MÜHƏNDİS QRAFİKASI KAFEDRASI:
80
illik şərəfli yolun tarixi
55
mövzulu kitablar görərdim. Oxuduqlarının içərisində maraqlı hadisələri kafedra
müəllimlərinə danışmağı xoşlayardı.
1981-ci ildə dos. O.Rəhimovu Bakı Neft texnikumunun direktoru təyin
edirlər. Oqtay müəllim orada fantastik işlər aparır: texnikumun stadionunun və
tədris korpusunun tikintisi, tədris planlarının yeniləşməsi, elmi işlərin
aktivləşdirilməsi və s. Bir dəfə mən ona yaxınlaşıb həyat yoldaşımın işə qəbul
olunması ilə bağlı müraciət etdim. Oqtay müəllimin cavabı indiyə qədər yadımda
qalmışdır: «Sənin həyat yoldaşın bizim bacımızdır. Mən şərəf duyaram ki, o bizim
texnikumda çalışacaq. Qoy sabahdan işə çıxsın».
Məhin xanım, Oqtay Rəhimov və Qorxmaz Bəylərov
1989-cu ildə onu Azərbayan respublikası təhsil nazirliyinin tədris-metodiki
mərkəzinə direktor vəzifəsinə təyin edirlər, sonradan 1990-1992-ci illərdə o həmin
nazirliyin material təchizat idarəsinin rəisi olmuşdur.
Oqtay müəllim 1992-1994-cü illərdə M.Əzizbəyov adına Azərbaycan Neft
və Kimya institutunda prorektor,1994-cü ildən isə «Neftqazmədən geologiyası»
kafedrasında dosent vəzifəsində çalışmışdır.
Oqtay müəllim gözəl ailə başçısı idi. Həyat yoldaşı Züleyxa xanım (1943-cü
il təvəllədlü) Bakı şəhərində anadan olub, diş həkimidir.
Oğlu Emin mənim tələbəm olmuşdur. Oqtay müəllim həmişə onunla fəxr edirdi.
Emin 1967-ci ildə Bakı şəhərində anadan olub. O, müxtəlif vəzifələrdə çalışmışdır.
Qızları Leyla (1972) və Sevda (1974) həkimdirlər.
Rəhimov Oqtay Paşa oğlu 17.04.2001-ci ildə vəfat etmişdir.
İbrahim Həbibov
56
YÜKSƏK SƏVİYYƏLİ MEXANİK, TƏCRÜBƏLİ MÜƏLLİM
Qirimov Qalib Pirmurad oğlu
1976-cı ildə yazdığım ilk elmi məqalənin əl
yazısını rəhbərim Arif Rəhimova təqdim edəndə, o
mənə dedi: “Mən onu oxuyub sənə qaytarandan
sonra mütləq tanış olmaq və rəyini bildirmək üçün
Qalib Qirimova göstər. O çox savadlı yoldaşdır”.
Onunla məqalədə qoyulmuş məsələnin
aktuallığını, həlli yollarını və alınmış nəticələri
müzakirə etdikdən sonra Qalib müəllim əlavə bir
neçə sınaq işlərinin aparılması və elmi işin tamamlanması istiqamətində olduqca
əhəmiyyətli təkliflər verdi. Bu işlərdə mənimlə birlikdə iştirak edəndən sonra
«Константы уравнения состояния расплава полимеров и их роль в процессе
литья подавлением» adlı məqalə hazırladıq və onu 1976-cı ildə Bakıda keçirilən
«Прогрессивная технология в машиностpоении» beynəlxalq elmi texniki
konfransda məruzə etdik.
Qirimov Qalib 1939-cu ilin sentyabr
ayında Azərbaycan Respublikası Qusar rayo-
nunun Piral kəndində anadan olmuşdur.
1955-ci ildə orta məktəbi bitirmiş və həmin il
Azərbaycan Dövlət Sənaye institutuna daxil
olmuşdur. 1960-cı ildə bu təhsil ocağını
fərqlənmə diplomu ilə başa vurmuşdur. Hələ
institutun sonuncu kursunda oxuyarkən ona
Binəqədi armatur zavodunda böyük mühən-
dis-texnoloq vəzifəsi tapşırılanda, işin öhdə-
sindən müvəffəqiyyətlə gəlmiş, müəyyən
səmərələşdirici təkliflər vermişdir.
