12
Bala qartal yuvadan boylanıb ətrafa
baxdı. Meşə, çöl-çəmən, çaylar ayağının
altında idi. Axı yuvası hündür dağın
zirvəsində yerləşirdi. Ana qartal ətrafı
təəccüblə seyr edən balasının başına
qanadı ilə sığal çəkib təbəssümlə dedi:
- Qartallar zirvədə yaşayar, ən yük-
səkdə uçarlar.
- Ana, axı mən uçmağı bacarmıram.
- Öyrənəcəksən, balacan. Çünki sə-
nin qanadların var. Nəinki uçmağı, ov
ovlamağı, dost qazanmağı da bacara-
caqsan!
- Ay ana, mənim dostlarım olacaq?!
Nə yaxşı! Özümə çoxlu dost tapaca-
ğam...
Ana qartal günlərlə balasına qanad
çalıb uçmağı, ov ovlamağı öyrətdi. Son-
ra isə balasını qanadının altına çəkib
ona tapşırdı:
- Dostlarını isə özün seçəcəksən.
Unutma, özün kimi qanadlı dostlar
tapmalısan!
Bala qartal bir gün zirvədəki yuva-
sından uçub dost axtarışına çıxdı. Xeyli
yol qət etdi, nəhayət, meyvə bağındakı
alma ağacına qondu. O, ağacdakı qoşa
yarpaqlı, qıpqırmızı almanı görüb se-
vincək söylədi:
- Axır ki, səni tapdım qanadlı dos-
tum! Nə gözəl qanadların var?
Alma nazla qartala baxıb dedi:
- Bunlar, qanad deyil, yarpaqlarım-
dır. Düzdür, qanadlara bənzəyir, amma
mən uça bilmirəm. Bütün yarpaqlar,
budaqlar ağacların qol-qanadıdır. Bu
yarpaqlar ətraf mühiti təmiz oksigen-
lə təmin etməyə, insanlara dincəlmək
üçün kölgə salmağa, yaşıllığımızdan
zövq almağa xidmət edir.
Almadan qanadlara bənzər yarpaq-
lar haqda faydalı məlumatlar eşidən
bala qartal, qanadını sinəsinə qoyub
almanın qarşısında baş əydi:
- Gəl, səninlə dost olaq. Mən bala
qartalam.
Alma gülümsədi və elə saplağındaca
fırlana-fırlana dedi:
- Mən şirin almayam. Meyvə bağın-
dakı bütün meyvələrlə dostam. Amma
qartal dostum yox idi.
Bala qartal almaya lap həsəd apar-
dı:
- Şirin alma, sənin nə çox dostların
var? Amma sən mənim ilk dostumsan.
Dostlar bir xeyli söhbət etdilər. Onlar
yeni dostluğa çox şad idilər.
Bala qartalı qarşıda növbəti dostluq-
Elvira Məmmədova
Qanadlı dostlar
13
lar gözləyirdi. O, alma ilə sağollaşıb sevinə-se-
vinə uçub getdi. Alma ağacının yarpaqları və
budaqları bala qartala əl elədi.
Dost tapmaq üçün bala qartal çox uzaqlara
uçdu və gəlib, böyük, ucsuz-bucaqsız, qoynu
səma kimi mavi, dalğaları bulud kimi ağappaq
okeanın sahilinə çatdı. Okeanın sahili bir tərəf-
dən meşə, digər tərəfdən sıldırım qayalarla
əhatələnmişdi. Bala qartal sıldırım qayaya qo-
nub həyatında ilk dəfə gördüyü mavi gözəlliyi
iti gözləri ilə seyr etməyə başladı. Okeandan
əsən meh bala qartalın ipək kimi tüklərinə
anası tək nəvazişlə sığal çəkirdi. Bala qartal
qanadlarını açıb səmada, okeanın üzərində qıy
vuraraq doyunca süzdü. Sonra yenə qayaya
qonub məğrur duruşu ilə gözlərini sanki oke-
anın bitdiyi üfüqə zillədi. Birdən üfüqdə qara
bir nöqtənin sahilə doğru, ona tərəf gəldiyini
gördü. Qara nöqtə getdikcə böyüyür, böyüdük-
cə ağappaq yelkənlər aydın görünürdü.
