İsmayıl Qarayev a ş İ q L ə R
Yüklə 5,01 Kb. Pdf görüntüsü
|
8 danışıb, ona tez-tez baxıb gülümsünməsindən belə başa düşürəm. Qəzənfərə nə var! Mən deyiləm ki, dörd saat ərzində mexanikdən iki dəfə icazə alıb papiros çəkməyə gələ, onda da beş dəqiqədən artıq ləngiyə bilməyə. Belə gözəl qızın canına şəhərdə yel dəyməyə qoymazdılar, çoxdan qapazlardılar. Yəqin pozğunun, ağıldan yüngülün biridir. O, burda birini tələyə salmağa gəlib. Nə bilim, bəlkə də, düz fikirləşmirəm. Şəhərdəkilərlə kef çəkib yorulandan sonra gəmidə işləməyə gələn, özünü bir məlakə kimi tanıdıb dənizçiyə ərə gedən qızlar görmüşəm. Aliyə pis qıza oxşamır. Gözləri neçəyə desən dəyər. Yanaqları ilə dodaqları qızıl gülü utandırır. Buxağı, sinəsi aşıqlar demişkən, xəstəni sağaldır. Baldırdan-başdan, beldən- buxundan da təndürüstdür. Gözəliyi kimi xasiyyəti də eyibsiz olsa bəxtiyardır. Ona heyfim gəlir. Qorxuram Qəzənfər kefini çəkib, səfasını sürəndən sonra deyə: xoş gəldin. Aliyə mənim olsa – əxlaqı təmizdirsə – onu elə saxlaram, daha nə deyim. Oğlanlar sevdikləri qıza sahib olana kimi çox şey vəd edirlər. Elə ki, canlarının alovunu söndürdülər, olurlar süst-müst. Söz dillərindən kəlbətinlə qoparılır, təbəssüm üzlərinə zorla yapışdırılır. Mən elələrindən olmaram. Xəstələnəndə qayğısına qalar, ev işlərində ona kömək edərəm. Mənimlə yaşamağa başlayıb, həyat qurandan sonra çirkinləşsə də, şikəst olsa da onu yenə əvvəlki həvəslə, ehtirasla sevərəm. Qəzənfərdən bunları gözləmək olarmı? O, arvadxasiyyət adamdır, tez sevib, tez də unuda bilir.» Onlar köks ötürüb ikisi də üzünü divara çevirdi. – Əmir niyə yatmırsan? Əmir əsnədi, oturub gərnəşdi. – Yuxum gəlmir. Mən gedim bir papiros çəkim. Qəzənfərə elə gəldi ki, Əmir kurilka bəhanəsilə Aliyənin yanına gedir. – Dur qapını daldan bağla, burda çək. Əmir şalvarını geyinə-geyinə: – Nə danışırsan! – dedi. – Birinci dərəcəli yük daşıyan gəminin kayutunda papiros çəkmək olar!? Kayut benzin qazı ilə doludur, hiss eləmirsənmi?! Qəzənfər dikəlib çarəsizliklə bildirdi: 9 – Yaxşı onda qapını açıq qoy, ürəyim yaman darıxır. Əmir kurilkaya gedəndən xeyli sonra Qəzənfər Aliyənin səsini eşitdi. Ona elə gəldi ki, Aliyə Əmirlə danışır. Ona görə də şalvarını tez- tələsik qılçalarına taxdı, əldəqayırma taxta ayaqqabılarını ayaqlarına aldı, kəmərini bağlaya-bağlaya karidora, trapa sarı yüyürdü. Koridorun döşəməsi də, trapın pillələri də dəmirdən olduğundan taxta ayaqqabılar gəmidə tap-tup saldı ki, elə bil Qəzənfəri qovan vardı. Qabları yuya-yuya astadan zümzümə edən Aliyə adam qorxudan bu tap-tupa başını qapıdan çölə çıxartdı. Rəngi ağarmış, təngənəfəs olmuş Qəzənfəri görcək sarsıldı. Aliyə elə güman etdi ki, bozartmanın ətini həl bişirmədiyinə görəmi, ya da «borş» – danmı Qəzənfər zəhərlənməyə başlayıb. – Qusmamısan? Ürəyin bulanmır? Sancılanmamısan? Qəzənfər eşitmirmiş kimi Aliyənin çiyinləri üzərindən kambuza boylandı. Aliyə təlaş içində xəbər aldı: – Qəzənfər, eşitmirsən? Qəzənfər gülümsəyərək ağar-ağır dala çevrildi və trapla aşağa endi. Aliyənin solğun yanaqları allandı, şiddətlə döyünən ürəyi sakitləşdi, bədənini xoş bir istilik