İsveçrə Əməkdaşlıq Təşkilatının
Yüklə 4,34 Mb. Pdf görüntüsü
|
- Bu səhifədəki naviqasiya:
- Keçmiş nailiyyətlər və təcrübələr ............................................................................................................ 10
5
Mündəricat
Giriş .............................................................................................................................................................. 3 İxtisarların siyahısı ....................................................................................................................................... 4
Qısa icmal .................................................................................................................................................... 6 1.
Əlavələr ..................................................................................................................................................... 25
6
Qısa icmal
Sovet İttifaqının tənəzzülündən iyirmi beş il sonra Ermənistan, Azərbaycan və Gürcüstan hələ də iqtisadi və sosial imkanlarını reallaşdırmağa mane olan ciddi problemlərlə üzləşirlər: Gürcüstanda Abxaziya və Tsxinvali Regionu/ Cənubi Osetiya, Ermənistan və Azərbaycan arasında isə Dağlıq Qarabağ ilə bağlı həll edilməmiş münaqişələrin mövcudluğu, o cümlədən iqtisadi imkanların kifayət qədər olmaması və idarəçiliklə əlaqəli çatışmazlıqlar regionun firavanlığı, stabilliyi və təhlükəsizliyini təhlükə altına salmağa davam edir. İllər ərzində bu ölkələrdə təşviqedici islahatlar həyata keçirilmiş və hər üç ölkədə iqtisadi vəziyyət yaxşılaşmışdır. Lakin sosial, iqtisadi və regional fərqlər yüksək olaraq qalır və plüralist demokratik sistemlərə keçid qeyri-bərabər səviyyədə həyata keçir. Milli və yerli kontekstdə müxtəlif səviyyələrin olmasına baxmayaraq ümumilikdə region idarəçilik problemləri, o cümlədən kifayət qədər şəffaflığın olmaması və qanunun aliliyinin zəif olmasına görə təsirə məruz qalır. Gələcək ilə bağlı pessimizmin artması və siyasi rəhbərlik və təşkilatlara qarşı etimadsızlıq narahatlıq doğurur. Bu səbəbdən, İsveçrənin regionun insan kapitalı və sosial- iqtisadi potensialını artırmaq məqsədilə göstərdiyi davamlı dəstək mühüm əhəmiyyət kəsb edir.
İsveçrə Əməkdaşlıq Təşkilatının Cənubi Qafqaz üçün yeni Əməkdaşlıq Strategiyası 2017-2020- ci illər üzrə Beynəlxalq Əməkdaşlıq üzrə çıxış sənədində müəyyən
olunan prinsiplərə əsaslanır və hər ölkənin müvafiq milli siyasətləri və
inkişaf prioritetlərinə uyğun olaraq
hazırlanmışdır. Sözügedən strategiya İsveçrənin regiondakı uzunmüddətli təcrübəsinə əsaslanaraq İsveçrənin Cənubi Qafqazda növbəti dörd il üçün nəzərdə tutduğu əməkdaşlıq üçün çərçivə müəyyən edir. İsveçrənin İnkişaf və Əməkdaşlıq Agentliyi (İİƏA), İqtisadi Məsələlər üzrə Dövlət Katibliyi (SECO),
Xarici İşlər
üzrə Federal
Departamentin İnsan Təhlükəsizliyi Bölməsi tərəfindən birgə hazırlanan yeni strategiya müdaxilə tədbirlərinin optimallaşdırılmasına xüsusi diqqət yetirir və ümumilikdə Cənubi Qafqaz regionunun mənafeyi üçün regional yanaşmanı qətiyyətli şəkildə təşviq edir.
