33
Epileptik qıcolma tutmaları
Bir qayda olaraq epileptik tutmalar insult baş verəndən sonra ilk
24 saat ərzində inkişaf edir və adətən ikincili generalizasiyalı və ya
generalizasiya olmamış parsial tutmalarla özünü göstərir. Postinsult
epilepsiya işemik insult keçirmiş pasiyentlərin 3-4%-ində rast gəlinir.
Müalicə üçün standart yanaşma istifadə edilir – epilepsiya əleyhinə
preparatların v/d və ya peroral təyini.
Tövsiyələr:
İşemik insultun qıcolma sindromu ilə ağırlaşması zamanı
təkrari qıcolma tutmalarının profilaktikası məqsədilə
antikonvulsantların təyini təkidlə tövsiyə edilir (C).
Qıcolma sindromu ilə ağırlaşmamış insult zamanı
antikonvulsantların profilaktik məqsədlə təyini məsləhət
görülmür (D).
Aspirasiya və pnevmoniya
Çox vaxt aspirasiyanın nəticəsi olan bakterial pnevmoniya işemik
insultun tez-tez yaranan fəsadlarından biridir. Aspirasiya çox vaxt
huşun aşağı səviyyəsi fonunda yarandığı kimi, udmanın və
öskürmənin pozulması fonunda da yaranır.
Tövsiyələr:
Aspirasion pnevmoniyanın qarşısını almaq məqsədi ilə
pasiyenti ağızdan qidalandırmağa başlamazdan əvvəl
udmanın və öskürək refleksinin saxlanıldığına əmin olmaq
lazımdır (B).
Ürəkbulanma və qusmanın aradan qaldırılmasına yönəldilmiş
tədbirlər aspirasion pnevmoniyanın yaranma riskini azalda
bilər.
Pnevmoniyanın yaranmasının profilaktikası üçün tənəffüs
hərəkətlərindən (dərin tənəffüs) və xəstənin erkən
mobilizasiyasından istifadə olunur (D).
Qidanı peroral qəbul edə bilməyən pasiyentlər, udqunma
aktının bərpa olunmasına qədər olan dövrdə nazoqastral,
nazoduodenal və ya PEG-qidalanma ilə təmin olunmalıdırlar
(C).
Nazoqastral və ya PEG-qidalanma aspirasion pnevmoniyanın
profilaktikası üçün əhəmiyyətli ola bilər. Amma bu tədbirlər
Klinik protokol Azərbaycan Respublikası Səhiyyə Nazirliyinin
İctimai Səhiyyə və İslahatlar Mərkəzində hazırlanmışdır.
34
aspirasion pnevmoniyanın yaranmasının tam qarşısını almır
(D).
Pnevmoniyası olan xəstələrə antibiotikoterapiya təyin
edilməlidir (B).
Pnevmoniyanın profilaktikası məqsədi ilə antibiotiklərin
təyini məsləhət görülmür (B).
Sidik yollarının infeksiyası
İnsultlu xəstələrdə kəskin dövrdə tez-tez sidik yollarının
infeksiyası inkişaf edir.
Tövsiyələr:
Sidik ifrazının ləngiməsi zamanı çox vaxt daimi sidik
kateterlərindən və ya qasıqüstü sidik kisəsi
kateterizasiyasından istifadə edilir. Bəzən sidik kisəsinin
periodik kateterizasiyasından istifadə etmək lazım gəlir, sidik
saxlamama zamanı isə kondom kateterlərdən və ya
“pamperslərdən” istifadə etmək daha yaxşıdır. Əgər
mümkündürsə, sidik yollarının infeksiyalaşması riskini nəzərə
alaraq, sidik kisəsinin uzunmüddətli daimi
kateterizasiyasından daşınmaq lazımdır (D).
Antibiotiklərə qarşı rezistenliyin inkişaf etməməsi üçün
profilaktik antibiotikoterapiyanın aparılması tövsiyə edilmir
(B).
Sidik yollarının infeksiyası inkişaf etmiş xəstələrdə müvafiq
antibiotikoterapiyanın aparılması lazımdır (B).
Pulmonar emboliya və dərin venaların trombozu
İnsult nəticəsində ölüm səbəblərinin 25%-ini pulmonar emboliya
təşkil edir. Embolların mənbəyi çox vaxt iflic olmuş aşağı ətrafların
dərin venalarının və çanaq venalarının trombları olur. Dərin
venaların trombozunun inkişaf riskini azaldan tədbirlər
aşağıdakılardır:
►
xəstənin erkən mobilizasiyası
►
erkən rehidratasiya
►
ayaqların 6-10º qaldırılması
►
antitrombotik preparatlar
►
xarici kompression vasitələrdən istifadə (elastik corablar,
pnevmatik kompression corablar və s.)
