57
–
Daxili audit yoxlamalarının nəticələri və yoxlamaların nəticəsində aşkarlanan
nöqsanların aradan qaldırılmasına, eyni zamanda daxili nəzarət sistemlərinin
təkmilləşdirilməsinə dair təklif və tövsiyələrini Səhmdarların Ümumi Yığıncağına və ya
Müşahidə Şurasına təqdim etmək.
Kənar audit ilə əlaqədar:
– Kənar auditorun təyin edilməsi ilə əlaqədar Səhmdarların Ümumi Yığıncağına və ya
Müşahidə Şurasına təklif və tövsiyələr vermək;
– Kənar auditorun Bankın rəhbər işçiləri ilə birgə işini təşkil etmək;
– Kənar audit yoxlaması çərçivəsində Bankın dövri (o cümlədən illik) maliyyə
hesabatlarına baxmaq, müvafiq irad və tövsiyələrini Müşahidə Şurasına bildirmək;
–
Kənar auditorun hesabatının yekun variantını (kənar auditor və Bank rəhbərliyi
tərəfindən imzalanmasından əvvəl)
təhlil və müzakirə etmək;
–
Maliyyə hesabatlarına əhəmiyyətli dərəcədə təsir edə biləcək vergi, hüquqi və digər
məsələləri nəzərdən keçirmək və öz tövsiyələrini vermək;
– Dövri (o cümlədən illik) maliyyə nəticələrini müzakirə etmək üçün kənar auditorla
görüşlər keçirmək;
– Kənar auditordan audit zamanı aşkar olunan mühüm nöqsanlar, faktlar və hadisələr
haqqında məlumatın Audit Komitəsinə dərhal verilməsini tələb etmək;
– Kənar auditorlar tərəfindən Bankın daxili nəzarət sistemlərinə dair aşkarlanan
çatışmazlıq və pozuntuların aradan qaldırılması və tövsiyələrin tətbiqi üçün tədbirlər planının
hazırlanması üzrə təkliflər vermək və qanunvericilikdə nəzərdə tutulmuş digər tədbirləri
görmək;
– İdarə Heyəti tərəfindən hazırlanmış tədbirlər planı
üzrə rəy bildirmək;
– Kənar auditorun fəaliyyətini ildə bir dəfə qiymətləndirmək və nəticələrinə dair
Səhmdarların Ümumi Yığıncağına təklif və tövsiyələr vermək.
Risklərin idarə edilməsi və daxili nəzarət sistemi ilə əlaqədar:
– Daxili nəzarət sisteminin yaradılması və tətbiqinə, daxili nəzarətin və risklərin idarə
edilməsi sisteminin təkmilləşdirilməsinə dair Səhmdarların Ümumi Yığıncağına və Müşahidə
Şurasına təkliflər vermək;
– Kənar və daxili auditorlar tərəfindən Bankın daxili nəzarət sistemlərinin
təkmilləşdirilməsinə dair verdikləri tövsiyələrin yerinə yetirilməsinin status barədə
məlumatları İdarə Heyətindən əldə etmək;
– Bankın daxili nəzarət sisteminin səmərəliyini İdarə Heyəti və Müşahidə Şurası ilə
müzakirə etmək.
Hesabatlılıq ilə əlaqədar:
– Audit Komitəsi tərəfindən Müşahidə Şurasının növbəti iclasına iclas reqlamentində
müəyyən olunmuş müddətdə ən azı aşağıdakıları daxil etməklə hesabat təqdim edir:
– Bank fəaliyyəti üzrə normativ-hüquqi aktların pozulması faktları haqqında məlumat
və onların aradan qaldırılması barədə təklif və tövsiyələr (dövr ərzində bü növ pozuntular aşkar
olunduğu təqdirdə);
– Daxili nəzarət və risklərin idarə edilməsi sistemlərinin auditi barədə hesabat, bu
sistemlərin adekvatlığının və səmərəliliyinin artırılması barədə verilən təkliflər, tövsiyələr və
onların icrası barədə məlumat (ildə iki dəfədən az olmayaraq təqdim olunmalıdır), habelə kənar
58
audit hesabatı və rəhbərliyə verilən təkliflər daxil olmaqla, kənar auditlə əlaqədar bütün
yazışmalar (ildə bir dəfədən az olmayaraq təqdim olunmalıdır);
–
Müşahidə Şurasının növbəti və növbədənkənar iclaslarında müzakirə ediləcək
məsələlərlə bağlı tələb olunan digər məlumat və hesabatlar (tələb olunduğu təqdirdə);
–
Audit Komitəsinin sədri Audit Komitəsinin fəaliyyəti, eyni zamanda hesabatların
vaxtında hazırlanması və təqdim edilməsinə məsul şəxsdir.
