38
əzbərdən bildiyi «Qılınc və qələmdən» parçalar söyləyəcək,
İlyasla Qətibənin görüşlərini, onların «sevgi fəlsəfəsi əvəzinə
həyat fəlsəfəsini» danışıb Aliyənin qanına məhəbbət, şəhvət
toxumları səpəcəkdir. Onun mülahizəsinə görə – o bunu iki dəfə
təcrübədən
keçirmişdi.
Qazandığı
müvəffəqiyyət
onu
ruhlandırmış, bunu qadın qəlbinə hakim olmaqda inkaredilməz
bir həqiqət sanmışdı. – İlk tanışlıqda yalnız kitablardakı sevgi
məcaralarından, məhəbbət əfsanələrindən danışanda, aşiqlərin
iztirab və təlaşlarını, kədər və sevinclərini inandırıcılıqla nəql
edəndə, onların həyacanlandırıcı görüşlərini, təmasdan doğan
sarsıntılarını söyləyəndə onların qəlbinə ətir çilənir, ehtirasa
qapılırlar. İki axşamın söhbətindən sonra qızların əvvəlki
danışıqlardan kef çəkən duyğuları onları həmin əyləncə üçün
darıxdırır. Qız etinasızlığı yox olur. Qızın qəlbində oğlanın
söhbətlərinə zəruri bir ehtiyac yaranır. Oğlanlar bu ehtiyacı
məhəbbət dastanları ilə ödədikcə qızlar özlərini unudub sadədil
olur, onların qəlbinin tələbi şirin kəlamlarla təmin olunduqca
mehribanlaşır,
oğlanın
zəngin
mənəviyyatına
həsədlə
boylanırlar. Bu, qızların məğlubiyyətidir. Qəzənfər qırmızı
guşədə oturub bunları düşünür, nəzəriyyəsini həyata keçirmək
üçün xeyirxah bir təsadüfün qarşıya çıxmasını arzulayırdı.
Aliyəyə deyəcəyi sözlərdən ürəyində boyalı cümlələr, rəngli
ifadələr düzəldirdi. Əmirin isə daxilində heç bir hazırlıq
getmirdi. O da əvvəlki utancaq, onu rəqs meydançasında
yaxalayan qızdan qaçan qorxaq Əmir olaraq qalmamışdı. Onun
da canında bir atəş, bir məşəl yanmaqda idi. Əmirin də könül
kamanı bir vüsal eşqilə inləyib sızlayır, yalnız indi hüzünlü
nəğmələr tərənnümçüsü olan qəlbi mahnılar qoşur, yeni
bayatılar çağırırdı. O, bu dəqiqə bir kimsəsiz çöldə olsaydı elə
yanıqlı mahnılar oxuyardı ki, dağ-dərələr onun səsinə əks-səda
verərdi. Axar sular dayanar, uçan quşlar qanad saxlayardı.
Aliyənin qırmızı guşəyə gəldiyini nə Əmir gördü, nə də
Qəzənfər, çünki onlar öz könül arzularının məhvərində idilər.
Aliyə kaman çalırdı, Aliyə yaman çalırdı, simləri hönkür-hönkür
39
ağladırdı. Qırmızı guşədəki bayaqkı gülüş, zarafat, gurultu
sükuta çevrildi. Hamının gözlərinə heyrət, maraq, təəccüb
ifadələri çökdü. Əmirlə Qəzənfər isə bu məsum və məsudiyyətə
pərəstişkarlıqla baxdılar. Sanki əfsunlu bir möcüzənin
yaranışından son dərəcə məmnun oldular. Aliyə Şikəstəyi-farsın
son fəryadını, son məhrumiyyətini ağlağan bir nalə ilə
tamamladı. Gülümsər ilahi gözlərini qırmızı guşədəkilərin
üzündə
dolandırdı.
Aliyənin
nəzərləri
minnətdarlıq
təbəssümlərilə qarşılandı. Kamilliklə gözəlliyin bir simada qərar
tutması elə bil bəxtiyarlıqdır ki, onun qarşısında bütün
xoşbəxtlər baş əyərlər. Bu gözəl məziyyətlər mücəssəməsinin
ustad kimi kaman çalması həsəd aparmalı idi. O: – Kimin arzusu
nəyi dinləməkdir? – deyə qəşəng dodaqlarını təbəssümlə açıb
mirvarilərini göstərdi. – Bəlkə oxumaq istəyən var. Heç kimdən
səs çıxmadı. Hamının məftuniyyətdən sehirlənmiş durğun
nəzərləri Aliyənin göz utandıran əfsunlu baxışlarında qərq oldu.
Aliyə kamanın avazı kimi xoş, ürəkdə arzular, könüldə diləklər
oyadan bir səslə dilləndi.
