9
XBT-10 üzrə təsnifat
I63 Beyin
infarktı
I63.0
Preserebral (ekstrakranial) arteriyanın trombozu səbəbli
beyin infarktı
I63.1
Preserebral (ekstrakranial) arteriyanın emboliyası səbəbli
beyin infarktı
I63.2
Preserebral (ekstrakranial) arteriyanın dəqiqləşdirilməmiş
tıxanması yaxud stenozu səbəbli beyin infarktı
I63.3 Beyin
arteriyalarının trombozu səbəbli beyin infarktı
I63.4 Beyin
arteriyalarının emboliyası səbəbli beyin infarktı
I63.5 Beyin
arteriyalarının dəqiqləşdirilməmiş tıxanması və
yaxud stenozu
I63.6 Beyin
venalarının qeyri-piogen trombozu səbəbli beyin
infarktı
I63.8 Başqa səbəbli beyin infarktı
I63.9
Dəqiqləşdirilməmiş beyin infarktı
I64 Qanaxma
və ya infarkt kimi dəqiqləşdirilməmiş insult
I65
Preserebral (ekstrakranial) arteriyaların infarkta səbəb
olmayan trombozu və ya stenozu
I66 Serebral
arteriyalarının beyin infarktına səbəb olmayan
trombozu və ya stenozu
G45
Keçici (tranzitor) serebral işemik həmlə
G46 Serebrovaskulyar
xəstəliklərdə damar mənşəli beyin
sindromları
İşemik insultun etiopatogenetik təsnifatı
Etiopatogenetik cəhətdən işemik insultun 5 əsas yarımtipini
fərqləndirirlər (TOAST təsnifatına görə):
1.
İri arteriyaların aterosklerozu nəticəsində baş verən insult.
2.
Kardioembolik insult.
3.
Kiçik çaplı (kalibrli) arteriyaların okklüziyası nəticəsində baş
verən insult (lakunar insult), hansı ki, ən çox arterial hipertenziya
nəticəsində yaranır.
4.
Digər məlum etiologiyalı insult ( qeyri-aterosklerotik
vaskulopatiyalar və arteriitlər – serebral damarların disseksiyası,
Moya-moya xəstəliyi, fibroz-əzələ displaziyası və s., infeksion,
Klinik protokol Azərbaycan Respublikası Səhiyyə Nazirliyinin
İctimai Səhiyyə və İslahatlar Mərkəzində hazırlanmışdır.
10
autoimmun, dərman arteriitləri; hematolojı xəstəliklər –
antifosfolipid anticisimlər sindromu, C, S proteinlərinin defisiti,
antitrombin 3 defisiti, leykemiya, polisitemiya, trombositoz,
trombositopenik purpura, oraqvari-hüceyrə anemiyası, miyelom
xəstəliyi, Valdenstrem makroqlobulinemiyası, krioqlobulinemiya;
peroral kontraseptivlərin, antifibrinolitik preparatların, K
vitamininin, simpatomimetiklərin qəbulu nəticəsində; digərləri –
venoz sinusların trombozu, miqren, hemodinamik insult və s.).
5.
Naməlum etiologiyalı insult.
İşemik insultun patofiziologiyası
Beyin qan axımı həcminin azalması beyin toxumasına oksigen və
qlükoza daxil olmasının xeyli məhdudlaşmasına gətirib çıxarır. Qan
axımının daha qabarıq şəkildə azaldığı beyin hissəsi çox tezliklə, 6-8
dəqiqə ərzində dönməz (sağalmaz) dərəcədə zədələnir (“özək” və ya
işemiyanın “nüvə” zonası). Bir neçə saat ərzində işemiyanın nüvə
zonası işemiyalaşmış, lakın canlı (qan axınının səviyyəsi 20
ml/100q/dəq) toxuma ilə – “yarımkölgə” və ya “penumbra” adlanan
zona ilə əhatə olunur. Penumbra sahəsində bütövlükdə energetik
metabolizm qorunub saxlanılır və struktur dəyişikliklər yox,
funksional dəyişikliklər müşahidə olunur. Penumbra zonasının
hesabına infarktın ölçülərinin tədricən böyüməsi baş verir. “İşemik
yarımkölgə” zonasında sinir hüceyrələrinin bərpa olunmasının
mümkün olduğu vaxtın müddəti dəqiq müəyyən edilməmişdir.
