Jarohatlanish va kasb kasalliklari

Mavzu: Ishlab chiqarishda jarohatlanish va kasb kasalliklarini o’rganish
Jarohatlanish va kasb kasalliklari  Jarohatlanish – bu biror turdagi zararli yoki xavfli omillar ta’siridan inson tanasi yirtilishi, suyaklar sinishi yoki darz ketishi, bo‘g‘imlarning siljib qolib, muskul va paylarning cho‘zilib qolishi, shu bilan birga inson salomatligi to‘satdan yomonlashib, ish qobiliyatining pasayib ketishidir.  Kasb kasalliklari – bu noqulay mehnat sharoitlari tufayli ishlovchining kasallanishi bo‘lib, ishlab chiqarishdagi salbiy ta’sirlarni, noxush va asorat beradigan omillarni keltirib chiqaradigan xastalikdir. Mohiyati jihatidan bu kasbiy kasallanish deb ham yuritilib, kasallikning aynan shu turi tegishli kasb sohasida boshqa kasalliklarga nisbatan ko‘proq uchraydi. Mehnat aqliy va jismoniy mehnat turiga bo‘linadi. Bu mehnatlarni qulay va noqulay sharoitlari mavjud bo‘lib, qulay sharoitda barcha omillar me’yorida bo‘ladi, noqulay sharoit esa – mikroiqlim me’yorining buzilishi, yoritish, shovqin, titrash kabi omillarning me’yorda bo‘lmasligi hamda ma’naviy jihatdan ishchining qanoatlanmasliklari kabilar deb bilish mumkin. Kasbiy kasalliklar asosan ishlab chiqarishdagi noqulay mehnat sharoitlari tufayli yuzaga keladi.