İsmayıl Qarayev a ş İ q L ə R
Yüklə 5,01 Kb. Pdf görüntüsü
|
92 sevmirəm, Aliyəyə qarşı olan hərəkətlərim isə sənin xatirinə ona elədiyim hörmət, hörmətkarlıqdır. Biz dostluq, yoldaşlıq, sənin rəğbətin olan qıza həmişə hörmət eləyəcəm, bu mənim borcumdur. Bu xüsusiyyət tək mənə yox, sənə də aiddir. Bəs, biz dost deyilikmi, kişi deyilikmi?! Bir-birimizə qarşı iltifatlı olmasaq bizə etibarsızlıq, sədaqətsizlik damğası vurub el, camaat arasında bədnam eləyərlər.» Əmir, Qəzənfərin kayutuna yönəldi, qapını açdı, içəri boylandı. Qəzənfər növbədə idi. Əmir bunu onsuz da bilirdi. Kayutu yoxlamaqda onun ağlına başqa bir fikir gəlmişdi: bəlkə sükanda dayanmır. Gəminin dal-qabağına, böyür-başına hərlənərək, arada öz kayutuna girib. Əmir rubkaya üz tutdu. Aliyənin kayutunun qabağından keçəndə Əmirin addımları qeyri-iradi yavaşıdı. Hansı bir qüvvəsə onu tutub oradaca saxlamaq istədi, lakin Əmir bu tələdən çıxdı. Oradan cəsarətlə uzaqlaşıb trapın pillələrinə ayaq qoyanda Aliyənin qapısı açıldı. Qapı xeyli açıq saxlandı, örtülmədi. Örtüləndən sonra da heç bir səs-səmir eşidilmədi. Aliyənin qapısının açılmasını Əmir rəzənin çax-çuxundan bilirdi. Qapı açılanda da, örtüləndə də rəzə dəyirman çaxçağı kimi səs-küy salırdı. Aliyə niyə yatmır? O hara getmək istəyirdi? Bəs nə üçün getmədi? Qapı ağzında nə fikir-zikir elədi? Bu qərarsızlıq nədəndir? Əmiri geri dartan bu suallar onu dala döndərdi. Rəzə astaca yırğalanırdı: «Mən bayaq nə demişdim? Kişi deyiləmmi?! – deyə Əmir göyərtəyə qalxdı. – Mən bu gündən sonra Aliyə ilə maraqlanmayacam. Ey ürəyim qərarım sənə bəllidirmi? Niyə belə bərk döyünürsən? Etiraz edirsən? – Əmir əlini köynəyinin yaxasından içəri salıb ürəyinin üstünə sıxdı. – Şikayətinə qulaq asmayacam! Neynim, çox da ki, məni yaşadırsan. Dayanacaqsan, hə? Bu sənin öz işindir. Dözmürsən dözmə. Mən sözümün üstündən qaçmayacam! Əmir keçid körpüsü ilə addımlayanda dizləri qatlanmadı. Sanki qılçalarını gipsə salmışdılar. Çiyinləri də elə ağırlaşmışdı ki, elə bil onların hər birindən iki pud ağırlığında yük asmışdılar. Başını da bədəni 93 üzərində saxlamağa boynunun gücü çatmırdı. Gicgahlarındakı döyüntü qulaqlarını batırmışdı. Əmirin irəli getməyə özünə gümanı gəlmədi, körpünün məhəccərinə söykəndi. Sıçrayıb baş göyərtədə oynayan ləpələrin şırıltısı, sərin külək, üzünə qonan su tozanağı Əmiri bir qədər toxtatdı. Gücsüzlük, gözlərinə qaranlıq gətirən sıxıntı dan alaqaranlığı kimi yavaş-yavaş qeybə çəkildi. Əmir ağ yalman dalğaları görməyə, onların nəriltisini eşitməyə, sifətinə yapışan su zərrəciklərinin sərinliyini duymağa başladı. O ayılırdı. Lakin ürəyi bayaqkı etirazlarını aramsız güclü çırpıntıları ilə yenə də onun sinəsinə döşəyirdi. Əmir qabağa doğru iki, üç addım atdı. Birdən sanki sinəsindən geri itələdilər. O səntirlədi. Məhəccərdən yapışmasaydı bayğınları tez yıxan gəmi ləngəri onu körpüdən alıb göyərtəyə çırpacaqdı. Kiçik ürəyin böyük hökmünə, gücünə, qüvvətinə bax! Böyük bədəni oyuncağa çevirən duyğunun qüdrətinə Əmir elə inandı ki, o bu vaxtacan şüurdan güclü sanmadığı hiss və duyğularının hökmranlığı altına düşdü. «Məhəbbət yaman şeydir! – Əmir öz