Hərçənd ki, sinir hüceyrələrinin əksəriyyəti üçün bu müddət bir neçə
saatla (və ya 2-3 sutka ilə) məhdudlaşır. İnsultun inkişafından
sonrakı ilk saatlar və günlərdə terapiyanın başlıca hədəfi məhz
penumbradır.
İŞEMİK İNSULTUN BİRİNCİLİ (İLKİN) PROFİLAKTİKASI
Birincili profilaktikanın məqsədi asimptomatik insanlarda insult
keçirmə riskinin azaldılmasından ibarətdir.
Həyat tərzi dəyişikliyi və risk faktorlarının modifikasiyası
►
Hipertoniya xəstəliyi
Antihipertenziv müalicə həm işemik insult, həm də digər damar
Klinik protokol Azərbaycan Respublikası Səhiyyə Nazirliyinin
İctimai Səhiyyə və İslahatlar Mərkəzində hazırlanmışdır.
11
xəstəliklərinin profilaktikası üçün tövsiyə edilir (A). Qan təzyiqi
normal səviyyəyə (<140/90 mm c.s. və ya <130/80 mm c.s. – diabetik
xəstələrdə) endirilməlidir. Bəzi həyat tərzi dəyişiklikləri də (fiziki
fəallıq, arıqlama, pəhriz) qan təzyiqinin normallaşdırılmasında
faydalıdır və antihipertenziv dərmanların tətbiqi ilə birlikdə
düşünülməlidir (A).
►
Şəkərli diabet
Diabetik xəstələrdə qanda şəkərin miqdarının normoqlikemik
səviyyəyə yaxın ölçülərdə saxlanmasına nəzarət olunması tövsiyə
edilir. Baxmayaraq ki, şəkərli diabet zamanı qan şəkərinə ciddi
nəzarət (normoqlikemik səviyyələrdə) insult keçirmə riskini azaltmır,
bu digər diabetik damar fəsadlarının profilaktikası üçün uyğundur.
Ayrıca, hemoqlobin A1c hədəfi <7% olmalıdır (B). Diabetiklərdə insult
riskinin azaldılması məqsədilə qan təzyiqi (hədəf ölçü <130/80 mm c.s.)
və lipid səviyyələrinə də ciddi şəkildə nəzarət olunmalıdır (C).
►
Hiperlipidemiya
Yüksək xolesterin səviyyələrinə malik xəstələrdə lipid hədəfinə
çatma tədbirləri ümumi qəbul edilmiş qaydalara əsasən aparılmalıdır.
Ürəyin işemik xəstəliyi, şəkərli diabet və ya aterosklerotik karotid
arteriya stenozu olan xüsusi xəstə qrupunda lipid paneli ciddi şəkildə
nəzarət altında saxlanmalıdır (A). Bu məqsədlə statin qrupu
preparatlarından istifadə edilməsi uyğundur (A). Bundan başqa, yalnız
YSL səviyyəsi aşağı olan xəstələrdə fibrat qrupu preparatlarından və
ya niasindən istifadə edilə bilər (B).
►
Siqaret çəkmə
Siqaret çəkmə işemik insult riskini 2 dəfə artırır və başlıca risk
faktorlarından biridir. Tütün istifadəsindən imtina edən xəstələrdə isə
bu risk 50% azalmaqdadır. Ona görə də həm ümumi sağlamlıq üçün,
həm də insult riskini azaltmaq məqsədilə tütün istifadəsini
dayandırmaq tövsiyə edilir (B).
►
Alkoqol istifadəsi
Yüksək miqdarlarda ( ≥ 60 q/sut) alkoqol istifadəsi tövsiyə
edilməməkdədir (A).
►
Piylənmə
Piylənmə aterosklerotik işemik insultun risk faktorlarından biri
olduğundan, normadan yüksək BKİ olan pasiyentlər çəki azaldan
Klinik protokol Azərbaycan Respublikası Səhiyyə Nazirliyinin
İctimai Səhiyyə və İslahatlar Mərkəzində hazırlanmışdır.
Dostları ilə paylaş: |