53
–
öz hesabına və ya müştərilərin hesabına valyuta mübadiləsi əməliyyatlarının həyata
keçirilməsi.
19.7.2. idarəetmə və nəzarət orqanlarının səlahiyyətləri barədə müddəaların icmalı:
Səhmdarların Ümumi Yığıncağı Emitentin ali idarəetmə orqanıdır. Səhmdarların
Ümumi Yığıncağının müstəsna səlahiyyətlərinə aşağıdakılar aiddir:
1.
Emitentin nizamnaməsini qəbul etmək, nizamnaməyə əlavə və dəyişikliklər etmək;
2.
Emitentin reqlamentini qəbul etmək, reqlamentə əlavə və dəyişikliklər etmək;
3.
Emitentin faiz dərəcələri, aktivlərin yerləşdirilməsi və kateqoriyaları barəsində
siyasətini, habelə Emitentin ümumi maliyyə, uçot, inzibati və kadr siyasətini
müəyyənləşdirmək;
4.
Digər hüquqi şəxslərin kapitalında Emitentin iştirakı barədə qərarlar qəbul etmək,
Emitentin filiallarını, şöbələrini və nümayəndəliklərini yaratmaq və fəaliyyətlərinə xitam
vermək, onların əsasnamələrini təsdiq etmək;
5.
Növbəti və tələb olunduğu hallarda növbədənkənar auditin keçirilməsi barədə qərar
qəbul etmək və bu məqsədlə kənar auditoru təyin etmək;
6.
Emitentin büdcəsini qəbul
və təsdiq etmək;
7.
Emitentin İdarə Heyətinin üzvlərini təyin və azad etmək, İdarə Heyətinin
əsasnaməsini təsdiq etmək;
8.
Emitentin Müşahidə Şurasının və Audit Komitəsinin üzvlərini təyin və azad etmək,
həmin idarəetmə orqanlarının əsasnaməsini təsdiq etmək;
9.
Müşahidə Şurası üzvlərinin səlahiyyətləri istisna olmaqla, Emitentin inzibatçılarının
Emitent adından və Emitent hesabına öhdəliklər qəbul etmək səlahiyyətlərini və həmin
səlahiyyətlərin
Emitentin
digər
əməkdaşlarına
verilməsi
hüququnun
hədlərini
müəyyənləşdirmək;
10.
Emitentin inzibatçılarının kommersiya maraqlarını açıqlaması haqqında qaydaları
və həmin qaydalara dəyişiklik
və əlavələri qəbul etmək;
11.
Emitentin törəmə təsərrüfat cəmiyyətlərini yaratmaq və fəaliyyətlərinə xitam
vermək, başqa bankın satın alınması barədə qərarlar qəbul etmək;
12.
Nizamnamə kapitalının artırılması və azaldılması barədə qərarlar qəbul etmək,
Emitentin səhmlərinin buraxılması müddəa və şərtlərini müəyyənləşdirmək, habelə Emitentin
mühüm iştirak payının əldə edilməsinə razılıq vermək;
13.
Emitentin kənar auditor tərəfindən təsdiqlənmiş və Audit Komitəsi tərəfindən
tövsiyə edilmiş illik maliyyə hesabatlarını təsdiq etmək, habelə xalis mənfəət hesabına
ehtiyatların yaradılması və dividendlərin ödənilməsi barədə qərar qəbul etmək;
14.
Emitentin satılması, yenidən təşkili və ləğvi barəsində qərarlar qəbul etmək;
15.
Emitentin inzibatçılarının işə götürülməsi müddəa və şərtlərini müəyyən etmək;
16.
Emitentin xalis aktivlərinin dəyərinin 25 (iyirmi beş) faizindən artıq məbləğdə olan
əqdlərin (xüsusi əhəmiyyətli əqdlərin) bağlanması barədə qərar qəbul etmək və bu barədə
məlumat açıqlamaq;
17.
Emitentin Müşahidə Şurasının, Audit Komitəsinin və İdarə Heyətinin qəbul etdiyi
qərarlara veto qoymaq;
18.
Emitentin nizamnaməsi və Azərbaycan Respublikasının qanunvericiliyi ilə
səhmdarların ümumi yığıncağının səlahiyyətinə aid edilmiş digər məsələləri həll etmək.