Digər məsələlər ilə əlaqədar:
– Bankın idarəetmə orqanlarının Daxili Audit Departamenti, kənar auditorlar və
səlahiyyətli dövlət orqanları ilə əməkdaşlığını təmin etmək;
–
Səhmdarların Ümumi Yığıncağının və Müşahidə Şurasının növbədənkənar
iclaslarınının çağrılmasını tələb etmək;
– Audit Komitəsinin əsasnaməsinin aktuallığını ildə bir dəfə qiymətləndirmək və zəruri
hallarda dəyişikliklər üzrə Səhmdarların Ümumi Yığıncağına təkliflər vermək;
–
Öz vəzifə və səlahiyyətlərini yerinə yetirmək üçün məqsədəuyğun hesab etdiyi
qanunvericiliyə uyğun araşdırmaları
həyata keçirmək;
– Araşdırmaların aparılması üçün lazım olan hər hansı bir məlumatı Bankın istənilən
əməkdaşından tələb etmək;
– Bankın bütün orqanları və vəzifəli şəxslərindən Bankın fəaliyyəti ilə əlaqədar olan
sənədlərin təqdim olunmasını tələb etmək və Audit Komitəsinin iclaslarında iştirak etməyə
dəvət etmək;
– Məqsədəuyğun hesab etdiyi mühasibat uçotu, audit və daxili nəzarət sistemi, hüquqi
və tənzimləyici məsələlər və korporativ idarəetməyə dair peşəkar, kənar, müstəqil
məsləhətçilərə müraciət etmək;
–
Qanunvericilik və nəzarət orqanının normativ xarakterli aktları ilə nəzərdə tutulmuş
digər səlahiyyətləri həyata keçirmək.
19.7.3. mövcud səhmlərin hər bir növü məhdudiyyətlərin təsviri:
Emitentin mövcud səhmlərinin yalnız bir növü (adi sənədsiz adlı səhmlər) olduğundan
həmin növ səhmlər üzrə məhdudiyyətlər mövcud deyildir.
19.7.4. səhmdarların illik və növbədənkənar ümumi yığıncaqlarına çağırılma qaydası:
Səhmdarların növbəti və növbədənkənar yığıncaqları keçirilə bilər. Səhmdarların hər
biri ümumi yığıncağının keçirilməsi günü, yeri, vaxtı, gündəliyi və gündəlik üzrə materiallarla
tanış olma qaydası barəsində bildirişlər, həmin yığıncağın keçirilməsi gününə ən azı 45 (qırx
beş) təqvim günü qalmış səhmdarlara göndərilir və bu barədə kütləvi informasiya vasitələrində
məlumat dərc etdirilir. Bildirişlə birlikdə göndərilən gündəliyə daxil edilməmiş məsələlər üzrə
qərar qəbul olunmasına yol verilmir.
Növbəti yığıncaqlar ildə bir dəfədən az olmayaraq keçirilir. Növbəti yığıncaqlar Bankın
hər il üçün maliyyə hesabatı tərtib edildikdən və kənar auditor yoxlamasından keçdikdən sonra
ən gec iki ay ərzində keçirilir.
Növbədənkənar yığıncaqlar səsvermə hüququ olan səhmlərin azı 5 (beş) faizinin
sahibləri olan səhmdarların, Müşahidə Şurasının, Audit Komitəsinin və İdarə Heyətinin tələbi
ilə çağırıla bilər. Növbədənkənar yığıncaqların çağırılması qaydası Azərbaycan
Respublikasının Mülki Məcəlləsi ilə tənzimlənir. Növbədənkənar yığıncağın çağırılması
tələbində gündəliyə təklif olunan məsələlər göstərilməlidir. Həmin məsələlər növbədənkənar
yığıncağın gündəliyinə mütləq salınmalıdır.