| Ümumiyyətlə tələbatları iki növə ayırmaq olar: ən zəruri ehtiyyacları ödəyən (yeməyə, geyimə və mənzilə və s. olan) ilkin tələbatlara və incəsənətə, təhsilə, idmana və s. olan ehtiyyacların ödənilməsi ilə bağlı ikinci növ tələbatlara. Tələbatların ödənilməsi üçün nəzərdə tutulan məhsulları bəzən də ən zəruri məhsullara və ziynət şeylərinə ayırırlar. Əlbəttə, belə bölgü şərtidir. Çünki, birisi üçün zəruri yaşayış vasitəsi olan məhsul başqası üçün ziynət şeyi hesab oluna bilər. Və yaxud, dünən ziynət şeyi hesab olunan məhsul bu gün zəruri yaşayış vasitəsi ola bilər. Əmtəələrlə yanaşı tələbatlarımızı ödəyən bəzii xidmətlər də ( məs. televizorun təmiri, saçların qırxılması maddi tələbatlara aiddir.
Tələbatları ödəmək üçün istifadə olunan vasitələrə nemətlər deyilir. Cəmiyyətin sərəncamındakı bəzi nemətlər həddindən çoxdur, bir növ tükənməzdir (məsələn, nəfəs aldığımız hava), digərləri isə məhduddur, limitlədir. Bu sonuncular iqtisadi, yaxud maddi nemətlər adlanır.
Dostları ilə paylaş: |
