32
üzündə şappıldayanda Təyyar yenə də qışqırdı: – Əmir, eybi
yoxdur, sən ona əl qaldırma! Əmir samboçu idi. Təyyar bilirdi
ki, o bir zərbə ilə sərxoşu öldürməyə qadirdir. Ona görə də
sərxoşu tutub Əmiri qovmağa, onu xatadan uzaqlaşdırmağa
çalışırdı. Əmir isə yerindən təpənmir, hirsindən titrəyirdi.
Təyyar sərxoşun yaxasını Qəzənfərin əlinə tapşırıb Əmiri
itələdi: – Ə sənə demirəm, rədd ol burdan!? Əmirlə Aliyə
ayaqlarını sürüyə-sürüyə kafedən çıxıb daş döşənmiş bağın arası
ilə gedəndə sərxoş yoldaşı ilə köməkləşib Qəzənfəri yerə
yıxmış, Təyyarın isə müqavimətini qırıb Aliyənin dalınca
yüyürməyə başlamışdılar. Boynu yoğun sərxoş Aliyəni söyürdü:
– Suka! Sən məni aldadırsan!? Sərxoşlara çatmağa cəhd edən
Təyyar, dayanıb onlarla vuruşmağa hazırlaşmış Əmirə barmaq
qıcayıb bağırdı: – Ə sən haranın heyvanısan! Sənə çıx get
demirəmmi!? Əmir, Təyyara qulaq asmadı. O əllərinin ikisini də
yumruqlayıb sərxoşların qarşısına yeridi. Birinci zərbəsi
Aliyənin «sevgilisinin» qırmızı peysərinə endi. Sərxoş başı
kəsilən toyuq kimi çapalayıb qalxdı. Əmir ikinci zərbəyə
hazırlaşanda Aliyə onun qoluna sarmaşdı: – Dəymə! Sərxoşların
əl-ayağına dolaşıb onları kənara çəkişdirən Təyyar da bağırdı: –
Əmir, sözü adama bir dəfə deyərlər! Elə bu məqamda yaşlı
drujinaçılar sərxoşları yaxalayıb onları ştaba apardılar. Bu
hadisədən sonra qəzəb, hiddət Qəzənfərin ürəyini gəmirirdi. O
özünü idarə edə bilmirdi. Qasırğaya düşmüş sahibsiz qayıq kimi
yolunu azmışdı. Aliyənin həmişə Əmirlə çiyin-çiyinə yeriməsi,
bir-birinə ehtiram hissilə baxıb hörmətkarlıqla, bəlkə də
minnətkarlıqla gülümsəmələri onun arzularla döyünən qəlbini
dondururdu. Aliyə yanı ilə Qəzənfərin irililəməsinə imkan
verəndə, o, bunu qəsdən eləmirdi. Bu səki boyu axışan
izdihamın sıx və seyrək olmasından asılı idi. O səmimi hisslər,
şirin duyğular ummanında yaşayır, atdığı addımlara haradansa
gələn
ilahi
cəsarətin,
qollarına
axan
qüvvətin
məğlubedilməzliyinə güvənib ürəyində Əmirlə danışırdı: «İki
sərxoş döymüsən, elə bilirsən qəhrəmanlıq eləmisən!? O ayaq
33
üstə güclə duranı onsuz da Allah döymüşdü. Elə hünərin varsa
qabağımızdan gələn bu yekəpəri döy. Ağzın nədir ona əl
qaldırasan! Bu yekəpərlə bacararsanmı? Sənə nə var, utanmaz
adamsan, döyərsən: hə. Amma o yekəpərin xəbəri olsa onun
haqqında belə söz danışırsan, yaxandan tutub boğazını sərçə
kimi üzər. Özünü öymə, o yekəpər, dalaşsaq mənə də cavab verə
bilməzsən. Qulağının dibinə bir yumruq vuraram quş balası kimi
iki saat ağzını açıb-yumarsan. Səndən kişi olmaz. Kişi, yanınca
apardığı qızın namusunu çəkməlidir. Amma sən belə şeyləri
başa düşmürsən. Başa düşsən Aliyəyə çiyin vurub, göz basıb
keçənlərin birinə kişiliyini göstərərsən. Budur bax, dərisi beş
qəpiyə dəyəməyən dalğır da qıza göz eləyib ötdü. Bu gələnə
fikir ver, kor gözlərinlə bax gör onun pis niyyətli nəzərləri kimin
sinəsində, buxağında, dodağında gəzir?! Ə, sən də ona gözünü
ağart də! Heyvansan, heyvan! Vicdanıma and olsun öküzsən,
öküz!» Onlar dinib danışmadan geniş meydançaya keçərək taksi
dayanacağına sarı gedirdilər. Bu zaman taksi dayanacağı
