Ислам маарифи илә ХҮласә танышлыг


-Cİ DƏRS: FİQHİN DÖRD BABI



Yüklə 1,27 Mb.
səhifə5/19
tarix11.04.2018
ölçüsü1,27 Mb.
#37424
növüXülasə
1   2   3   4   5   6   7   8   9   ...   19

21-Cİ DƏRS: FİQHİN DÖRD BABI.


Fiqh elmi dörd babdır: İbadət, uqud (əqdlər), iqaat və əhkam (mühəqqiq hilminin nəzərinə görə).

İbadət babı on kitabdan ibarətdir:

1. “Təharət” kitabı; 2. “Səlat “ (namaz) kitabı; 3. “Zəkat” kitabı; 4. “Xums” kitabı; 5. “Soum” (oruc) kitabı; 6. “Etikaf” kitabı; 7. “Həcc” kitabı; 8. “Ümrə” (kiçik həcc) kitabı; 9. “Cihad” kitabı; 10. “Əmr be məruf və nəhy əz münkər” kitabı.

Uqud babı on beş və ya daha artıq kitabdan ibarətdir:



  1. “Ticarət” kitabı; 2. “Rəhn” kitabı; 3. “Həcr” kitabı; 4. “Zəman” kitabı; 5. “Müflis” kitabı; 6. “Sülh” kitabı; 7. “Şirkət” kitabı; 8. “Müzaribə” kitabı; 9. “Müzariə” kitabı; 10. “Vədiə” kitabı; 11. “Ariyyə”kitabı; 12. “İcarə” kitabı; 13. “Vəkalət” kitabı; 14. “Vüquf və sədəqat” kitabı; 15. “Əl-sukna vəl-həbs” kitabı və s.

İqaat on bir kitabdan ibarətdir:

  1. “Təlaq” kitabı; 2. “Xəl vəl-mübarat” kitabı; 3. “Zihar” kitabı; 4. “İla” kitabı; 5. “Ləan” kitabı; 6. “Ütq” kitabı; 7. “Tədbir, mükatibə, istilad” kitabı; 8. “İqrar” kitabı; 9. “Cəlalət” kitabı; 10. “İman” kitabı; 11. “Nəzr” kitabı.

Əhkam babı on iki kitabdan ibarətdir:

1. “Seyd, zibh” kitabı; 2. “İtətə vəl-əşrəbə” kitabı; 3. “Qəsb” kitabı; 4. “Şufə” kitabı; 5. “İhaul-məvat” kitabı; 6. “Ləqte” لقطه kitabı; 7. “İrs” kitabı; 8. “Qəza” kitabı; 9. “Şəhadət” kitabı; 10. “Hüdud və təzirat kitabı”; 11. “Qisas kitab; 12. “Diyat” kitabı.


22-Cİ DƏRS: ƏMƏLİ HİKMƏT (HİKMƏTİ ƏMƏLİ)


hikmət və ya fəlsəfə qədim dövrdən iki hissəyə bölünmüşdür: Nəzəri hikmət və əməli hikmət.

Nəzəri hikmət ilahiyyat, riyaziyyat, təbiət kimi elmlərdən ibarətdir.

Əməli hikmət isə əxlaq, siyasət kimi sahələri əhatə edir. Bu elmdə insanın əqlən dərk edə biləcəyi vəzifələrdən danışırlır. Heç bir insan vicdan adlı hakimdən mərhum deyil. Bu hakim hər bir işdə “olar” və ya “olmaz” hökmünü verir. Vicdan insana hökm edir ki, o, doğruçu, xeyirxah, ədalətli, azad olmalıdır. Əksinə, insan yalançı, bədxah, zalım, qul olmamalıdır.

Əməli hikmət konkret üç şöbədən ibarətdir: Əxlaq, ailə quruluşu, ictimai nizam.

Əxlaq insana necə yaşamağı öyrədir. Özünü əxlaq sisteminə malik məktəb kimi tanıtdıranların bir çoxunun iddiası əsassızdır. Çünki əxlaq elminin təqdim etdiyi sistem insanı müqəddəsliyə aparmalıdır. Bu gün dünyada təbliğ olunun bir sıra məktəblər “əxlaq sənin sevdiyin həyat tərzidir” şüarını verirlər. Guya, insanın xoşladığı həyat tərzi onun üçün ən üstün əxlaqdır. Belə çıxır ki, hərə bir şeyi sevirsə, hərənin də öz əxlaqı olmalıdır?! Əltəttə ki, bu pirinsip əslində bütün bəşəriyyəti əxlaqsızlığa aparır.

İslam dini fərdi və ictimai əxlaqın ilahi dəyərlərlə müəyyənləşdirilməsini doğru sayır. Belə bir əxlaqı vicdan təsdiq edir və belə bir insanı müqəddəsliyə aparır.


23-CÜ DƏRS: XOŞBƏXT OLMAQ ÜÇÜN.


İnsan Nyutonun qanunlarını, nisbilik nəzəriyyəsini bilmədən xoşbəxt ola bilər. Nə Nyuton, nə də Eynişteyn bu biliklərdən xəbərsiz insanları bədbəxt hesab etməmişlər.

