İslam Qəribli
64
göstərə bilər, heyhat! “Yatmışı yatmış haçan ayılda bilər, əcəba”!
Heç yox, heç yox!”(122, N 88).
Maarifçilik ideyalarına sadiq qalan, millətin tərəqqisi üçün
imkanların olmamasından acı-acı gileylənən M. Hadi “Tələbəlik
xatiratından” adlı məqaləsində millətə azadlıq, hürriyyətlə yanaşı
məktəb və maarifin də çox gərəkli olduğunu bildirir və bu
nəticəyə gəlir ki, gələcəyin xoşbəxt və rahat olmasına tələbə və
şagirdlər bais olacaqlar. Amma nə yazıq ki, bizdə “nə mükəmməl
mədrəsə, nə müntəzəm kitab və nə fünuni-aliyədən agah
müdərrislərimiz vardır. Nə vaxt bunlar düzələcək olursa, daireyi-
islah və intizama salınırsa, onda millət də, vətən də, din də kəsbi-
əkməliyyət eylər, düzəlir. Yoxsa hali-hazırdakı üsuli-təlim və tədris
bizlərə mənfəət deyil, məzərrətbəxşi-fəlakət olacaqdır”(122, N 90).
“..Dünyada bəxtiyaranə yaşamaq, axirətdə vasili-nicat
olmaq hürriyyət, ittihad, maarif kimi kəmalati-insaniyyəyə
bağlıdır”,- deyən müəllif bildirir ki, “bunlarsız millət
xəsərüddünya vəlaxirədir, zəlildir, rəzildir, səfildir. İştə bu gözəl
ünvanları və nə yolda təhsil olunmaqlarını millətə tələbə və
şagirdlər öyrədəcək və bildirəcəkdir”(122, N 90).
Yenilik tərəfdarı olaraq cəmiyyətdə və təbiətdə təzələnmə,
başqalaşma və dəyişilmə hadisələrinin sıçrayışlar və inqilablarla
deyil, tədrici təkamüllə bağlı əmələ gəldiyini, təbiət və
cəmiyyətdə baş verən dəyişmələrlə insan təfəkküründəki
dəyişmələr arasında sıx əlaqələrin olduğunu bəyan edən, “hər
dövrün adamı zəmanəsinə və şəraitinə uyğun olaraq formalaşır”
qənaətinə gələn müəllif yazır: “Zamanın, ədvarın təcəddüdü,
təbəddülatı, təhəvvülatı əfkarın, vicdanın təcəddülatına müstəlzəm
deyilmidir? Təvarixə həqiqi nəzərlə baxılacaq olursa, aləmin
təzələnməsi adəmin təzələnməsini müstəlzəm olduğuna bir çox
parlaq səhifələr gözə çarpar. Nümuneyi-imtisal olmaq üçün birini
ərz edəlim.. Fəlasifeyi-yunandan Əflatun deyib ki, siz övladınızı
kəndiniz kimi bəsləməyiniz, tərbiyə etməyiniz, başqa bir üsulla tərbiyə
ediniz, çünki onlar təzə bir əsr üçün doğulmuşlar. Halbuki o əsrin ehkam
və icabatı başqa, sizinki isə büsbütün başqadır”(122, N 92).
Məhəmməd Hadi və mətbuat
65
Ruhu etibarı ilə M. Hadinin qəzetdə çap olunan digər
məqalələri ilə səsləşən “Qiraətxana darül-mərifətdir”(123, N
102) əsərində müəllif bəşəriyyətin tərəqqi və təkamülündə
məktəblə bərabər kitabxana, kitab, qəzet və jurnalların da mühüm
əhəmiyyət daşıdığını ön plana çəkir. “Dünyaya nə üçün gəldiyini
düşün və çalış ki, elm, mədəniyyət, irfan sahibi olasan”,- sözləri
ilə oxucusuna müraciət edən müəllif bildirir ki, “insana
bilmədiyini bildirən, öyrənmədiyini öyrədən, fikir və vicdanını
ziyalandıran işbu əncüməni-maarif olan qiraətxanalardır”(123, N
102). Müəllif bu əqidədədir ki, “bu həqiqi, bu parlaq mətləbi
kimsə inkar edəməz və inkara da haqqı yoxdur”. Fikrini təsdiq
üçün o, Quranın məşhur ayəsini ( “Elm və biliyi beşikdən ağuşi-
məzarə düşənəcən axtarınız, tələb ediniz”- M. Hadi ayəninin
tərcüməsini göstərdiyimiz şəkildə vermişdir - İ.Q.) misal
gətirməklə ayəni şərh edir, məktəbləri uşaqlar üçün ədəb və
tərbiyə beşiyi adlandırır və daha sonra yazır: “İnsan məzara
düşənəcən ömrünü məktəbdə keçirmək qabili-imkan deyildir.