Klinik protokol Azərbaycan Respublikası Səhiyyə Nazirliyinin
İctimai Səhiyyə və İslahatlar Mərkəzində hazırlanmışdır.
35
Dərin venaların trombozu zamanı heparinoterapiya əks-
göstərişdirsə, ağ ciyər arteriyası emboliyasının profilaktikası üçün
aşağı boş venada damar filtri qoyulmalıdır.
Tövsiyələr:
Dərin venaların trombozu və pulmonar emboliya riski yüksək
olan xəstələrdə əks-göstəriş yoxdursa, profilaktik məqsədlə
fraksiyalaşdırılmamış heparinin (5000 TV 12 saatdan bir d/a)
və ya aşağı molekullu heparinlərin (məs: enoksiparin 40 mq х
1 dəfə d/a) kiçik dozalarda təyini məsləhət görülür (B). Aşağı
molekullu heparinlərin fraksiyalaşdırılmamış heparinə
nisbətən daha effektiv və nəzəri olaraq hemorragik
ağırlaşmalar baxımından daha təhlükəsiz olması ehtimal
edilir.
Aspirin də dərin venaların trombozunun profilaktikası üçün
istifadə edilə bilər, amma antikoaqulyantlara nisbətən az
effektlidir (B).
Antikoaqulyantın təyin edilməsinə əks-göstəriş olan
xəstələrdə dərin venaların trombozunun profilaktikası üçün
aşağı ətraflarda növbələnən kompressiya yaradan mexaniki
vasitələrdən istifadə olunması tövsiyə edilir (C).
Yataq yaraları
Çarpayıya “bənd edilmiş” xəstələrdə yataq yaraları insultun tez-
tez rast gəlinən ağırlaşmalarıdır. Yataq yaralarının profilaktikası
aşağıdakı tədbirləri əhatə edir:
►
ancaq tarım dartılmış döşəkağlarından istifadə
►
pasiyentin dəri örtüklərinin quruluğunun təminatı, əsasən də sidik
və nəcis saxlamama zamanı
►
hər 1-2 saatdan bir pasiyentin vəziyyətinin dəyişdirilməsi
►
hava döşəklərindən istifadə
Əgər yerli terapiya ilə yataq yaraları reqressiya olunmurlarsa, bir
neçə gün müddətində antibiotikoterapiya aparıla bilər, lazım gələrsə,
yaralar cərrahi işlənə bilər.
Klinik protokol Azərbaycan Respublikası Səhiyyə Nazirliyinin
İctimai Səhiyyə və İslahatlar Mərkəzində hazırlanmışdır.
36
İŞEMİK İNSULT KEÇİRMİŞ PASİYENTLƏRİN
REABİLİTASİYASI
İnsultdan sonra nevroloji funksiyaların bərpası üzrə
əlaqələndirilmiş reabilitasiya proqramlarının həyata keçirilməsi
məqsədəuyğundur. Reabilitasiyanın məqsədi pasiyentin fiziki və
psixoloji funksional qabiliyyətlərinin mümkün dərəcədə bərpasına
nail olmaqdır. Reabilitasiyanın səmərəli şəkildə həyata keçirilməsi
üçün müxtəlif mütəxəssislərin səyi zəruridir. İnsult keçirmiş
xəstələrin reabilitasiyasında mütəxəssis-reabilitoloqla yanaşı
fizioterapevt, peşə reabilitasiyası üzrə həkim, psixoloq və sosial
sahənin işçisi iştirak etməlidirlər.
►
Reabilitasiya tədbirlərini mümkün qədər tez başlamaq vacibdir
(A). Passiv fiziki hərəkətlər nevroloji defisitin
sabitləşdirilməsindən dərhal sonra (əks-göstərişlər olmadıqda bir
qayda olaraq insultun başlanmasından sonrakı 2-ci gündən)
həyata keçirilməlidir.
►
Passiv reabilitasiya da daxil olmaqla erkən fiziki reabilitasiya
pnevmoniya, dərin venaların trombozu, yataq yaraları (D),
həmçinin kontraktura, artralgiya kimi insultun ağırlaşmalarının
qarşısını alır.
