Məhəmməd Hadi və mətbuat
49
Əbdürrəhman Camidən gətirdiyi ibrətamiz kəlamlar əsasında
isbata çalışan mütəfəkkir qeyd edir ki, həqiqətin nə olduğunu dərk
etməyib ruhani və mənəvi mədəniyyətdən uzaq olanlar divarlara
bərkidilmiş quru ağaclar kimi ruhsuz, canları olsa belə, kar və kor
kimidirlər və bu cür adamların diriliyi ilə ölülüyü arasında
qətiyyən fərq yoxdur.
Əbədi yaşam tərzinin yolu məktəbdən, maarifdən başlanır
və “elm deyilən cövhəri-nurani bir bariqeyi-hidayətdir ki, nərəyə
nəşri-ziya edərsə, zülami-zəlalət məhv olur. Maarif bir misbahi-
inayətdir ki, nərəyə füruğpaşi-təcəlli olarsa, müstəğriqi-ənvar elər.
Maarif bir barani-səadətdir ki, yağdığı yerləri sərasər bir behişt
halına ifrağ elər. Maarif bir xatəmdir ki, hər kəs dər əngüşti-
məsudiyyət edərsə, cəhalət divlərini əsir edər”(110, N 26).
“İnsan həyatın, dünyanın sirlərini açmaqla bərabər özünü
də öyrənməli, dərk etməyə çalışmalı, mənən təkamülə, kamilliyə
can atmalıdır”(32, 244) ki, bunlar maarif və mədəniyyət olmadan
mümkün deyil. Elm və maarifin ləzzətini dadmaq, bunların işığı
ilə nurlanmaq üçün uşağı kiçik yaşlarından oxumağa və zəhmətə
alışdırmaq lazımdır. Elə etmək, ona elə yol göstərmək lazımdır ki,
o, nə yeniyetməlik, cavanlıq, nə də ömrünün sonrakı
mərhələlərində vaxtının bihudə yerə zay və puç olmasına razı
olmasın, yunan filosofu “Əflatuni-ilahi demişkən: “Müsibətlərin
əzəmi, böyükrağı vaxtın faydasız yerə keçməsidir”(110, N 26) .
“Millətin tərəqqi və təalisi, ümmətin bəqa və nicatı həp
maarif və ülum sayəsində ola bilər. Şəriət qalası ülum ilə salim
qala bilər. Əlhasil, tilisimgahi-cahanın anaxtarı, açarı maaifdir”,-
deyən müəllif bu qənaətə gəlir ki, “zindəganlıq davasının alati-
müdafiəsi” olan “ülum və maarifə” yiyələnmədən millət xar və
zəlil olacaq və onun zəhmətindən elm sayəsində özgürlüyünü
qazanmış millətlər qul əməyi kimi istifadə edəcəklər. Nə qədər
doğru və nə qədər həyati bir nəticə və qənaət!!
M. Hadi bir şair və mütəfəkkir olaraq zəmanəsində
millətin taleyi ilə bağlı olan heç bir məsələyə laqeyd qalmamış,
mətbuatda milli və ümumbəşəri məsələlərlə bağlı müzakirələrdə
İslam Qəribli
50
yaxından iştirak etmiş, düşüncə və qənaətlərini birbaşa, açıq
şəkildə bildirməkdən çəkinməmişdir. “Millətimizdə xəyali-
ittifaqpərvəranə” məqaləsi də məhz bu düşüncə və qənaətlərin
məhsulu kimi diqqəti cəlb edir(111, N 29).
“Hal-hazırda əfkari-ümumiyyəyi işğal edən ittihadi-millət
və
ittifaqi-millət
məsəleyi-xudapəsəndanəsi
qəzetlərdə
görülməkdə və rəsideyi-basəri-şukranəmiz olmaqdadır. Nə gözəl
qeyrət, nə bəyənilməyə layiq niyyət” cümlələrindən anlaşılır ki,
M. Hadi çoxdan bəri həsrətində olduğu aktual bir problemin həlli
ilə bağlı gedən müzakirələrdən xoşhal olmuşdur. Əvvəlki
məqalələrində olduğu kimi, bu məqaləsində də o, arzusunda
olduğu “bu amali-dəyanətpərvəranənin”, yəni ittihad və ittifaqın
mahiyyətini, bunların xalqa, millətə verə biləcəyi səmərələri həm
həyati, həm Qurandan gətirdiyi dəlillər, həm də Şərq
klassiklərindən aldığı hikmətamiz kəlamlarla əsaslandırmış,
fikirlərini ictimaiyyətlə bölüşmüşdür.
