12
pəhrizə riayət etməlidirlər (A).
►
Fiziki aktivlik
Fiziki aktivlik və fiziki dözümlülüyün artırılması insult keçirmə
riski ilə tərs mütənasibdir. Fiziki aktivliyin faydası arıqlama, qan
təzyiqi, qan şəkəri və lipid panelinə müsbət təsiri ilə izah olunmaqdadır.
Həftənin ən azı beş günü minimum 30 dəqiqə ərzində orta templə yerimə
insult riskini azaltmaq və ümumi sağlamlıq üçün tövsiyə edilir (B).
►
Pəhriz
Az duzlu və az yağlı, meyvə və tərəvəzlə zəngin lifli pəhriz
məsləhət görülməkdədir (B). Pəhrizə riayət edilməsi digər həyat tərzi
dəyişiklikləri ilə birlikdə aparılmalıdır.
►
Postmenopauza hormonal müalicəsi
İnsultun profilaktikasında postmenopauza hormonal müalicəsi
tövsiyə edilmir (A).
Antiaqreqantlar və antikoaqulyantlar
►
Asetilsalisil turşusu (Aspirin)
Aspirinin asimptomatik xəstələrdə insult riskini azaltdığı
haqqında məlumatlar mövcud olmasa da, profilaktik aspirin
istifadəsinin miokard infarktını azaltdığı sübut edilmişdir və bir və ya
daha çox vaskulyar risk faktoru olan xəstələrdə tövsiyə edilə bilər
(A). 50% və daha yüksək dərəcədə daxili karotid arteriya stenozu
olan asimptomatik xəstələrdə aspirin təyini tövsiyə edilməkdədir (D).
Digər antiaqreqant preparatların insultun birincili profilaktikasında
istifadəsi uyğun deyildir (C).
►
Antikoaqulyasiya
Orta və yüksək riskli ürək-damar xəstəliyi ilə birlikdə səyrici
aritmiyası olan xəstələrdə kardioembolik hadisə ilə əlaqədar insult
riski ciddi dərəcədə artmaqdadır. Səyrici aritmiyası olan və
kardioemboliya baxımından yüksək riskli (yaşı 75-dən çox olan,
yaxud yaşı 60-dan çox üstəgəl şəkərli diabet, arterial hipertenziya,
ciddi sol mədəcik disfunksiyası kimi risk amilləri olan) asimptomatik
pasiyentlərə uzun müddətli antikoaqulyant müalicə (varfarin, hədəf
İNR 2-3 arası) aparılmalıdır (A).
Səyrici aritmiyası olan, lakin digər risk amilləri olmayan 60-75
yaş arası pasiyentlərdə uzun müddətli aspirin (325 mq) və ya varfarin
Klinik protokol Azərbaycan Respublikası Səhiyyə Nazirliyinin
İctimai Səhiyyə və İslahatlar Mərkəzində hazırlanmışdır.
13
istifadəsi məsləhət görülməkdədir (A).
Varfarin qəbul edə bilməyən AF-li xəstələrdə seçim olaraq
aspirin tövsiyə edilməlidir (A).
Nonvalvular AF-si olan və əlavə risk faktoru olmayan 60 yaşa
çatmamış pasiyentlərdə uzun müddətli aspirin (325 mq) və ya heç bir
antitrombotik müalicə aparılmaması uyğun görülə bilər.
Yüksək kardioembolik riskli xəslələrdə isə (keçirilmiş işemik
insult, revmatik mənşəli mitral stenoz, protez ürək qapağı) uzun
müddətli varfarin (hədəf İNR 2-3-dən az olmayaraq və protez
qapağın tipi, pozisiyasından asılı olaraq) təyin edilməlidir (A).
Asimptomatik karotid arteriya stenozunun cərrahi və
endovaskulyar müalicəsi
Aparılan tədqiqatlarda asimptomatik karotid arteriya stenozunun
karotid endarterektomiya üsulu ilə cərrahi müalicəsinin faydasının
şübhəli olduğunu göstərən nəticələr əldə edildiyindən, bu metod rutin
olaraq məsləhət görülməməkdədir (C). 60-99% daxili yuxu arteriyası
stenozu olan asimptomatik xəstələrdə karotid arteriya cərrahiyyəsi
istifadə edilə bilər. Karotid endarterektomiyanın perioperativ insult və
ölüm riski <3% olan və minimum 5 il müddətində sağ qalması
gözlənilən (80 yaşınadək) xəstələrdə faydalı olduğu bildirilmişdir (C).
Karotid arteriya stenozuna görə stentli və ya stentsiz
angioplastikanın cərrahi əməliyyata nisbətən üstünlüyü sübut
olunmadığından rutin olaraq məsləhət görülməməkdədir (C).
İŞEMİK İNSULTUN DİAQNOSTİKASI
İnsultun diaqnostikası aşağıdakılara əsaslanır:
►
müvafiq klinik simptomların müəyyənləşdirilməsi;
►
anamnestik məlumatlar (kəskin başlanğıc, risk amillərinin
mövcudluğu) – cədvəl 1-ə bax;
►
neyrovizualizasiya müayinələrinin məlumatları
İnsultun tipinin (işemik və ya hemorragik) müəyyənləşdirilməsi
diaqnostik axtarışın sonuncu həlqəsi deyildir. İnsultun adekvat
müalicəsi və ikincili (sonrakı) profilaktikasının aparılması üçün onun
mümkün olan səbəbinin/səbəblərinin axtarılması zəruridir.
Klinik protokol Azərbaycan Respublikası Səhiyyə Nazirliyinin
İctimai Səhiyyə və İslahatlar Mərkəzində hazırlanmışdır.
14
Cədvəl 1. Anamnez toplayarkən diqqət edilən əsas cəhətlər
Yaxın zamanlarda baş vermiş
hallar
İnsult
Tranzitor işemik həmlə
Miokard infarktı
Travma
Cərrahi əməliyyat
Hamiləlik
Qanaxma
Yanaşı xəstəliklər Arterial
hipertenziya
Şəkərli diabet
Dərman vasitələrindən istifadə Antikoaqulyantlar
İnsulin
Antihipertenziv preparatlar
Peroral kontraseptivlər və ya
tərkibində estrogen olan digər
preparatlar
İşemik insultun əlamət və simptomları
Aşağıdakı simptomlara əsasən işemik insultun baş verməsindən
şübhələnmək lazımdır:
►
Bədənin hər hansı hissəsində,
xüsusən də sifət, əl və ayaq daxil
olmaqla bədənin bir tərəfində əzələ zəifliyinin əmələ gəlməsi;
►
Bədənin hər hansı hissəsində, xüsusən də sifət, əl və ayaq daxil
olmaqla bədənin bir tərəfində hissiyyatın zəifləməsi;
►
Görmənin pozulması;
►
Şifahi nitqin və ya nitqin başa düşülməsinin pozulması;
►
Hərəkətlərin koordinasiyasının pozulması;
►
Baş gicəllənməsi;
►
Udma qabiliyyətinin pozulması;
►
Qəflətən başlayan, xüsusən də ürəkbulanma, qusma ilə müşayiət
olunan qeyri-adi dərəcədə kəskin baş ağrısı;
►
Qıcolma tutmaları;
►
Yaddaşın qəflətən pozulması;
►
Şüurun pozulması
Klinik protokol Azərbaycan Respublikası Səhiyyə Nazirliyinin
İctimai Səhiyyə və İslahatlar Mərkəzində hazırlanmışdır.