faoliyatiga zarar yetkazadi. Qandli diabet ham karbonsuv almashinuvining buzilishiga aloqador irsiy kasalliklar dandir.
Bruton kasalligida immunoglobulin fraktsiyalarining sintez qilinishi buziladi, kasallik, asosan, oʼgʼil bolalarda uchraydi. Bunda bolalar deyarli sogʼlom tugʼiladi, lekin 3-4 oyligidayoq yuqumli kasalliklarga beriluchanligi aniqlanadi.
Qonga aloqador irsiy kasalliklarga chakaloklarning gemolitik kasalligi kiradi. Bu, asosan, ona va bola qonidagi rezus-omil hamda er-xotin qon guruhlarining mos kelmasligi oqibatida roʼy beradi.
Oq qon tanachalari – leykotsitlar patlogiyasi bilan bogʼliq irsiy kasalliklar ham boʼlishi mumkin. Masalan, leykoz (oq qon kasalligining vujudga kelishida gen mutatsiyalarining ahamiyati borligi maʼlum. Gemofiliya ham qon tizimining irsiy kasalligi boʼlib, bunda, asosan, qonning ivish xususiyati pasayadi; qon ivishida ishtirok etadigan ayrim oqsillar sintezi buziladi.
Irsiy kasalliklarni aniqlash va oldini olish bilan tibbiy genetika shugʼullanadi. Uning asosiy vazifasi irsiy kasalliklarning tarkalishini, oilada irsiy kasal bola tugʼilishi ehtimoli borligini aniqlashdan iborat. Odam irsiy patologiyasni oʼrganishda boshqa usullar ichida sitogentik usul alohida oʼrin tutadi. Bu usul yordamida irsiyat asoslarini, odam kariotipining meʼyor va patologiyasini, mutatsion va evolyutsion jarayonlarning maʼlum bir qonuniyatlarini oʼrganish mumkin.
Oʼzbekistonda «Ona va bola» shifoxonalarida tibbiy genetika xonalari mavjud, Toshkentda va viloyatlar markazlarida «Skrining» markazlari ochilgan, ularda yangi tugʼilgan chaqaloqlar bir necha irsiy kasalliklarga tekshiriladi.
Yüklə 23,02 Kb.

Dostları ilə paylaş:




Verilənlər bazası müəlliflik hüququ ilə müdafiə olunur ©genderi.org 2024
rəhbərliyinə müraciət

    Ana səhifə