54
Səhmdarların Ümumi Yığıncağının yuxarıda qeyd olunan 2-7-ci bəndlərində qeyd
olunmuş müstəsna səlahiyyətlərinə aid edilmiş məsələlərin həll edilməsi Bankın Müşahidə
Şurasına verilmişdir.
Ümumi yığıncaqlararası dövrdə Emitentin idarə olunmasına və işinə nəzarəti
səhmdarların ümumi yığıncağı tərəfindən Emitentin səhmdarlarından və ya kənar şəxslərdən 4
(dörd) il müddətinə 3 (üç) nəfərdən az olmamaqla, tək sayda üzvlərdən təyin edilmiş Müşahidə
Şurası həyata keçirir.
Müşahidə Şurası aşağıdakı səlahiyyətlərə malikdir:
1.
Səhmdarların Ümumi Yığıncağı və İdarə Heyəti üçün tövsiyələr vermək;
2.
Emitent tərəfindən qüvvədə olan qanunvericiliyin pozulması faktını müəyyən
etdikdə bu pozuntu barəsində Səhmdarların Ümumi Yığıncağını, Audit Komitəsini və İdarə
Heyətini xəbərdar etmək, maliyyə bazarlarına nəzarət orqanına isə bank qanunvericiliyinin
pozulması faktları barədə bildiriş göndərmək;
3.
Azərbaycan Respublikasında mövcud olan bank qanunvericiliyinə müvafiq olaraq
İdarə Heyəti üzvlərini vəzifədən kənarlaşdırmaq, onları müvəqqəti olaraq başqa şəxslərlə əvəz
etmək;
4.
Emitent ilə İdarə Heyətinin bir və ya bir neçə üzvü arasında mənafelər toqquşması
olduğu hallarda qabaqcadan maliyyə bazarlarına nəzarət orqanına əsasları göstərməklə, yazılı
bildiriş göndərmək və Səhmdarların Ümumi Yığıncağının növbədənkənar iclasını çağırmaq
şərti ilə Emitenti idarə və təmsil etmək;
5.
Emitentin idarə edilməsinə və fəaliyyətinə nəzarəti həyata keçirmək, o cümlədən
bankın İdarə Heyətindən hesabat almaq;
6.
Emitentin etibarlı və prudensial idarə olunmasını təmin etmək məqsədilə, Müşahidə
Şurası öz səlahiyyəti çərçivəsində müvafiq siyasətləri qəbul edir;
7.
Emitentin nizamnamə kapitalının 50 faizindən artıq məbləğdə Emitent adından
müvafiq əqdlərin bağlanmasına icazə vermək;
8.
Emitentin Muşahidə Şurasının Əsasnaməsində göstərilmiş, lakin qanunvericiliyə
zidd olmayan hallarda və məbləğdə Emitent adından müvafiq əqdlərin bağlanmasına icazə
vermək;
9.
Səhmdarların ümumi yığıncağının səlahiyyətinə aid olan hallar istisna olmaqla,
aidiyyəti şəxslərlə dəyəri Emitentin aktivlərinin 5 faizədək hissəsini təşkil edən əqdin
bağlanması haqqında qərar qəbul etmək;
10.
Emitentin fəaliyyətinin kompleks və ya ayrı-ayrı sahələrinin yoxlanması barədə
qərar qəbul etmək;
11.
Kənar və daxili auditorların, habelə yoxlayıcı orqanların yoxlamalarının nəticələrini
nəzərdən keçirmək və bu yoxlamaların yekunlarına dair tədbirlər görmək;
12.
Emitentin faiz dərəcələri, aktivlərin yerləşdirilməsi və kateqoriyaları barəsində
siyasətini, habelə Emitentin ümumi maliyyə, uçot, inzibati və kadr siyasətini
müəyyənləşdirmək;
13.
Səhmdarların Ümumi Yığıncağının 2-7-ci bəndlərində qeyd olunmuş Səhmdarların
Ümumi Yığıncağının müstəsna səlahiyyətlərinə aid edilmiş məsələləri həll etmək.
14.
Azərbaycan Respublikasının qanunları, Azərbaycan Respublikası Mərkəzi
Bankının və maliyyə bazarlarına nəzarət orqanının normativ xarakterli aktları, Emitentin