Böyük, ağ yelkənli gəmi küləyin nəfəsi ilə
okean sularını yara-yara sahilə çatdı. Bala
qartal gəminin ətrafına dolandı. Ən hündür
yelkən dirəklərindən birinə qonub gəmini sa-
lamladı. Gəmi bala qartalı gülərüzlə qarşıladı.
Bala qartal ağ yelkənli gəmiyə öz dostluğunu
təklif etdi:
- Mən ilk dəfədir ki, belə iri qanadlar gö-
rürəm. İstərdim ki, mənim dostum olasan.
Gəmi gülümsəyərək cavab verdi:
- Qanad dediyin yelkənlərimdir. Bala qartal,
mən bu iri yelkənlərimin köməyi ilə səyahət
edərkən saysız-hesabsız dostlar qazanmışam.
Dünyanın hər yerində dostlarım var. Adalar,
yarımadalar, kitlər, balinalar...
Ardı var...
B
u faciənin tarixi çox qədimlərə getmir. 25 ildir ki, törə-
dilib. Amma özündə 25 əsrin acısını-ağrısını yaşadır. 25
əsrin görmədiyi faciədir Xocalı faciəsi. Bir şəhərin yer-
lə-yeksan edilib, bir xalqın soyunu-kökünü yer üzündən silmək
məqsədilə həyata keçirilən qanlı qətliamdır Xocalı qətliamı. Fevra-
lın 26-da biz dərin hüznlə onu anacağıq. Xocalını... Yer üzünün ən
bədbəxt şəhərini, yer üzünün ən talesiz xocalılılarını...
QAN DAMIR
«XOCALI» SÖZÜNDƏN
…Yenə Xocalı faciəsinin
növbəti ildönümü.
müsibətimizin
şəkilləri sərgilənir,
dərdimiz təzələnir,
könlümüz güllələnir…
«Xocalı» sözündən qan damır
içimizə…
Əsəblərimiz gərilir,
yumruqlarımız düyünlənir,
itirdiklərimiz,
atamızın şəhid olması
belə bizə adi gəlir
Xocalı yarasının ağrısını
hiss edincə…
Torpağımıza yağan qarı
qanımıza boyadılar…
«Torpaqlarımız geri qayıdacaq», ‒
deməyin,
«Qanımızı düşməndən alacağıq,
mütləq almalıyıq», ‒
söyləyin…
Heydərov Heydər
Salmanova Şölə
Məmmədov Eldar
Həsənəliyeva Gülər
QARĞIŞ
…Novruz tonqalından
atlana bilmədi
Xocalı uşaqları,
qaldı yağı əlində…
Ay zalım düşmən,
səni odda yanasan,
suda batasan,
çörəyimiz tutsun səni ‒
boğulasan!
Daşın daş üstə qalmasın heç!
Bu əziz, kövrək günümdə,
Qarğışım tutsun səni!
Mina RƏŞİD
XOCALI
Xocalı qan ağlayır,
Ürəyimi dağlayır.
Gözlərim dolur yaşla,
Qəm könlümü oxlayır.
Amma biz ağlamaqla,
Bu dərd sağalan deyil.
Xocalını almasaq,
Bir də doğulan deyil.
XOCALI
Ağappaq qar üstünə,
Qanı çilənmiş balam.
Gün görməmiş gözləri,
Aman… tökülmüş balam.
Anası saçlarından,
Göydən asılı qalmış.
Atası «VƏTƏN», - deyə,
Düz ağzından vurulmuş.
Babası buz heykəli,
Torpaq üstə yıxılmış.
Nənəsi havalanıb,
Dili-ağzı tutulmuş.
Bacısı, qardaşları,
Qıyma-qıyma doğranmış.
Utansın belə dünya,
Zülmü artıq ağ olmuş.
Bir oba – bir məzarlıq,
Bütün nəsil qırılmış.
«UNUTQANIQ», - deməkdən
Daha dilim yorulmuş…
Biz unutqan olsaq da,
Tarix bunu unutmaz.
Türkün əzəl düşməni,
Türkə heç vaxt dost olmaz
Türkə heç vaxt dost olmaz…
Rəhimli Nuriyə
Mirzəliyev Cavid
Əliyev Pərviz
Əliyeva Mələkxanım
Atakişiyev Qurban