39
kainatdan kənarda heç nə yoxdur, onda onun heç
bir kənarı yoxdur, sonu və hüdudu yoxdur. Kaina-
tın hansı bir hissəsində olmağın da əhəmiyyəti
yoxdur. Sənin harda olmağından asılı olmayaraq
tutduğun yer bütün istiqamətlərdə sonsuz olur”.
Alimlər kainatı iki cür təsəvvür edirlər: açıq
və qapalı. Açıq dünya bütün istiqamətlərdə sonsuz-
dur. Orda sonsuz sayda qalaktikalar, ulduzlar var.
Belə kainatda işıq sürəti ilə getsək də, biz heç vaxt
kainatın sonuna çata bilməyəcəyik. Bəlkə də, kai-
nat bu cür sonsuz və sərhədsizdir.
Qapalı dünya isə sonlu, amma sərhədsizdir.
Lakin qapalı kainatı inandırıcı təsəvvür etmək
mümkün deyil. Fərz edək ki, kainat qapalı və son-
ludur. Lakin onu sonuna qədər gedib çıxsaq, təbii
bir sual ortaya çıxacaq. Bəs ondan o tərəfdə nə var.
Biz həmin sferanı keçib getsək, yenə bir səthə gə-
lib çıxarıq və sonra daha yeni bir səthə yetişərik.
Bəlkə, kainat belə sonsuzdur.
Əlbəttə, biz sonsuz kainatı hələlik fərziyyə
kimi düşünürük. Teleskoplar mükəmməlləşdikcə
insanlar daha uzaq olan qalaktikaları kəşf edib,
kainatı daha dərindən öyrənəcəklər. Lakin insanlar
kainatın ənginliklərinə baş vuraraq on milyardlarla
işıq ili məsafəsində olan aləmləri kəşf etsələr belə,
40
yenə kainatın sonuna yetə bilməyib onu sonsuz
hesab edəcəklər.
Əgər bacarırsınızsa, kainatın bu qədər sonsuz
olduğunu təxəyyülünüzdə çanlandırmağa cəhd
göstərin və çoxsaylı aləmləri təsəvvür edin.
YER GÜNƏŞİN, GÜNƏŞ QALAKTİKANIN
MƏRKƏZİ ƏTRAFINA
FIRLANIR. BƏS SONRA
?
Bildiyimiz kimi, kainatda hər bir fəza cismi
hər hansı kütlə ətrafında hərəkət edir. Məsələn, Ay
Yer kürəsinin, Yer Günəşin, Günəş qalaktikanın
mərkəzi ətrafında hərəkət edir. Bəs sonra? Astro-
nomlar çoxdan müşahidə edirdilər ki, parlaq qalak-
tikalar göydə Süd Yoluna bənzər zolaq əmə-lə gə-
tirir. Bunu əsas götürərək fransız astronomu J.Vo-
kuler hesab edirdi ki, qalaktikalar yığılaraq nəhəng
qalaktikalar əmələ gətirir. Bunlar qalaktikaların qa-
laktikası və ya nəhəng qalak-tikalar adlanır. J.Vo-
kulerin hesablamasına görə belə qalaktikalar siste-
minin biri diametri 100 milyon işıq ili olan mərci
dənəsini xatırladır. Onun mərkəzi Qız bürcündə
olub, Yerdən 30 milyon işıq ili məsafəsində yerlə-
41
şir. Nəhəng qalaktikanın bütün kütləsi min trilyon
(10
15
) Günəşin kütləsi və ya 3300 Bizim Qalaktika
qədərdir. Bizim Qalaktika nəhəng qalaktikanın
mərkəzi ətrafında 100 milyard ilə dövr edir.
Göründüyü kimi, qalaktikalar da daha böyük
olan qalaktikalar yığımının mərkəzi ətrafında dövr
edir.
Bir çox astronomlar J.Vokulerin fikri ilə razı
deyildilər. Lakin kainatda 50-yə yaxın nəhəng qa-
42
laktika kəşf olunmuşdur ki, onların da hər biri on-
larla iri qalaktikadan təşkil olunmuşdur.
KAİNAT NECƏ YARANIB?
Şagird müəllimindən soruşur: “Biz nədən ya-
ranmışıq?” Müəllim cavab verir: “Biz hüceyrədən
yaranmışıq”.
Şagird: “Bəs hüceyrə nədən əmələ gəlib?”