Arif Rəhimov və Qalib Qirimov
MÜHƏNDİS QRAFİKASI KAFEDRASI:
80
illik şərəfli yolun tarixi
57
1960-61-ci illərdə Azərbaycan Dövlət Neft Müəssisələrinin Layihələn-
dirilməsi institutunda layihəçi-mühəndis vəzifəsində işləmişdir.
Qalib müəllim 1962-ci ildə Azərbaycan Neft
və Kimya institutunun nəzdindəki aspiranturanın
əyani şöbəsinə daxil olmuş, 1965-ci ildə
dissertasiya müdafiə edərək, texnika elmlər
namizədi elmi dərəcəsi almışdır. Eyni zamanda
Azərbaycan Respublikası Məişət Xidməti Nazir-
liyinin Konstruktor Bürosunda baş konstruktor
vəzifəsində çalışmışdır.
1965-ci ildə «Rəsmxət» kafedrasının elmi və
elmi-metodiki cəhətdən gücləndirilməsi və
genişləndirilməsi məqsədilə aspiranturanı bitirmiş
bir sıra gənc mütəxəssislər işə qəbul olunur. Bunlardan Q.P.Qirimovu,
B.N.Qutmanı, İ.S.Tsibulskini, A.Sideifzadəni, “Azinmaş”dan G.A.Fuksonu
göstərmək olar. Qalib müəllim əvvəlcə assistent, 1968-ci ildən isə dosent
vəzifəsində çalışmışdır. Eyni zamanda Ümumittifaq Neft Maşınqayırma
Texnologiyası elmi-tədqiqat institutunda böyük elmi işçi vəzifəsini yerinə
yetirmişdir. 1969-cu ildə Leninqrad Dövlət Universitetinin xarici dillər
fakültəsində fransız dili kurslarına qəbul olunmuş, 1970-ci ildə oranı fərqlənmə
diplomu ilə bitirmişdir.
1970-ci ildə o, Əlcəzairə uzunmüddətli ezamiyyətə göndərilmişdir. Orada
kontraktla 3 il işləməli olan müəllimləri (İsmayılov C.X., Qirimov O.R.) 5 il
saxlayırlar. Qalib müəllimə Əlcəzair Milli Neft institutunun professoru vəzifəsi
həvalə olunur.
1975-1980-ci illərdə Azərbaycan Neft və Kimya institutunda pedaqoji
fəaliyyətini davam etdirmişdir. 1980-ci ildə Q.Qirimov yenidən Əlcəzairə
göndərilmişdir və 1984-cü ilə qədər orada Milli Neft instutunda kafedra müdiri
vəzifəsində işləmişdir.
İbrahim Həbibov
58
Əlcəzair Energetika və Təhsil Nazirliyi, həmçinin Sovet İttifaqı Təhsil
Nazirliyi tərəfindən Əlcəzair respublikası üçün neft sahəsində yüksək ixtisaslı
kadrların hazırlanmasında, eyni zamanda Sovet İttifaqı və Əlcəzair xalqları
arasında dostluq münasibətlərinin inkişaf etdirilməsində Q.Qirimovun böyük
əməyi dəfələrlə qeyd edilmiş, ona fəxri fərmanlar və qiymətli mükafatlar
verilmişdir. Əlcəzairdə işlədiyi müddətdə Qalib müəllim fransız dilində 12 adda
elmi metodik dərs vəsaiti hazırlamış və nəşr etdirmişdir.
Əlcəzair Milli Neft institutunda konfrans zamanı
1984-cü ildən Q.Qirimov Azərbaycan Dövlət Neft Akademiyasında işini
davam etdirir.
1998-2002-ci illərdə paralel olaraq Azərbaycan Respublikası «Qərb»
Universitetində dərs demişdir.
1985-1987-ci illərdə Azərbaycan KP yanında Marksizm—Leninizm
universitetinin axşam şöbəsini fərqlənmə diplomu ilə bitirmişdir.
Q.Qirimov fəal ictimaiyyətçidir. İşlədiyi Neft Akademiyasının bütün
tədbirlərində yaxından iştirak edir.
Q.Qirimov Azərbaycan, rus və fransız dillərində yazılmış müxtəlif jurnal və
məcmuələrdə nəşr olunmuş 120-dən artıq elmi məqalə, metodik göstəriş, tədris
vəsaiti və dərsliyin müəllifidir.
Dostları ilə paylaş: |