Strategiya müdaxilə tədbirlərinin aşağıdakı iki sahəsini əhatə edir: İnklüziv və davamlı iqtisadi inkişaf İsveçrə öz
təcrübəsinə əsaslanaraq transsərhəd iqtisadi təşəbbüslərə yardım etmək məqsədilə kənd-təsərrüfatı üzrə
dəyər zəncirinin təkmilləşdirilməsi, KOM-lara dəstək göstərilməsi, çərçivə
şərtlərinin yaxşılaşdırılması və imkanların araşdırılması məsələlərinə xüsusi diqqət ayıraraq geniş iqtisadi inkişafa dəstək göstərməyə davam edəcək. Bundan əlavə, İsveçrə biznes mühitini yaxşılaşdırmağa imkan verən islahatların həyata keçirilməsinə dəstək göstərəcək, maliyyə mənbələrinə çıxış imkanını artıracaq və kənd yerlərinin iqtisadi inkişafına köməklik edəcək.
Effektiv demokratik müəssisələr, insanların təhlükəsizliyi və mühafizəsi İsveçrə hökumət orqanlarının səmərəliliyi və effektivliyinin artırılması, o cümlədən həm yerli hökumət orqanları, həm də dövlət maliyyəsinin idarə edilməsini gücləndirmək siyasətini yürüdəcək. İsveçrə həmçinin etibarlı və təhlükəsiz mühitə dəstək göstərmək məqsədilə kənd yerləri və dağlıq ərazilərdə dayanıqlı inkişafa xüsusi diqqət ayırmaqla ekoloji risklərin kompleks idarə edilməsi işində iştirakını davam etdirəcək. İsveçrə həmçinin münaqişə zonaları boyunca dialoq
və qarşılıqlı əlaqənin yaradılmasını təşviq etməklə münaqişələrin transformasiya proseslərində fəal şəkildə iştirak edəcək. Bu fəaliyyətlər birlikdə hökumətin vətəndaşların ehtiyaclarına cavab tədbirlərini təkmilləşdirəcək və hökumətlərin cavabdehliyini gücləndirəcək. İsveçrə vətəndaşlar və müvafiq hökumətləri arasında daha böyük etimadın qazanılmasına çalışaraq yekun olaraq Cənubi Qafqazı daha az həssas və ümumilikdə daha təhlükəsiz regiona çevirməyə cəhd göstərir.
Ümumi problemlər ilə əlaqədar regional əməkdaşlığı təşviq etmək məqsədilə İsveçrə həm ümumilikdə regionun inkişafını təmin edən, həm də konkret sahələr üzrə üç ölkə arasında əlaqələrin yaradılması və ya gücləndirilməsinə imkan verən təşəbbüslər həyata keçirilməsinə səy göstərəcək. Bu yanaşmadan irəli gələrək Gürcüstan regional əməkdaşlığı gücləndirmək üçün əlaqə məntəqəsi kimi mühüm rol oynayacaq. Siyasi məhdudiyyətləri nəzərə alaraq, strategiya ilk öncə və ən önəmlisi yerli iqtisadi əməkdaşlıq və iqlim dəyişikliyinə adaptasiya kimi yalnız məqsədyönlü siyasi həssaslığa malik qarşılıqlı maraqlara səbəb olan
sahələrə diqqət
yönləndirəcək. Azərbaycanda başlıca olaraq SECO fəallıq göstərəcək. Mümkün olan zamanlarda İƏİA Azərbaycanı kənd yerlərində iqtisadi inkişaf, transsərhəd iqtisadi təşəbbüslər və təbii fəlakətlər ilə bağlı risklərin idarə edilməsinə dair regional layihələrə cəlb edəcək.
Gender bərabərliyi, yaxşı idarəçilik və münaqişələrə həssaslıq kimi prinsiplər kompleks mövzular kimi İsveçrə tərəfindən dəstəklənən bütün fəaliyyətlərə daxil edilmişdir.
2017–2020-ci illər üçün ayrılan ümumi maliyyə vəsaiti təxminən 67 milyon İsveçrə Frankı (CHF) təşkil edəcək.
Yüklə 4,34 Mb. Dostları ilə paylaş:
|