89
sən idin? Əmir tək bircə an da geciksəydi bunu soruşa
bilməyəcəkdi. O qaranlıqda özünü cəsarətli sanmışdı. Kimsə
göyərtə işıqlarını Əmir dillənəndən sonra yandırdı. – Mən?
Aliyənin boğazı tutuldu. O, Əmirin qapısını döydüyünü yadına
sala bilmədi. Əmir böhtan atırdı? Yox, Əmir yalan danışmaz.
Yəqin ki, Aliyənin sevincdən başı gicəllənən zaman barmaqları
qapıya bərk toxunubmuş. İşıqlar söndürüldü. Görəsən bu
xeyirxah insan kim idi. İşıqlar yanılı qalsaydı Aliyə Əmirdən
çox utanardı. Aliyə onu qaranlığın qəlbində qoyan adama
ürəyində minnətdar oldu. Lakin bunun, onların arasına işıqdan
çəpər çənkən Qəzənfər olduğunu bilmədi. Qəzənfər göyərtə
işıqlarını ikinci dəfə yandıranda onları orada görmədi. Gəminin
arxasına qaçdı. Əmirlə Aliyəni göyərtənin qaranlıq künc-
bucağında tapa bilməyəndən sonra işıqları söndürülmüş qırmızı
guşəyə gəldi. Elektrik düyməsini basdı. Divarlara vurulmuş
şəkillər ona istehza ilə gülümsədi. O Əmirin kayutuna girdi.
Əmir çarpayıya uzanmışdı, ancaq yatmamışdı, dalğın nəzərlərini
tavana zilləmişdi.
– Mənim üzqırxanım burda qalmayıb? Əmir tərpənmədi,
dillənmədi, nəzərlərini belə tavandan ayırmadı. Qəzənfər
sivirmələri axtardı. – Burada da yoxdur, bəlkə yerini bilirsən?
Əmir qalxıb oturdu: – Yerini bilirəm, ancaq sualıma cavab
verməsən harada olduğunu deməyəcəm. De görüm üzünü
qırxacaqsan, yoxsa ürəyini? – Bura bax! – Qəzənfər qoşalayıb
irəli uzatdığı əllərilə Əmiri hədələdi. – Mən səndən adam kimi
söz soruşuram! Əmir halını pozmadan kinayə ilə: –
Göyərtədədir – dedi – işıqla axtarmasan tapa bilməzsən.
Qəzənfər qapını çırpıb çıxanda koridorun zəngi zınqırıldayaraq
onu rubkaya çağırdı. Əmir, pillələrlə qalxan Qəzənfərin ayaq
səsləri eşidilməz olandan sonra yatağında rahatlanıb anasından
dünən aldığı məktubu açıb oxumağa başladı. O bu məktubu
dünəndən bəri iki dəfə oxumuşdu. Lakin məktubun bir yeri onu
çox həyəcanlandırmışdı. Arzular və diləklərlə dolu ana məktubu
Əmirin özü yaşlı qonşu oğlan-qızlarının xoşbəxtliyindən, onların
90
ailə həyatından, balaca körpələrinin şeytanlığından, ürəkaçıcı,
gözyaşardıcı oyunlarından danışırdı. «Oğlum, qonşumuz
Kamran evləndi. İldırım kişinin qızı Mənzəri aldı. Yaxşı toy
elədilər. Toya məni də çağırmışdılar. Getmək istəmirdim.
Aşıqlar çalıb-oxuduqca məni ağlamaq tuturdu. Axı, sən
Kamrandan böyüksən. Axı, sağımda, solumda toy-düyün
quruldu, bizim ev Allah qarğamış kimi ortada boynuburuq qaldı.
Əhmədin oğlu oldu. Sən onun toyunda burada idin, özü də
ləzgihəngi oynadın, o vaxtdan nə keçib ki... Nənəsi nəvəsini
qucağına alıb bağda, bağçada gəzdirir. Mən onları bağda
görəndə özümü evə təpirəm. Oğlum mən onların paxıllığını
eləmirəm. Amma neynim, öz arzumun hasilini özgədə görəndə
ağlamaq istəyirəm. Oğlum olmasaydı, sonsuz olsaydım belə
şeyləri vecimə almazdım, bəxtimdən küsərdim. Axı, oğlum var!
Həm də elə oğul ki, onu ortadan yarı bölsən Kamran kimi iki
adam çıxar... Ülkər də ərə getdi. Neynəsin... Onun da bu gün,
sabah uşağı olacaq. Hamının gəlini, nəvəsi – sevinci var, mən
isə hələ də kor kimi taleyin ətəyindən yapışmışam... Səhlanın
qızı yenicə dil açıb. Nənəsi ona yaxşı paltarlar tikib geyindirir,
saçlarına qırmızı lent bağlayır, əlindən tutub tez-tez bizə gətirir.