Müəllim: “Yer yarananda hüceyrə də yaranıb”.
Şagird: “Onda Yer kürəsi necə əmələ gəlib?”
Müəllim: “Fərziyyəyə görə Günəş ətrafında
olan qaz və toz zərrəcikləri bir yerə yığılaraq
planetləri, o cümlədən Yer kürəsini əmələ gətirib”.
Şagird: “Bəs bu toz zərrəcikləri hardan əmələ
gəlib?...”
Qədim Babil əfsanəsinə görə göy bərk qübbə
olub, yastı olan yerin kənarına söykənir. Göy dün-
yanı yaradan göy sakinlərinin məskənidir.
Aristotelə görə planetlər, Ay və Günəş hər
biri öz sferasındadır. Bu sferalar bir-birinin içəri-
sində konsentrik olaraq yerləşmişdir.Yer kürəsi isə
onların mərkəzində durur.
43
Orta əsrlərdə Avropada kainat haqqındakı
təsəvvürlər misirlilərin və yunanlarınkından da
çox-çox bəsit idi. Hətta Yerin kürə şəklində olma-
sını inkar edir, onu yastı dairə və ya dördbucaqlı
hesab edirdilər. Ulduzları isə göy qübbəsinə vurul-
muş qızıl mıxlar, yaxud da mələklərin yandırdıqla-
rı çıraq hesab edirdilər.
XX əsrin əvvəllərində isə kainatın böyük
partlayışdan yaranması fərziyyəsi irəli sürüldü.
Belə ki, həmin dövrdə Amerika astrofiziki
V.M.Slayfer ilk dəfə qalaktikaların bizdən uzaq-
laşmasını müəyyən etdi. O vaxta qədər heç kəs qa-
laktikaların bizdən uzaqlaşmasını bilmirdi və digər
qalaktikalara qədər məsafələr məlum deyildi.
V.M.Slayferin hesablamalarına görə qalaktikalar
bizdən 200-300 km/san sürətlə uzaqlaşır. Bəzi
qalaktikaların sürəti isə hətta 1100 km/san-yə çatır.
V.M.Slayfer qalaktikaların bizdən uzaqlaş-
masını Dopler effektinə əsaslanaraq söyləyirdi.
Müşahidələr zamanı Slayfer uzaq ulduzlardan
gələn işığın spektrinin qırmızı tərəfə sürüşdüyünü
görərək bu fikrə gəlmişdi.
Fizika kurslarında işığın spektrlərə ayrıl-
masını öyrənmişik. İlk dəfə bunu Dopler kəşf et-
mişdi. Uzaqlaşan qalaktika işıq spektrinin qır-mızı,
44
yaxınlaşan isə bənövşəyi rəngə tərəf sürüş-məsi ilə
qeyd olunur.
Bu açıqlama göstərdi ki, bütün qalaktikalar
bizdən uzaqlaşır. Məgər biz kainatın mərkəzin-
dəyik? Məsələ ondadır ki, bütün qalaktikalar təkcə
Bizim Qalaktikadan yox, bir-birindən də uzaq-
laşırlar.
Çoxsaylı qalaktikalara qədər olan məsafə ilk
dəfə Amerika astronomu E.Habbl tərəfindən təyin
edilmişdir. Qalaktikalara qədər olan məsafəni və
onların sürətini müqayisə edən E.Habbl bunlar ara-
sında qanunauyğunluq tapmışdır. O, müəyyən et-
mişdir ki, çox uzaqda olan qalaktika bizdən daha
böyük sürətlə uzaqlaşır. Bu faktlara əsaslanaraq, qa-
laktikaların sanki bir nöqtədən kainatın ucsuz-bu-
caqsız ənginliklərinə səpələndiyini söyləmək olar.
Bunun əsasında kainatın böyük partlayışdan
yarandığı fərziyyəsi meydana gəlmişdir. Belə çıxır
ki, “böyük partlayışdan” əvvəl kainatda olan bü-
tün kütlələr bir yerdə olub. Yığılan kütlələrin çox
böyük qüvvə ilə sıxılması nəticəsində böyük enerji
yığılıb və sonda güclü partlayış baş verıb. Bu
partlayış nəticəsində bütün maddələr bir nöqtədən
müxtəlif istiqamətlərə səpələnmiş və bir-birindən
uzaqlaşmağa başlamışdır. Hazırda kainat öz ölçü-
Dostları ilə paylaş: |