“Ərbabi-ülum və maarifə gizlin və məxfi deyildir ki,
peyrovu olub irizi ilə getdiyimiz şəriəti-kamilə və dəyanəti-
saliməyi-islam yalnız qövlən deyil, felən və əmələn də cəmaəti
tövhidə, birliyə dəvət ediyor, ittihadə çağırıyor”,- tezisini irəli
sürən müəllif konkret Quran ayələrinə əsaslanaraq yazır: “
Dəyanəti-islamiyyə öylə möhkəm, öylə mətin bir dindir ki, onun
üçün qırılmaq yoxdur və yenə cənabi-Həqq “Surətul-Hucurat”ın
10-cu ayəsində buyurur ki: “Təhqiqən möminlər qardaşdır bir
əsilə, bir dinə mənsub olduqları cəhətdən. O əsil də həyati-
əbədiyyəyi mocib olan imandır. İki qardaşınızın miyanını islah
edin və Mövladən xovf edib hökmünə müxalif nifaqi-şəqaq
etməyin, şayəd ki, rəhm olunasınız. Ümum əhli-tövhid dindaş
olub bir kökün şaxələri və bir fələkin yıldızlarıdırlar, bir abi-
həyatdan sirab olub və bir aftabi-həqiqətdən iqtibasi-ənvar
ediyorlar. Ədədcə başqa-başqa isələr də, ruh birdir”(111, N 29).
Müsəlman qardaşlarını “bir cism və bir bədən
mənziləsində” hesab edən müəllif dindaşlarına məsləhət görür ki,
missionerlərin “İncilə” və öz dindaşlarına göstərdiyi qayğıdan
Məhəmməd Hadi və mətbuat
51
ibrət dərsi götürüb millət və tərəqqipərvər dinimiz olan İslam dini
uğrunda çəkinmədəm mübarizə aparsınlar. M. Hadi çəkinmədən
qeyd edir ki, dindən millət, vətən və xalq naminə istifadə
etməkdənsə, Quranı da, Allahı da öz nəfslərinə, şəxsi
mənafelərinə qurban verən “bizim pişrovlarımızın göstərdikləri
xəyanəti-dinşikanəsi,
hərəkəti-ədavətpərəstanəsi”
sayəsində
“ittifaq nifaqə, tərəqqi tədənniyə, məhəbbət büğzə, tövhid şirkə,
səadət şəqavətə, əmniyyət şərarətə mübəddəl olmuşdur. Bu
səbəbdən müsəlmanlar gündən-günə səfalətə və rəzalətə üz qoyub,
mahi-müniri-şəriət xusufə və xurşidi-dəyanət qaralmaya, kusufə
üz tutmuşdur. Afaqi-islamiyyəti muxatirəli bir zülmət istila etmiş
və həqqaniyyət şahrahı o zülmət içində itmişdir, batmışdır. O
zülmət səbəbindən itkin düşərək hər kəs ağzını bir səmtə çevirib
gümkərdeyi-rah
olmuşlar və kəriveyi-xanimansuzi-iftiraqə
qədəməndazi-zəlalət olmuşlardır”(111, N 29).
M. Hadinin əsas ideyası “Dəyanəti-islamiyyənin bina və
əsası ülfət, ittifaq, ittihaddır” olan bu dərin məzmunlu məqaləsinə
qəzet “İdarədən” başlığı altında belə bir düşündürücü qeyd –
sonluq vermişdir: “İttihad və ittifaqə sadə təhsinxan olmaq kafi
deyildir, gah-gah rəfiqi-möhtərəmimiz Əhməd bəy Ağayevin
“İrşad” sütunlarında etdiyi kimi Yəzidə, ələlxüsus “əsrimizin
yəzidlərinə” də lənət oxumaq lazımdır. O yəzidlər ki, elmi-
heyvanatın (mimiyətizmə) qaidəsinə təbəiyyət, batinən şeytan
olduqları halda, zahirən insan və müsəlman qiyafətinə girib
məmləkətimizin zülmət və qaranlıqda qalan bəzi köşə-bucaqlarına
sünni və şiə naminə nifaq salmaq üçün pul qüvvəti ilə
çıxmışlar!”(111, N 29). Göründüyü kimi, “Həyat”ın redaktoru
Əli bəy Hüseynzadə və onun ətrafında toplaşanlar “Haqq
verilməyəndə onu almaq lazımdır” devizinə daha çox üstünlük
verirdilər.
“Şeirlərində qadın azadlığını böyük bir ehtirasla müdafiə
edən”(4, 247) M. Hadinin məqalələrində də cəmiyyətdə qadının
yeri və qadın azadlığı məsələsi mühüm yer tutur. Müsəlman
ölkələrində qadınların cəhalət pərdəsi altında saxlanılmasını
Dostları ilə paylaş: |