Onu qucağıma alıb dizlərimin üstündə oturduram, ağırlığını heç
hiss eləmirəm. O məndən soruşur: «Sənin də çiçi balan varmı?»
Deyirəm: «Yoxdur, amma olacaq.» O məndən bir də xəbər alır:
«Haçan?» Dillənə bilmirəm. O axırda mənə məsləhət verir: «Get
bazaydan al, oyda çoxduy». Ağlıkəsməz uşaq da
ürəyimdəkilərdən halıdır... Amma sən ay insafsız...» Əmir
məktubun bu yerini gözdən keçirəndə sanki evlərində idi, həlim
ana səsinə, ana nəfəsinə qarışmış arzuları dinləyirdi. Əmir
anasına göndərəcəyi cavab, təskinlik məktubunda nə yazsın?
Sevdiyi Aliyədir ki, onunda hələ fikrini öyrənə bilməmişdir;
məhəbbəti qeyli-qallı, eşqi dava-dalaşlı, gələcəyi çənli-
dumanlıdır. Əmir məktubu sinəsinin üstünə qoyub kirpiklərini
qovuşdurdu. Lakin onun gözlərində yuxu yox idi. O düşünmək
istəyirdi. Fikirləşmək isə ona asan deyildi. Ürəyini içəridən elə
91
bil iki qüvvətli əl sıxıb ağrıdırdı. Kayutmu dar idi, yoxsa, onun
köksümü? Bu darısqallığa tab gətirmək Əmir üçün dözülməz idi.
O öz dərdli fikirlərini, xəstə düşüncələrini götürüb kayutdan bir
tərəfə çıxmağa çalışdı.
Qalxıb geyindi. Yenə də çarpayıda oturdu. Hara getsin?
Göyərtəyə çıxsa onu görən olar. Deməzlərmi, niyə yatmır?
Başqası görməsə də Qəzənfərin gözlərindən yayına bilməyəcək.
Qəzənfər çox güman ki, indi buralarda, eşqin mehrabında,
Aliyənin keşiyini çəkməkdədir. Əmir üst köynəyini soyundu,
duruxub bir də geyindi, qapıya sarı gedəndə kayut elə böyüdü ki
elə bir bir adamlıqdar zindan bircə anın içində işıqlı geniş otağa
çevrildi. Bu nə möcüzədir? Ruhundan qəlbindən xəbərsiz Əmir,
kayut da, hava da əvvəlki kimidir. Nə hava təzələnib, nə də
kayut genişlənib. Dəyişən yalnız sənsən, sənin fikir –
xəyallarındır. Səni sıxıb dünyanı başına dar eləyən xudbinliyin
idi. İndi sən yoldaşının da haqqında düşünürsən. Ona görə də
həyəcan məngənəsindən tez qurtardın. Bu dönüşünü, bu könül
çevrilişini niyə alqışlamırsan?! «Mən eqaistlik eləyib təkcə öz
haqqımda düşünürəm. – deyə Əmir əyləşdi.
– Qəzənfər də insandır, onun da ürəyi, qəlbi var. Mən
Qəzənfərin də halına acımalıyam. Mən bəzən Qəzənfərə nifrət
eləyirəm, niyə? Sevmək cinayətdirmi, alçaqlıqdırmı? Bir qızı
beş, altı, hətta daha çox oğlan sevə bilər. Buna görə onların
birindən, yəni qız sevdiyindən başqa qalanı cəzalanmalıdırmı?
Yox, mən düz iş görmürəm, Qəzənfərin heç bir təqsiri yoxdur.
Sevmək məsələsində o günahkar sayılsa, mən cani
adlandırılmalıyam. Qəzənfər səbrsizdir, dözümsüzdür, ancaq pis
oğlan deyil, hərdən bir sarsaqlayır, bu da olan şeydir. Mən
əvvəllər elə bilirdim o Aliyə ilə müvəqqəti yaşamaq fikrindədir.
Lakin indi bu fikirdə olmdığına əminəm. Nolar, mən dözərəm,
ilk eşqimi özümlə qəbir evinə apararam, təki Qəzənfər...
Qəzənfərə bir az bundan qabaq pis cavab verdim. Gedim ona
deyim ki, qardaş məndən bu vaxtacan çox nahaq yerə
qısqanmısan. Məndən Aliyəyə Bağdad yaxındır. Mən onu
Dostları ilə paylaş: |