Йалныз Аллащ
Yüklə 266,43 Kb.
|
- Bu səhifədəki naviqasiya:
- «Kitab əhlindən bir zümrə də vardır ki, siz onların oxuduqlarını Tövratdan hesab edəsiniz deyə, kitab oxuyan zaman dillərini o tərəf-bu
- (mükəmməl elm və əməl, gözəl əxlaq və itaət sahibi) olun!” - deyər» (Ali- Imran 3:78, 79).
| Yalnız Allah həqiqi sülh bəxş edə bilər! Əbdürrəhim əl-Rumi Mündəricat
I Fəsil. Imanlılar arasında həqiqətən Allaha sadiq qalanlar kimlərdir? II Fəsil. Incildə hansı dəyişikliklər aparılmışdır?
III Fəsil. Allahın oğlu varmı? IV Fəsil. Qurban bayramının əsl mahiyyəti nədədir?
V Fəsil. Yalnız Allah həqiqi sülh bəxş edə bilər!
I Fəsil Imanlılar arasında həqiqətən Allaha sadiq qalanlar kimlərdir?
Qur`ani-Kərim, heç də bütün yəhudi və xristianların Müqəddəs Kitab öyüdlərini düzgün tə`lim etmədiklərini söyləyərkən haqlıdır. «Ey mö`minlər! Indi onların (yəhudilərin) sizə inanacaqlarına ümidmi edirsiniz? Halbuki Musa dövründə onların içərisində elələri vardı ki, Allahın kəlamını (Tövratı) dinləyib anladıqdan sonra, onu bilə-bilə təhrif edirdilər» (əl-Bəqərə 2:75).
Elə həmin surədə yazılmışdır: «Bütpərəstlərə: “Allahın göndərdiyinə tabe olun!” - deyilən zaman, onlar: “Biz yalnız atalarımızın getdiyi yolla gedəcəyik”, - deyirlər. Bəs ataları bir şey anlamayıb, doğru yolda deyildilərsə necə?» (əl-Bəqərə 2:170).
Bu cür fikirlərə Qur`anın digər surələrində də rast gəlinir. «Kitab əhlindən bir zümrə də vardır ki, siz onların oxuduqlarını Tövratdan hesab edəsiniz deyə, kitab oxuyan zaman dillərini o tərəf-bu tərəfə əyirlər. Halbuki, onların bu oxuduqları Kitabdan deyildir. Onlar isə: “Bunlar Allah tərəfindəndir”, - deyirlər. Bunlar heç də Allah tərəfindən deyildir. Onlar bilə-bilə Allaha qarşı yalan söyləyirlər. Heç bir kəsə yaraşmaz ki, Allah ona kitab, hikmət və peyğəmbərlik bəxş etdikdən sonra o, insanlara: “Allahı buraxıb mənə qul olun!” - desin. Əksinə o: “Öyrətdiyiniz kitabın və öyrəndiyiniz şeyin sayəsində rəbbani (mükəmməl elm və əməl, gözəl əxlaq və itaət sahibi) olun!” - deyər» (Ali- Imran 3:78, 79).
olunduqları şeylərin bir hissəsini unutdular. Biz də aralarına qiyamət gününə qədər davam edəcək ədavət və kin saldıq. Allah onlara gördükləri işlər barəsində xəbər verəcəkdir!» (əl-Maidə 5:14).
Məhəmmədin yaşadığı dövrdəki məsihçilik tarixini nəzərdən keçirən hər bir kəs burada nədən söhbət getdiyini başa düşür. Məryəm oğlu Isanın səmaya ucaldıldığı vaxtdan təxminən 300 il sonra, Onun özlərini məsihçi adlandıran ardıcılları Isanın mücdəsini müxtəlif bütpərəst tə`limləri ilə qarışdırmağa başladılar. Onlar Yaradana deyil, insan əlinin yaratdığı şeylərə - rəsmlərə və bütlərə səcdə etməyə başladılar. Hətta günəşə və aya da səcdə edirdilər. Onlar ilk məsihçilərin inandıqları təsəvvürəgəlməz dərəcədə qüdrətli və böyük Allahın təbiətini açmağa sə`y göstərdilər. Lakin bu sə`yləri onları yanlış istiqamətdə apardı və Məsihin ardıcılları öz aralarında müxtəlif qruplara ayrıldılar. Isanın anası Məryəmi ilahi səviyyəyə qaldırdılar. Bu qadının mö`minliyi, həlimliyi və müdrikliyi xristian və müsəlmanların müqəddəs kitablarının səhifələrində öz əksini tapmışdır. Lakin onların heç birində «Məryəm - allahdır» sözləri yazılmamışdır. Vaxt keçdikcə, həqiqətlə yalan arasındakı sərhəd yoxa çıxmağa başlamışdır. Həqiqəti unutmayan və onun təmizliyi uğrunda mübarizə aparan hər bir kəs imansız adlandırılaraq tə`qib edilirdi. Allahın adı altında qantökmənin əsası belə qoyuldu. Xaç yürüşləri tarixdə dini fanatizmin özbaşınalıqlarının baş aldığı ən kədərli və biabırçı dövrlərdən biridir. Bu yürüşlər digər dini e`tiqadlara xor baxmağa, müstəmləkəçiliyin və irqi ayrı-seçkiliyin yaranmasına səbəb oldu. Dillərində Allah kəlməsilə açıq irqi ayrı-seçkilik, bütpərəst adət və ən`ənələri - orta əsrlərin məsihçiliyinə xas cəhətlər idi. Müqəddəs kitabların öyüdlərinə də seçici münasibət bəsləyirdilər, özlərinə sərfəli olanlarını və böyük zəhmət tələb etməyənlərini seçir, qalanlarını isə rədd edirdilər. Bu yolla, məsələn, natəmiz yeməklər haqqındakı göstərişlər yaddan çıxarılırdı. Tövratda qadağan edilən donuz əti də daxil olmaqla, bütün natəmiz yeməkləri qəbul etməyə başladılar. Spirtli içkilərin hədsiz dərəcədə istifadəsi, həmçinin müqəddəs kitablarda qadağan edilmiş bir çox şeylər də mühakimədən kənarda qalırdı.
Bəs bu gün vəziyyət necədir? Məsihçilik indi də bir çox qollara ayrılmış vəziyyətdədir. Məryəmi artıq üçlüyün bir hissəsi hesab etməsələr də, digər məsələlərdə yanlış fikirlər daha da dərin kök atmışdır. Beləliklə də, bə`ziləri inanırlar ki, Allah dünyanı Öz qüdrətli əli ilə yaratmışdır, digərləri isə Allahın öldüyünü iddia edirlər. Onlar müqəddəs kitabları təmsil adlandıraraq alçaldırlar və imanlıların dualarını ələ salırlar. Adətən, məsihçi adı altında yaşayanların çoxu spirtli içkilər, siqaret və narkotik maddələrlə və digər zərərli vərdişlərlə özlərini məhv edirlər. Bu, Allahın yer üzündə yaratdığı ən ali məxluqun insan olması fikrinə zidd çıxır. Yüklə 266,43 Kb. Dostları ilə paylaş:
|