– Hamımız utancaqsınız? Qəbahətdən xəcalətlənərlər,
mahnı oxumağın heç bir biabırçılığı yoxdur. Yerində qımzanıb
dilini tərpədən olmadı. Onlar nəfəs alıb verməsəydilər, göz
qapaqlarını hərdən ağır-ağır endirib qaldırmasaydılar qırmızı
guşəni məhşur heykəltəraşın iş otağı zənn etmək olardı. Aliyə
kamanı yenidən köklədi. Görünür başqa hava çalacaqdı. Elə də
oldu. Kaman yeni bir iniltilə şikayətləndi. Aliyə pəsdən-pəsdən
oxumağa başladı. Onun sinəsindən gələn səs bulaq suyu kimi
gedirdi. O, Molla Cümənin «Dünya» rədifli qoşmasını elə bir
şikayətlə, kədərlə oxuyurdu ki, şeirdəki hüzünün, lənətin təsiri
birə beş artırdı. Ey dünya heç varmıdır səndə yarıyan? Ömür
sürüb bir qocalıb qarıyan, Havanın üstündə bəxti yeriyən, Mülki
Süleymanı neynədin, dünya? Bəlkə, indi kamana qulaq asan yox
idi, onun susması da heç kimi kədərləndirməzdi. Amma
dünyanın faniliyini, insanın nəsibsizliyini, ömrün azlığını
söyləyən səsin kəsilməsi isə hamını təəssüfləndirdi. Aliyə
40
hüzünəmi, yoxsa məlahətli səsəmi hörmət bəsləyən
dinləyicilərinin narazı qaldıqlarını duyub kamanı yeni hava üstə
köklədi. Simlə elə bil Məcnunun dərdini dağlara, daşlara
danışırdı. Sanki xəzanın yetişməsindən ağlayan ağaclar göz yaşı
olan saralmış yarpaqlarını yerə tökür, təbiətin matəminə gələn
köhnə dərdli qara buludlar göyün üzünü alır, dağların başına
qonan, dəfələrlə sürünən dumanlar gülü solmuş, bülbülü küsmüş
çəmənliklərin halına acıyırdı. Kamanın fəryadı adamın
xəyalında məsum, yetim bir xilqətin soyuq qış gecəsində evdən
qovularkən qopardığı naləni, yalvarışları xatırladırdı. Budur, on
yaşlı bədbəxt bir qız uşağı titrəyə-titrəyə, büzükə-büzükə,
döyükə-döyükə özünə sığınacaq axtarır. Yalın ayaqlarını
şaxtadan donmuş şüşə qarın üstünə qoyduqca çənəsi çaqqıldayır.
O acdır, o yalavacdır, onun səhhətini mühafizə edəcək heç bir
ümid yeri, heç bir pənahı, heç bir istinadgahı yoxdur. O ağlamaq
istəyir, lakin asi qəlbinin lənətləri onu hiddətləndirir. Bədbəxt
qız sırsıradan don geyinmiş yoğun qovaq ağacına sarı yeriyir,
donmuş barmaqlarə ilə sırsıranı qopararaq ağacın ovruğuna
girir. Ötən dəqiqələrin hərəsi onun başına bir ağ tük sancıb
keçir. Yaz gəlir. Ey rəzil həyat, ey qara tale kimsəsiz xilqətin
mədfənindən sonra xoşbəxtlərinmi üzünə gülürsən?! Sən
bəxtiyarlar üçünmü bərqərar olmusan?! Onlar onsuz da
səadətdədir, mərhəmətin varsa bədbəxtləri sevindir, bədbəxtləri
güldür. Nəşədən məhrumları qüssənin əlindən alsan onlar sənin
xilaskarlığına inanacaq, alicənablığına səcdə edəcəklər.
– Gecəniz xeyirə qalsın. – deyə Aliyə qalxdı. – Çox çalsam
şoru çıxar, elə deyilmi? Hamının heyrətli gözlərindən təbəssüm,
hörmət, ehtiram süzüldü. Ancaq heç kimdən etiraz, xahiş səsi
çıxmadı. Aliyənin bir də çalıb-oxuması onların ən birinci arzusu
idi. Dillənməsələr də Aliyə onların fikrini anlayırdı. Ancaq o
yorulmuşdu, yatıb dincəlməli idi. Aliyə qırmızı guşədə özündən
sonra xoş bir sükut qoyub getdi. Əmir qırmızı guşədən Aliyənin
dalınca çıxdı. Görəsən, o qızın kayutunamı gedirdi. Qısqanclıq
hissi guşədən Qəzənfəri də qovdu. Əmir alt, üst mərtəbənin
Dostları ilə paylaş: |