33
yetkinlik yaşına çatanlar əmək qabiliyyətini itirən, köməyə ehti-
yacı olan valideynlərini saxlamağa borcludurlar (Azərbaycan
Respublikası Ailə Məcəlləsinin 82-ci maddəsi).
Təəssüflə qeyd etmək lazımdır ki, bu gün Azərbaycan xalqı-
nın bəzi üzdəniraq övladları öz valideynlərini qocalar evlərinə
atırlar. Halbuki xalqımız üçün çox qədim tarixi kökləri olan övla-
dın valideynlərə və böyüklərə ülvi məhəbbəti, ata-ananı müqəd-
dəs hesab etməsi kimi xüsusiyyətlər səciyyəvidir. Acı həqi qətdir
ki, qocalar evində on beş il bundan qabaq hər otaqda 2-3 nəfər
atılmış valideyn var idisə, indi hər otaqda 4-5, hətta bəzən 6-7
nəfər yerləşdirilmişdir. Biz hesab edirik ki, öz keçmişinə hörmət
etməyən bir insan gələcəyini sevə bilməz, onun vətəndaşlıq ruhu
ola bilməz. Çox gözəl bir deyim var, bizim qəlbimizi ən çox
sevdiklərimiz qıra bilərlər.
8. Uşaqların saxlanması üçün aliment ödənilməsinə aşağıdakı
hallarda xitam verilir:
– aliment alan şəxs və ya aliment ödəyən şəxs öldükdə;
– aliment ödənilən uşaq övladlığa götürüldükdə;
– uşaq yetkinlik yaşına çatdıqda;
– nikah yaşı azaldıldıqdan sonra yetkinlik yaşına çatmayan
şəxslərə nikaha girməyə icazə verildikdə;
– yetkinlik yaşına çatan uşaqların əmək qabiliyyətinin bərpa
olunduğu və onların maddi yardıma ehtiyacının aradan qalxdığı
məhkəmə tərəfindən müəyyən olunduqda.
Ümumiyyətlə, tələbələrin nəzərinə çatdırmaq lazımdır ki, ali-
mentin ödənilməsindən boyun qaçırma həmişə problem olaraq
qalır. Bu gün isə bu problem daha kəskin bir forma almışdır. Ali-
mentin ödənilməməsi və yaxud çox cüzi miqdarda olması vali-
deyni olan uşaqların internat məktəblərinə axınını güclən dir-
mişdir.
34
X MÖVZU
ƏR-ARVADIN VƏ AİLƏNİN DİGƏR ÜZVLƏRİNİN
ALİMENT HÜQUQU VƏ VƏZİFƏLƏRİ
1. Ər-arvadın əmlak hüquq və vəzifələrinin növlərindən biri
də qarşılıqlı surətdə bir-birinə maddi yardım göstərilməsindən
ibarətdir. Vahid ailə kimi yaşayarkən, ümumi ailə qayğıları ilə
birləşən sağlam ailə, bir qayda olaraq, ailə qanunvericiliyinə eh-
tiyac duymur. Yox, əgər münaqişələr meydana çıxarsa, problem
məhkəmə yolu ilə nizamlanır.
2. Əmək qanunvericiliyinə müvafiq olaraq heç də bütün ər-
arvadlar aliment hüququna malik deyildirlər. Bu qəbildən olan
ər-arvadlar aşağıdakılardır:
a) əmək qabiliyyətini itirənlər və maddi yardıma ehtiyacı olan
pensiya yaşlı şəxslər, I qrup və II qrup əlillər, daimi xəstəliyinə
görə dərman alınması ilə bağlı xərc çəkməli olanlar və s.;
b) hamiləlik dövründə və uşaq anadan olandan sonrakı üç il
ərzində. Bu zaman qadının nə dərəcədə maddi təminata malik ol-
ması vacib deyildir. Çünki uşağın tərbiyəsi və maddi tələbləri ər
və arvadın hər ikisinin ümumi qayğısıdır;
c) öhdəsində 18 yaşına qədər əlil uşaq və yaşından asılı olma-
yaraq öhdəsində I qrup əlil olan valideyn digər valideyndən ali-
ment almaq hüququna malikdir. Lakin bu halda aliment verənin
maddi vəziyyəti də nəzərə alınmalıdır.
