MÜHƏNDİS QRAFİKASI KAFEDRASI:
80
illik şərəfli yolun tarixi
59
Qalib müəllim tələbkar və qayğıkeş pedaqoq, tanınmış alim və bacarıqlı
metodistdir. Onun elmi əsərləri, dərs vəsaitləri öz aktuallığını itirməmişdir,
onlardan mütəxəssislər və tələbələr geniş şəkildə istifadə edirlər. Ötən illəri yada
salan Qalib müəllim qeyd edir: - Tələbələr maraqlı həyat keçirirdilər. Çox həvəslə
oxuyur və işləyirdilər. Onlar dərsləri ilə bərabər ictimai işlərdə də çox fəal idilər,
dərnəklərə, kitabxanalara, tamaşalara maraqları cox böyük idi. Çoxlu bədii
ədəbiyyat oxunurdu. Bir-birilərinə və əsasən müəllimlərə diqqət və hörmətlə
yanaşırdılar, tələbkar idilər. İndi tələbələr çox fərqlidirlər.
Qalib müəllim səmimi ailə başçısıdır. Üç övladı — iki oğlu, bir qızı var və
onlar bizim akademiyanın tələbələri olmuşlar.
Qalib müəllimin böyük oğlu Babək qeyri-səlist məntiq sahəsində tanınmış
alimlərdəndir. Kiçik oğlu Şamil Azərbaycan Dövlət Neft Şirkəti
“Neftqazelmitədqiqatlayihə” institutunda baş elmi işçidir. Sonbeşiyi, qızı Amal
ADNA-nın nəzdində olan “Neftin, qazın geotexnoloji problemləri və kimya” ETİ-
da çalışır.
Qalib müəllim indi də pedaqoji və elmi fəaliyyətini müvəffəqiyyətlə davam
etdirir, «Maşınqayırma və material emalı» kafedrasında bakalavr və əsasən magistr
pillələrində oxuyan tələbələrə dərs deyir, onların elmi işlərinə rəhbərlik edir.
Qalib müəllimə möhkəm cansağlığı və işində uğurlar arzulayırıq.
İbrahim Həbibov
60
AĞBİRÇƏK XANIM, MEHRİBAN RƏFİQƏ, PEŞƏKAR MÜƏLLİMƏ
Dadaşova Turan Dadaş qızı
Qədim tarixə və zəngin elmi potensiala malik
olan Azərbaycan xalqı zamanının hər bir dövründə
fədakar müəllimləri, qabaqcıl pedaqoqları ilə öyün-
müşdür. Gələcək mühəndislərin yüksək səviyyədə
hazırlanmasında əmək sərf edərək çalışan müqəddəs
peşə sahibləri ilə öyünməyə əlbət ki, haqqımız, hüqü-
qumuz vardır. Haqqında söz açdığımız Turan xanım
Dadaşova 31 illik, yüksək səviyyədə elmi-pedaqoji
təcrübəyə malik ziyalı olaraq, çox gənc yaşlarından
əmək fəaliyyətinə başlamışdır.
O, 1927-ci ildə Balaxanıda neftçi-fəhlə ailəsində anadan olmuşdur. 1934-cü
ildə Bakı neft texnikumuna daxil olmuş və 1948-ci ildə isə texnikumu əla
qiymətlərlə bitirmişdir. Sonradan təhsilini davam etdirmək üçün o, sənədlərini
M.Əzizbəyov adına Azərbaycan Neft və Kimya institutuna vermişdir. İnstitutda öz
bacarığı, biliyi ilə çalışan Turan xanımın professor-müəllim və tələbələr arasında
xüsusi hörməti vardı. Hamı bu gənc qızın yaşına məxsus olmayan ağlı, təmkini və
iradəsinə məətəl idilər.
Aspiranturada təhsil aldıqda
MÜHƏNDİS QRAFİKASI KAFEDRASI:
80
illik şərəfli yolun tarixi
61
Turan xanım 1953-cü ildə institutu bitirərək dağ mühəndisi ixtisasını
almışdır. Həmin il onu Azərbaycan SSR Elmlər Akademiyası Neft
Ekspedisiyasının yeraltı hidravlika laboratoriyasında kiçik elmi işçi vəzifəsinə
qəbul edirlər. Çalışdığı müəssisənin rəhbərliyi ona aspiranturaya daxil olmağı
təklif edərkən Turan xanım tərəddüd etmədən razılaşır və 1956-1959-cu ildən
Azərbaycan SSR EA-aspiranturasında təhsilini davam etdirir.