Bu dini biliklər necə, bu biliklərə malik olmayan insan xoşbəxt ola bilərmi? Əgər insan hətta cəmiyyətdən ayrılıb, kimsəsiz bir səhraya pənah apardıqda belə öz qanunları ilə yaşaya bilmirsə, demək daha üstün qanunlara ehtiyac var. Yalnız ən qüdrətli varlığın çıxardığı qanuna tabe olan insan xoşbəxt ola bilər. Ən qadir varlıq isə Allah-təaladır və onun qanunları bütün varlıq aləmini öz təsiri altında saxlayır. İnsanın səadət yolunu Allahdan yaxşı kim tanıya bilər?! Böyük yaradıcı isə göndərdiyi din vasitəsi ilə insana xoşbəxtlik yolunu göstərir. Demək dini biliklərdən məhrum insanın səadət yolunu tapması qeyri-mümkündür.

Amma ali dini təhsil almaq olduqca çətindir. Ötən 22 dərsdən məlum oldu ki, İslam elmləri nəhayətsiz bir ümmandır. Bu elmlərə yiyələnmək istəyənlər tarix boyu vətənindən və doğmalarından ayrılıb, uzaq ölkələrə hicrət etmiş, min bir əziyyətə qatlaşaraq İslami biliklərə yiyələnmişlər. Belə bir fədakarlıq çətin olsa da, insan zəruri dini biliklərdən xəbərsiz qala bilməz. Gündəlik mütaliə üçün vaxt ayırmaq olduqca zəruridir.

Biz İslam elmləri ilə xülasə şəkildə tanış olduq. İndi isə qarşıda sual durur: nə etməli?


24-CÜ DƏRS: DİN


Din bəşəriyyətə səadət yolunu göstərmək üçün Allah tərəfindən peyğəmbərlər vasitəsi ilə göndərilmiş həyat proqramıdır. Xoşbəxt olmaq istəyən insan bu proqrama əməl etməlidir. Dini əqidə insanın qəlbində yerləşmiş gizli nəzarətçi kimidir. O, insanı çirkin işlərdən çəkindirir, gözəl sifətlərə vadar edir.

Dünya həyatı öz eniş-yoxuşları ilə labirinti xatırladır. Din iki yol ayrıcında dayanmış insana doğru yolu göstərir. Dünya çətinlikləri ilə üzləşmiş insan iman qüvvəsindən güc alaraq Allaha üz tutur və Allahın yardımı ilə keçilməz sədləri aşır.

124 min peyğəmbərin sonuncusu Həzrət Məhəmməd (s), beş ilahi kitabın sonuncusu isə Qurani-kərimdir. Qurani-kərimin “Bəqərə” surəsində buyurulur: “Bu kitab heç bir şübhə olmayan və təqvalılara doğru yol göstərən kitabdır. (Təqvalılar) o kəslərdir ki, qeybə inanır, namaz qılır, və onlara verdiyimiz ruzilərdən ehsan edirlər.” (a - 2 – 3)

İslam təlimləri üç hissədən ibarətdir:

1. Etiqadlar (üsuli-din: tövhid, ədl, nübüvvət, imamət, məad).

2. Əxlaq

3. Əməllər (fürui – din: namaz, oruc, xums, zəkat, həcc, cihad, əmr be məruf, nəhy əz münkər, təvəlla, təbərra)

Bu üç elmi öyrənmək üçün bütün müsəlmanlar üçün fərizə, yəni vacib hesab olunur. Xoşbəxt olmaq istəyən insan dinin əsaslarına inanmalı, düzəldib dini hökmlərə əməl etməlidir.


25-Cİ DƏRS: ALLAHA İNAM (TÖVHİD)


Heç bir insan, hətta yaranmışların ən şərəflisi olan həzrət Məhəmməd (s) Allahın müqəddəs zatını dərk edə bilməz. İnsanın başa düşə biləcəyi yalnız Allahın adlarıdır. Allahın elə adları vardır ki, bu adları yalnız övliyalar dərk edə bilər.

Ad nişanə, əlamətdir. Bütün yaranmışlar, eləcə də bütün aləm Allahın müqəddəs zatının nişanələridir. Xaricdən səbəb olmadan bir şey digərinə çevrilə bilməz. Məsələn suyun buza dönməsi üçün xaricdən səbəb olmalıdır. Demək, heç nə öz-özünə yaranmır və bir haldan başqa hala keçmir. Bu deyilənlər varlıq aləminin yaranmasında yaradanın varlığına əqli dəlildir.

Əlbəttə ki, bir həqiqətin qəbulunda dəlillərə malik olmaq müsbət haldır. Amma Allaha inam məsələsində dəlil taxta ayaq kimi gücsüzdür. İnsanın vicdanı var və bu vicdan insanı daim Allaha iman gətirməyə cağırır. Təəssüf ki, həqiqətə gedən yolda nəfs istəkləri maneə olaraq qalır. Allah-təala peyğəmbər vasitəsi ilə kitab göndərərək insana əl tutur.

Qurani-kərimin “Əraf” surəsinin 59-cu ayəsində oxuyuruq: “(Nuh öz qövmünə dedi) Ey mənim qövmüm, Allaha ibadət edin, sizin ondan başqa tanrınız yoxdur”: Eyni çağırışla uyğun surənin 73-cü və 85-ci ayələrində qarşılaşırıq.

İslam peyğəmbərinin ilkin şüarı da bu oldu: “Deyin: Allahdan başqa tanrı yoxdur!”


Yüklə 1,27 Mb.

Dostları ilə paylaş:
1   2   3   4   5   6   7   8   9   ...   19




Verilənlər bazası müəlliflik hüququ ilə müdafiə olunur ©genderi.org 2024
rəhbərliyinə müraciət

    Ana səhifə