3. Ər-arvadın aliment təminatı ilə bağlı münaqişələri gec-tez
nikahın pozulması ilə nəticələnir. Lakin bu halda da boşanmadan
sonra ər və ya arvadın müəyyən kateqoriyası aliment almaq hü-
ququnu saxlayır:
a) hamiləlik dövründə və ümumi övlad dünyaya gəldikdən
sonrakı üç il ərzində;
35
b) öhdəsində 18 yaşına çatmayan əlil uşaq və uşaqlıqdan I
qrup əlil olan ər və ya arvad. Burada söhbət qulluğa ehtiyacı olan
uşaqlara maddi yardım labüdlüyündən gedir;
c) nikahın pozulmasına qədər və yaxud nikahın pozulmasın-
dan sonrakı bir il ərzində əmək qabiliyyətini itirən ər və arvad.
4. Qeyd etmək lazımdır ki, ər-arvadın birinin digərini saxla-
maq vəzifəsindən azad edilməsi, aşağıdakı hallarda yol veriləndir:
– ər-arvadın nikahda olması qısa müddət təşkil etdikdə;
– maddi yardım tələb edən ər (arvad) ailədə ləyaqətsiz dav-
randıqda;
– maddi yardıma ehtiyacı olan ər (arvad) əmək qabiliyyətini
spirtli içkilərin, narkotik maddələrin qəbulu və ya cinayət əməli
nəticəsində itirdikdə.
Bu qaydalar ayrılmış ər-arvadın bir-birini qarşılıqlı saxlaması
haqqındakı mübahisələrin həlli zamanı da tətbiq edilir.
5. Aliment ödənilməsi yalnız valideynlərin, yetkinlik yaşına
çatan övladların, ər-arvadın (sabiq ər-arvadın) deyil, eyni zaman-
da ailənin digər üzvlərinin üzərinə qoyulur. Aliment ödənilməsinə
cəlb olunan digər ailə üzvləri:
– qardaşlar və bacılar;
– babalar və nənələr; nəvələr;
– ögey qız və ögey oğlan;
– faktiki tərbiyəçilər.
Ailənin digər üzvlərinin aliment öhdəlikləri Azərbaycan Res-
publikası Ailə Məcəlləsinin 88-93-cü maddələri ilə kifayət qədər
müfəssəl və dəqiq nizamlanır.
Qeyd etmək lazımdır ki, yetkinlik yaşına çatmayan uşaqları
saxlamaq vəzifəsi digər yaxın qohumların – babanın, nənənin,
qardaşın, bacının üzərinə də qoyula bilər.
36
XI MÖVZU
ALİMENT TUTULMASI HAQQINDA İŞLƏRƏ
BAXILMASININ PROSESSUAL XÜSUSİYYƏTLƏRİ
1. Aliment verilməsi barədə saziş bu sahədə problemlərə son
qoyur. Lakin məhkəməyə müraciət ediləndə aliment almaq hüqu-
quna malik olanların mənafelərini müdafiə etmək üçün daha
dəqiq mexanizm yaradılmasına ehtiyac duyulur. Belə mexanizm-
lərin bir qismi əmək qabiliyyəti olmayanların vəziyyətini
yüngülləşdirməyə xidmət edir. İkinci qisim tədbir alimentlərin
vaxtlı-vaxtında ödənilməsi işlədiyi müəssisə, idarə və təşkilatdan
xeyli dərəcədə asılıdır.
2. İlkin mexanizm eyni zamanda idarə, müəssisə və təşkilat-
ların müdiriyyətinin aybaay alimentin tutulmasını təmin etməsi
ilə bağlıdır. Belə ki, əmək haqqı, pensiya, müavinət, təqaüd və
sairdən aliment tutulması təmin edilməlidir.
Aliment müxtəlif gəlirlərdən (məsələn, borclunun əmək haq-
qından və aldığı pensiyadan), əsas iş yerində və əvəzçiliklə
işlədiyi yerdə aldığı əmək haqqıdan, yardımçı təsərrüfatdakı hər
bir gəlir növündən tutulur, ayrı-ayrı icra vərəqinə əsasən həyata
keçirilir. Bundan ötrü zəruri hallarda eyni işə görə bir neçə icra
vərəqi verilir.
Alimentin düzgün və vaxtında tutulmasına idarə, müəssisə və
təşkilatın yerləşdiyi yerdə məhkəmə icraçısı tərəfindən Azər-
baycan Respublikası Ailə Məcəlləsinin 105-112-ci maddələrində
nəzərdə tutulmuş qaydada nəzarət edilir.
Aliment onu ödəyən şəxsə vergi tutulduqdan sonra çatası
əmək haqqı məbləğindən (gəlirdən) alınır. Əgər aliment ödəyən
iş yerinı dəyişirsə, bu barədə işlədiyi yerini rəhbərliyi üç gündən
gec olmayaraq məhkəmə icraçısına və aliment alan şəxsə məlu-
mat verməlidir.
Dostları ilə paylaş: |