1959-cu ildən 1963-cü ilə qədər «Neft-qaz yataqlarının işlənməsi və istisma-
rı» institutunda mühəndis, 1963-cü ildən 1969-cu ilədək Azərbaycan elmi Tədqiqat
Neftçıxarma institutunda kiçik, daha sonralar baş elmi işçi vəzifələrində çalışmışdır.
Turan xanım dünya şöhrətli akademik Azad Mirzəcanzadənin ilk aspirantı
olmuş və onun rəhbərliyi ilə 1962-ci ildə dissertasiya işini müvəffəqiyyətlə
müdafiə edərək texnika elmləri namizədi elmi dərəcəsini almışdır.
1968-ci ildə ona SSRİ Ali Attestasiya Komisiyasının qərarı ilə baş elmi işçi
elmi adı verilmişdir.
Turan xanım neftə, qaza və onlarla bağlı elmə həvəsi valideynlərindən
almışdır. Onun atası Dadaşov Dadaş neftçi olmuşdur və 1926-cı ildən Kommunist
Partiyasının üzvü idi. Anası T.M.Dadaşova evdar qadın olsa da həyatı neft
buruqları və neft quyularının arasında keçmişdi.
Turan xanım 1970-ci ilin yanvarında Azərbaycan Neft və Kimya
institutunun «Rəsmxət» kafedrasına müsabiqə yolu ilə assistent vəzifəsinə qəbul
olunmuş və həyatının sonuna qədər bu kafedrada çalışmışdır. 1975-2001-ci illərdə
«Mühəndis qrafikası» kafedrasında dosent vəzifəsində çalışmışdır. Hətta təqaüdə
çıxandan sonra da o, kafedra ilə əlaqələrini kəsməmişdi.
Dadaşova Turan xanım mühazirə və məşğələ dərslərini özünə məxsus tərzdə,
tələbələr üçün tez qavranıla bilən səviyyədə aparırdı. O, həqiqi mənada öz peşəsini
çox sevirdi, tələbələrlə dərsdən kənar vaxtlarda saatlarla işləyərək, onları böyük
həvəslə öyrədirdi. Müəllimlik onun alnına yazılmışdı, belə müəllimlər mində bir
nəfər olur. Mən onun iş prinsipini dəfələrlə müşahidə etmişəm. Onda olmazın səbr
vardı. Tələbə fənni, mövzunu anlamayana qədər ondan «əl çəkməzdi».
İbrahim Həbibov
62
Turan xanım öz elmi pedaqoji fəaliyyətini daim inkişaf etdirirdi. Müxtəlif
səviyyəli konfranslarda iştirak etməkdən, ixtisasartırma kurslarına getməkdən zövq
alırdı. Mən ondan soruşurdum: «Turan xanım, o kurslar sizə nə verə bilər? Siz
oradakılara dərs deməyə layiqsiniz». Cavabında deyərdi: “Hər şeyi bilmək
mümkün deyildir, lakin bilikləri təzələmək vacibdir”. Turan xanım 1978-ci ildə
Moskva Aviasiya institutunda, 1995 və 2001-ci illərdə Azərbaycan Baş Pedaqoji
kadrların ixtisasının artırılması və yenidən hazırlanması institutunda tam
ixtisasartırma kursunu bitirmişdir.
Turan xanım 50-dən çox elmi məqalə və elmi metodiki vəsaitin müəllifidir.
O həmişə kollektivin hörmət və diqqət mərkəzində olmuşdur. Hamı ona böyük
bacı, ana, ağbirçək kimi müraciət edirdi.
Turan xanımın 70 illik yubileyi
1997-ci il 5 yanvar tarixində ADNA-nın rəhbərliyinin iştirakı ilə kafedrada
Turan xanımın 70 illik yubileyi təntənə ilə qeyd olundu. ADNA-nın rektoru
professor Pərviz müəllim çıxış edərək, Turan xanıma akademiyadakı uzun müddət
səmərəli və qüsursuz fəaliyyətinə görə minnətdarlığını və təşəkkürünü bildirdi.
Rektorun çıxışının bir hissəsini xüsusi olaraq qeyd etmək istəyirəm: « Turan
xanım! Siz təkcə bu kafedra üçün deyil, bütövlükdə Azərbaycan Dövlət Neft
Akademiyası üçün örnəksiniz. Sizin kimi şəxsiyyətlərin akademiyada
çalışması bizim hamımıza şərəf və şöhrət gətirir».
Dostları ilə paylaş: |