İŞEMİK İNSULTUN İKİNCİLİ PROFİLAKTİKASI
Həyat tərzi dəyişikliyi və risk faktorlarının modifikasiyası
►
Antihipertenziv müalicə
İşemik insult və tranzitor işemik hadisədən sonra kəskin
dövrdə olmayan pasiyentlərdə qan təzyiqi (səviyyəsindən asılı
olmayaraq) aşağı salınmalıdır (A). Optimal qan təzyiqi ölçüsü
120/80 mm c.s. səviyyəsində olmalıdır (B). Antihipertenziv
dərman vasitələri arasında ilk seçim kimi AÇF inhibitorları və
ya ARB, diuretiklər məsləhət görülməkdədir (A). Digər qrup
dərman vasitələrinin qan təzyiqini azaltmaqda effektivliyi
aparılan tədqiqatlarla sübuta yetirilməmişdir (B).
►
Antihiperlipidemik müalicə
İşemik insult və ya tranzitor işemik hadisə keçirmiş
xəstələrdə aclıq lipid paneli ümumi qəbul olunmuş qaydaya
görə təqib olunmalı, hədəf dəyərlər birincili profilaktikada
Klinik protokol Azərbaycan Respublikası Səhiyyə Nazirliyinin
İctimai Səhiyyə və İslahatlar Mərkəzində hazırlanmışdır.
37
yüksək riskli xəstələrdə olduğu kimi planlanmalıdır (A). Bu
məqsədlə statin qrupu dərman vasitələri məsləhət
görülməkdədir (A).
►
Siqaret çəkmə
Anamnezində işemik insult və ya tranzitor işemik hadisə olan
və siqaret çəkən xəstələrə tütündən istifadə etməmək üçün
məsləhətlər verilməlidir (D).
►
Hormon əvəzedici müalicə
Hormon əvəzedici müalicənin işemik insultun ikincili
profilaktikası məqsədilə postklimakterik dövrdə olan
qadınlarda istifadəsi tövsiyə edilmir (C).
Antiaqreqant preparatlar və antikoaqulyasiya
Antiaqreqant dərman vasitələrinin antikoaqulyantlar qədər təkrari
işemik insult riskinin azaldılmasında effektivliyi sübut olunmuşdur
(A). Təkrari işemik insult və digər vaskulyar hadisələrin qarşısının
alınması üçün uyğun antiaqreqant müalicə aparılmalıdır (A). Aspirin
(50-325 mq) təkrari insult riskinin azaldılması üçün tövsiyə edilir
(A). İlk növbədə aspirin (50 mq) və uzun təsirli dipiridamol (200 mq-
dn gündə iki dəfə) kombinasiyasını təyin etmək məsləhət
görülməkdədir (A). Bu kombinasiya tək aspirinin və ya tək
dipiridamolun təsirindən iki dəfə daha çox effektivdir.
Gələcək vaskulyar hadisələrin profilaktikası üçün klopidoqrel (75
mq) asetilsalisil turşusundan (aspirin) bir qədər daha effektivdir (A).
Bu dərman vasitəsi da ilk seçim olaraq və ya aspirinə qarşı tolerantlığı
olmayan yüksək riskli xəstələr üçün düşünülə bilər (C). Aspirin və ya
klopidoqrel ilə müalicə edilə bilməyən xəstələrdə uzun təsirli
dipiridamol preparatının istifadəsi mümkündür (200 mq gündə iki dəfə)
(C).
Oral antikoaqulyasiya xroniki səyrici aritmiyası olan işemik
insult xəstələrində (A) göstərişdir (İNR 2-3 arası). Lakin oral
antikoaqulyantlar epilepsiya, ciddi demensiya və ya mədə-bağırsaq
qanaxması olan xəstələrdə məsləhət deyildir (D). Protez ürək qapağı
olan xəstələrdə qapağın tipi və pozisiyasından asılı olaraq fərqli İNR
hədəfləri ilə uzun müddətli antikoaqulyasiya aparılmalıdır (A). Bəzi
klinik vəziyyətlər (aortal ateroma, bazilyar arteriyada fuziform
anevrizma, boyun arteriyalarının disseksiyası) xaric olmaqla, qeyri-
Klinik protokol Azərbaycan Respublikası Səhiyyə Nazirliyinin
İctimai Səhiyyə və İslahatlar Mərkəzində hazırlanmışdır.
38
kardioembolik işemik insultlardan sonra antikoaqulyasiya istifadə
olunmamalıdır (D).