bürüdü. O göyərtəyə çıxıb özünü sərin yay mehinə verdi. «Yaxşı qurtardım. Bəs, o, məni niyə qanürək elədi?» Bu pıçıltıdan, bu cavabsız sualdan sonra Aliyənin qaşları çatıldı, səmavi gözləri yerlə göyün – iki mavi ənginliyin uzaqlarda öpüşən intəhasız dərinliklərinə dikildi. Əmir kurilkada oturub papiros çəkir, xəyalında möhkəmlənməyən öz şəxsi fikirləri içində eşələnirdi. Düşüncələrim o qədər çox idi ki, onların əhəmiyyətlisini seçə bilmirdim. Öz parlaqlığı ilə diqqətini cəlb edən xəyal bir baxışda, bir müşahidədə solğunlaşır, yeni təsəvvürlər yaranır, onlar da öz qiymətini tezcə itirib yenisilə əvəz olunurdu. Gah bu, gah da digər təəssürat Əmiri əlvan görünüşlərilə aldadır, onu öz qoynuna mehribanlıqla, nəvazişlə alır, sonra isə bu əmniyyətlərin hamısı bircə qasırğa ilə qovulurdu. O həvəsdən, nəşədən xumarlananda heç bir şübhə, inamsızlıq zərbəsinə ümid müqavimətilə cavab verə bilməyəcək varlığı heydən düşür, bayğınlaşırdı. Əmirin alışdırdığı papirosun tüstüsü də keçirdiyi 10 xülya böhranlarına uyğun olaraq bəzən titrəyir, bəzən də sakit axınla illyüminatorlara sarı sürünürdü. «Mən bayaq elə fikirləşirdim ki, Aliyə aldadılmış qızdır. – deyə o düşünürdü. – Nə bilim, bəlkə də elədir. Amma o, birinin hərarətilə soldurulmuş gülə oxşamır. Aliyə bahar qönçəsidir. Mənim gözəl qızlara nədənsə yazığım gəlir. Elə bil onlara üz verəcək bədbəxtliklərin acı iztirablarını qabaqcadan duyub, narahat oluram. Oğlanların taleyi isə məni o qədər də düşündürmür. Bu duyğu məndə bəlkə də, üç bacım olduğuna görə yaranmışdır. Mən öz doğma bacılarımın aldadılıb alçaldılmasına dözə bilmədiyim kimi, başqa qızların da həyatının pozulmasına razı olmaram. Bir dəqiqəliyə fərz edim ki, öz bacımın başına kələk açıblar. Hirslənərəmmi? Buna söz yox! O naqis oğlan əlimə o məqamda düşsə ona neynərəm? Əlimdən gələn hər şeyi! Biz öz bacımızın belə bir sadiq müdafiəçisi, təəssübkeşi olduğumuz halda nə üçün alçaq meyllərimiz öhdəsindən gələ bilməyək!? Doğru sözdür: ağıllı qızı yoldan çıxara bilməzlər. Bəs, nə üçün qızlardan həmişə iradəli, şüurlu olmağı tələb edib onları min fitnə-fellə aldadaraq məqsədə çatmaq xatirinə canını fəda etməyə hazır olduğunu müxtəlif əda və aktyor hərəkətilə bildirib, qızları inandıran oğlanları günahkar sanmayaq?! Qızları bədbəxt eləyən oğlanlara qarşı nifrətim o qədər güclüdür ki, dağların buz suları sinəmin üstündən illərlə axsa belə, yenə qəzəbimin odunu söndürə bilməz. – Əmir təkəbbürlə gülümsədi. Sönmüş papirosunu yandırdı. Tüstünü iştahla ciyərlərinə çəkib, qürurla havaya üfürdü. Qılçasını qılçasının üstündən aşırıb ayağını yırğaladı. Səsini yoxlayırmış kimi öskürdü. Gicişmədiyi halda boynunun dalını qaşıdı. Əlinin arxasını sifətilə yuxarı sürüyüb üzünün tüklənib-tüklənmədiyini yoxladı. Əmirin gözləri də parıldayırdı. Onun nəzərlərində, sifətində, dodaqlarında bayaqkı ifadələr yox idi. İndi o simada öz tərəqqisinə, öz səadətinə vurğun adamın məftuniyyətinə oxşar məstanə sevinclər axışırdı. Lakin yavaş-yavaş bərpa olunmuş bu əlamətlər, bu ruhi vəziyyət tədriclə öz yerini təəssüf ifadələrinə Yüklə 5,01 Kb. Dostları ilə paylaş:
|