Onda qəbrə gedənəcən elmi, mərifəti nə gunə tələb etməlidir? ...
Hərgah ənzari-diqqətlə baxacaq olsaq, düşünəlim, insan az-çox
fürsət olduqca mütalieyi-kütub etməli və bu yolda gündən-günə
daireyi-ruhaniyyəsini tövsi qılmağa çalışmalıdır.... Mütalieyi-
kütubə müsahibə və müzakirəyə ən müqəddəs, ən mükəmməl bir
vasitə var isə, o da qiraətxanalar, əncüməni-maariflərdir”(123; N
102). İstər poetik, istərsə də elmi-publisistik əsərlərində “əsl
vətəndaşlar yetirmək, tərbiyə etmək, onları istiqamətləndirmək
kimi vacib məsələlərdən dönə-dönə bəhs edən”(36, 94) M. Hadi
çox doğru və yerində qeyd edir ki, həqiqət nurunun parlaması
ağıllı fikirlərin müqayisəsındən törəyər ki, “bu fikirlərin
çarpışması da qəhvələrdə, çayçıxanalarda deyil, qiraətxanada, ən-
cüməni-ürəfada sərzədeyi-zühur olur”. “Cahilanə fikirlərin
toqquşmasından
fəlakət
ildırımları,
ağıllı
fikirlərin
toqquşmasından həqiqət nuru törəyər”,- fikrinə gələn ədib
qənaətini bir qədər də möhkəmləndirmək üçün məşhur bir hədisə
müraciət edərək yazır: “ Əfəndimiz həzrətləri buyurmuşdur ki,
İslam Qəribli
66
“İki həris vardır ki, onlar əsla doymazlar. Biri talibi-sərvət və biri
də talibi-elm və mərifətdir”.... Bunların ikisindən də doymayalım...
Bunlarsız yaşamaq mümkün deyildir. Sərvət və maarifsiz millət
pamal olur, məhv olub gedir. Kəsbi-sərvət ticarətxanalarda
olduğu kimi, təhsili-mərifət də məktəbdən sonra qiraətxanalarda,
ali məclislərdə olur. Qiraətxana icabati-əsriyyəmizin ən şayani-
təqdir və əhəmiyyəti olan maddələrindən biridir ha... Qiraətxana
məqami-əmniyyətdir”(123, N 102).
Məqalədəki digər maraqlı məqamlardan biri M. Hadinin
kitaba olan münasibətidir. Müəllifin nəzərində kitab ölü canlara
ruh, can verən İsa nəfəsi kimi bir şeydir və dünyada elə bir qəm-
qüssə yoxdur ki, mütaliə yolu ilə ondan uzaqlaşmaq olmasın.
Müəllif hər kitabı yox, o kitabı mütaliə etməyi tövsiyə edir ki,
“yatmış hissləri, sönmüş vicdanları, qararmış qəlbləri tənvir və
təhrir etsin, ziyalandırsın”(123, 102).
İnsanı vəhşətləndirən, dəhşətləndirən və sırf xəyalatdan
ibarət olub div, cin, damdabaca, süpürgəsaqqal, ərdo və s. bu kimi
mövhumi varlıqlardan bəhs edən kitabların mütaliəsini qətiyyən
məsləhət görməyən, bu tip kitabları cəmiyyəti, insan əxlaqını
pozan vasitələr hesab edən M. Hadi bildirir ki, “gərək cəraid və
kitabların mündəricatı öylə gözəl, öylə lətif olmalıdır ki, insan
baxdıqca ləzzətlənsin, nəşələnsin, bütün qüvayi-ruhaniyyəsi kəsbi-
fəaliyyət etsin. Mürdələrə həyat, azmışlara irşad bəxş eləsin.
Mütaliə olunacaq kitablar, cəridələr milləti vifaqə, elm və hüsni-
əxlaqə, süfati-aliyeyi-insaniyyə və islamiyyəyə sövq və dəvət
qılsın...”(123, N 102).
1906-cı ilin yazında M. Hadi yaxın qohumu və ağır
günlərində ona himayədarlıq etmiş “Bürhani-tərəqqi” qəzetinin
naşiri və redaktoru Mustafa Lütfi İsmayılzadə tərəfindən
Həştərxana dəvət olunur. Bu barədə Seyid Hüseynin yazısında
oxuyuruq: “Məhəmməd Hadi Kürdəmirdə təhsilində davam edib
durarkən Hacıtərxandan müəllimi Mustafa Lütfi əfəndidən bu
məaldan bir məktub alar ki, “Həyat”da yazılarını oxuyuram. Mən
burada bir qəzet çıxaracağam. Məktubumu aldıqda işlərini təsvih
Dostları ilə paylaş: |