Cərrahi və endovaskulyar müalicə
Müvafiq simptomatik xəstələrdə karotid endarterektomiyanın
(KEA) perioperativ fəsad riski <6% olan mərkəzlərdə həyata
keçirilməsi məsləhət görülməkdədir (D). KEA ciddi nevroloji defisiti
olmayan, yeni işemik hadisə (<180 gün) keçirən və 70-99% karotid
arteriya stenozu olan xəstələrdə göstərişdir (A). KEA 50-69% karotid
arteriya stenozu olan və ciddi nevroloji defisiti olmayan bəzi xəstə
qruplarında (təkrarlanan işemik hadisələr) da aparıla bilər (D). <50%
karotid arteriya stenozu olan xəstələrdə KEA məsləhət
görülməməkdədir (C). Əməliyyatdan əvvəl, intraoperativ və
əməliyyatdan sonra xəstələrə antitrombotik dərman vasitələri təyin
edilməlidir (A).
Karotid angioplastika və stentləmənin həm asimptomatik, həm də
simptomatik xəstələrdə KEA-ya ekvivalent və ya ondan üstün olması
göstərilməmişdir. Karotid angioplastika/stentləmə KEA üçün əks-
göstərişi olan və cərrahi olaraq uyğun gəlməyən yerdə karotid
arteriya stenozuna malik xəstələrdə düşünülə bilər (D). Stentləmədən
sonra xəstələrə aspirinlə birlikdə minimum bir ay müddətində
klopidoqrel təyin edilməsi uyğundur (C).
Klinik protokol Azərbaycan Respublikası Səhiyyə Nazirliyinin
İctimai Səhiyyə və İslahatlar Mərkəzində hazırlanmışdır.
39
Ədəbiyyat
1.
Canadian Best Practice Recommendations for Stroke Care: 2006,
Canadian Stroke Network http://www.strokecenter.org/prof/guidelines.htm
2.
Diagnosis and initial treatment of ischemic stroke. Institute for Clinical
Systems Improvement (ICSI); 2008 Jun. 57 p. www.guideline.gov
3.
European Stroke Initiative Recommendations for Stroke Management –
Update 2003. The European Stroke Initiative Executive Committee and
the EUSI Writing Committee Cerebrovasc Dis 2003;16:311-337
4.
Harold P. Adams, Jr, Gregory del Zoppo, Mark J. Alberts, Deepak L.
Bhatt, Lawrence Brass, Anthony Furlan, Robert L. Grubb, Randall T.
Higashida, Edward C. Jauch, Chelsea Kidwell, Patrick D. Lyden,
Lewis B. Morgenstern, Adnan I. Qureshi, Robert H. Rosenwasser,
Phillip A. Scott and Eelco F.M. Wijdicks Guidelines for the Early
Management of Adults With Ischemic Stroke: American Heart
Association/American Stroke Association. Stroke 2007;38;1655-1711
http://stroke.ahajournals.org/cgi/content/full/38/5/1655
5.
Ischaemic Stroke – Prophylaxis and Treatment. European Stroke
Initiative Recommendations 2006
6.
Larry B. Goldstein, Robert Adams, Mark J. Alberts and others. Primary
Prevention of Ischemic Stroke: A Guideline from the American Heart
Association/American Stroke Association Stroke Council. Stroke 2006;
37;1583-1633
7.
Management of Patients with Stroke: Rehabilitation, Prevention and
Management of Complications, and Discharge Planning. A national
clinical guideline 64, Scottish Intercollegiate Guidelines Network,
November 2002 http://www.sign.ac.uk
8.
Ralph L. Sacco, Robert Adams, Greg Albers, Mark J. Alberts, Oscar
Benavente, Karen Furie, Larry B. Goldstain, Philip Gorelick, Jonathan
Halperin, Robert Harbaugh, S. Claiborne Johnston, Irene Katzan,
Margaret Kelly-Hayes, Edgar J. Kenton, Michael Marks, Lee H.
Schwamm and Thomas Tomsic. Guidelines for Prevention of Stroke in
Patients with Ischemic Stroke or Transient Ischemic Attack. Stroke
2006;37;577-617
9.
Stroke – Diagnosis and initial management of acute stroke and transient
ischaemic attack (TIA). NICE clinical guideline 68, Developed by the
National Collaborating Centre for Chronic Conditions, July 2008
Klinik protokol Azərbaycan Respublikası Səhiyyə Nazirliyinin
İctimai Səhiyyə və İslahatlar Mərkəzində hazırlanmışdır.
180>
Dostları ilə paylaş: |