tərəfdən gələn bir oğlan da düz onlara doğru yeriyirdi. Asta
yerişli bu oğlanın əlləri qoynunda idi. Yumşaq sarı saçları alnına
tökülüb gözlərinin qabağını örtmüşdü. O üzünə ölüm hökmü
oxunmuş cani məyusluğu içində idi. Sanki ona yalnız indi
qiymətli olan ömrünün son dəqiqələrində keçmiş günləri
xatırlayır, keçdiyi həyat yollarını gözləri önünə gətirir, orada
özünü, öz hərəkətlərini görüb təəssüflənir, cahil gəncliyini indiki
ağlının köməyilə fəzilətə qaytara bilməyəcəyini, əcəlin onu bir
neçə saatdan sonra yaxalayacağını iztirabla düşünüb için-için
ağlayırdı. O elə bədbin, elə pəjmürdə idi ki, harada olduğunu,
hansı tərəfə getdiyini belə dərk etmirdi. Özünü Aliyənin
nəzərində böyütmək istəyən Qəzənfər isə ondan qanacaq,
mərifət gözləyirdi. Əslində belə bir təsadüf Qəzənfərə çox lazım
idi. O Əmirdən güclü, cəsarətli, qorxmaz olduğunu Aliyəyə
göstərməli deyildimi?! Qəzənfər ağlı başında olmayan qüssəli
oğlana Aliyə ilə öz arasında yol vermədi. O, Qəzənfərin ayağını
ayaqladı. Qəzənfər özündən gücsüz olan bu oğlanın
34
çiyinlərindən tutdu: – Gözün mən yekəlikdə adamı görmür?!
Oğlan yuxudan təzəcə oyanırmış kimi ağır-ağır başını qaldırdı,
qəmli gözlərini Qəzənfərin üzünə dikib dərindən köksünü
ötürdü. Qəzənfər onu sirkələdi:
– Karsan, ya kor?! Oğlan yazıq-yazıq boynunu bükdü: –
Xahiş edirəm bğışlayasınız, üzr istəyirəm. Mən bu gün
birtəhərəm... Qəzənfər səsinə güc verib özündən çıxdı: –
«Bağışlayasınız.» Ayaq ayaqlanır – bağışla, göz çıxarılır –
bağışla, baş yarılır – bağışla. Nə bağışlayım! Təyyar Qəzənfərin
qolundan tutub irəli dartdı. – Xatanın birindən zorla
ötüşmüşdük, ikincisini də sən törətmə, belə cəhənnəm ol!
Qəzənfər, Təyyarın əlindən çıxıb kinayəli, töhmətli nəzərlərini
ondan ayırmayan oğlanın üstünə atılmaq istədi. Lakin Təyyar
onu itələyə-itələyə irəli apardı. – Sizə nolub bu gün? 5. Şam
yeməyindən sonra qırmızı guşədə qeyri-adi bir canlanma vardı.
Domino, nərd, şaxmat oynayanların səs-küyü, oyunu udanların
gülüşü, uduzanların mübahisəsi, günahı bir-birində görməsi,
qəzet, kitab oxuyanların onlara qarşı narazılığı, sakitliyə
çağırmaları eşidilirdi. Lakin heç bir xahiş domino həvəskarlarını
susdura bilmirdi. Onlar səssiz oynayacaqlarına söz versələr də
oyunun qızğın çağında vədi unudur, bir-birilərinə hərbə-zorba
gəlib psixoloji hücumlara keçirdilər. Bəzisi oyunun həlledici
dövründə ayağa qalxıb daşı elə çırpırdı ki, stolun müşənbəli
taxtası oynanılmış daşları göyə atıb yerə səpələyirdi. Nərd
oyunçuları da gah yalvarır, gah acıqlanır, «şeş qoşa ver!» –
deyib ayağını yerə, yumruğunu stola vurub onu udacağdı ilə
hədələyir, gah da oyunu yerində saydıran «iki bir»-dən, xanələri
açdıran «cüt sə»-lərdən şikayətlənirdi. Şaxmatçılar isə gərgin
vəziyyətdə düşünürdülər. Rəqibi aldadıb çaşdırıcı gedişlər
axtarır, üstünlüyü ələ almağa çalışırdılar. Gəmi heyətinin
növbədə dayananlardan başqa hamısı qırmızı guşədə idi.
Oynamayanlar da uduzub dilxor olanlara sataşaraq onları
cinlədirdilər. Qəzənfərlə Əmir nə oynayır, nə də söhbətə
qarışırdı. Aliyə ilə şəhərdə gəzmələri hər ikisində bir ümid
Dostları ilə paylaş: |