Sədərəyin Seyidlər ocağı
17
eləyirlərsə, atlar yerimək bilmir. Vali atdan
düşərək “Qara Seyidin ilk əlaməti görsəndi”
deyir və qalan yolu piyada getməyə qərar verir.
Qara Seyidin qonağı olan Vali onunla uzun-
uzadı söhbətlər edir, onun İrana, Makuya
qayıdıb orda yaşamasını təklif edir. Orda ona
torpaq sahələri, mal-qara, ev verəcəyini bildirir.
Bunların heç birini qəbul etməyən Qara Seyid
“mən burada artıq ailə qurmuşam, Makuya
qayıda bilmərəm” – deyir.
Qeyd edim ki, o zaman Sədərək maha-
lının, Dərələyəz uezdinin bütün vergiləri Maku
valiliyinə verilirdi. Makunun valisi yerindəcə bir
fərman imzalayıb Qara Seyidə verir. Fərmanda
qeyd edilirdi ki, “bütün Sədərək mahalı İmam
Rza (ə.s.)-nın nəvəsi Qara Seyidin xatirinə 2 il
vergidən azad olunur”. Deyilənə görə, bu sənəd
– bu fərman hal-hazırda Türkiyədə, İstanbul
şəhərinin Osmanlı arxivində saxlanılmaqdadır.
Bu sənədi İstanbula səfər edən tarix elmləri
namizədi Namiq Əliyev və Sədərək kənd orta
məktəbin müəllimi Vahid Seyidov da öz gözlərilə
gördüklərini deyirlər.
Hacı Mirfazil
18
* * *
B
B
ütün insanlar şübhəsiz xoşbəxt ya-
şamaq istəyirlər. Amma bu xoşbəxtlik
üçün çalışanlar bir-birindən kəskin şəkildə
fərqlənirlər. Bir qrup insan öz xoşbəxtlik
hədəflərini düzgün seçə bilmədiyindən
bədbəxtliyə düçar olurlar. Bir qrup insan
isə Peyğəmbər (s.ə.v.) və imamları özlərinə
örnək sayaraq, imkanları daxilində onların
buyurduqlarına əməl edərək səadət qapısını
açıb kamala yetişərlər. Qara Seyid bax be-
lə övliyalardan idi. Rəsuli Əkrəm belə bu-
yurmuşdur: “Həqiqətən Allah-təala insan-
ların əxlaqını təkmilləşdirmək üçün məni
Peyğəmbərliyə qərar vermişdir”.
İnsan hər şeydən əvvəl özünü tanımalıdı.
Öz-özünə sual verməlidi ki, mən kiməm, ha-
ralıyam, haradan gəlmişəm və haraya ge
di-
rəm? Əgər insan özünə sual versə ki, mən
ne cə yaranmışam və sonum necə olacaq, on-
da mütləq və mütləq onu yaradanı – yəni
Uca Allahı tanıyacaq, doğru, düzgün, həqiqi,
ədalətli yollarla addımlayacaq. Çünki insan
Ulu Tanrının sevə-sevə yaratdığı, öz nurundan
bəxş elədiyi ən müqəddəs varlıqdır. Bütün
canlıların, bütün varlıqların ən alisidi, ən
öncülüdü və nəhayət, ən kamilidi. Bununçün
Sədərəyin Seyidlər ocağı
19
də insan elə ilk öncə özünü tanıyaraq öz xaliqinin
ona lazım bildiyi və vacib buyurduğu əməlləri
yerinə yetirməli, pis, şeytani əməllərdən özünü
qorumalı, onlardan uzaqlaşmalıdır. Hər vaxt, hər
işdə, hər əməlində Peyğəmbəri, Əhli-beyti (ə.s.)
özünə nümunə götürməli, onların həyatının,
yaşayışının, əməllərinin və fərmayişlərinin
qarşısında itaət etməlidir.
Elə Axirətdə də möminlər ilahi ne
mət-
lərdən faydalanarkən onlar öz Allahları ilə
raz-niyaz edərlər. Belə möminlər hətta Allaha
ünsiyyətdən, başqa bir şeydən ləzzət aldıqda
Allahdan bağışlanmaq istərlər. Çünki onlar
bu fani dünyanın maddi nemətləri barədə
düşünməyənlərdilər.
İmam Səccad (ə.s.) öz dualarında belə
buyurur: “İlahi, səni yad etməkdən başqa
bir şeydən ləzzət aldığıma görə bağışlanmaq
istəyirəm. Allahım, dilimi zikrinlə hərəkətə
gətir, qəlbimi eşq və məhəbbətinlə məşğul eylə.
Qəbulunun gözəlliyi mənə minnət qoy. Ey mənim
ağam, yalnız səni yad etməklə qəlbim dirilir
və Sənin minacatınla özümdəki qorxu dərdinə
təskinlik verirəm”.
Qara Seyidin Qənbər adında bir övla dı olub.
Seyid Qənbər demək olar ki, gö zünü açandan,
özünü dərk edəndən evlə rində Quran səsi
eşitmiş, Quran səsiylə böyümüşdür. Həddi-
buluğa çatanda isə atasıyla Kərbəla ziyarətində
də olmuşdur.
Hacı Mirfazil
20
Bu müqəddəs Qara Seyid ocağının layiqli
varislərindən, davamçılarından olan Seyid
Qənbər bir ömür boyu böyük iman sahibi kimi,
əsl dindar kimi yaşamış, ocaqlarına sədaqətini,
layiqliyini nümayiş elətdirmişdir. Zahirdə,
üz də işlə-güclə məşğul olmağına, xalqla, ca-
maatla ünsiyyətdə olmağına baxmayaraq,
ağa nın qəlbi həmişə Uca Yaradanla olub
və günü, ayı, ili Peyğəmbər əfəndimizin,
onun Əhli-beytinin (ə.s.) təbliğatı ilə keçib.
Al lah-təala Sadiq möminlərin sifətləri haqqında
belə buyurur: “Möminlər o kəslərdir ki, nə
ticarət, nə alış-veriş onları Allahı zikr etməkdən,
namaz qılmaqdan və zəkat verməkdən ya-
yındırmaz”. (Nur surəsi, 37-ci ayə)
Seyid Qənbər ağa çox yaxşı bilirdi ki, kimin
nəslindəndir və onun vəzifəsi, missiyası nədən
ibarətdir. “Ot kökü üstə bitər” - deyiblər.
Əslinə, nəslinə, kökünə, soyuna çəkən Seyid
Qənbər öz ömrünü-gününü məhz bu özəlliklər
üstdə köklədi, yaşadı, fəaliyyət göstərdi.
Seyid Qənbərin 6 övladı olub. Birinci öv-
ladı Miryusif, ikinci övladı Mirqasım, üçüncü
övladı Mirheydər, dördüncü övladı Kərbəlayi
Mirkazım, beşinci övladı Mirbağır və altıncı
övladı isə Mircəfər ağa olub.
Seyid Qənbərin ocağında seyidlərə xas
olan kəramətlər də diqqəti cəlb edir. Belə ki,
onun böyük oğlu Miryusif ağa Həcc ziyarə-
Dostları ilə paylaş: |