iradəsizliyinə gülümsədi. – Mən onu Qəzənfərə bağışlamaq istəyirəm, amma ürəyim, qəlbim müqavimət göstərir, məni öz qərarımı dəyişməyə məcbur edir. Təzə qılınc kəsən olar. Bu iti duyğuları köhnəldib korşaltmaq lazımdır. Onlar indi kükrəmiş dənizdir, vaxt olar uyuyar. Qasırğasız, fırtınasız dənizdə qayıqla gəzməyə çıxmaq asandır, təhlükəsizdir.» Əmir qayıdıb öz kayutuna gəldi. Təyyarın mənasını bilmədiyi tapşırığını unudaraq qapını daldan bağlamamış yatdı. Yuxu onu elə tez tutdu ki... Qəzənfər bu zaman növbəni təhvil vermişdi. Köynəyinin qolunda gizlətdiyi lülə dəmiri böyrünə sıxıb öz kayutuna girmiş, Əmiri öldürəndən sonra onun meyidini göyərtəyə necə aparıb dənizə atacağı haqda düşünməyə başlamışdı. Meyidi çiyninə ala biləcəkmi, pillələrlə yuxarı qaldırmağa gücü çatacaqmı? Bəs, zərbə dəyərkən Əmir bağırmayacaqmı?! Qəzənfər asan sandığı işin bu çətinliklərini az qala unutmuşdu. O Əmiri boğa bilməzdi. Əmirin oyanması, ağlının başında, qüvvəsinin qollarında olması, əksinə, 94 Qəzənfərin ölümü, məhvi ilə nəticələnərdi. Qəzənfər bunu çox yaxşı bilirdi. O özünə başqa yol seçməli idi. Qəzənfərin boğazı qurumuşdu. Dizlərinə elə bil buz bağlamışdılar. Oradan bədəninə yayılan soyuq qış şaxtası kimi onun bütün sümüklərini üşüdürdü. O titrəyə-titrəyə ədyalı götürdü. Onu lümələyib lülə dəmiri gizlətdiyi qolunun altına aldı. Ayaqqabılarını soyundu ki, ayaqlarının səsini eşidən olmasın. Bəlkə, qarşısına bir adam çıxdı? Qəzənfəri bu vəziyyətdə görsə şübhələnməzmi? Rənginin ağarması, uçunması bir yana dursun, deyək ki, bunlar nəzərə çarpmadı, bəs, qoltuğundakı ədyal, yalın ayaqlar diqqəti cəlb etməyəcəkmi? Qəzənfər bunları fikirləşib qapını astaca açdı. Başını çölə çıxarıb koridora boylandı. İns-cins yox idi. O koridora, oradan da iki addımlıqdakı kayuta soxulmaq istədi. Bəlkə Əmir oyaqdır. O yatmamış olsa Qəzənfər hansı bəhanəni uyduracaq? Əmir inanarmı? Qətiyyən! İnandırıcı bir yalan kəşf eləmək lazım idi. Lakin Qəzənfərin ağlı belə bir ixtira qabiliyyətini itirmişdi. O qapını örtdü, ayaqqabıları geyindi, döyükmədən, duruxmadan Əmirin kayutuna girdi. Əmir oyansa, yaxud yatmamış olsa Qəzənfər belə deyəcəkdi: Ədyal dəyişik düşüb, səninkini mən aparmışam, mənimki isə burada qalıb. Bu söz inandırıcılıqdan nə qədər məhrum olsa da vəziyyətə görə Əmiri əmin edəcək bir qüvvəyə malik idi. Əmir şirin yuxuda idi. Özü də Qəzənfərin arzusuna yardım edən bir vəziyyətdə yatmışdı. Onun üzü divara tərəf idi. Divarla onun ağzı arasında yarımca qarışlıq boşluq qalmışdı. Əmirin nəfəsi divarı tərlətmişdi. Qəzənfər əlindəki dəmiri başına endirən dəqiqənin özündə ədyalla Əmirin ağzını qapamalı idi. Bu iş Qəzənfərdən son dərəcə cəldlik, çeviklik tələb edirdi. Əmirin gicgahına deyən zərbədən sonra Qəzənfər tək bircə an geciksə iş ağaracaq, onun üstünü elə buradaca alacaqdılar. Qəzənfər dəmiri köynəyin qolundan çıxarıb əlinə aldı. Onun əli də dəmir kimi soyuq idi. Buz buzu üşütdü, buz buzu dondurdu. Qəzənfərin əli elə titrədi ki, mili saxlamağa barmaqlarının gücü çatmadı. Dəmir az qaldı əlindən yerə düşsün. O sol əlini köməyə gətirdi. Ədyal qolunun Yüklə 5,01 Kb. Dostları ilə paylaş:
|